உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

ஏற்கனவே தெரிவித்து இருந்த அறிவிப்பில் மாற்றம்: என்ஜினீயரிங் சிறப்பு பிரிவுக்கு கலந்தாய்வு 25-ந்தேதி தொடக்கம்

என்ஜினீயரிங் சிறப்பு பிரிவினருக்கு நடத்தப்படுவதாக அறிவிக்கப்பட்டு இருந்த கலந்தாய்வு தேதியில் மாற்றம் செய்யப்பட்டு இருக்கிறது என்றும், வருகிற 25-ந்தேதி முதல் அவர்களுக்கு கலந்தாய்வு நடைபெறும் என்றும் தெரிவிக்கப்பட்டுள்ளது. என்ஜினீயரிங் மாணவர் சேர்க்கைக்கான கலந்தாய்வை தமிழ்நாடு தொழில்நுட்ப கல்வி இயக்ககம் நடத்துகிறது. என்ஜினீயரிங் படிப்புகளில் சேருவதற்கு கடந்த மே மாதம் 31-ந்தேதி வரை மாணவ-மாணவிகள் விண்ணப்பித்து இருந்தனர்.

அதனைத் தொடர்ந்து கடந்த 3-ந்தேதி ரேண்டம் எண் வெளியிடப்பட்டது. பின்னர், கடந்த 7-ந் தேதி முதல் 13-ந் தேதி வரை சான்றிதழ் சரிபார்ப்பு என்ஜினீயரிங் சேவை மையங்களில் நடந் தது. அதன் தொடர்ச்சியாக 17-ந் தேதி (நேற்று) தரவரிசை பட்டியல் வெளியிடுவதாக ஏற்கனவே அறிவிக்கப்பட்டு இருந்தது. ஆனால் அதில் சில வேலைப்பாடுகள் இருப்பதால், வருகிற 20-ந்தேதி (நாளை மறுநாள்) தரவரிசை பட்டியல் வெளியிடப்படும் என்று அமைச்சர் தெரிவித்தார். தரவரிசை பட்டியல் 20-ந்தேதி வெளியிடப்படுவதால், ஏற்கனவே தெரிவிக்கப்பட்டு இருந்த சிறப்பு பிரிவினருக்கான கலந்தாய்வு தேதியிலும் மாற்றம் செய்யப்பட்டுள்ளது. அதன்படி, 25-ந்தேதி மாற்று திறனாளிகளுக்கும், 26-ந்தேதி முன்னாள் ராணுவத்தினர் வாரிசுகளுக்கும், 27-ந்தேதி விளையாட்டு வீரர்களுக்கும் நேரடி கலந்தாய்வு சென்னை தரமணியில் உள்ள மைய பாலிடெக்னிக் கல்லூரியில் நடைபெறும். தரவரிசை பட்டியல் வெளியானதும், சிறப்பு பிரிவை சேர்ந்த மாணவர்கள் எந்தெந்த தேதிகளில் கலந்து கொள்ள வேண்டும் என்று அவர்களது செல்போனுக்கும், மின்னஞ்சல் முகவரிக்கும் தகவல் அனுப்பப்படும்.

அதேபோல், தொழிற்கல்வி பிரிவினருக்கு 26-ந்தேதி முதல் 28-ந்தேதி வரை அதே கல்லூரியில் கலந்தாய்வு நடைபெற இருக்கிறது. ஏற்கனவே அறிவித்தது போல், அடுத்த மாதம் (ஜூலை) 3-ந் தேதி பொதுப்பிரிவு கலந்தாய்வு நடைபெறும். அதில் எந்த மாற்றமும் இல்லை. மேலும் சந்தேகங்களுக்கு 044-22351014, 22351015 என்ற எண்ணில் காலை 8 மணி முதல் மாலை 6 மணி வரை கேட்டு தெரிந்து கொள்ளலாம். மேற்கண்ட தகவல் தொழில்நுட்ப கல்வி இயக்ககம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

No comments:

Post a Comment