உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

டாக்டர் அம்பேத்கர் பல்கலைக்கழகத்தில் சட்ட படிப்புகளுக்கான கலந்தாய்வு தொடங்கியது நாளை வரை நடக்கிறது

டாக்டர் அம்பேத்கர் சட்ட பல்கலைக்கழகத்தில் சட்ட படிப்புகளுக்கான கலந்தாய்வு நேற்று தொடங்கியது. நாளை (புதன்கிழமை) வரை இந்த கலந்தாய்வு நடக்கிறது. தமிழ்நாடு டாக்டர் அம்பேத்கர் சட்ட பல்கலைக்கழகத்தில் பி.காம்.எல்.எல்.பி. (ஹானர்ஸ்), பி.சி.ஏ.எல்.எல்.பி. (ஹானர்ஸ்), பி.ஏ.எல்.எல்.பி. (ஹானர்ஸ்), பி.பி.ஏ.எல்.எல்.பி. (ஹானர்ஸ்) ஆகிய 5 ஆண்டு ஒருங்கிணைந்த சட்ட படிப்புகளுக்கான விண்ணப்பங்கள் பெறப்பட்டு, தரவரிசை பட்டியல் வெளியிடப்பட்டது. தரவரிசை பட்டியலை தொடர்ந்து கலந்தாய்வு தேதி கடந்த 15-ந்தேதி அறிவிக்கப்பட்டது. அதன்படி, சட்ட படிப்புகளுக்கான கலந்தாய்வு சென்னை டி.ஜி.எஸ். தினகரன் சாலையில் உள்ள பல்கலைக்கழக வளாகத்தில் நேற்று தொடங்கியது. மொத்தம் 3 நாட்கள் இந்த கலந்தாய்வு நடைபெற இருக்கிறது. முதல் நாளான நேற்று பி.காம்.எல்.எல்.பி. (ஹானர்ஸ்), பி.சி.ஏ.எல்.எல்.பி. (ஹானர்ஸ்) ஆகிய படிப்புகளுக்கு கலந்தாய்வு நடந்தது. முதல் நாள் கலந்தாய்வை சட்டத்துறை அமைச்சர் சி.வி.சண்முகம் நேற்று தொடங்கி வைத்தார். அதனைத் தொடர்ந்து கலந்தாய்வில் முதல் 3 இடங்களை பிடித்த மாணவ-மாணவிகளுக்கு கல்லூரிகளில் சேருவதற்கான ஆணையையும், சான்றிதழையும் அவர் வழங்கினார். பி.ஏ.எல்.எல்.பி. (ஹானர்ஸ்), பி.பி.ஏ.எல்.எல்.பி. (ஹானர்ஸ்) ஆகிய படிப்புகளுக்கு இன்று (செவ்வாய்க்கிழமை) காலை 9 மணிக்கு கலந்தாய்வு நடைபெற உள்ளது. இந்த 4 பட்டப்படிப்புகளுக்கும் காத்திருப்பு பட்டியலில் உள்ள விண்ணப்பதாரர்களுக்கு நாளை (புதன்கிழமை) காலை 10 மணிக்கு கலந்தாய்வு நடக்கிறது.

No comments:

Post a Comment