Monday, 24 July 2017

பொறியியல் கலந்தாய்வில் கல்லூரியை தேர்வு செய்வது எப்படி?

பொறியியல் கலந்தாய்வில் கல்லூரியை தேர்வு செய்வது எப்படி? | பொறியியல் படிப்பு மீதான ஆர்வம் குறைந்து வருகிறது என்று பொது வாக சொல்லப்பட்டாலும் பொறியியல் படிப்புக்கு விண்ணப்பிக்கும் மாணவர்களின் எண்ணிக்கை என்னவோ ஆண்டுதோறும் கூடிக்கொண்டுதான் போகிறது. இந்த ஆண்டு பொறியியல் படிப்பில் சேர ஒரு லட்சத்து 41 ஆயிரத்து 77 பேர் ஆன்லைன் மூலமாக விண்ணப்பித்தனர். கடந்த ஆண்டுடன் ஒப்பிடும்போது, பொறியியல் படிப்புக்கு இந்த ஆண்டு கூடுதலாக 6 ஆயிரம் விண்ணப்பங்கள் வந்ததாக உயர்கல்வித் துறை செயலர் சுனில் பாலிவால் கூறியிருக்கிறார். எனவே, கலை அறிவியல் படிப்பில் சேரும் மாணவர்களின் எண்ணிக்கை அதிகரித்திருக்கலாம். அதே நேரத்தில் பொறியியல் படிப்பு மீதான ஈர்ப்பு குறைந்துவிடவில்லை என்பது இதன்மூலம் தெளிவாகிறது. தமிழகத்தில் 500-க்கும் மேற்பட்ட பொறியியல் கல்லூரிகள் உள்ளன. இவற்றில் பிஇ, பிடெக் படிப்பில் 2 லட்சத்து 61 ஆயிரம் இடங்கள் இருக்கின்றன. இந்த இடங்களில் ஒரு லட்சத்து 75 ஆயிரத்து 500 இடங்கள் ஒற்றைச்சாளர முறையில் அண்ணா பல்கலைக்கழகத்தின் கலந்தாய்வு மூலம் நிரப்பப்படுகின்றன. ஒற்றைச்சாளர முறை யின்படி, மாணவர்கள் ஒவ்வொரு கல்லூரிக்கும் தனித்தனி விண்ணப்பங்கள் அனுப்ப தேவை யில்லை. ஒரு விண்ணப்பம் போட்டால் போதும். கலந்தாய்வு மூலம் தங்களுக்கு விருப்பமான கல்லூரியை, பிடித்தமான பாடப்பிரிவை தேர்வுசெய்துகொள்ளலாம். எதற்கு முக்கியத்துவம்? பொறியியல் சேர விரும்பும் மாணவர்களின் முதல் விருப்பமாக இருப்பது அண்ணா பல்கலைக் கழக உறுப்பு கல்லூரிகள்தான். அதிலும் முதல் இடம் கிண்டி பொறியியல் கல்லூரிதான். அதன்பிறகே, அண்ணா பல்கலைக்கழகத்தில் உள்ள அழகப்பா தொழில்நுட்ப கல்லூரி, குரோம் பேட்டை எம்ஐடி, அதைத்தொடர்ந்து, அரசு பொறியியல் கல்லூரிகள், அரசு உதவி பெறும் கல்லூரிகள், பின்னர் புகழ்பெற்ற தனியார் பொறியியல் கல்லூரிகள். பெரும்பாலும் இந்த வரிசையில்தான் பெரும்பாலான மாணவ-மாணவிகள் கல்லூரியை தேர்வுசெய்வது வழக்கம். இந்த நிலையில், பொறியியல் கலந்தாய்வு ஜூலை 17-ம் தேதி தொடங்கியது. தொழிற் கல்வி பிரிவினர், மாற்றுத்திறனாளிகள் உள் ளிட்ட சிறப்பு பிரிவு மாணவர்கள், விளை யாட்டு வீரர்கள் ஆகியோருக்கு கலந்தாய்வு முடிந்துவிட்ட நிலையில், அகாடமிக் எனப்படும் பொதுப்பிரிவு கலந்தாய்வு நேற்று தொடங்கியது. தரவரிசைப் பட்டியலில் முதல் 10 இடங்களைப் பிடித்தவர்களில் 5 பேர் கம்ப்யூட்டர் சயின்ஸ் பாடப்பிரிவை தேர்வுசெய்தனர். அதிலும், ஒருவரை தவிர மற்ற 9 பேரும் கிண்டி பொறியியல் கல்லூரியையே தேர்வுசெய்தனர். கலந்தாய்வில் பிடித்தமான கல்லூரியை, பிடித்தமான பாடப்பிரிவை தேர்வுசெய்வது என்பது முக்கியமான ஒன்று. பொதுவாக, பொறி யியல் படிப்பில் சேர விரும்பும் மாணவர்களின் மனதில் தோன்றும் முக்கிய கேள்வி, முதலில் கல்லூரியை தேர்வுசெய்துவிட்டு அதன்பிறகு பாடப்பிரிவை தேர்வு செய்வதா அல்லது முதலில் பாடப்பிரிவை தேர்வுசெய்துவிட்டு அதன்பிறகு கல்லூரியை தேர்வு செய்வதா என்பதுதான். இதில் அவர்களுக்கு குழப்பம் ஏற்படும்.  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாடு கட்டிடக்கலை திறனறிவு தேர்வு அடுத்த மாதம் 12-ந் தேதி நடக்கிறது

தமிழ்நாடு கட்டிடக்கலை திறனறிவு தேர்வு அடுத்த மாதம் 12-ந் தேதி நடக்கிறது | இந்த ஆண்டு தேசிய கட்டிடக்கலை திறனறிவு தேர்வில் (நடா 2017) தேர்ச்சி பெற்ற மாணவர்களின் எண்ணிக்கை, கட்டிடக்கலை என்ஜினீயரிங் பாடப்பிரிவுக்கு கட்டிடக்கலை குழுமத்தால் ஒப்புதல் அளிக்கப்பட்ட எண்ணிக்கையைவிட குறைவாக உள்ளது. இதை சரிசெய்ய இந்த கல்வியாண்டில் புதிதாக தமிழ்நாடு கட்டிடக்கலை திறனறிவு தேர்வு ஒன்றினை நடத்த அண்ணா பல்கலைக்கழகத்துக்கு அதிகாரம் வழங்கப்பட்டுள்ளது. அதன்படி இந்த தேர்வு அடுத்த மாதம் (ஆகஸ்டு) 12-ந் தேதி நடக்கிறது. இதற்கு 'ஆன்-லைன்' மூலம் பதிவு செய்ய கடைசி நாள் வருகிற 31-ந் தேதி ஆகும். அடுத்த மாதம் 7-ந் தேதி தேர்வுக்கான ஹால் டிக்கெட்டை அண்ணா பல்கலைக்கழக இணையதளத்தில் பதிவிறக்கம் செய்துகொள்ளலாம். மதிப்பெண் அடுத்த மாதம் 18-ந் தேதி வெளியிடப்படும். 19-ந் தேதி மதிப்பெண் சான்றிதழை பதிவிறக்கம் செய்துகொள்ளலாம். மேற்கண்ட தகவல் தமிழ்நாடு கட்டிடக்கலை திறனறிவு தேர்வு செயலாளர் பி.மல்லிகா வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அடுத்த ஆண்டு முதல் ‘நீட்’ தேர்வுக்கான கேள்வித்தாள் அனைத்து மொழிகளிலும் ஒரே மாதிரியாக இருக்கும் மத்திய மந்திரி பிரகாஷ் ஜவடேகர் தகவல்

அடுத்த ஆண்டு முதல் 'நீட்' தேர்வுக்கான கேள்வித்தாள் அனைத்து மொழிகளிலும் ஒரே மாதிரியாக இருக்கும் மத்திய மந்திரி பிரகாஷ் ஜவடேகர் தகவல் | அடுத்த ஆண்டு முதல் நீட் தேர்வுக்கான கேள்வித்தாள் அனைத்து மொழிகளிலும் ஒரே மாதிரியாக இருக்கும் என்று மத்திய மனிதவள மேம்பாட்டு துறை மந்திரி பிரகாஷ் ஜவடேகர் கூறி உள்ளார். எம்.பி.பி.எஸ். மற்றும் பி.டி.எஸ் மருத்துவ படிப்புகளுக்கு மாணவர்களை சேர்க்க நாடு முழுவதும் நீட் எனப்படும் தேசிய தகுதி நுழைவுத்தேர்வு நடத்தப்படுகிறது. தமிழ்நாட்டில் கடந்த ஆண்டு வரை பிளஸ்-2 மதிப்பெண் அடிப்படையில் மருத்துவ படிப்புகளுக்கான மாணவர் சேர்க்கை நடைபெற்று வந்தது. ஆனால் சுப்ரீம் கோர்ட்டின் உத்தரவை தொடர்ந்து, தமிழ்நாட்டிலும் இந்த ஆண்டு நீட் தேர்வு நடத்தப்பட்டது. நீட் தேர்வில் இருந்து தமிழகத்துக்கு விலக்கு அளிக்க கோரி தமிழக அரசும், அரசியல் கட்சிகளும் மத்திய அரசை வற்புறுத்திய போதிலும் அதற்கு பலன் இல்லாமல் போய்விட்டது. நீட் தேர்வுக்கான கேள்வித்தாள் ஆங்கிலம், இந்தி மற்றும் தமிழ், மராத்தி, குஜராத்தி உள்ளிட்ட மொழிகளில் இருந்தது. ஆனால் ஒவ்வொரு மொழியிலும் கேள்வித்தாள்கள் வெவ்வேறு மாதிரியாக இருந்தன. இது பாரபட்சமானது என்றும் தமிழில் கேள்வித்தாள் கடினமாக இருந்ததாகவும், சில மொழிகளில் கேள்வித்தாள் எளிமையாக இருந்ததாகவும் குற்றச்சாட்டு எழுந்தது. இந்த விவகாரம் பெரும் சர்ச்சையை ஏற்படுத்தியது. மேலும் இது தொடர்பாக கோர்ட்டுகளில் வழக்கும் தொடரப்பட்டது. என்றாலும் சுப்ரீம் கோர்ட்டின் உத்தரவை தொடர்ந்து நீட் தேர்வு முடிவு வெளியிடப்பட்டது. இந்த நிலையில், கொல்கத்தாவில் நிருபர்களுக்கு பேட்டி அளித்த மத்திய மனிதவள மேம்பாட்டு துறை மந்திரி பிரகாஷ் ஜவடேகரிடம் இந்த பிரச்சினை குறித்து நிருபர்கள் கேள்வி எழுப்பினார்கள். அதற்கு அவர் பதில் அளிக்கையில், இனி (அடுத்த ஆண்டு முதல்) நீட் தேர்வுக்கான கேள்வித்தாள் அனைத்து மொழிகளிலும் ஒரே மாதிரியாக இருக்கும் என்றார். அதாவது, ஆங்கில கேள்வித்தாளின் மொழி பெயர்ப்பாகத்தான் பிற மொழிகளின் கேள்வித்தாள்கள் இருக்கும் என்று அவர் கூறினார். பொறியியல் படிப்புகளுக்கும் இதேபோல் தேசிய அளவில் ஒரே நுழைவுத்தேர்வு நடத்தப்படுமா? என்று கேட்டதற்கு, அதுபற்றி மத்திய அரசு ஆலோசித்து வருவதாகவும், ஆனால் இன்னும் முடிவு எடுக்கப்படவில்லை என்று பிரகாஷ் ஜவடேகர் பதில் அளித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழகத்தில் 250 பள்ளிகளை தரம் உயர்த்துவதற்கு அரசு ஆணை பிறப்பிக்கப்பட்டுள்ளது.தரம் உயர்த்தப்பட்ட பள்ளிகளில் ரூ.7,500 மாத சம்பளத்தில் தற்காலிக ஆசிரியர்கள் நியமனம் அமைச்சர் செங்கோட்டையன் தகவல்

தமிழகத்தில் 250 அரசு பள்ளிகளில் ரூ.7,500 மாத சம்பளத்தில் தற்காலிக ஆசிரியர்கள் நியமனம் அமைச்சர் செங்கோட்டையன் தகவல் | தமிழகத்தில் 250 அரசு பள்ளிகளில் ரூ.7,500 மாத சம்பளத்தில் தற்காலிக ஆசிரியர்கள் நியமிக்கப்படுவார்கள் என்று அமைச்சர் செங்கோட்டையன் கூறினார். ஈரோடு மாவட்டம் கோபி பஸ் நிலையத்தில் தனியார் தொண்டு நிறுவனம் சார்பில் பொதுமக்களுக்கு நிலவேம்பு கசாயம் வழங்கும் நிகழ்ச்சி நடைபெற்றது. நிகழ்ச்சியை தமிழக பள்ளிக் கல்வித்துறை அமைச்சர் கே.ஏ.செங்கோட்டையன் கலந்து கொண்டு தொடங்கி வைத்தார். அப்போது அவர் நிருபர்களிடம் கூறியதாவது:- கருத்துக்கூற விரும்பவில்லை தமிழகத்தில் நீட் தேர்வுக்கு விலக்கு வேண்டும் என்று அமைச்சர்கள் பிரதமர் மோடியை சந்தித்து அழுத்தம் கொடுத்துள்ளனர். ஊராட்சி, நகராட்சி, மாநகராட்சி பள்ளிகளில் பொது தேர்வுகளை மாணவ-மாணவிகள் எதிர்கொள்ளும் அளவுக்கு பயிற்சி அளிக்க ஏற்பாடு செய்யப்படும். மேலும் 10 ஆயிரம் ஆசிரியர்களுக்கு ஆங்கில பயிற்சியும் அளிக்கப்படும். தமிழகத்தில் 250 பள்ளிகளை தரம் உயர்த்துவதற்கு அரசு ஆணை பிறப்பிக்கப்பட்டுள்ளது. இந்த பள்ளிகளில் ரூ.7,500 சம்பளத்தில் தற்காலிக ஆசிரியர்கள் நியமிக்கப்பட உள்ளார்கள். இவர்களை ஆசிரியர் தேர்வு வாரியம் மூலமாக தேர்வு செய்த பின்னர் நிரந்தரம் செய்யப்படுவார்கள். இவ்வாறு அவர் கூறினார். இதனைத் தொடர்ந்து நடிகர் கமல்ஹாசன் பற்றி நிருபர்கள் கேட்டபோது, அதுபற்றி நான் கருத்து சொல்ல விரும்பவில்லை என்றார். DOWNLOAD  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 23 July 2017

அரசு ஊழியர்களுக்கு விரல் ரேகை பதிவு அறிமுகம் டிசம்பர் முதல் அமல்படுத்த தமிழக அரசு முடிவு


ஒருங்கிணைந்த நிதி மற்றும் மனிதவள மேலாண்மை திட்டத்தின்கீழ் அரசு ஊழியர்களுக்கு விரல் ரேகை பதிவு அறிமுகம் டிசம்பர் முதல் அமல்படுத்த தமிழக அரசு முடிவு | ஒருங்கிணைந்த நிதி மற்றும் மனித வள மேலாண்மைத் திட்டத்தின்கீழ் நடப்பு ஆண்டு டிசம்பர் முதல் அரசு ஊழியர்களுக்கு விரல் ரேகைப் பதிவை அமல்படுத்த தமிழக அரசு முடிவு செய்துள்ளது. கடந்த 2014-ம் ஆண்டு நாடாளு மன்றத் தேர்தல் முடிந்து பிரதமராக நரேந்திர மோடி பொறுப்பேற்றதும், மத்திய அரசு ஊழியர்கள் பணியில் பல்வேறு சீர்திருத்தங்களைக் கொண்டுவந்தார். கணினி மயமாக்கலை அதிகரித்ததுடன், மத்திய அரசு ஊழி்யர்கள் அலுவலகத்துக்கு வரும் நேரத்தை முறைப்படுத்தினார். இதற்காக நாடு முழுவதும் உள்ள மத்திய அரசு அலுவலகங்களில் 'விரல் ரேகை பதிவு'- பயோ மெட்ரிக் முறை அமலாகியது. இந்த நடவடிக்கையினால், தற்போது இணையதளம் மூலம் அரசு ஊழியர்கள் வருகை கண்காணிக்கப்பட்டு வருகிறது. தமிழகத்தைப் பொறுத்தவரை தலைமைச் செயலகம் உள்ளிட்ட எந்த அரசு அலுவலகத்திலும் இந்த வருகைப்பதிவு மேலாண்மை இல்லை. அரசு ஊழியர்கள் காலை 9.45 முதல் 10 மணிக்குள் வரவேண்டும். மாலை 5.45 மணி வரை பணியாற்ற வேண்டும். இவர்களுக்கு காலையில் 10.10 வரை சலுகை அளிக்கப்படுகிறது. மாதம் 2 நாட்கள் தலா ஒரு மணி நேரம் 'பெர்மிஷன்' அளிக்கப்படுகிறது. காலம்தாழ்த்தி வந்தால் பெர்மிஷனில் கழித்துக் கொள்ளலாம் அல்லது அரை நாள் தற்செயல் விடுப்பில் சென்றுவிடும். ஆசிரியர்களைப் பொறுத்த வரை காலை 9.20 முதல் 4.10 வரை பணி நேரம். அரசு ஊழியர்களைப் போல் மற்ற சலுகைகளும் ஆசிரியர்களுக்கு உண்டு. விடுப்பு விஷயத்தில் மட்டும் ஆசிரியர்களுக்கும், அரசு ஊழியர்களுக்கும் மாற்றம் உண்டு. ஆனால், ஆசிரியர்கள், அரசு ஊழியர்களில் குறிப்பிட்ட சதவீதத் தினர் இந்த பணிநேரத்தைப் பின்பற்றுவது இல்லை. ஆசிரியர் கள் தினசரி காலை நேரம் தாழ்த்தி வருவது கண்டறியப்பட்டதால், பள்ளிக் கல்வித் துறை சில நடவடிக்கைகளை எடுத்தது. அதன்படி, தலைமையாசிரியர் தன் கைபேசியில் இருந்து ஆசிரியர்களுக்கு வழங்கப்படும் சலுகை நேரத்துக்குள் வந்தவர் கள் பட்டியலை மாவட்ட கல்வி அதிகாரிக்கு அனுப்ப வேண்டும். வராதவர்கள் மீது நடவடிக்கை எடுக்க வேண்டும் என்று கூறப் பட்டது. ஆனால், அந்த திட்டத்தை யாரும் பின்பற்றுவதாகத் தெரிய வில்லை. அதே போல், இன்றளவும் 'லெட்ஜர்' கையெழுத்து முறையே பின்பற்றப்பட்டு வருகிறது. விரல் ரேகை வருகைப்பதிவு முறையை கொண்டுவர முயற்சிக்கும்போது எதிர்ப்பும் தெரிவிக்கப்பட்டு வந்தது. ஆனால், காலமாற்றம், நிதி நெருக்கடி ஆகியவை தமிழக அரசையும் புதிய மேலாண்மைத் திட்டத்தை நோக்கி நகர்த்தியுள்ளது. கணினி மூலம் அரசு ஊழியர்கள் வருகை, ஊதியம் உள்ளிட்ட பிற சேவைகளை கண்காணிக்க அரசு முடிவு செய்துள்ளது. வலைதள சம்பளப் பட்டியல் இதற்காக பிரத்யேகமான மென் பொருள் தயாரிக்கப்பட்டு, தற்போது தமிழகத்தில் உள்ள அனைத்து அரசு அலுவலகங்களிலும் நடை முறைப்படுத்தப்பட்டுள்ளது. அரசு அலுவலகங்களில் உள்ள அலுவலர் கள் தற்போது வலைதள சம்பளப் பட்டியல் மென்பொருள் மூலம், அரசு ஊழியர்களின் சம்பளப் பட்டியலை தயாரித்து வருகின்றனர். இதில், அரசு ஊழியர்கள் சம்பளம், பிற விவரங்கள், பணியில் சேர்ந்த நாள், ஓய்வுவிவரம் உள்ளிட்ட பல்வேறு விஷயங்கள் இணைக் கப்படுகின்றன. இதுதவிர, நிதி மேலாண்மைப் பணிகள் சிறப்பாக நடக்க, நிதி மற்றும் மனிதவள மேலாண்மையை இணைத்து, ஒருங்கிணைந்த நிதி மற்றும் மனிதவள மோலாண்மைத் திட்டத்தை தமிழக அரசு கொண்டு வருகிறது. இதைச் செயல்படுத்த ஒருங்கிணைப்பாளராக விப்ரோ நிறுவனம் தேர்வு செய்யப்பட் டுள்ளது. இத்திட்டம் தொடர்பாக தமிழக நிதித்துறை அதிகாரி ஒருவர் கூறியதாவது: ஒரு திட்டத்தில் இரண்டு பயன் என்ற அடிப்படையில், இத்திட்டத் தின் மூலம், அரசின் வரவு, செலவு உள்ளிட்ட விவரங்களை நிகழ்நேரத்தில் அறிந்து கொள்ள முடியும். இதன் மூலம் பொதுமக் களுக்கு நிதி தொடர்பான சேவைகள் உடனடியாகக் கிடைக்கும். இத்திட்டத்தில் டிஜிட்டல் கையொப்பம், விரல் ரேகை பதிவு மூலம் வருகைப்பதிவை உறுதி செய்தல் போன்ற பாது காப்பு அம்சங்கள் கட்டாயமாக்கப் படுகின்றன. இதில் விரல்ரேகை வருகைப்பதிவு டிசம்பர் முதல் தமிழக அரசு ஊழியர்களுக்கு அமலாகிறது. இந்த விரல் ரேகை வருகைப் பதிவை, தமிழகம் முழுவதும் அனைத்து அலுவலகங்களிலும் அமல்படுத்துவது சிரமம். மத்திய அரசு ஊழியர்களுக்கு திட்ட அமலாக்கப் பணிகள் இல்லை. ஆனால், மாநில வருவாய்த் துறையினர் களப்பணியில் அதிகம் இருப்பார்கள். அவர்களுக்கு விரல் ரேகைப் பதிவு எந்த அளவுக்கு சாத்தியம் என்பது தெரியவில்லை. இவ்வாறு அவர் தெரிவித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

சட்டப்படிப்புக்கு நுழைவுத் தேர்வா? சாத்தியமில்லை என அமைச்சர் சி.வி.சண்முகம் தகவல்


சட்டப்படிப்புக்கு நுழைவுத் தேர்வா? சாத்தியமில்லை என அமைச்சர் சி.வி.சண்முகம் தகவல் | சட்டப் படிப்புக்கு தேசிய அளவில் நுழைவுத் தேர்வு நடத்தப்பட்டாலும் தமிழகத்தில் அதற்கு சாத்தியமில்லை என்று அமைச்சர் சி.வி.சண்முகம் தெரிவித்தார். சென்னை டாக்டர் அம்பேத்கர் அரசு சட்டக் கல்லூரியின் பட்டமளிப்பு விழா, உயர் நீதிமன்ற வளாகத்தில் உள்ள கலையரங்கில் நேற்று நடந்தது. விழாவுக்கு சட்டக் கல்வித் துறை இயக்குநர் என்.எஸ்.சந்தோஷ் குமார் தலைமை வகித்தார். சட்டத் துறை அமைச்சர் சி.வி.சண்முகம், உயர் நீதிமன்ற நீதிபதிகள் என்.கிருபாகரன், டி.எஸ்.சிவ ஞானம், வி.பவானி சுப்ராயன், ஏ.டி.ஜெகதீஷ் சந்திரா உள்ளிட்டோர் மாணவ, மாணவிகளுக்கு பட்டங் களை வழங்கினர். இளங்கலை, முதுகலை, சட்ட ஆராய்ச்சி என மொத்தம் 1,350 பேருக்கு பட்டங்கள் வழங்கப்பட்டது. தலைமை நீதிபதி இந்திரா பானர்ஜி விழாவில் பங்கேற்க முடியவில்லை என்பதால் வாழ்த்துச் செய்தி அனுப்பியிருந்தார். விழாவில் நீதிபதி என்.கிருபாகரன் பேசும்போது, ''மோட்டார் வாகன விபத்து மற்றும் குடும்ப நல வழக்குகளில் இளம் வழக்கறிஞர்களாகிய நீங்கள் தயவு செய்து கட்சிக்காரர்களிடம் பங்கு கேட்காதீர்கள். உங்களது ஊதியத்தை மட்டும் வாங்கிக்கொள்ளுங்கள். நீதிபதிகளிடம் உரத்த குரலில் வாதம் செய்யுங்கள். வாக்குவாதம் செய்யாதீர்கள். நீங்கள் பேசுவது உங்களுக்காக அல்ல. உங்களை நம்பியுள்ள கட்சிக்காரர்களுக்காக என்பதை மனதில் கொள்ளுங்கள். குடும்ப நல நீதிமன்றங்கள் அதிகரிப்பது சமூகத்துக்கு நல்லதல்ல. நீங்கள் தொழிலில் மட்டுமல்லாது குடும்ப வாழ்விலும் வெற்றி பெற வேண்டும்'' என்றார். அமைச்சர் சி.வி.சண்முகம் பேசியதாவது: சீர்மிகு சட்டக் கல்லூரியில் உள்ள அனைத்து வசதிகளும் அனைத்து சட்டக் கல்லூரிகளிலும் ஏற்படுத்தப்படும். 171 உதவிப் பேராசிரியர்களை தேர்வு செய்ய உத்தரவு பிறப்பிக்கப்பட்டுள்ளது. செங்கல்பட்டு சட்டக் கல்லூரியில் சைபர் கிரிமினல் லாவும், வேலூர் சட்டக் கல்லூரியில் 5 ஆண்டு சட்டப்படிப்பும் இந்த ஆண்டு முதல் தொடங்கப்பட்டுள்ளது. வழக்கறிஞர்கள் சேமநல நிதி உயர்வு தொடர்பான உத்தரவை விரைவில் முதல்வர் பழனிசாமி பிறப்பிப்பார். ராமநாதபுரம், விழுப்புரம், தருமபுரி ஆகிய இடங்களில் 3 புதிய சட்டக் கல்லூரிகள் இந்த ஆண்டு முதல் செயல்படும். அரசு இணையதளத்தில் தொடர்பு எண்கள் நீக்கப்பட்டுள்ளதாக தவறான தகவல்கள் பரப்பப்பட்டு வருகிறது. இ-மெயில் ஐடி, தொடர்பு எண்கள் என அனைத்தும் உள்ளது. உயர் நீதிமன்றத்தில் தமிழை வழக்காடு மொழியாக்க வேண்டும் என்பது முன்னாள் முதல்வர் ஜெயலலிதாவின் லட்சியக் கொள்கை. அதை செயல்படுத்த அனைத்து நடவடிக்கைகளும் எடுக்கப்பட்டு வருகிறது. சட்டப்படிப்புக்கு தேசிய அளவில் நுழைவுத் தேர்வு நடத்தப்பட்டாலும் தமிழகத்தில் அதற்கு சாத்தியமில்லை. தனியார் சட்டக் கல்லூரிகளை தமிழகத்தில் அனுமதிக்க வேண்டும் என உயர் நீதிமன்றம் பிறப்பித்த ஆணையை எதிர்த்து உச்ச நீதிமன்றத்தில் மேல்முறையீடு செய்யப்பட்டுள்ளது. அதில் வரும் உத்தரவைப் பொறுத்து அடுத்தகட்ட நடவடிக்கை எடுக்கப்படும், இவ்வாறு அமைச்சர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 22 July 2017

G.O NO:173 DT 18.07.2017 | UPGRADATION OF 100 HIGH SCHOOL TO HIGHER SEC SCHOOL | தமிழகத்தில் 100 உயர்நிலைப்பள்ளிகளை மேல்நிலைப்பள்ளிகளாக தரம் உயர்த்தி அரசாணை பிறப்பிக்கப்பட்டுள்ளது.

G.O NO:173 DT 18.07.2017 | UPGRADATION OF 100 HIGH SCHOOL TO HIGHER SEC SCHOOL | தமிழகத்தில் 100 உயர்நிலைப்பள்ளிகளை மேல்நிலைப்பள்ளிகளாக தரம் உயர்த்தி அரசாணை பிறப்பிக்கப்பட்டுள்ளது. G.O 173 - நாள்-18.07.2017-பள்ளிக்கல்வி 2017-2018- ஆண்டின் - 100 உயர்நிலைப் பள்ளிகளை மேல்நிலை பள்ளிகளாக தரம் உயர்த்தப்பட்ட - பள்ளிகளின் பெயர் பட்டியல் மாவட்ட வாரியாக மற்றும் ஆசிரியர் பணியிடங்களுக்கு ஒப்புதல் அளித்து -அரசாணை. 
ank">DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

G.O NO:174 DT 18.07.2017 | UPGRADATION OF 150 MIDDLE TO HIGH SCHOOL | தமிழகத்தில் 150 நடுநிலைப்பள்ளிகளை உயர்நிலைப்பள்ளிகளாக தரம் உயர்த்தி அரசாணை பிறப்பிக்கப்பட்டுள்ளது.

G.O NO:174 DT 18.07.2017 | UPGRADATION OF 150 MIDDLE TO HIGH SCHOOL | தமிழகத்தில் 150 நடுநிலைப்பள்ளிகளை உயர்நிலைப்பள்ளிகளாக தரம் உயர்த்தி அரசாணை பிறப்பிக்கப்பட்டுள்ளது.பள்ளிக்கல்வி 2017-2018- ஆண்டின் -150 நடுநிலைப் பள்ளிகளை உயர்நிலை பள்ளிகளாக தரம் உயர்த்தப்பட்ட -பள்ளிகளின் பெயர் பட்டியல் மாவட்ட வாரியாக மற்றும் ஆசிரியர் பணியிடங்களுக்கு ஒப்புதல் அளித்து -அரசாணை. DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

நாடு முழுவதும் அரசு, தனியார் பள்ளிகளில் பணியாற்றும் சுமார் 8.5 லட்சம் ஆசிரியர்கள் வரும் 2019 மார்ச் மாதத்துக்குள் குறைந்தபட்ச கல்வித் தகுதியைப் பெற வேண்டும் என்று மத்திய அரசு கெடு விதித்துள்ளது.

2019 மார்சுக்குள் குறைந்தபட்ச கல்வித் தகுதி 8.5 லட்சம் ஆசிரியர்களுக்கு கெடு  | நாடு முழுவதும் அரசு, தனியார் பள்ளிகளில் பணியாற்றும் சுமார் 8.5 லட்சம் ஆசிரியர்கள் வரும் 2019 மார்ச் மாதத்துக்குள் குறைந்தபட்ச கல்வித் தகுதியைப் பெற வேண்டும் என்று மத்திய அரசு கெடு விதித்துள்ளது. இதுதொடர்பான சட்டத்திருத்த மசோதா மக்களவையில் நேற்று நிறைவேறியது. கல்வி உரிமை சட்டத் திருத்த மசோதா 2017 குறித்து மத்திய மனிதவள மேம்பாட்டுத் துறை அமைச்சர் பிரகாஷ் ஜவடேகர் மக்களவையில் நேற்று கூறியதாவது: கடந்த 2009-ம் ஆண்டில் குழந்தைகளுக்கான இலவச மற்றும் கட்டாய கல்வி உரிமைச் சட்டம் அறிமுகம் செய்யப்பட்டது. இந்தச் சட்டம் கடந்த 2010 ஏப்ரல் 1-ம் தேதி அமலுக்கு வந்தது. இதன்படி 14 வயதுக்கு உட்பட அனைத்து குழந்தைகளுக்கும் இலவச கல்வி கட்டாயமாக்கப்பட்டது. மேலும் இச்சட்டத்தின்படி ஆசிரியருக் கான கல்வித் தகுதியைப் பெறாதவர்கள் 5 ஆண்டுகளுக்குள் குறைந்தபட்ச கல்வித் தகுதியை பெற வேண்டும் என்று கெடு நிர்ணயிக்கப்பட்டது. எனினும் மாநில அரசுகளின் வேண்டுகோளை ஏற்று ஆசிரியர்களுக்கான கல்வித் தகுதி கெடு அவ்வப்போது நீட்டிக்கப்பட்டு வந்தது. நாடு முழுவதும் தனியார் பள்ளிகளில் சுமார் 6 லட்சம் ஆசிரியர்களும் அரசு பள்ளிகளில் 2.5 லட்சம் ஆசிரியர்களும் போதிய கல்வித் தகுதி இல்லாமல் பணியாற்றுகின்றனர். தற்போது தாக்கல் செய்யப்பட்டுள்ள கல்வி உரிமைச் சட்டத் திருத்த மசோதா 2017-ன்படி வரும் 2019-ம் ஆண்டுக்குள் அவர்கள் அனைவரும் ஆசிரியர் பணிக்கான குறைந்தபட்ச கல்வித் தகுதியைப் பெற வேண்டும். இவ்வாறு அவர் தெரிவித்தார். இந்த மசோதா மக்களவையில் நேற்று நிறைவேற்றப்பட்டது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பி.ஆர்க். மாணவர் சேர்க்கைக்கு தமிழக அரசு சிறப்பு நுழைவுத்தேர்வு அண்ணா பல்கலைக்கழகம் அறிவிப்பு

Image result for பி.ஆர்க்
பி.ஆர்க். மாணவர் சேர்க்கைக்கு தமிழக அரசு சிறப்பு நுழைவுத்தேர்வு அண்ணா பல்கலைக்கழகம் அறிவிப்பு | இந்த ஆண்டு பி.ஆர்க். மாணவர் சேர்க்கைக்காக தமிழக அரசு சார்பில் சிறப்பு நுழைவுத்தேர்வு நடத்தப்படும் என அண்ணா பல்கலைக்கழகம் அறிவித்துள்ளது. இதுதொடர்பாக அண்ணா பல்கலைக்கழக நுழைவுத் தேர்வுகள் இயக்குநரும், தமிழ் நாடு கட்டிடக்கலை திறனறிவு தேர்வு செயலாளருமான பேராசி ரியை பி.மல்லிகா வெளியிட் டுள்ள செய்திக்குறிப்பில் கூறியிருப் பதாவது: இந்த ஆண்டு தேசிய கட்டிடக் கலை திறனறிவுத்தேர்வு (நாட்டா) தேர்ச்சி பெற்ற மாணவர்களின் எண்ணிக்கை, இளங்கலை கட்டிடக்கலை படிப்புக்கான (பி.ஆர்க்.) இடங்களை விடவும் குறைவாக இருக்கிறது. எனவே, தனியார் கல்லூரிகள் சங்கத்தின் கோரிக்கையை ஏற்று, பி.ஆர்க். மாணவர் சேர்க்கையை வரன்முறைப்படுத்தும் குழுவின் வழிகாட்டுதலின்படி, நடப்பு கல்வி ஆண்டில் (2017-2018) புதிதாக தமிழ்நாடு கட்டிடக்கலை திறனறிவுத்தேர்வு (தமிழ்நாடு நாட்டா) என்ற சிறப்புத்தேர்வை நடத்த அண்ணா பல்கலைக்கழகத்துக்கு அதிகாரம் அளிக்கப்பட்டுள்ளது. திறனறிவுத்தேர்வு மதிப்பெண் எனவே, பி.ஆர்க். படிப்புக்கு இந்த ஆண்டுக்கான அரசு ஒதுக்கீட்டு இடங்களுக்கு பிளஸ் 2 மதிப்பெண் மற்று்ம 2016, 2017 நாட்டா தேர்வில் தேர்ச்சி மதிப்பெண் அடிப்படையில் ஒற்றைச்சாளர முறையில் மாணவர் சேர்க்கை நடைபெறும். இந்த முறையில், அரசு ஒதுக்கீட்டில் ஏற்படும் காலியிடங்கள் மற்றும் நிர்வாக ஒதுக்கீட்டு இடங்களை நிரப்ப முடியாத பட்சத்தில் அந்த காலியிடங்கள் பிளஸ் 2 மதிப்பெண் மற்றும் ஜெஇஇ-II மதிப்பெண் அடிப்படையிலும், அதன்பிறகும் காலியிடங்கள் இருந்தால் அவை பிளஸ் 2 மதிப்பெண் மற்றும் அண்ணா பல்கலைக்கழகத்தில் நடத்தப்படும் தமிழ்நாடு கட்டிடக்கலை திறனறிவுத்தேர்வு மதிப்பெண் அடிப்படையிலும் நிரப்பப்படும். இவ்வாறு அவர் தெரிவித் துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அடுத்த கல்வியாண்டில் பொறியியல் படிப்புக்கு நுழைவுத் தேர்வு நடக்காது என்பதற்கு உத்திரவாதம் அளிக்க முடியாது என உயர்கல்வித் துறை அமைச்சர் கே.பி. அன்பழகன் தெரிவித்தார்.

அடுத்த ஆண்டு பொறியியல் படிப்புக்கு நுழைவுத் தேர்வு உயர்கல்வித் துறை அமைச்சர் சூசகம் | அடுத்த கல்வியாண்டில் பொறியியல் படிப்புக்கு நுழைவுத் தேர்வு நடக்காது என்பதற்கு உத்திரவாதம் அளிக்க முடியாது என உயர்கல்வித் துறை அமைச்சர் கே.பி. அன்பழகன் தெரிவித்தார். சென்னை லயோலா ஐகேம் பொறியியல் மற்றும் தொழில்நுட்பக் கல்லூரியின் 3-வது பட்டமளிப்பு விழா கல்லூரி வளாகத்தில் நேற்று நடைபெற்றது. இந்த விழாவில், அமைச்சர் கே.பி.அன்பழகன் 360 மாணவ-மாணவிகளுக்கு பட்டங் களை வழங்கினார். மேலும், சிறப் பிடம் பெற்ற 11 பேருக்கு பதக்கங்களையும் அவர் வழங்கினார். இந்த நிகழ்ச்சியில் மாணவர் களிடையே அமைச்சர் பேசியது: அறிவுத் தேடலில் மாணவர்களுக்கு எப்போதும் ஆர்வம் இருக்க வேண்டும். வாழ்க்கையில் வெற்றிபெற முயற்சி மற்றும் பயிற்சி மிக முக்கியம். வாழ்வில் மேலும் சிறப்படைய பட்டங்கள் உதவும். அதேவேளையில், வாழ்வை தன்னம்பிக்கையுடன் எதிர்கொள்ள வேண்டும். அதற்காகத்தான் கல்வி பயில்வது. கல்லூரியை விட்டு வெளியில் சென்றாலும், தொடர்ந்து திறமை களை வெளிப்படுத்திக் கொண்டே இருக்க வேண்டும். அடிப்படை பண்பு நலன்களை எப்போதும் கடைப்பிடிக்க வேண்டும். இவ்வாறு அமைச்சர் பேசினார். பட்டமளிப்பு விழாவில் கல்லூரி பேராசிரியர்கள், பெற்றோர்கள் உள்ளிட்டோர் கலந்து கொண்டனர். பட்டமளிப்பு விழா நிறைவடைந்து வெளியில் வந்த அமைச்சர் கே.பி.அன்பழகனிடம் நீட் தேர்வு குறித்து செய்தியாளர்கள் கேள்வி எழுப்பினர். அதற்கு, "நீட் தேர்வு குறித்து அமைச்சர்கள் மிகத் தெளிவாக ஏற்கனவே தெரிவித்துள்ளனர்" என்றார். தொடர்ந்து, அடுத்த ஆண்டு பொறியியல் படிப்புக்கும் நுழைவுத் தேர்வு வருவதாக கூறப்படுவது குறித்து செய்தியாளர்கள் கேட்டனர். அதற்கு பதில் அளித்த அமைச்சர், காலப்போக்குக்கு தகுந்தாற்போல அனைத்தும் மாறி வருகிறது. 2018-19-ம் ஆண்டுக்கான பொறியியல் சேர்க்கைக்கு நுழைவுத் தேர்வு வருகிறது என சொல்கிறார்கள். நாங்கள் அதை வேண்டாம் என சொல்லியுள்ளோம். முதுநிலை பொறியியல் படிப்புக்கு மத்திய அரசு 'கேட்' தேர்வு நடத்துகிறது. நாம் 'டான்செட்' தேர்வு மூலம் மாணவர் சேர்க்கையை நடத்துகிறோம். அனைத்து மாநிலங்களும் நுழைவுத் தேர்வை ஏற்றுக் கொள்ளும்போது அதில் இருந்து நாம் விலக்கு கோர முடியாது. நீட் தேர்வு வேண்டாம் எனவும் வலியுறுத்தியுள்ளோம். அதேபோல, பொறியியல் நுழைவுத் தேர்வு குறித்தும் கோரிக்கை வைத்துள்ளோம். அது குறித்து பொறுத்திருந்துதான் பார்க்க வேண்டும். இவ்வாறு அவர் தெரிவித்தார். சென்னை லயோலா ஐகேம் பொறியியல், தொழில்நுட்பக் கல்லூரி பட்டமளிப்பு விழா நேற்று நடந்தது. இதில், மாணவ, மாணவிகளுக்கு தமிழக உயர்கல்வித் துறை அமைச்சர் கே.பி.அன்பழகன் பட்டங்களை வழங்கினார். உடன் கல்லூரியின் ரெக்டார் பிரான்சிஸ் ஜெயபதி, இயக்குநர் இக்னாசி ஆரோக்யா, முதல்வர் ஜோஸ் சுவாமிநாதன் உள்ளிட்டோர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய பாடத்திட்டங்கள் எப்போது நடைமுறைக்கு வரும்? அதிகாரிகள் விளக்கம்

Image result for புதிய பாடத்திட்டங்கள்
2-வது நாளாக ஆலோசனை புதிய பாடத்திட்டங்கள் எப்போது நடைமுறைக்கு வரும்? அதிகாரிகள் விளக்கம் | புதிய பாடத்திட்டங்கள் எப்போது நடைமுறைக்கு கொண்டுவரப்படும் என்பது குறித்து அதிகாரிகள் விளக்கம் அளித்துள்ளனர். ஆலோசனை தமிழ்நாடு பள்ளிக்கல்வித்துறையினர் புதிய பாடத்திட்டங்களை வடிவமைப்பது தொடர்பான ஆலோசனையை நேற்று முன்தினம் கருத்தரங்கம் நடத்தி தொடங்கினார்கள். இந்த நிலையில் 2-வது நாளாக நேற்றும் ஆலோசனை நடந்தது. சென்னை கிண்டியில் உள்ள அண்ணா பல்கலைக்கழக வளாகத்தில் 22 அறைகளிலும், கோட்டூர்புரத்தில் உள்ள அண்ணா நூற்றாண்டு நூலக வளாகத்தில் 2 அறைகளிலும் என மொத்தம் 24 அறைகளில் இந்த ஆலோசனை கூட்டம் நேற்று நடைபெற்றது. கலைத்திட்டம் (கரிகுலம்), பாடத்திட்டம் (சிலபஸ்), பாடநூல்கள் (டெஸ்ட் புக்) வடிவமைப்பு பணிகளை எவ்வாறு மேற்கொள்வது? என்பது தொடர்பாக தேசிய கல்வியியல் ஆராய்ச்சி மற்றும் பயிற்சி நிறுவனம் (புதுடெல்லி), இந்திய மொழிகளுக்கான மத்திய நிறுவனம் (மைசூரு) உள்பட பல்வேறு நிறுவனங்களில் இருந்து வந்திருந்த கல்வியாளர்கள் ஆலோசனை வழங்கினார்கள். அண்ணா பல்கலைக்கழகத்தில் கலைத்திட்டம் எப்படி உருவாக்கப்பட வேண்டும்? அதை எவ்வாறு நடைமுறைப்படுத்த வேண்டும் என்பது தொடர்பாக ஆலோசனை கூட்டம் தனி அறையில் நடந்தது. இந்த கூட்டத்தில் தேசிய அளவிலான கலைத்திட்டத்தின் துறை தலைவர்கள் ஏராளமானோர் கலந்துகொண்டு கலைத்திட்டம் உருவாக்குவது தொடர்பாக ஆலோசனை வழங்கினார்கள். பாடத்திட்டங்கள் தயாரிக்கும் பணி எவ்வாறு நடைபெறுகிறது? வகுப்புகளுக்கு புதிய பாடத்திட்டங்கள் எப்போது நடைமுறைக்கும் வரும் என்பது குறித்து தமிழ்நாடு அரசு பள்ளிக்கல்வித்துறை அதிகாரிகள் கூறியதாவது:- இந்த ஆலோசனை கூட்டத்தில் பாடவாரியாக கலைத்திட்டத்தை எப்படி உருவாக்குவது? 1-ம் வகுப்பு முதல் 12-ம் வகுப்பு வரை என்னென்ன பாடத்திட்டங்களை கொண்டுவர வேண்டும்? மாணவர்களின் வயதுக்கேற்ப எந்தெந்த பாடங்களை அவர்களுக்கு கற்றுக்கொடுக்க வேண்டும்? என்பது தொடர்பாக விவாதிக்கப்படுகிறது. இந்த ஆலோசனைகள் முடிந்த பிறகு, முதலில் கலைத்திட்டம் வடிவமைக்கப்படும். பின்னர், அந்த கலைத்திட்டம் மாநில கல்வியியல் ஆராய்ச்சி மற்றும் பயிற்சி நிறுவனத்தின் இணையதளத்தில் 40 நாட்களுக்குள் வெளியிடப்படும். அதை கல்வியாளர்கள் பார்த்து அவர்களுடைய கருத்துகளை தெரிவிக்கலாம். அவர்களுடைய கருத்துகள் ஏற்புடையதாக இருக்கும் பட்சத்தில் மாற்றம் கொண்டு வருவோம். அதன்பிறகு, பாடத்திட்டங்கள், பாடநூல்கள் தயாரிக்கப்படும். அடுத்த கல்வியாண்டில் (2018-2019) 1, 6, 9, பிளஸ்-1 ஆகிய வகுப்புகளுக்கும், 2019-2020-ம் கல்வியாண்டில் 2, 7, 10, பிளஸ்-2 ஆகிய வகுப்புகளுக்கும், 2020-2021-ம் கல்வியாண்டில் 3, 4, 5, 8 ஆகிய வகுப்புகளுக்கும் புதிய பாடத்திட்டங்கள் நடைமுறைக்கு கொண்டுவரப்படும். இவ்வாறு அவர்கள் தெரிவித்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

குரூப்-1 முதல்நிலை தேர்வு முடிவுகள் வெளியீடு. சைதை துரைசாமியின் மனிதநேய மையத்தில் படித்த 464 பேர் தேர்வு.

குரூப்-1 முதல்நிலை தேர்வு முடிவுகள் வெளியீடு. சைதை துரைசாமியின் மனிதநேய மையத்தில் படித்த 464 பேர் தேர்வு | 85 காலி பணியிடங்களுக்கு நடைபெற்ற குரூப்-1 முதல்நிலை தேர்வு முடிவு நேற்று வெளியிடப்பட்டது. இந்த தேர்வில் தேர்ச்சி பெற்ற 4,602 பேர் மெயின் தேர்வு எழுத தகுதி பெற்றனர். அவர்களில் 464 பேர் சைதை துரைசாமியின் மனிதநேய மையத்தில் இலவசமாக படித்தவர்கள். 29 துணை கலெக்டர்கள், 34 காவல் துறை துணை கண்காணிப்பாளர்கள் உள்பட 85 உயர் பதவிகளுக்கான காலி பணியிடங்களுக்கு தேர்வு அறிவிப்பை தமிழ்நாடு அரசு பணியாளர் தேர்வாணையம் கடந்த நவம்பர் மாதம் 9-ந்தேதி வெளியிட்டது. இந்த பணியிடங்களுக்கு 2 லட்சத்து 18 ஆயிரத்து 515 பேர் விண்ணப்பித்தனர். முதல்நிலை தேர்வு 32 மையங்களில் பிப்ரவரி மாதம் 19-ந்தேதி நடைபெற்றது. இந்த தேர்வை ஒரு லட்சத்து 37 ஆயிரத்து 855 பேர் எழுதினார்கள். இந்த தேர்வு முடிவுகள் நேற்று வெளியிடப்பட்டன. முதல்நிலை தேர்வு முடிவுகளை www.tnpsc.gov.in என்ற இணையதளத்தில் காணலாம். இந்த தேர்வில் 4,602 பேர் தேர்ச்சி பெற்று மெயின் தேர்வு எழுத தகுதி பெற்றனர். மெயின் தேர்வு அக்டோபர் 13, 14 மற்றும் 15-ந்தேதிகளில் நடக்கிறது. முடிவு மார்ச் மாதம் வெளியிடப்படுகிறது. இந்த குரூப்-1 முதல்நிலை தேர்வில் சென்னை மாநகராட்சி முன்னாள் மேயர் சைதை துரைசாமி தலைமையில் இயங்குகிற மனிதநேய மையத்தில் படித்த 464 பேர் தேர்ச்சி பெற்றுள்ளனர். இதுகுறித்து மனிதநேய மையத்தின் ஒருங்கிணைப்பாளர் சாம் ராஜேஸ்வரன் வெளியிட்டுள்ள அறிக்கையில் கூறியிருப்பதாவது:- குரூப்-1 முதல்நிலை தேர்வில் தேர்ச்சி பெற்றுள்ள அனைத்து மாணவர்களுக்கும் முதன்மை தேர்வு (மெயின்தேர்வு) பயிற்சி வகுப்புகள் இலவசமாக தொடர்ந்து நடத்தப்பட உள்ளன. இந்த பயிற்சியில் கலந்துகொள்ள விரும்பும் தேர்ச்சி பெற்ற மாணவ-மாணவிகள் தங்களுடைய பாஸ்போர்ட் அளவு புகைப்படம், முதல்கட்ட தேர்வுக்கான நுழைவு சீட்டு ஆகியவற்றுடன் இன்று (சனிக்கிழமை) முதல் நேரில் வந்து பதிவு செய்து கொள்ளலாம். மேலும் இந்த பயிற்சி வகுப்பில் கலந்துகொள்ளும் தேர்ச்சி பெற்ற புதிய மாணவர்களுக்கும், தேர்வுகள், பாடப்புத்தகங்கள், வகுப்புகள் முற்றிலும் இலவசமாக வழங்கப்பட உள்ளன. விடுதி வசதிகள் தகுதியின் அடிப்படையில் இலவசமாக செய்துதரப்படும். மனிதநேய மையத்தின் மின்அஞ்சல் முகவரி manidhaneyam@gmail.com மற்றும் இணையதள முகவரி www.saidais.com இவ்வாறு அவர் தெரிவித்துள்ளார். தமிழ்நாடு அரசு பணியாளர் தேர்வாணையம் ஏற்கனவே 74 பணியிடங்கள் கொண்ட குரூப்-1 தேர்வுக்கான முதல்நிலை தேர்வை நடத்தியது. அதில் தேர்ச்சி பெற்றவர்களுக்கு மெயின் தேர்வு நடத்தியது. இந்த தேர்வு முடிவு ஏற்கனவே வெளியிடப்பட்டன. மெயின் தேர்வில் வெற்றி பெற்றவர்களுக்கு நேர்முகத் தேர்வு அடுத்த மாதம் 7-ந்தேதி முதல் 11-ந்தேதி வரை நடக்க உள்ளது.  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 21 July 2017

PLUS TWO | HSC | COMPUTER SCIENCE | TAMIL MEDIUM | ENGLISH MEDIUM | M.S.ALLAH BAKSH EM-TM FULL MATERIAL DOWNLOAD

PLUS TWO | HSC | COMPUTER SCIENCE | TAMIL MEDIUM | ENGLISH MEDIUM | M.S.ALLAH BAKSH EM-TM FULL MATERIAL DOWNLOAD
PLUS TWO | HSC | COMPUTER SCIENCE | TAMIL MEDIUM | ENGLISH MEDIUM | M.S.ALLAH BAKSH EM-TM FULL MATERIAL DOWNLOAD M.S.ALLAH BAKSH-TM FULL MATERIAL DOWNLOAD M.S.ALLAH BAKSH-EM FULL MATERIAL DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

3 ஆயிரம் அரசு பள்ளிகளில் ஸ்மார்ட் கிளாஸ் 9-ம் வகுப்பு முதல் பிளஸ் 2 வரை படிக்கும் மாணவர்களுக்கு கம்ப்யூட்டர் பள்ளிக்கல்வி அமைச்சர் கே.ஏ.செங்கோட்டையன் அறிவிப்பு

Image result for பள்ளிக்கல்வி அமைச்சர் கே.ஏ.செங்கோட்டையன்
3 ஆயிரம் அரசு பள்ளிகளில் ஸ்மார்ட் கிளாஸ் 9-ம் வகுப்பு முதல் பிளஸ் 2 வரை படிக்கும் மாணவர்களுக்கு கம்ப்யூட்டர் பள்ளிக்கல்வி அமைச்சர் கே.ஏ.செங்கோட்டையன் அறிவிப்பு | தமிழகத்தில் 9-ம் வகுப்பு முதல் பிளஸ் 2 வரை படிக்கும் மாண வர்களுக்கு கம்ப்யூட்டர் வழங்கப் படும் என்று பள்ளிக்கல்வித் துறை அமைச்சர் கே.ஏ.செங்கோட்டை யன் அறிவித்துள்ளார். மேலும் தலா ரூ.2 லட்சம் செலவில் 3 ஆயிரம் அரசு பள்ளிகளில் ஸ்மார்ட் கிளாஸ் வகுப்பறைகள் ஏற்படுத்தப்படும் என்றும் அவர் கூறியுள்ளார். தமிழகத்தில் 1-ம் வகுப்பு முதல் பிளஸ் 2 வரையிலான பாடத்திட்டம் அடுத்த கல்வி ஆண்டிலிருந்து படிப்படியாக மாற்றப்பட உள்ளது. இந்நிலையில், பள்ளிக்கல்வித் துறை சார்பில் புதிய பாடத்திட்டம் குறித்த கருத்தரங்கம் சென்னை கலைவாணர் அரங்கில் நேற்று நடைபெற்றது. இந்த கருத்தரங்கை தொடங்கிவைத்து பள்ளிக்கல்வி அமைச்சர் செங்கோட்டையன் பேசியதாவது: கல்வித் துறையில் இந்தியாவி லேயே தமிழகத்தை முதன்மை மாநிலமாக முன்னேற்றுவதற்கான அனைத்துப் பணிகளையும் மேற்கொண்டு வருகிறோம். அதன் ஒரு பகுதியாக, புதிய மாற்றங்கள் கொண்டுவரப்படுகின்றன. பொதுத் தேர்வு எழுதும் மாணவர்கள் தங்கள் பள்ளியிலேயே தேர்வு எழுத வசதியாக கூடுதலாக 200 தேர்வு மையங்களை ஏற்படுத்த நடவடிக்கை எடுக்கப்பட்டுள்ளது. மத்திய அரசு கொண்டுவரும் அனைத்து வகையான நுழைவுத் தேர்வுகளையும் தமிழக மாணவர் கள் எதிர்கொள்ளும் வகையில் 54 ஆயிரம் வினா-விடைகளைத் தமிழிலும், ஆங்கிலத்திலும் தயாரித்து விரைவில் வழங்க உள்ளோம். தமிழகத்தில் 40 ஆயிரம் தனியார் சுயநிதி பள்ளிகள் இயங்கி வருகின்றன. அங்கு அளிக்கப்படும் கல்வித்தரத்துக்கு மேலாக அரசு பள்ளிகளின் கல்வித்தரத்தை மேம்படுத்த நடவடிக்கை எடுத்து வருகிறோம். சீருடை மாற்றம், தலா ரூ.2 லட்சம் செலவில் 3 ஆயிரம் ஸ்மார்ட் கிளாஸ் வகுப்பறைகள், 9-ம் வகுப்பு முதல் பிளஸ் 2 வரை படிக்கும் மாணவர்களுக்கு கம்ப்யூட்டர், பள்ளி வளாகத்தில் வை-பை வசதி போன்ற திட்டங் களைச் செயல்படுத்த நடவடிக்கை எடுக்கப்படும். மத்திய அரசின் பாடத்திட்டத்துக்கு இணையாகவும் அதேநேரத்தில் தமிழர்களின் பாரம் பரியம், கலாச்சாரம், பண்பாடு தொன்மை முதலான அம்சங் களுடனும் தமிழக பாடத்திட்டம் மாற்றியமைக்கப்படும். இவ்வாறு அமைச்சர் செங் கோட்டையன் கூறினார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

மருத்துவ மாணவர் சேர்க்கையில் 85 சதவீத ஒதுக்கீடு ரத்து தமிழக அரசின் மேல்முறையீட்டு மனு மீதான விசாரணை ஒருநாள் முழுவதும் நடந்தது

மருத்துவ மாணவர் சேர்க்கையில் 85 சதவீத ஒதுக்கீடு ரத்து தமிழக அரசின் மேல்முறையீட்டு மனு மீதான விசாரணை ஒருநாள் முழுவதும் நடந்தது | மருத்துவ மாணவர் சேர்க்கையில் மாநில பாடத்திட்டத்தில் படித்தவர் களுக்கு 85 சதவீத உள் ஒதுக்கீட்டுக்கான அரசாணை ரத்து செய்யப்பட்டதை எதிர்த்து தமிழக அரசு தாக்கல் செய்த மேல்முறையீட்டு மனு மீதான விசாரணை நேற்று ஒருநாள் முழுவதும் நடந்தது. அனைத்து தரப்பு வாதங்களையும் கேட்ட நீதிபதிகள் வழக்கை வரும் ஜூலை 26-ம் தேதிக்கு தள்ளி வைத்தனர். எம்பிபிஎஸ் மற்றும் பிடிஎஸ் மருத்துவ சேர்க்கைக்கு மாநில பாடத்திட்டத்தில் படித்த மாணவர் களுக்கு 85 சதவீதமும், சிபிஎஸ்இ உள்ளி்ட்ட இதர பாடத்திட்ட மாணவர்களுக்கு 15 சதவீதமும் உள் ஒதுக்கீடு வழங்கி தமிழக அரசு கடந்த ஜூன் 22-ம் தேதி அரசாணை பிறப்பித்தது. இந்த அரசாணையை எதிர்த்து சிபிஎஸ்இ பாடத்திட்ட மாணவர் கள் உயர் நீதிமன்றத்தில் வழக்குத் தொடர்ந்தனர். இந்த வழக்கை விசாரித்த நீதிபதி கே.ரவிச்சந்திர பாபு, கடந்த ஜூலை 14-ம் தேதி தமிழக அரசின் 85 சதவீத இடஒதுக்கீடு அரசாணையை ரத்து செய்து உத்தரவிட்டார். இந்த உத்தரவை எதிர்த்து தமிழக அரசு மேல் முறையீட்டு மனு தாக்கல் செய்தது. அதுபோல மாநில பாடத்திட்டத்தில் படித்த மாணவர்களும் அந்த அரசாணை ரத்து செய்யப்பட்டதை எதிர்த்து வழக்குத் தொடர்ந்தனர். இந்த மனுக்கள் மீதான விசாரணை நேற்று இரு நீதிபதிகள் அடங்கிய அமர்வில் ஒருநாள் முழுவதும் நடந்தது. தமிழக அரசு சார்பில் அரசு தலைமை வழக்கறிஞரும், மாநில பாடத்திட்டத்தின்கீழ் படித்த மாணவர்கள் சார்பில் மூத்த வழக்கறிஞர்கள் பலரும் ஆஜராகி நீண்டநேரம் வாதிட்டனர். வழக்கறிஞர்கள் தங்களது வாதத்தில், ''தமிழகத்தில் முன்பு மாநில பாடத்திட்டம், மெட்ரிக், ஆங்கிலோ இந்தியன், ஓரியண்டல் ஆகிய 4 பாடத்திட்டங்கள் மாநில பாடத்திட்டமாக இருந்தன. இந்த வேறுபாடுகளைக் களைந்து தமிழக அரசு ஒரே பாடத்திட்டமாக சமச்சீர் கல்வித் திட்டத்தை கடந்த 2010-ம் ஆண்டு கொண்டு வந்தது. மாநில அரசின் இந்த சமச்சீர் பாடத் திட்டமும், மத்திய அரசின் சிபிஎஸ்இ பாடத்திட்டமும் வேறு வேறு அளவுகோளைக் கொண்டவை. தமிழகத்தின் கல்வி போதிக்கும் முறைகள் கலாச்சாரம் மற்றும் பாரம்பரிய பழக்க வழக்கத்தை அடிப்படையாகக் கொண்டவை. அந்த முறைகள் சிபிஎஸ்இ பாடத்திட்டத்தில் இல்லை. தவிர, சிபிஎஸ்இ பள்ளிகள் கிராமப்புறங் களில் கிடையாது. தமிழகத்தில் மொத்தம் 4.20 லட்சம் பேர் இந்தாண்டு மாநிலப் பாடத்திட்டத் தின்கீழ் பிளஸ் 2 படிப்பை நிறைவு செய்துள்ளனர். நீட் தேர்வில் பங்கேற்றவர்களில் 95 சதவீதம் பேர் மாநில பாடத் திட்டத்தில் படித்தவர் கள். வெறும் 5 சதவீதம் பேர் மட்டுமே சிபிஎஸ்இ பாடத் திட்டத்தில் படித்தவர்கள். இவ்வாறு உள் ஒதுக்கீடு வழங்க தமிழக அரசுக்கு முழு உரிமை உள்ளது. வசதியான மாணவர்கள்தான் சிபிஎஸ்இ பள்ளிகளி்ல் படித்து வருகின்றனர். அவர்களோடு, மாநிலப் பாடத்திட்டத்தில் படித்த ஏழை, எளிய மற்றும் நடுத்தர மாணவர்களை ஒப்பிடக்கூடாது. உள் ஒதுக்கீடு வழங்காமல் நீட் தேர்வின் அடிப்படையில் மருத்துவ மாணவர் சேர்க்கையை நடத்தி னால், அதனால் நன்றாக படிக்கும் மாநிலப் பாடத்திட்ட மாணவர் களும், கிராமப்புற மாணவர்களும் கடுமையாக பாதிக்கப்படுவர். காரணம், நீட் தேர்வு சிபிஎஸ்இ பாடத்திட்டத்தின்கீழ் நடத்தப் பட்டுள்ளது. ஏற்கெனவே நீட் தேர்வு குழப்பங்களால் தமிழக மாணவர்களும், அவர்களின் பெற்றோரும் குழம்பிப் போய் உள்ளனர். இந்தச் சூழலில் இந்த அரசாணை ரத்து செய்யப்பட்டதால் தற்போது மாநில பாடத்திட்டத்தில் படித்தவர்கள் மேலும் பாதிக்கப் பட்டுள்ளனர். இந்த உள் ஒதுக்கீடு மூலமாக சிபிஎஸ்இ பாடத் திட்டத்தில் படித்தவர்களுக்கு கூடுதலாகத்தான் இடம் கிடைக்கும்'' என குறிப்பிட்டனர். வழக்கு விசாரணையை நீதிபதிகள் வரும் 26-ம் தேதிக்கு தள்ளி வைத்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாட்டில் உள்ள அரசு சட்ட கல்லூரிகளில் சேர 5 வருட சட்ட படிப்புக்கான தரவரிசை பட்டியல் வெளியீடு கலந்தாய்வு அடுத்த மாதம் 2-ந் தேதி தொடங்குகிறது


தமிழ்நாட்டில் உள்ள அரசு சட்ட கல்லூரிகளில் சேர 5 வருட சட்ட படிப்புக்கான தரவரிசை பட்டியல் வெளியீடு கலந்தாய்வு அடுத்த மாதம் 2-ந் தேதி தொடங்குகிறது | தமிழ்நாட்டில் உள்ள அரசு சட்ட கல்லூரிகளில் சேர, 5 வருட சட்ட படிப்புக்கான தர வரிசை பட்டியல் வெளியிடப்பட்டது. கலந்தாய்வு அடுத்த மாதம்(ஆகஸ்டு) 2-ந் தேதி தொடங்குகிறது. தமிழ்நாட்டில் டாக்டர் அம்பேத்கர் சட்ட பல்கலைக்கழகத்தின் கீழ் 10 அரசு சட்ட கல்லூரிகள் உள்ளன. இந்த கல்லூரிகளில் 5 வருட சட்டப்படிப்பில் (பி.ஏ.,எல்.எல்.பி.) சேர 1,374 இடங்கள் உள்ளன. இந்த இடங்களுக்கு 9 ஆயிரத்து 500 பேர் விண்ணப்பித்தனர். அவர்களுக்கான தரவரிசை பட்டியல், நேற்று அந்த பல்கலைக்கழகத்தின் இணையதளத்தில் ( www.tndalu.ac.in ) வெளியிடப்பட்டது. இந்த படிப்புக்கான கலந்தாய்வு அடுத்த மாதம் (ஆகஸ்டு) 2-ந் தேதி காலை 9 மணிக்கு தொடங்குகிறது. அன்று பொதுப்பிரிவினருக்கும், பழங்குடியினருக்கும் நடக்கிறது. பொதுப்பிரிவினருக்கு கட் ஆப் மதிப்பெண் 93.625 ஆகும். பழங்குடியினருக்கு கட் ஆப் மதிப்பெண் 78.875 ஆகும். 3-ந் தேதி காலை 10 மணிக்கு அருந்ததியருக்கும், பிற ஆதி திராவிடர்களுக்கும் காலை 11 மணிக்கும் கலந்தாய்வு நடக்கிறது. அருந்ததியருக்கு கட் ஆப் மதிப்பெண் 82.375 ஆகும். பிற ஆதிதிராவிடர்களுக்கு கட் ஆப் மதிப்பெண் மிகவும் பிற்படுத்தப்பட்டோர் மற்றும் சீர்மரபினர்களுக்கு 4-ந் தேதி காலை 9 மணிக்கும், பிற்படுத்தப்பட்டோர் முஸ்லிம்களுக்கு அன்று பிற்பகல் 2 மணிக்கும் கலந்தாய்வு நடக்கிறது. மிகவும் பிற்படுத்தப்பட்டோர் மற்றும் சீர்மரபினருக்கு கட் ஆப் மதிப்பெண் 85.875 ஆகும். முஸ்லிம்களுக்கு கட் ஆப் மதிப்பெண் 83.125 ஆகும். 5-ந் தேதி காலை 9 மணிக்கு பிற்படுத்தப்பட்டோருக்கு கலந்தாய்வு நடத்தப்படுகிறது. பிற்படுத்தப்பட்டோருக்கு கட் ஆப் மதிப்பெண் 86.750 ஆகும். ஒன்றுக்கு மேற்பட்டவர்கள் ஒரே கட் ஆப் மதிப்பெண் பெற்றிருந்தால் அவர்களின் பிறந்த தேதியின் அடிப்படையில் மூத்தவர்களுக்கு ஒதுக்கீடு வழங்கப்படும். தொழில் கல்வி மாணவர்களுக்கு கட் ஆப் மதிப்பெண் 94.125 ஆகும். கலந்தாய்வுக்கான அழைப்புக்கடிதம், சம்பந்தப்பட்டவர்களுக்கு தபாலில் அனுப்பி வைக்கப்படும். அப்படி அழைப்புக்கடிதம் கிடைக்கப்பெறாதவர்கள், கட் ஆப் மதிப்பெண் வரையறைக்குள் வந்திருந்தால் அவர்களும் உரிய நாளில், கலந்தாய்வில் கலந்து கொள்ளலாம் என அறிவிக்கப்பட்டுள்ளது.  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

AU NOVEMBER/DECEMBER 2017 UG DEGREE UNIVERSITY EXAMINATIONS - TIME-TABLE | மாணவர்கள் பாடத்திட்டங்களை வகைப்படுத்தி படிக்க புதிய தேர்வு கால அட்டவணை வெளியீடு | அண்ணா பல்கலைக்கழக அலுவலர் தகவல்

Image result for AU NOVEMBER/DECEMBER 2017 UG DEGREE UNIVERSITY EXAMINATIONS - TIME-TABLE
AU NOVEMBER/DECEMBER 2017 UG DEGREE UNIVERSITY EXAMINATIONS - TIME-TABLE | மாணவர்கள் பாடத்திட்டங்களை வகைப்படுத்தி படிக்க புதிய தேர்வு கால அட்டவணை வெளியீடு | அண்ணா பல்கலைக்கழக அலுவலர் தகவல் | மாணவர்கள் பாடத்திட்டங்களை வகைப் படுத்தி படிக்க புதிய தேர்வு கால அட்டவணையை அண்ணா பல்கலைக்கழக தேர்வுக்கட்டுப்பாட்டு அலுவலகம் வெளியிட்டுள்ளது. அண்ணா பல்கலைக்கழக தேர்வுக்கட்டுப்பாட்டு அலுவலர் உமா வெளியிட்டுள்ள செய்திக்குறிப்பில் கூறி இருப்பதாவது:- தமிழகத்தில் உள்ள என்ஜினீயரிங் கல்லூரிகள் அண்ணா பல்கலைக்கழகத்தோடு 1.8.2012 முதல் ஒருங்கிணைக்கப்பட்டுள்ளன. ஒவ்வொரு பருவகால தேர்வுக்கும் மிக கவனத்தோடும் ஒழுங்காகவும் நடத்தப்பட்டு வருகின்றன. அண்ணா பல்கலைக்கழகத்தின் தேர்வு வழிமுறைகள் தேவைக்கேற்ப புதிய செயல்திட்டங்களாக வகுக்கப்படுகின்றன. அதன்படி, அனைத்து கல்லூரிகளும் அண்ணா பல்கலைக்கழகத்தில் அளிக்கப்பட்ட புதிய பாட அட்டவணைகளை பின்பற்றுமாறு வழிகாட்டுதல்கள் அனுப்பப்பட்டுள்ளன. அதன் விவரம் வருமாறு:- * தொழிற்சார்ந்த பயிற்சிக்காக இப்போது 45 முதல் 50 நாட்கள் வரை நடத்தும் அட்டவணையை நடைமுறை தேர்வுகளுக்கு முக்கியத்துவம் அளித்து 28 முதல் 30 நாட்கள் வரை உள்ள தேர்வு அட்டவணைகளாக குறைக்க முடிவு செய்யப்பட்டுள்ளது. * புதிய தேர்வுகால பாட அட்டவணை (ஜூலை-நவம்பர் 2017) பருவத்தின் தொடக்க நாள் - 3.7.2017, 2013 ஒழுங்குமுறை விதிகளின் படி தேர்வுக்கான அட்டவணைகள் வெளியீடு - 20.7.2017, இறுதித்தேர்வுகள் அட்டவணை வெளியீடு - 24.7.2017, கடைசி வேலைநாள் - 21.10.2017, செய்முறை தேர்வுகள் - 23.10.2017 முதல் 28.10.2017 வரை (ஒரு வாரம்), இறுதி தேர்வுகள் - 30.10.2017 முதல் 30.11.2017 வரை(4 வாரங்கள்), விடுமுறை - தேர்வு முடிந்தது முதல் 17.12.2017 வரை(2 முதல் 4 வாரங்கள்), அடுத்த பருவம் தொடங்கும் நாள் - 18.12.2017. * இனிவரும் காலங்களில் செய்முறை தேர்வுக்கும், எழுத்து தேர்வுக்கும் தேர்வு கால அட்டவணைகள் தொடக்கத்திலேயே வெளியிடப்படுவதால் மாணவர்கள், பெற்றோர் மற்றும் கல்லூரிகள் தங்களின் மன அழுத்தம் குறைந்து தங்களை ஆயத்தம் செய்துகொள்கிறார்கள். மேலும் மாணவர்கள் வெவ்வேறு பிரிவுகளில் உள்ள பாடத்திட்டங்களை முறையாக வகைப்படுத்தி படிக்கவும் இத்திட்டம் உதவுகிறது. நடவடிக்கை * 18.12.2017-க்குள் தேர்வுகள் முடிப்பதால் மாணவர்களுக்கு 2 முதல் 4 வாரங்கள் குளிர்கால விடுமுறையும், 4 முதல் 6 வாரங்கள் வரை கோடைகால விடுமுறையும் கிடைக்கும். * பல்கலைக்கழகம் அளித்துள்ள பாடம் மற்றும் மதிப்பீடு அட்டவணைகளை கல்லூரிகள் ஒழுங்காக பின்பற்ற வேண்டும் என்று கேட்டுக்கொள்ளப்படுகிறார்கள். தவறும் கல்லூரிகள் மீது தக்க நடவடிக்கை எடுக்கப்படும். * ஒழுங்குமுறை விதிகள் 2013 இறுதி தேர்வுகளுக்கான கால அட்டவணை aucoe.annauniv.edu என்ற இணையதளத்தில் காணலாம். ஏனைய தேர்வுகளுக்கான கால அட்டவணை 24.7.2017 அன்று அறிவிக்கப்படும். இவ்வாறு செய்திக்குறிப்பில் அவர் கூறியுள்ளார் DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய பாடத்திட்டங்கள் 3 மாதங்களில் உருவாக்கப்படும் | போட்டி தேர்வுக்கு ஏற்ற வகையில் 54 ஆயிரம் கேள்வி தாள்கள் 15 நாட்களுக்குள் அது வெளியிடப்படும் | அமைச்சர் செங்கோட்டையன் அறிவிப்பு.

புதிய பாடத்திட்டங்கள் 3 மாதங்களில் உருவாக்கப்படும்
புதிய பாடத்திட்டங்கள் 3 மாதங்களில் உருவாக்கப்படும் அமைச்சர் செங்கோட்டையன் பேட்டி | புதிய பாடத்திட்டங்கள் 3 மாதங்களில் உருவாக்கப்பட இருப்பதாக பள்ளிக்கல்வி துறை அமைச்சர் செங்கோட்டையன் தெரிவித்தார். கருத்தரங்கம் தமிழ்நாடு அரசு பள்ளிக்கல்வி துறை சார்பில் புதிய பாடத்திட்டம் வடிவமைப்பதற்கான கருத்தரங்கம் சென்னை சேப்பாக்கத்தில் உள்ள கலைவாணர் அரங்கத்தில் நடைபெற்றது. கருத்தரங்கை பள்ளிக்கல்வி, விளையாட்டு மற்றும் இளைஞர் நலத்துறை அமைச்சர் கே.ஏ.செங்கோட்டையன் குத்துவிளக்கேற்றி தொடங்கி வைத்தார். பள்ளிக்கல்வி துறை செயலாளர் த.உதயச்சந்திரன் வரவேற்புரையாற்றினார். இதில் கலைத்திட்ட வடிவமைப்புக்குழு தலைவர் பேராசிரியர் எம்.ஆனந்த கிருஷ்ணன், ஜெர்மனி துணைத்தூதரகம் துணைத்தூதர் ஆஹிம் பாபிக், இந்திய விண்வெளி ஆராய்ச்சி துணைக்கோள் மையம் இயக்குனர்(பெங்களூரு) மயில்சாமி அண்ணாதுரை உள்பட கல்வியாளர்கள், ஆசிரியர்கள் என பலர் கலந்து கொண்டனர். மாற்றங்கள் கருத்தரங்கில் கலைத்திட்ட வடிவமைப்புக்குழு தலைவர் பேராசிரியர் எம்.ஆனந்த கிருஷ்ணன் பேசும்போது... DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 20 July 2017

அரசு ஊழியர்களுக்கு 3 மாதத்தில் 7-வது ஊதியக்குழு பரிந்துரை அமல்படுத்தப்படும் என அமைச்சர் டி.ஜெயக்குமார் சட்டப்பேரவையில் தகவல்.

அரசு ஊழியர்களுக்கு 3 மாதத்தில் 7-வது ஊதியக்குழு பரிந்துரை அமல் | சட்டப்பேரவையில் இது தொடர்பாக எதிர்க்கட்சித் தலைவர் மு.க.ஸ்டாலின் கேள்வி எழுப்பி பேசியதாவது: தமிழக அரசு ஊழியர்களுக்கு 7-வது ஊதியக் குழு பரிந்துரைகளை அமல்படுத்த ஒரு குழு அமைக்கப்பட்டது. அக்குழு கடந்த ஜூன் 30-ம் தேதி அறிக்கை அளித்திருக்க வேண்டும். ஆனால், குழுவுக்கு மேலும் 3 மாதங்கள் நீட்டிப்பு வழங்கப்பட்டுள்ளது. குழு அறிக்கை அளிக்காத நிலையில், ஊதிய உயர்வு தொடர்பாக பட்ஜெட்டிலும் நிதி ஒதுக்கப்படவில்லை. இதனால், அரசு ஊழியர்களுக்கு இந்த ஆண்டு புதிய ஊதியம் அமலாகுமா என்ற சந்தேகம் உள்ளது. லோக்பால் சட்டப்படி தமிழகத் தில் லோக் ஆயுக்தா இன்னும் அமைக்கப்படவில்லை. நாடாளு மன்றத்தில் வலுவான எதிர்க்கட்சி இல்லாததால் அங்கு சட்டத்தை நிறைவேற்றுவதில் சிக்கல் உள்ளது. ஆனால், தமிழகத்தில் வலுவான எதிர்க்கட்சியாக திமுக உள்ளது. எனவே, லோக் ஆயுக்தாவை கொண்டுவர எந்தத் தடையும் இல்லை. இவ்வாறு ஸ்டாலின் பேசினார். இதற்கு பதிலளித்த அமைச்சர் டி.ஜெயக்குமார், ''லோக்பால் சட்டத்தை அமல்படுத்த எந்தப் பிரச்சினையும் இல்லை. மத்திய அரசு அதில் திருத்தம் கொண்டுவர உள்ளது. திருத்தம் கொண்டுவரப்பட்ட பின், தமிழகத்தில் லோக்பால் அமல்படுத்தப்படும். அரசு ஊழியர்களுக்கு 7-வது ஊதியக் குழு பரிந்துரைகளை அமல்படுத்துவதற்காக அமைக்கப்பட்ட குழுவின் காலம் 3 மாதங்கள் நீட்டிக்கப்பட்டுள்ளது. ஊதிய வரையறையை நிர்ணயித்த மத்திய அரசு, படிகள் தொடர்பான தெளிவான வரையறையை அளிக்கவில்லை. அதனால்தான் 3 மாதங்கள் நீட்டிக்கப்பட்டுள்ளது. 7-வது ஊதியக்குழு பரிந்துரை 3 மாதங்களில் அமல்படுத்தப்படும்'' என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE
Guestbook

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

இங்கே பதிவு செய்தப்பின், உங்கள் INBOX க்கு வரும் லிங்க்கை கிளிக் செய்தால் தான் கல்விச்சோலை இமெயில்களை பெற முடியும்.