உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

Monday, June 3, 2019

நாடு முழுவதும் 14 லட்சம் மாணவ, மாணவிகள் எழுதிய  நீட் தேர்வு முடிவுகள் நாளை (05.06.2019) வெளியீடு

நாடுமுழுவதும் அரசு, தனியார் மருத்துவக் கல்லூரிகளில் உள்ள எம்பிபிஎஸ், பிடிஎஸ் படிப்புகள் மற்றும் கால்நடை மருத்துவப் படிப்பின் (பிவிஎஸ்சி - ஏஹெச்) அகில இந்திய ஒதுக்கீட்டு இடங்களுக்கு தேசிய தகுதி மற்றும் நுழைவுத் தேர்வு (NEET - ‘நீட்’) அடிப்படையில் மாணவர் சேர்க்கை நடத்தப்படுகிறது. இந்நிலையில் 2019-20 கல்வி ஆண்டு மாணவர் சேர்க்கைக்கான ‘நீட்’ தேர்வு நாடுமுழுவதும் கடுமை யான சோதனைகள் மற்றும் கட்டுப் பாடுகளுடன் கடந்த மே மாதம் 5-ம் தேதி நடைபெற்றது. ஃபானி புயலால் பாதிக்கப்பட்ட ஒடிசா மாநிலத்தில் மட்டும் நீட் தேர்வு ஒத்திவைக்கப்பட்டது. பின்னர் 20-ம் தேதி தேர்வு நடத்தப்பட்டது. தமிழகத்தில் மட்டும் 14 நகரங்களில் 188 மையங்கள் உட் பட நாடுமுழுவதும் 154 நகரங் களில் 2,500-க்கும் மேற்பட்ட மையங் களில் தமிழ், ஆங்கிலம், இந்தி என 11 மொழிகளில் தேர்வு நடைபெற் றது. நீட் தேர்வுக்கு தமிழகத்தில் 1 லட்சத்து 40 பேர் உட்பட நாடு முழுவதும் 15 லட்சத்து 19 ஆயிரத்து 375 பேர் விண்ணப்பித்திருந்தனர். இதில் 14 லட்சத்து 10 ஆயிரத்து 754 பேர் (93 சதவீதம்) மட்டுமே தேர்வு எழுதினர். 1 லட்சத்து 8 ஆயிரத்து 621 பேர் தேர்வில் பங்கேற்கவில்லை. நீட் தேர்வு முடிவுகள் வரும் 5-ம் தேதி (நாளை) www.nta.ac.in, www.ntaneet.nic.in ஆகிய இணையதளங்களில் வெளியிடப்பட உள்ளன. ஃபானி புயலால் பாதிக்கப்பட்ட ஒடிசா மாநிலத்தில் 15 நாட்கள் தாமதமாக நீட் தேர்வு நடைபெற்றது. இதனால், தேசிய தேர்வுகள் முகமை (என்டிஏ) அறிவித்தபடி வரும் 5-ம் தேதி தேர்வு முடிவுகள் வெளியிடப்படுமா அல்லது காலதாமதம் ஏற்படுமா என்ற குழப்பம் நீடித்து வருகிறது. இந்த ஆண்டு தமிழகம் உட்பட நாடுமுழுவதும் இந்திய மருத்துவ முறை படிப்புகளான ஆயுர்வேதா, யோகா மற்றும் இயற்கை மருத்துவம், சித்தா, ஹோமியோபதி (ஆயுஷ் - AYUSH) படிப்புகளுக்கும் நீட் தேர்வு மதிப்பெண் அடிப்படையில் மாணவர் சேர்க்கை நடத்தப்படும் என்று மத்திய அரசு திட்டவட்டமாக அறிவித்துள்ளது. ஆயுஷ் படிப்புகளுக்கு நீட் தேர்வில் இருந்து விலக்கு கேட்டு மத்திய அரசுக்கு தமிழக அரசு கடிதம் எழுதியுள்ளது.

No comments:

Post a Comment