உங்க கருத்தை பதிவு செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.

Saturday, June 15, 2019

அம்பேத்கர் சட்ட பல்கலைக்கழகத்தில் சேர கலந்தாய்வு நாளை (17.06.2019) தொடங்குகிறது

தமிழ்நாடு டாக்டர் அம்பேத்கர் சட்ட பல்கலைக்கழகத்தில் 5 வருட ஒருங்கிணைந்த பி.ஏ.எல்.எல்.பி. (ஹானர்ஸ்), பி.பி.ஏ.எல்.எல்.பி. (ஹானர்ஸ்), பி.காம்.எல்.எல்.பி. (ஹானர்ஸ்), பி.சி.ஏ.எல்.எல்.பி. (ஹானர்ஸ்) ஆகிய பட்டப்படிப்புகளில் சேருவதற்கு 3 ஆயிரத்து 191 விண்ணப்பங்கள் வந்திருந்தன. அதில் 2 ஆயிரத்து 747 விண்ணப்பங்கள் தகுதியானவையாக எடுத்து கொள்ளப்பட்டன. கடந்த 8-ந்தேதி தரவரிசை பட்டியலை வெளியிட்டது. இந்த நிலையில் இந்த படிப்புகளில் மாணவ-மாணவிகள் சேருவதற்கு நாளை (திங்கட்கிழமை) முதல் 3 நாட்களுக்கு கலந்தாய்வை நடத்த இருக்கிறது. பி.காம்.எல்.எல்.பி. (ஹானர்ஸ்), பி.சி.ஏ.எல்.எல்.பி. (ஹானர்ஸ்) ஆகிய படிப்புகளுக்கு நாளை (திங்கட்கிழமை) காலை 9 மணிக்கு கலந்தாய்வு நடக்கிறது. பி.ஏ.எல்.எல்.பி. (ஹானர்ஸ்), பி.பி.ஏ.எல்.எல்.பி. (ஹானர்ஸ்) ஆகிய படிப்புகளுக்கு நாளை மறுதினம் (செவ்வாய்க்கிழமை) காலை 9 மணிக்கு நடைபெற உள்ளது. இந்த 4 பட்டப்படிப்புகளுக்கும் காத்திருப்பு பட்டியலில் உள்ள விண்ணப்பதாரர்களுக்கு 19-ந் தேதி (புதன்கிழமை) காலை 10 மணிக்கு கலந்தாய்வு நடக்கிறது. இந்த கலந்தாய்வு சென்னையில் டாக்டர் அம்பேத்கர் சட்ட பல்கலைக்கழக ஆடிட்டோரியத்தில் நடக்கிறது. கலந்தாய்வில் மாணவர்கள் கட்-ஆப் மதிப்பெண் அடிப்படையில் கலந்து கொள்ள வேண்டும். கட்-ஆப் மதிப்பெண் http://tnd-alu.ac.in என்ற பல்கலைக்கழக இணையதளத்தில் வெளியிடப்பட்டு இருக்கிறது.

No comments:

Post a Comment