உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

Sunday, June 16, 2019

டெல்லியில் அனைத்துக் கட்சி கூட்டம் நீட் தேர்வு, கல்விக் கடன்களை ரத்து செய்ய வேண்டும் டி.ஆர்.பாலு எம்.பி. வலியுறுத்தல்

நீட் தேர்வு, கல்விக் கடன்களை ரத்து செய்ய வேண்டும். மத்தியில் தமிழையும் ஆட்சிமொழி ஆக்க வேண்டும் என்று டெல்லியில் நேற்று நடந்த அனைத்துக் கட்சி கூட்டத்தில் நாடாளுமன்ற திமுக குழுத் தலைவர் டி.ஆர்.பாலு எம்.பி. வலியுறுத்தியுள்ளார். நாடாளுமன்றக் கூட்டத்தொடர் இன்று தொடங்குகிறது. இதையொட்டி பிரதமர் நரேந்திர மோடி தலைமையில் அனைத்துக் கட்சி கூட்டம் டெல்லியில் நேற்று நடந்தது. இதில் திமுக சார்பில் அக்கட்சியின் நாடாளுமன்ற குழுத் தலைவர் டி.ஆர்.பாலு எம்.பி. பங்கேற்றார். கூட்டத்தில் அவர் முன்வைத்த கோரிக்கைகள் விவரம்: நீட் தேர்வை ரத்து செய்யக் கோரி தமிழக சட்டப்பேரவையில் கடந்த 2017 பிப்ரவரி 18-ம் தேதி நிறைவேற்றப்பட்ட தீர்மானத்துக்கு ஒப்புதல் அளிக்க வேண்டும். தமிழ் ஆட்சி மொழி இந்தி போல தமிழையும் மத்தியில் ஆட்சிமொழி ஆக்க வேண்டும். தமிழகத்தில் உள்ள மத்திய அரசு அலுவலகங்களில் தமிழையும் அலுவல் மொழியாகப் பயன்படுத்த வேண்டும். தமிழகத்தில் நிலவும் குடிநீர் பஞ்சத்தைப் போக்க மத்திய அரசு நிதி உதவியுடன் திட்டங்களை செயல்படுத்த வேண்டும். தமிழக மாணவர்களின் கல்விக் கடன்களை ரத்து செய்ய வேண்டும். மகளிர் இட ஒதுக்கீடு மசோதாவை உடனே நிறைவேற்ற வேண்டும். தமிழகத்தில் ஹைட்ரோகார்பன் திட்டத்தை ரத்து செய்ய வேண் டும். குறுவை சாகுபடிக்காக தமிழகத்துக்கு 9.19 டிஎம்சி தண்ணீர் திறக்குமாறு காவிரி மேலாண்மை வாரியம் அளித்த தீர்ப்பை செயல்படுத்த கர்நாடக அரசுக்கு மத்திய அரசு அழுத்தம் தரவேண்டும். காவிரியின் குறுக்கே மேகே தாட்டுவில் கர்நாடகா அணை கட்டு வதை தடுத்து நிறுத்த வேண்டும். விவசாயத்துக்கு தனி பட்ஜெட் தாக்கல் செய்ய வேண்டும். மத்திய அரசு வங்கிகளில் தமிழக விவசாயிகள் பெற்ற விவசாயக் கடன்களை ரத்து செய்ய வேண் டும். இவ்வாறு டி.ஆர்.பாலு தெரி வித்துள்ளார்.தமிழகத்தில் நிலவும் குடிநீர் பஞ்சத்தைப் போக்க மத்திய அரசு நிதி உதவியுடன் திட்டங்களை செயல்படுத்த வேண்டும். தமிழக மாணவர்களின் கல்விக் கடன்களை ரத்து செய்ய வேண்டும்.

No comments:

Post a Comment