உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

Tuesday, June 4, 2019

neet result | எம்பிபிஎஸ், பிடிஎஸ் படிப்புகளுக்கான நீட் தேர்வு முடிவுகள் இன்று வெளியீடு 14 லட்சம் பேர் எழுதியுள்ளனர்.

neet result |  நாடு முழுவதும் எம்பிபிஎஸ், பிடிஎஸ் படிப்புகளில் சேர்வதற்காக 14 லட்சம் மாணவ, மாணவிகள் எழுதிய நீட் தேர்வின் முடிவுகளை தேசிய தேர்வுகள் முகமை (என்டிஏ) இன்று இணையதளங்களில் வெளியிடுகிறது. நாடு முழுவதும் அரசு, தனியார் மருத்துவக் கல்லூரிகளில் உள்ள எம்பிபிஎஸ், பிடிஎஸ் படிப்புகளுக்கு 2019-20 கல்வியாண்டு மாணவர் சேர்க்கைக்கான தேசிய தகுதி மற்றும் நுழைவுத் தேர்வு (NEET - நீட்) கடுமையான கட்டுப்பாடுகள், நிபந்தனைகள் மற்றும் சோதனைகளுடன் கடந்த மே 5-ம் தேதி நடைபெற்றது. ஒடிசா மாநிலம் ஃபானி புயலால் பாதிக்கப்பட்ட ஒடிசா மாநிலத்தில் மட்டும் நீட் தேர்வு தள்ளிவைக்கப்பட்டு, மே 20-ம் தேதி நடத்தப்பட்டது. தமிழகத்தில் சென்னை, திருவள்ளூர், காஞ்சிபுரம், வேலூர், நாமக்கல், சேலம், கோவை, கடலூர், தஞ்சை, திருச்சி, கரூர், மதுரை, நெல்லை, நாகர்கோவில் ஆகிய 14 நகரங்களில் உள்ள 188 மையங்கள் உட்பட நாடு முழுவதும் 154 நகரங்களில் 2,500-க்கும் மேற்பட்ட மையங்களில் தேர்வு நடந்தது. தமிழ், ஆங்கிலம், இந்தி என 11 மொழிகளில் தேர்வு நடைபெற்றது. இத்தேர்வுக்கு தமிழகத்தில் 1 லட்சத்து 40 பேர் உட்பட நாடு முழுவதும் 15 லட்சத்து 19 ஆயிரத்து 375 பேர் விண்ணப்பித்தனர். இதில் 14 லட்சத்து 10 ஆயிரத்து 754 பேர் (93 சதவீதம்) தேர்வு எழுதினர். 1 லட்சத்து 8 ஆயிரத்து 621 பேர் தேர்வில் பங்கேற்கவில்லை. இணையதளங்களில் வெளியீடு இந்நிலையில், தேசிய தேர்வுகள் முகமை (என்டிஏ) நீட் தேர்வு முடிவுகளை www.nta.ac.in, www.ntaneet.nic.in ஆகிய இணையதளங்களில் இன்று வெளியிடுகிறது. கால்நடை மருத்துவப் படிப்பின் (பிவிஎஸ்சி - ஏஎச்) அகில இந்திய ஒதுக்கீட்டு இடங்கள் மற்றும் இந்திய மருத்துவ முறை படிப்புகளான ஆயுர்வேதா, யோகா மற்றும் இயற்கை மருத்துவம், சித்தா, ஹோமியோபதி (ஆயுஷ் - AYUSH) படிப்புகளுக்கும் நீட் தேர்வு மதிப்பெண் அடிப்படையில் மாணவர் சேர்க்கை நடக்க உள்ளது. வெளிநாட்டு மருத்துவக் கல்லூரிகளில் சேர்வதற்கும் நீட் தேர்வில் தகுதி பெறுவது அவசியம் என்பது குறிப்பிடத்தக்கது.

No comments:

Post a Comment