உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

கடும் தண்ணீர் தட்டுப்பாட்டால் தாம்பரத்தில் பள்ளிக்கு விடுமுறை

தாம்பரத்தில் உள்ள கிறிஸ்துராஜா பெண்கள் மேல்நிலைப் பள்ளியில் தண்ணீர் பற்றாக்குறை காரணமாக 6 முதல் 8-ம் வகுப்பு வரை விடுமுறை விடப்பட்டுள்ளது. தமிழகம் முழுவதும் தண்ணீர் தட்டுப்பாடு மிக மோசமான நிலையை அடைந்துள்ளது. பள்ளிகளிலும் தண்ணீர் தட்டுப்பாடு நிலவுகிறது. வெயில் அதிகமாக இருந்ததையும் தண்ணீர் தட்டுப்பாட்டையும் காரணமாகக் கூறி கோடை விடுமுறைக்குப் பின் பள்ளி திறப்பை மேலும் சில நாட்களுக்கு தள்ளிவைக்க கோரிக்கை எழுந்தது. ஆனால் அறிவித்தபடி கடந்த ஜூன் 3-ம் தேதி கோடை விடுமுறை முடிந்து பள்ளிகள் திறக்கப்பட்டன. இந்நிலையில் கிழக்கு தாம்பரத்தில் அரசு நிதிஉதவி பெறும் கிறிஸ்துராஜா பெண்கள் மேல்நிலைப் பள்ளி உள்ளது. இங்கு 6 முதல் 12-ம் வகுப்பு வரை மாணவிகள் படித்து வருகின்றனர். இதில் 3 ஆயிரத்துக்கும் அதிகமான மாணவியர் பயின்று வருகின்றனர். தண்ணீர் பற்றாக்குறை காரணமாக இந்த பள்ளியில் உள்ள 6 முதல் 8-ம் வகுப்பு வரை நேற்றும், இன்றும் பள்ளிக்கு விடுமுறை அறிவிக்கப்பட்டுள்ளது. இதுதொடர்பாக பெற்றோர்களுக்கு பள்ளி நிர்வாகம் சார்பில் தகவல் தெரிவிக்கப்பட்டுள்ளது. கல்வித் துறை யின் அனுமதி பெற்று விடுமுறை விடப் பட்டுள்ளதாக பள்ளி நிர்வாகத்தினர் தெரிவித்தனர். அதிக மழை பெய்தால் பள்ளி விடுமுறை அளிக்கப்படும். இதனிடையே தண்ணீர் பற்றாக்குறை காரணமாக பள்ளி விடுமுறை அறிவிக்கப்பட்டுள்ளது. இது குறித்து பள்ளி நிர்வாகத்தினர் கூறியதாவது: வெயில் காரணமாக தண்ணீர் பயன்பாடு அதிகரித்துள்ளது. தண்ணீரை விலை கொடுத்து வாங்குகிறோம். பற்றாக்குறை காரணமாக தண்ணீர் கிடைப்பதில்லை. மேலும் பள்ளியில் கூடுதல் தண்ணீரை இருப்பு வைக்க வசதி இல்லை. இதனால் பள்ளியில் கூடுதலாக தண்ணீரை சேமித்து வைக்க வசதியாக கீழ்நிலை நீர்த்தேக்க தொட்டி கட்டும் பணி நடைபெற்று வருகிறது. இரண்டு தினங்களுக்குள் இந்த பணி முடிந்துவிடும், பின்னர் வழக்கம் போல் பள்ளி செயல்படும் என்றனர்.

No comments:

Post a Comment