சி.பி.எஸ்.இ. 10, 12-ம் வகுப்பு பொதுத்தேர்வு எப்போது? 31-ந்தேதி அறிவிப்பு

சி.பி.எஸ்.இ. 10 மற்றும் 12-ம்வகுப்புக்கான பொதுத்தேர்வுகளை பொறுத்தவரை, ஜனவரியில் செய்முறைத்தேர்வும், பிப்ரவரி-மார்ச் மாதங்களில் எழுத்துத் தேர்வும் பெரும்பாலும் நடைபெறுவது வழக்கம். ஆனால் இந்த ஆண்டு கொரோனா ஏற்படுத்திய இடையூறு காரணமாக மாணவர்களின் கல்வி பெருமளவில் பாதிக்கப்பட்டு உள்ளது.

இந்த சூழலில் 2021-ம் ஆண்டுக்கான பொதுத்தேர்வு எப்போது நடைபெறும் என்பதில் பெரும் குழப்பம் ஏற்பட்டு இருக்கிறது. இந்த தேர்வுகளுக்கான தேதிகள் இன்னும் அறிவிக்கப்படாத நிலையில் சில பள்ளிகள், மாதிரி தேர்வுகளை நடத்தி மாணவர்களை தயார்படுத்தி வருகின்றன.

இந்த நிலையில், ‘சி.பி.எஸ்.இ. 10 மற்றும் 12-ம் வகுப்புக்கான பொதுத்தேர்வு தேதியை 31-ந்தேதி நான் அறிவிப்பேன்’ என மத்திய கல்வி மந்திரி ரமேஷ் பொக்ரியால் நேற்று தனது டுவிட்டர் தளத்தில் குறிப்பிட்டு இருந்தார்.

முன்னதாக 2021-ம் ஆண்டு பொதுத்தேர்வுகள் எழுத்துத் தேர்வாகவே நடைபெறும் எனவும், ஆன்லைனில் நடத்தப் படாது எனவும் சி.பி.எஸ்.இ. கூறியிருந்தது குறிப்பிடத்தக்கது.

No comments:

Post a Comment