10, 12-ம் வகுப்பு சி.பி.எஸ்.இ. தேர்வுகளை ஆன்லைனில் நடத்த கோரிக்கை

சி.பி.எஸ்.இ. பள்ளிகளில் 10, 12-ம் வகுப்பு தேர்வுகளை ரத்து செய்ய ஒரு லட்சத்துக்கும் மேற்பட்ட மாணவர்கள் விருப்பம் தெரிவித்துள்ளனர். மாற்றாக ஆன்லைனில் தேர்வு நடத்தவும் கோரிக்கை வலுத்து வருகிறது.

கொரோனாவின் 2-வது அலை வீசுவதால் நாடு முழுவதும் கொரோனா பாதித்தவர்களின் எண்ணிக்கை உச்சநிலைக்கு சென்று கொண்டிருக்கிறது. இதையடுத்து கொரோனாவுக்கு எதிராக மீண்டும் தீவிர நடவடிக்கை எடுக்க வேண்டிய கட்டாயம் ஏற்பட்டுள்ளது. பல்வேறு மாநிலங்களிலும், இதற்கிடைய பள்ளிகளை மூடுவது, தேர்வுகளை ரத்து செய்வது போன்ற நடவடிக்கைகளும் எடுக்கப்பட்டு வருகிறது. மத்திய இடைநிலை கல்வி வாரியம் (சி.பி.எஸ்.இ.), மத்திய பள்ளி தேர்வு கவுன்சில் ஆகியவை கொரோனா கட்டுப்பாட்டு விதிமுறைகளுடன், போதிய பாதுகாப்பு அம்சங்களுடன் 10,12-ம் வகுப்புகளுக்கான தேர்வுகளை நடத்துவது என்று முடிவு செய்திருந்தன. செய்முறை தேர்வுகள் நடந்துள்ள நிலையில், ஜூனில் தேர்வுகள் நடத்தப்பட உள்ளது.

இந்த நிலையில், கடந்த 2 நாட்களாக டுவிட்டர் மற்றும் சமூக வலைத்தளங்களில் “கேன்சல்போர்டு எக்ஸாம்-2021” என்ற ஹேஸ்டேக் வேகமாக பரவி டிரெண்டிங்கில் இடம் பிடித்தது.

மேலும் சேஞ்ச்.ஆர்க் (change.org) இணையதளம் வழியாக, ஒரு மனு பிரபலமாக அதிகம் பேரால் பகிரப்பட்டது. அந்த மனுவில், “இந்தியாவில் கொரோனா நிலைமை நாளுக்கு நாள் மோசமாகிக்கொண்டிருக்கிறது. கடந்த ஆண்டில் ஒருசிலருக்கு பாதிப்புகள் தொற்றியிருந்த நிலையில் தேர்வுகள் ரத்து செய்யப்பட்டது. ஆனால் இப்போது பாதிப்புகள் உச்சம் தொட்டிருக்கும் நிலையில் பள்ளிகள் திறந்திருப்பதும், தேர்வுக்கு ஆயத்தமாவது பற்றியும் கல்வித்துறை அமைச்சர் கவனத்தில் கொள்ள வேண்டும். தேர்வுகளை ரத்து செய்ய வேண்டும். மாணவர்கள் மிகுந்த மன அழுத்தத்துடன் உள்ளனர்” என்று கூறப்பட்டுள்ளது. ஒரு லட்சத்துக்கும் மேற்பட்ட மாணவர்கள் இந்த மனுவை ஆதரித்து பகிர்ந்து உள்ளனர்.

திவ்யா கார்க் என்ற 10-ம் வகுப்பு மாணவி, “தனது டுவிட்டர் பக்கத்தில் அரசாங்கம் தேர்வை குறைந்தது ஒரு மாதத்திற்கு தள்ளி வைத்து, கொரோனா பாதிப்பு நிலைமைக்கு ஏற்ப செயல்பட வேண்டும்” என்று கூறி உள்ளார். மற்றொரு மாணவர் குறிப்பிடும்போது, “ஆன்லைனில வகுப்புகள் நடந்ததுபோல ஆன்லைனில் தேர்வுகள் நடத்தலாம் அல்லது முந்தைய தேர்வில் பெற்ற மதிப்பெண்கள் அடிப்படையில் தேர்ச்சி வழங்கலாம்” என்று கூறி உள்ளார்.

வழக்கமாக சி.பி.எஸ்.சி. தேர்வுகள் ஜனவரி கடைசியில் பிப்ரவரி இறுதி அல்லது மார்ச் மாதத்திற்குள் முடிந்துவிடும். ஆனால் இந்த ஆண்டு மே-ஜூன் மாதங்களில் தாமதமாக தேர்வு தேதிகள் அறிவிக்கப்பட்டது. தற்போதைய சூழ்நிலையில் அது மேலும் தள்ளிப்போகலாம் என்று தெரிகிறது.

ஆனால் சி.பி.எஸ்.சி. அதிகாரி ஒருவர் கூறுகையில், ‘மாணவர்களின் நலன் கருதி, கொரோனா தடுப்பு நடவடிக்கைகள் தீவிரமாக பின்பற்றப்படுகிறது. கூடுதலான தேர்வறைகள், அதிக சமூக இடைவெளியுடன் ஏற்படுத்தப்பட்டு உள்ளது’ என்றார்.

மத்திய பள்ளிகள் தேர்வு கவுன்சில் அதிகாரி கூறும்போது, ‘தேர்வு அட்டவணைகள் இதுவரை மாற்றம் செய்யப்படவில்லை’ என்றார். தேர்வுகள் ரத்து செய்யப்படுமா என்பது பற்றி அவர்கள் எவ்வித தகவலையும் உறுதிசெய்யவில்லை.

நாடு முழுவதும் கொரோனா பரவல் காரணமாக பள்ளிகள் மார்ச் இறுதியுடன் மூடப்பட்டுள்ளன என்பது குறிப்பிடத்தக்கது.

 

விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனா பரவல் அதிகரித்து வரும் நிலையில்பிளஸ்-2 பொதுத்தேர்வு தொடர்பாக கல்வித்துறை அதிகாரிகள் தீவிர ஆலோசனை

கொரோனா பரவல் அதிகரித்து வரும் நிலையில், பிளஸ்-2 பொதுத்தேர்வு தொடர்பாக பள்ளிக்கல்வித்துறை முதன்மை செயலாளர் தீரஜ்குமார், கல்வித்துறை அதிகாரிகளுடன் சென்னையில் நேற்று ஆலோசனை நடத்தினார்.

கொரோனா நோய்த்தொற்று காரணமாக கடந்த ஆண்டு மார்ச் மாதம் முதல் பள்ளிகள் மூடப்பட்டு இருந்தன. அதன் பின்னரும் நோய்த்தொற்றின் தாக்கம் தீவிரமாக இருந்ததால், ஆன்லைன் மற்றும் கல்வித்தொலைக்காட்சி வாயிலாக மாணவர்களுக்கு வகுப்புகள் நடத்தப்பட்டு வந்தன. கடந்த ஆண்டின் இறுதியில் நோய் பரவல் சற்று குறைந்ததை தொடர்ந்து, நேரடி வகுப்புகள் தொடங்குவது பற்றி கல்வித்துறை ஆலோசித்தது.

அதன்படி, இந்த ஆண்டின் தொடக்கத்தில் பிளஸ்-2 வகுப்பு மாணவர்களுக்கும், கடந்த பிப்ரவரி மாதத்தில் 9, 10, 11-ம் வகுப்பு மாணவர்களுக்கும் நேரடி வகுப்புகள் தொடங்கப்பட்டன. இருப்பினும், பள்ளிகளில் அரசின் கொரோனா வழிகாட்டு நெறிமுறைகளை பின்பற்றி வகுப்புகள் நடத்தப்பட அறிவுறுத்தப்பட்டு இருந்தது.

அதன் அடிப்படையில் வகுப்புகள் நடத்தப்பட்டு வந்த நிலையில், கடந்த பிப்ரவரி மாதம் இறுதியில் 9-ம் வகுப்புக்கு ஆண்டு இறுதித்தேர்வும், 10 மற்றும் 11-ம் வகுப்புக்கு பொதுத்தேர்வும் ரத்து செய்யப்பட்டு, அனைவரும் தேர்ச்சி பெற்றதாக முதல்-அமைச்சர் அறிவித்தார். ஆனால் பிளஸ்-2 மாணவர்களுக்கு மட்டும் பொதுத்தேர்வு திட்டமிட்டபடி நடைபெறும் என்று அறிவிக்கப்பட்டது.

அதன்படி, பிளஸ்-2 வகுப்பு மாணவர்களுக்கான பொதுத்தேர்வு அடுத்த மாதம் (மே) 3-ந்தேதி முதல் தொடங்கி நடைபெற இருக்கிறது. இந்த நிலையில் தமிழகத்தில் குறைந்து கொண்டு வந்த கொரோனா தொற்றின் பாதிப்பு எண்ணிக்கை, கடந்த சில நாட்களாக அதிகரித்து வருகிறது. அந்தவகையில், தற்போது தமிழகத்தில் கொரோனாவால் பாதிக்கப்படுபவர்களின் தினசரி எண்ணிக்கை 4 ஆயிரம் என்ற அளவில் உள்ளது.

கொரோனா தாக்கம் நாளுக்கு நாள் அதிகரித்து வரும் நிலையில், தற்போது அரசு சில கட்டுப்பாடுகளுடன் ஊரடங்கை அறிவித்து இருக்கிறது. அதன் தொடர்ச்சியாக, அடுத்த மாதம் நடைபெற உள்ள பிளஸ்-2 பொதுத் தேர்வை திட்டமிட்டப்படி நடத்துவதா? அல்லது தேர்வை ஒத்திவைக்கலாமா?, தேர்வை நடத்துவது என்றால், அதற்கான பாதுகாப்பு நடவடிக்கைகளை எவ்வாறு மேற்கொள்வது? முன்னெச்சரிக்கை நடவடிக்கையாக செய்ய வேண்டியவை எவை? என்பது குறித்து கல்வித்துறை சார்பில் ஆலோசனை நடத்தப்பட்டது.

சென்னை தலைமை செயலக வளாகத்தில் உள்ள நாமக்கல் கவிஞர் மாளிகை கட்டிடத்தில் பள்ளிக்கல்வி துறை முதன்மை செயலாளர் தீரஜ்குமார் தலைமையில் இந்த ஆலோசனை கூட்டம் நடத்தப்பட்டதாக கூறப்படுகிறது. இதில் பள்ளிக்கல்வித்துறையின் ஆணையர் வெங்கடேஷ் உள்பட உயர் அதிகாரிகள் மற்றும் மாவட்ட முதன்மை கல்வி அலுவலர்கள் காணொலி காட்சி மூலம் கலந்துகொண்டதாக தகவல்கள் வெளியாகி இருக்கிறது.

ஏற்கனவே கடந்த 5-ந்தேதி கல்வித்துறை சார்பில் நடந்த ஆலோசனை கூட்டத்தை தொடர்ந்து, தற்போது மீண்டும் ஆலோசனை கூட்டம் நடத்தப்பட்டுள்ளது குறிப்பிடத்தக்கது. தமிழகம் மற்றும் புதுச்சேரியில் சுமார் 9 லட்சத்துக்கும் மேற்பட்ட மாணவ-மாணவிகள் எழுத இருக்கும் பிளஸ்-2 பொதுத்தேர்வு குறித்து இந்த கூட்டத்தில் எடுக்கப்பட்ட சில முக்கிய முடிவுகளின் அடிப்படையில், அரசு தரப்பில் இருந்து சில அறிவிப்புகள் வெளியாகவும் வாய்ப்பு இருப்பதாக கல்வித்துறை வட்டாரத்தில் கூறப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு மற்றும் தனியார் பணியிடங்களில் 11-ந்தேதி முதல் தடுப்பூசி போடப்படும் மத்திய அரசு நடவடிக்கை

அரசு மற்றும் தனியார் பணித்தளங்களில் வருகிற 11-ந்தேதி முதல் தடுப்பூசி போட மத்திய அரசு நடவடிக்கை எடுத்து வருகிறது.

இந்தியாவில் கடந்த ஜனவரி 16-ந்தேதி முதல் கொரோனா தடு்ப்பூசி போடும் பணிகள் நடந்து வருகிறது. முதலில் சுகாதார பணியாளர்கள் மற்றும் முன்கள பணியாளர்களுக்கு போடப்பட்டு வந்த தடுப்பூசி, பின்னர் 60 வயதுக்கு மேற்பட்ட முதியவர்கள் மற்றும் 45 வயதுக்கு மேற்பட்ட நோயாளிகளுக்கும் போடப்பட்டது.

இதைத்தொடர்ந்து கடந்த 1-ந்தேதி முதல் 45 வயதுக்கு மேற்பட்ட அனைவரும் தடுப்பூசி போட்டுக்கொள்ள அனுமதிக்கப்பட்டு உள்ளது. அதன்படி இந்த பயனாளர்கள் நாள்தோறும் லட்சக்கணக்கான எண்ணிக்கையில் தடுப்பூசி போட்டு வருகின்றனர்.

இந்த நிலையில் நாடு முழுவதும் கொரோனாவின் 2-வது அலை வீரியமாக பரவி வருகிறது. நாள்தோறும் 1 லட்சத்துக்கு மேற்பட்டோர் தொற்றுக்கு ஆளாகி வருவதுடன், 500-க்கும் மேற்பட்டோர் உயிரையும் பறிகொடுத்து வருகின்றனர்.

இதனால் கொரோனா தடுப்பு நடவடிக்கைகளை தீவிரப்படுத்தி வரும் மத்திய-மாநில அரசுகள், மறுபுறம் தடுப்பூசி போடும் பணிகளையும் வேகப்படுத்தி வருகின்றன.

இதன் ஒரு பகுதியாக அரசு மற்றும் தனியார் பணித்தளங்களிலேயே தடுப்பூசி போடுவதற்கு மத்திய அரசு நடவடிக்கை எடுத்து உள்ளது.

இது தொடர்பாக மாநிலங்கள் மற்றும் யூனியன் பிரதேச தலைமை செயலாளர்களுக்கு மத்திய சுகாதாரத்துறை செயலாளர் ராஜேஷ் பூஷண் எழுதியுள்ள கடிதத்தில் கூறியிருப்பதாவது:-

பொருளாதரத்தின் அமைப்பு சார்ந்த துறைகளிலும், வழக்கமான பணி அலுவலகங்கள் (அரசு மற்றும் தனியார்), உற்பத்தி மற்றும் சேவை துறைகளிலும் கணிசமான விகிதத்தில் 45 மற்றும் அதற்கு மேற்பட்ட வயதினர் பணியாற்றுகின்றனர்.

இந்த மக்களிடையே தடுப்பூசி எண்ணிக்கையை அதிகரிப்பதற்காக, 100 சதவீத பயனாளர்கள் மற்றும் விருப்பமுடையவர்கள் கொண்ட இத்தகைய பணித்தளங்களில் (அரசு மற்றும் தனியார்) தடுப்பூசி போட ஏற்பாடு செய்யப்பட வேண்டும். இதற்காக தடுப்பூசி மையங்களுடன் இந்த பணித்தளங்களை இணைக்க வேண்டும்.

இதற்காக அரசு மற்றும் தனியார் துறை தொழிலாளர்கள் மற்றும் நிர்வாகத்துடன் ஆலோசனை நடத்தி இந்த பணித்தள தடுப்பூசி திட்டப்பணிகளை மாநிலங்கள் மேற்கொள்ள வேண்டும்.

இந்த பணித்தள தடுப்பூசி போடும் நடவடிக்கைகள் நாடு முழுவதும் ஏப்ரல் 11-ந்தேதி தொடங்கப்படலாம்.

இவ்வாறு அந்த கடிதத்தில் ராஜேஷ் பூஷண் கூறியுள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனாவின் 2-வது அலைக்கு காரணம் என்ன? மருத்துவ நிபுணர்கள் விளக்கம்

இந்தியாவில் கொரோனா வைரஸ் தொற்றின் 2-வது அலைக்கு காரணம் என்ன என்பது குறித்து மருத்துவ நிபுணர்கள் விளக்கம் அளித்துள்ளனர்.

இந்தியாவில் கொரோனாவின் முதல் அலை கட்டுப்படுத்தப்பட்டது. ஒரு நாள் பாதிப்பு அதிகபட்சம் 1 லட்சத்துக்குள் இருந்தது. அது 10 ஆயிரத்துக்கு கீழே கட்டுப்படுத்தப்பட்டது.

ஆனால் இப்போது தினசரி பாதிப்பு 1 லட்சத்தை கடந்து விட்டது. அதுவும் 3 நாளில் 2 முறை 1 லட்சத்தை கடந்துள்ளது. அந்த வகையில் நேற்று 1.15 லட்சம் பேருக்கு கொரோனா பாதிப்பு அதிகரித்து இருப்பது அதிர்வலைகளை ஏற்படுத்தி இருக்கிறது.

இந்தியாவில் கொரோனா பரவலின் 2-வது அலை எழுச்சி பெற காரணம் என்ன என்பது குறித்து மருத்துவ நிபுணர்கள் விளக்கம் அளித்துள்ளனர்.

டாக்டர் கிரிதரா ஆர்.பாபு (தொற்றுநோய்த்துறை தலைவர், இந்திய பொது சுகாதார நிறுவனம்):-

கொரோனா தொற்று பரவல் அதிகரிக்க காரணங்கள் உண்டு. புதிய வகை கொரோனா பரவலை அரசு ஒப்புக்கொள்ளாவிட்டாலும்கூட நிச்சயமாக தொற்று பரவல் அதிகரிப்பில் அவற்றுக்கு பங்கு உண்டு. அவற்றில் சில நோய் எதிர்ப்பு தன்மைக்கு தப்பிப்பவையாகவும், முந்தைய வைரஸ்களை விட வேகமாக பரவுபவையாகவும் உள்ளன. பிரேசில் வகை கொரோனாவை பொதுவாக நோய் எதிர்ப்புச்சக்தி கண்டறிவதில்லை. இதே போன்று தென்ஆப்பிரிக்க வகையில், துணை குழுக்களும் உள்ளன. அதுவும் ஆன்டிபாடிகளால் கண்டறியப்படுவதில்லை.

இந்தியாவில் தடுப்பூசி போடுவது, எந்த அளவுக்கு வேகமாக இருக்க வேண்டும் என்று ஒருவர் எதிர்பார்த்த அளவுக்கு இப்போதைய வேகம் இல்லை. ஆபத்து உள்ளவர்கள் தடுப்பூசி போட்டுக்கொள்வது திருப்திகரமாக இல்லை.

பாதிப்பு ஏற்பட்டவருக்கு நோய் எதிர்ப்பு சக்தி உருவாகி குறைந்தபின்னர் மீண்டும் பாதிப்பு ஏற்படுவதற்கு வாய்ப்பு இருக்கிறது. இது விரிவாக ஆராயப்படவில்லை. இதன்விளைவாக நிறைய எண்ணிக்கையிலானவர்கள் பாதிக்கப்படக்கூடியவர்களாக இருப்பார்கள்.

சுற்றுச்சூழல் காரணங்களும், சமூக நடத்தையும் கொரோனா பரவலில் முக்கிய பங்கு வகிக்கின்றன. பொதுக்கூட்டங்கள், திருமணம் போன்ற விழாக்களில் பங்கேற்கிறபோது ஒருவரிடம் இருந்து மற்றொருவருக்கு பரவ வாய்ப்பாகிறது.

டாக்டர் என்.கே.அரோரா (தொற்றுநோயியல் நிபுணர்):-

4 அல்லது 5 காரணிகள் ஒரே நேரத்தில் சேர்ந்து செயல்படுவதால் தொற்று பரவல் அதிகரிக்கிறது. வைரஸ் பரவல் அலைபோல வருவது இயல்பான ஒன்றுதான். கொரோனா பரவல் பற்றிய பயம், முதல் 6 மாதங்களில் இருந்த அளவுக்கு இப்போது இல்லை. குறைந்து விட்டது. பொருளாதாரம் எல்லாவற்றையும் திறந்து விட்டது. மக்கள் வெளியே வருகிறார்கள். ஆனால் கொரோனா கால நடத்தைகளில் கவனக்குறைவு உள்ளது. கூட்டம் கூடுவது அதிகரித்து இருக்கிறது. இது லேசான நோய் என்ற எண்ணமும் வந்து விட்டது. முக கவசம் அணிவது மிகவும் குறைந்து விட்டது. புதிய வகை கொரோனாவும் பரவல் அதிகரிக்க ஒரு காரணம்தான்.

பேராசிரியர் ஜெயபிரகாஷ் முலியில் (வேலூர் கிறித்தவ மருத்துவ கல்லூரி முன்னாள் முதல்வர்):-

கொரோனா பற்றிய கவலை மக்களிடம் குறைந்துள்ளது. முதலில் மக்கள் பயந்தனர். ஆனால் இப்போது அதே மக்களிடம் பயம் குறைந்து இருக்கிறது. புதிய வகை கொரோனாவால் தாக்குதல் விகிதம் அதிகரிக்கக்கூடும்.

முந்தைய பாதிப்பால் ஏற்பட்ட நோய் எதிர்ப்புச்சக்தியை புதிய வகை கொரோனா பாதிப்பதற்கான வாய்ப்பு குறைவு. அதற்கான ஆதாரம் தற்போது இல்லை.

இவ்வாறு அவர்கள் கூறி உள்ளனர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனா தொற்று பரவல் அதிகரிப்பு பஞ்சாப் முழுவதும் இரவு நேர ஊரடங்கு அரசியல் கூட்டங்களுக்கு தடை

கொரோனா தொற்று பரவல் அதிகரித்து வருவதால் பஞ்சாப் முழுவதும் இரவு நேர ஊரடங்கு போடப்பட்டுள்ளது. அரசியல் கூட்டங்களுக்கும் தடை விதிக்கப்பட்டுள்ளது.

நாட்டில் கொரோனா வைரஸ் பெருந்தொற்று பாதிப்பு அதிகமாக உள்ள மாநிலங்களில் ஒன்று, பஞ்சாப். இங்கு 2.57 லட்சத்துக்கும் அதிகமானோர், வைரஸ் பாதிப்புக்கு ஆளாகி இருக்கிறார்கள். 7,200-க்கும் அதிகமானோர் உயிரிழந்திருக்கிறார்கள்.

கொரோனா வைரஸ் பரவலை கட்டுக்குள் வைப்பதற்காக அங்கு 12 மாவட்டங்களில் இரவு நேர ஊரடங்கு போடப்பட்டிருந்தது. இந்த நிலையில் மாநிலம் முழுவதும் இரவு நேர ஊரடங்கை நீட்டித்து முதல்-மந்திரி கேப்டன் அமரிந்தர் சிங் நேற்று உத்தரவிட்டார்.

இந்த ஊரடங்கு இரவு 9 மணி முதல் காலை 5 மணி வரை நடைமுறையில் இருக்கும். வரும் 30-ந்தேதிவரை தொடர்ந்து நடைமுறையில் இருக்கும்.

அரசியல் கூட்டங்களுக்கும் தடை விதிக்கப்பட்டுள்ளது.

இதையொட்டி முதல்-மந்திரி கேப்டன் அமரிந்தர் சிங் நேற்று கூறுகையில், “கொரோனா பாதுகாப்பு விதிமுறைகளை பின்பற்றாமல் அரசியல் பொதுக்கூட்டங்களில் கெஜ்ரிவால், சுக்பீர் பாதல் போன்ற தலைவர்கள் கலந்து கொண்டது ஆச்சரியம் அளிக்கிறது. இதையெல்லாம் தவிர்க்க வேண்டும் என்று அரசியல் கட்சிகளிடம் நான் கூறியும் கண்டுகொள்ளப்படவில்லை. எனவே அரசியல் தொடர்பான கூடுகைகளுக்கு தடை போட நிர்ப்பந்திக்கப்பட்டுள்ளேன்” என தெரிவித்தார்.

இரவு நேர ஊரடங்கை கண்டிப்புடன் நடைமுறைப்படுத்தும்படி போலீஸ் டி.ஜி.பி. டிங்கர் குப்தாவுக்கு முதல்-மந்திரி கேப்டன் அமரிந்தர் சிங் உத்தரவிட்டுள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கல்வியின் புனிதத்தில் எந்த சமரசமும் கூடாது:அரியர் தேர்வு ரத்தை ஏற்க முடியாது. தேர்வு நடத்துவது குறித்து பரிசீலிக்க வேண்டும் என ஐகோர்ட்டு அறிவுறுத்தல்

அரியர் தேர்வுகளை ரத்து செய்து பிறப்பித்த உத்தரவை ஏற்க இயலாது என்று தெரிவித்துள்ள சென்னை ஐகோர்ட்டு, தேர்வு நடத்துவது குறித்து பரிசீலிக்க வேண்டும் என தமிழக அரசுக்கு அறிவுறுத்தியுள்ளது.

கொரோனா வைரஸ் பரவலைத் தடுக்க நாடு முழுவதும் கடந்த ஆண்டு மார்ச் மாதம் முதல் ஊரடங்கு அமல்படுத்தப்பட்டது. இதனால் கல்லூரி செமஸ்டர் தேர்வுகள் ரத்து செய்யப்பட்டன. அரியர் தேர்வுக்கு பணம் கட்டிய மாணவர்களை தேர்ச்சி பெற்றவர்களாக கடந்த ஆண்டு ஆகஸ்டு மாதம் தமிழக அரசு அறிவித்தது.

அதை எதிர்த்து சென்னை ஐகோர்ட்டில் அண்ணா பல்கலைக்கழக முன்னாள் துணைவேந்தர் பாலகுருசாமி, திருச்செந்தூரை சேர்ந்த வக்கீல் ராம்குமார் ஆதித்தன் உள்ளிட்டோர் தனித்தனியாக வழக்கு தொடர்ந்தனர்.

இந்த வழக்குகளின் விசாரணையின்போது, அரியர் மாணவர்கள் அனைவரும் தேர்ச்சி பெற்றதாக தமிழக அரசு அறிவித்தது விதிகளுக்கு முரணானது என்று அகில இந்திய தொழில்நுட்பக் கல்வி கவுன்சில் உள்ளிட்ட அமைப்புகள் பதில் மனு தாக்கல் செய்தன. இந்த நிலையில் இந்த வழக்குகள் தலைமை நீதிபதி சஞ்சீவ் பானர்ஜி, நீதிபதி செந்தில்குமார் ராமமூர்த்தி ஆகியோர் முன்பு நேற்று விசாரணைக்கு வந்தது.

அப்போது தமிழக அரசு தரப்பில் ஆஜரான அட்வகேட் ஜெனரல் விஜய் நாராயண், ‘தமிழக அரசின் இந்த அறிவிப்புக்கு அகில இந்திய தொழில்நுட்பக் கல்வி கவுன்சில், சட்டப்படிப்பு, விவசாயப் படிப்பு, மருத்துவப் படிப்பு, ஆசிரியர் படிப்பு உள்ளிட்ட படிப்புகளை நிர்வகிக்கும் அமைப்புகள் எதிர்ப்பு தெரிவித்தன. அதைத் தொடர்ந்து இந்த படிப்புகளுக்கான அரியர் தேர்வுகள் நடத்தப்பட்டுள்ளன’ என்றார்.

மேலும், ‘பல்கலைக்கழக மானியக் குழு (யு.ஜி.சி.) விதிகளின் அடிப்படையிலேயே கலை மற்றும் அறிவியல் கல்லூரிகளில் அரியர் தேர்வுகள் ரத்து செய்யப்பட்டன’ என்று அட்வகேட் ஜெனரல் கூறினார்.

அதற்கு ஆட்சேபம் தெரிவித்த பல்கலைக்கழக மானியக்குழு வக்கீல், ‘கடந்த 2020-ம் ஆண்டு ஏப்ரல் 29-ந் தேதி மற்றும் ஜூலை மாதங்களில் பிறப்பிக்கப்பட்ட விதிகளில் எளிய முறையில் தேர்வுகளை நடத்த அறிவுறுத்தல் வழங்கி, விதிமுறைகள் வகுக்கப்பட்டன. தேர்வுகள் நடத்தவேண்டாம் என்று யு.ஜி.சி. தெரிவிக்கவில்லை’ என்று வாதிட்டார்.

அதையடுத்து நீதிபதிகள், ‘அரியர் தேர்வு எழுத கட்டணம் செலுத்தினால் தேர்ச்சி என்ற அரசு உத்தரவை ஏற்றுக்கொள்ள இயலாது. ஏதேனும் தேர்வு நடைமுறையை மேற்கொள்வது குறித்து தமிழக அரசு பரிசீலிக்க வேண்டும்' என்று அறிவுறுத்தினார்கள்.

மேலும், ‘தமிழகம் முழுவதும் பல்கலைக்கழகங்கள், கல்லூரிகள் வாரியாக எத்தனை மாணவர்கள் அரியர் தேர்வுக்கு விண்ணப்பித்தனர் என்பது குறித்தும், எத்தனை மாணவர்கள் தேர்ச்சி அடைந்ததாக அறிவிக்கப்பட்டுள்ளனர் என்பது குறித்தும் முழுமையான விவரங்களை தமிழக அரசு தாக்கல் செய்ய வேண்டும்' என்று கூறி, விசாரணையை ஏப்ரல் 15-ந் தேதிக்கு தள்ளிவைத்தனர்.

‘கல்வியின் புனிதத்தில் எந்த சமரசமும் இல்லாமல், ஏதேனும் தேர்வு நடைமுறைகளை மேற்கொள்வது குறித்து தமிழக அரசும், பல்கலைக்கழக மானியக்குழுவும் கலந்து பேசி ஆலோசனைகளை வழங்க வேண்டும்’ என்றும் நீதிபதிகள் கூறியுள்ளனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

திமுக கழக ஆட்சி அமைய 60000கணினி பட்டதாரி ஆசிரியர்கள் ஆதரவு..

அரசு பள்ளியில் பயிலும் கிராமப்புற ஏழை  எளிய மாணவர்களும் உலகத்தரத்திற்கு ஈடான  கல்வி கிடைக்க வேண்டும் என்ற உயரிய நோக்கில் டாக்டர் கலைஞர் அவர்களால் 2008 - 09ம் ஆண்டு கணினி அறிவியல் பாடம் 6 முதல் 10ம் வகுப்பு வரை தனி பாடமாக அறிமுகப்படுத்தப்பட்டு 2011 ஆம் ஆண்டு சுமார் 50 லட்சம் மாணவர்களுக்கு  கணினி அறிவியல் பாட  புத்தகங்கள் அச்சடிக்கப்பட்டது.  உன்னதமான கல்வி அரசு பள்ளிக்கு நடைமுறைப்படுத்த இருந்ததை ஆட்சி மாற்றத்தின் காரணமாக அதிமுக அரசு ஏழை மாணவர்கள் கணினி அறிவியல் கல்வியையும், பாடப்புத்தகங்களையும் வழங்காமல் பத்தாண்டுகள் கிடப்பில் வைத்துவிட்டது கிராமப்புற மாணவர்களுக்கு கிடைக்க வேண்டிய நியாயமான கல்வியை முடக்கி வைத்த  அதிமுக அரசுக்கு முற்றுப்புள்ளி வைப்போம். வருகின்ற திமுக ஆட்சியில் கலைஞர் தந்த கணினி பாடத்தை மீண்டும் அரசு பள்ளியில் உதிக்க செய்து அதற்கான கணினி ஆசிரியர்களை நியமிக்க வேண்டுகிறோம்.

திரு வெ.குமரேசன்,
மாநிலப் பொதுச் செயலாளர் ,
9626545446 ,
தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர்கள் சங்கம் பதிவு எண்:655/2014.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சுப்ரீம் கோர்ட்டின் புதிய தலைமை நீதிபதி பதவிக்கு என்.வி.ரமணா பெயர் பரிந்துரை மத்திய அரசுக்கு எஸ்.ஏ.போப்டே கடிதம்

சுப்ரீம் கோர்ட்டின் புதிய தலைமை நீதிபதி பதவிக்கு மூத்த நீதிபதி என்.வி.ரமணாவின் பெயரை தற்போதைய தலைமை நீதிபதி எஸ்.ஏ.போப்டே பரிந்துரைத்து உள்ளார்.

சுப்ரீம் கோர்ட்டின் தலைமை நீதிபதியாக பதவி வகித்து வரும் எஸ்.ஏ.போப்டேவின் பதவிக்காலம் அடுத்த மாதம் (ஏப்ரல்) 23-ந்தேதியுடன் நிறைவடைகிறது. எனவே புதிய தலைமை நீதிபதியை நியமிக்கும் பணிகளை மத்திய அரசு தொடங்கி இருக்கிறது.

சுப்ரீம் கோர்ட்டின் தலைமை நீதிபதியாக இருப்பவர், தனக்கு பிறகு தலைமை நீதிபதி பொறுப்பை வகிப்பதற்கு தகுதியான மூத்த நீதிபதியின் பெயரை மத்திய அரசுக்கு பரிந்துரைக்க வேண்டியது விதிமுறையாகும். தான் பதவி ஓய்வு பெறுவதற்கு ஒரு மாதத்துக்கு முன்பு இது குறித்து எழுத்துப்பூர்வமாக மத்திய அரசிடம் அளிக்க வேண்டும்.

அந்தவகையில் சுப்ரீம் கோர்ட்டின் புதிய தலைமை நீதிபதிக்கு தகுதி வாய்ந்த நபரை பரிந்துரைக்குமாறு மத்திய அரசு சமீபத்தில் தலைமை நீதிபதி எஸ்.ஏ.போப்டேவுக்கு கடிதம் எழுதியிருந்தது. அதன்படி புதிய தலைமை நீதிபதிக்கான பெயரை நேற்று அவர் மத்திய அரசுக்கு பரிந்துரைத்துள்ளார்.

இதில் சுப்ரீம் கோர்ட்டின் மூத்த நீதிபதியான என்.வி.ரமணாவின் பெயரை, புதிய தலைமை நீதிபதி பதவிக்கு அவர் பரிந்துரைத்துள்ளார். இது தொடர்பாக மத்திய அரசுக்கு கடிதம் எழுதியுள்ள அவர், அதன் ஒரு நகலை நீதிபதி என்.வி.ரமணாவிடமும் அளித்துள்ளார்.

தலைமை நீதிபதி எஸ்.ஏ.போப்டேவின் பரிந்துரையை மத்திய அரசு ஏற்றுக்கொண்டால், அவரை புதிய நீதிபதியாக நியமிக்க ஜனாதிபதிக்கு பரிந்துரைக்கும். அதைத்தொடர்ந்து அவர் சுப்ரீம் கோர்ட்டின் 48-வது தலைமை நீதிபதியாக நியமிக்கப்படுவார்.

ஆந்திராவின் கிருஷ்ணா மாவட்டத்தின் பொன்னாவரம் கிராமத்தை சேர்ந்த நீதிபதி என்.வி.ரமணா, கடந்த 1957-ம் ஆண்டு ஆகஸ்டு 27-ந்தேதி பிறந்தவர். 1983-ம் ஆண்டு பிப்ரவரி 10-ந்தேதி வக்கீலாக தனது பணியை தொடங்கினார்.

கடந்த 2000-ம் ஆண்டு ஜூன் 27-ந்தேதி ஆந்திர ஐகோர்ட்டின் நிரந்தர நீதிபதியாக நியமிக்கப்பட்ட இவர், 2013-ம் ஆண்டு மார்ச் 10 முதல் மே 20-ந்தேதி வரை அந்த கோர்ட்டின் பொறுப்பு தலைமை நீதிபதியாகவும் பதவி வகித்தார்.

அதே ஆண்டு செப்டம்பர் 2-ந்தேதி டெல்லி ஐகோர்ட்டின் தலைமை நீதிபதியாக பதவி உயர்வு பெற்ற என்.வி.ரமணா, 2014-ம் ஆண்டு பிப்ரவரி 17-ல் சுப்ரீம் கோர்ட்டு நீதிபதியானார்.

இவரின் பதவிக்காலம் அடுத்த ஆண்டு (2022) ஆகஸ்டு 26-ந்தேதி வரை நிறைவடைவது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

கணினி ஆசிரியர்களுக்கான விடியல் காத்திருப்பு


தமிழகத்தில் பி.எட் கணினி பட்டதாரி ஆசிரியர்கள் கோரிக்கை வெல்லும் என அச்சங்கத்தின் பொதுச்செயலாளர் தெரிவித்துள்ளார்.

தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர் சங்க பொதுச்செயலாளர் வெ.குமரேசன் வெளியிட்ட அறிக்கையில் கூறியதாவது, அரசு பள்ளிகள் மேன்மை பெறுவதற்காக முன்னாள் முதல்வர் மு கருணாநிதி அவர்கள் சமச்சீர் கல்வி அடிப்படையில் கணினி அறிவியல் பாடத்தை ஆறாம் வகுப்பில் அறிமுகம் செய்தார் .  இதனை பின்பற்றி,  அண்டை மாநிலங்களும் அரசு பள்ளிகளில் கணினி அறிவியல் பாடத்தை அறிமுகம் செய்து, மாணவர்களுக்கு கணினி கல்வியை வழங்கி வருகிறது .

தமிழகத்திலும் கணினி ஆசிரியர்களுக்கு வேலை வாய்ப்பு கிடைக்கும் என்ற நம்பிக்கை பிறந்தது.  கிட்டதட்ட 60,000 பேர் வேலைவாய்ப்பை நோக்கி காத்திருந்தனர் .   ஆட்சி மாற்றத்திற்கு பின், கணினி கல்வி நிறுத்தப்பட்டது . 2011ம் ஆண்டு முதல் மாணவர்கள் நலன் கருதி கணினி கல்வியை அரசு தொடக்க வகுப்பில் கொண்டு வர வேண்டும் எனவும், இதன்மூலம் வேலையில்லா கணினி ஆசிரியர்களுக்கு பணி வாய்ப்பினை வழங்க வேண்டும் என வலியுறுத்தப்பட்டு வருகிறது.

இந்த நிலையில்,  கணினி ஆசிரியர் சங்க நிர்வாகிகள் திராவிட முன்னேற்ற கழகத்தின் மாநில கழக துணை பொதுச்செயலாளர் திண்டுக்கல் ஐ பெரியசாமி அவர்களை சனிக்கிழமை சந்தித்து 60,000 கணினி ஆசிரியர்கள் சார்பாக கோரிக்கை மனு அவரிடம் வழங்கப்பட்டது. அதில் கணினி அறிவியல் பாடம் கொண்டு வர வேண்டும், கணினி ஆசிரியர்களின் வேலைவாய்ப்பு கோரிக்கையை நிறைவேற்ற வேண்டும் என வலியுறுத்தப்பட்டது.

கோரிக்கையை படித்த, அவர், கணினி ஆசிரியர்கள் கோரிக்கை நிறைவேற்றப்படும் அவரது வேலை வாய்ப்பினை உறுதி செய்யப்பபடும், கணினி ஆசிரியர்கள் கோரிக்கை திமுக தலைவர் தளபதி மு.க.ஸ்டாலின் அவர்களின் கவனத்திற்கு கொண்டு செல்லப்படும் என உறுதியளித்தார். கணினி ஆசிரியர்கள் சார்பில் அவருக்கு நன்றி தெரிவிக்கிறோம். கணினி ஆசிரியர்களின் கோரிக்கை வெல்லும் என்ற நம்பிக்கை பிறந்துள்ளது.

சந்திப்பின்போது, திண்டுக்கல் நிர்வாகிகள் சிவராஜ், நாகேந்திரன், ஜான்பால், லாரான்ஸ், சத்தியமூர்த்தி மற்றும் சக கணினி ஆசிரியர்கள் உடனிருந்தனர்.  

இவ்வாறு அவர் அறிக்கையில் கூறியுள்ளார்.


வெ.குமரேசன்,
மாநிலப் பொதுச் செயலாளர் ,
9626545446 ,
தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர்கள் சங்கம் பதிவு எண்:655/2014.
விரிவாக படிக்க இங்கே கிளிக் செய்யுங்கள் | READ MORE | CLICK HERE

790 காலிப்பணியிடங்களுக்கு நடத்தப்பட்ட சிவில் சர்வீசஸ் முதன்மை தேர்வு முடிவு - சைதை துரைசாமியின் மனிதநேய மையத்தில் படித்த 30 பேர் வெற்றி

790 காலிப்பணியிடங்களுக்கு நடத்தப்பட்ட சிவில் சர்வீசஸ் முதன்மை தேர்வு முடிவு நேற்று வெளியானது. இதில் சைதை துரைசாமியின் மனிதநேய பயிற்சி மையத்தில் படித்த 30 பேர் வெற்றி பெற்றுள்ளனர்.

சிவில் சர்வீசஸ் தேர்வு

ஐ.ஏ.எஸ்., ஐ.பி.எஸ்., ஐ.எப்.எஸ். உள்ளிட்ட 26 வகையான சிவில் சர்வீசஸ் பணிகளுக்கான தேர்வை மத்திய அரசு பணியாளர் தேர்வாணையம் (யு.பி.எஸ்.சி.) ஒவ்வொரு ஆண்டும் நடத்தி வருகிறது. முதல்நிலை, முதன்மை மற்றும் நேர்முகத்தேர்வு அடிப்படையில் இந்த பணிகளுக்கு தகுதியுடையவர்கள் தேர்வு செய்யப்படுவார்கள்.

அந்த வகையில் கடந்த ஆண்டு 790 காலிப்பணியிடங்களுக்கான முதல்நிலைத் தேர்வு, கடந்த ஆண்டு மே மாதம் நடைபெறுவதாக இருந்தது. ஆனால் கொரோனா தொற்று காரணமாக அக்டோபர் மாதம் நடத்தப்பட்டது. அதற்கான தேர்வு முடிவு வெளியிடப்பட்ட நிலையில், அந்த தேர்வில் தேர்ச்சி பெற்றவர்கள் அடுத்தக்கட்டமாக எழுதக்கூடிய முதன்மை தேர்வுக்கு தகுதியானவர்களாக கருதப்படுவார்கள்.

முதன்மை தேர்வு முடிவு

அதன்படி 10 ஆயிரத்து 556 பேர் முதன்மை தேர்வுக்கு தகுதியுடையவர்களாக தேர்வானார்கள். அவர்களுக்கான முதன்மைத்தேர்வு கடந்த ஜனவரி மாதம் நடந்தது.

இந்த நிலையில் அந்த தேர்வுக்கான முடிவை www.upsconline.in, www.upsc.gov.in என்ற மத்திய அரசு பணியாளர் தேர்வாணையத்தின் இணையதளங்களில் சென்று தெரிந்து கொள்ளலாம். தேர்ச்சி பெற்றவர்கள் அடுத்தபடியாக நேர்முகத்தேர்வில் கலந்துகொள்ள வேண்டும்.

2,047 பேர் வெற்றி

அகில இந்திய அளவில் முதன்மை தேர்வில் 2 ஆயிரத்து 47 பேர் வெற்றி பெற்று இருப்பதாக இணையதளத்தில் வெளியிடப்பட்டுள்ள பட்டியலில் தெரியவந்துள்ளது. தமிழகத்தைச் சேர்ந்த சுமார் 150-க்கும் மேற்பட்டோர் தேர்ச்சி பெற்று இருப்பதாக தகவல்கள் வெளியாகி இருக்கின்றன.

நேர்முகத்தேர்வு குறித்த விவரங்கள் மத்திய அரசு பணியாளர் தேர்வாணையத்தின் இணையதளத்தில் பதிவேற்றம் செய்யப்படும் என்றும், மின் அழைப்பு கடிதம் மூலமாகவும் விண்ணப்பதாரர்களுக்கு தெரிவிக்கப்படும் என்றும் பத்திரிகை தகவல் அலுவலகம் தெரிவித்துள்ளது.

மனிதநேய பயிற்சி மையம்

இந்த முதன்மை தேர்வுக்கு சைதை துரைசாமியின் மனிதநேய மையம் இலவச பயிற்சி வழங்கி வந்தது. அதில் பயிற்சி பெற்றவர்களில் 19 மாணவர்களும், 11 மாணவிகளும் என மொத்தம் 30 பேர் தேர்ச்சி பெற்று இருக்கின்றனர். இது தொடர்பாக பெருநகர சென்னை மாநகராட்சியின் முன்னாள் மேயரும், மனித நேய அறக்கட்டளையின் நிறுவன தலைவருமான சைதை துரைசாமி வெளியிட்டுள்ள செய்திக்குறிப்பில் கூறியிருப்பதாவது:-

நேர்முகத்தேர்வுக்கு இலவச பயிற்சி

முதன்மைத்தேர்வில் தேர்ச்சி பெற்ற அனைத்து மாணவ-மாணவிகளுக்கும் நேர்முகத்தேர்வுக்கான பயிற்சி மனிதநேய பயிற்சி மையம் மூலம் இலவசமாக வழங்கப்பட இருக்கிறது. இந்த பயிற்சியில் கலந்து கொள்ள விரும்புபவர்கள் சமீபத்தில் எடுக்கப்பட்ட பாஸ்போர்ட் அளவு புகைப்படம் மற்றும் முதன்மை தேர்வுக்கான நுழைவு சீட்டுடன் இன்று (புதன்கிழமை) முதல் சென்னை சி.ஐ.டி. நகரில் உள்ள மனிதநேய பயிற்சி மையத்தில் நேரில் வந்து பதிவு செய்து கொள்ளலாம்.

நேர்முகத்தேர்வுக்காக சிறந்த பயிற்சியாளர்கள் மூலம் சிறந்த பயிற்சி அளிக்கப்படும். தங்குவதற்கு இலவச விடுதி மற்றும் தரமான உணவு வழங்கப்படும். நேர்முகத்தேர்வில் பங்கு பெறுபவர்கள் டெல்லி சென்று வருவதற்கு விமான பயணச்சீட்டு வழங்கப்படும். டெல்லியில் உள்ள தமிழ்நாடு இல்லத்தில் தங்குவதற்கும், உணவுக்கும் ஏற்பாடு செய்து தரப்படும். மாணவர்களுக்கு தரமான காலணிகள், கோட்-சூட் மற்றும் மாணவிகளுக்கு புடவை, சுடிதார், காலணிகள் என அனைத்தும் இலவசமாக வழங்கப்படும்.

இவ்வாறு அதில் அவர் கூறியுள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

9, 10, பிளஸ் 1 மாணவா்கள் தோ்ச்சி: அரசாணையை ரத்து செய்ய உயா்நீதிமன்றம் மறுப்பு

தமிழகத்தில் உள்ள 9-ஆம் வகுப்பு முதல் பிளஸ் 1 வகுப்பு வரையிலான அனைத்து மாணவா்களும் தோ்ச்சி பெற்றதாக அறிவித்த அரசாணையை ரத்து செய்ய மறுத்த உயா்நீதிமன்றம், பிளஸ் 1 வகுப்பு மாணவா் சோ்க்கைக்கு பள்ளிகள் தனித் தோ்வு நடத்திக் கொள்ளலாம் என உத்தரவிட்டுள்ளது.

சென்னை உயா்நீதிமன்றத்தில் ஆசிரியா் சங்கம் சாா்பில் தாக்கல் செய்யப்பட்ட மனுவில், தமிழகத்தில் கரோனா நோய்த் தொற்றுப் பரவல் காரணமாக 9, 10 மற்றும் பிளஸ் 1 வகுப்பு வரையிலான அனைத்து மாணவா்களும் தோ்ச்சி பெற்றதாக அறிவித்து தமிழக பள்ளிக் கல்வித்துறை கடந்த பிப்ரவரி 25-ஆம் தேதி அரசாணை பிறப்பித்தது. இந்த அரசாணையை ரத்து செய்ய வேண்டும் என கோரியிருந்தனா்.

இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன் விசாரணைக்கு வந்தது. அப்போது மனுதாரா் சங்கம் தரப்பில், பொதுத் தோ்வு நடத்தவில்லை என்றாலும், பள்ளிகள் அளவில் தோ்வு நடத்தப்பட வேண்டும். அப்போது தான் பிளஸ் 1 வகுப்பில் சேரும்போது மாணவா்கள் விரும்பும் பாடத்திட்டத்தில் சோ்க்கை வழங்க முடியும். தோ்வுகளை ரத்து செய்வதற்கு முன் எந்தவொரு ஆலோசனையையும் அரசு மேற்கொள்ளவில்லை. தோ்தலைக் கருத்தில் கொண்டு இந்த அறிவிப்பு வெளியிடப்பட்டுள்ளதாக தெரிவிக்கப்பட்டது.

இதனையடுத்து வழக்கை விசாரித்த நீதிபதிகள், பொதுநலன் சாா்ந்த விஷயங்களில் அதிகாரிகள் உரிய ஆலோசனைகளுக்குப் பின்னரே முடிவு எடுப்பாா்கள். எனவே எந்த ஆலோசனையும் மேற்கொள்ளவில்லை என்ற வாதத்தை ஏற்க முடியாது. மாணவா்கள் தோ்ச்சி தொடா்பான அரசாணையை ரத்து செய்ய முடியாது என உத்தரவிட்டனா்.

அதேநேரம் 10-ஆம் வகுப்பில் இருந்து பிளஸ் 1 வகுப்புக்குச் செல்லும் மாணவா்கள் விருப்ப பாடத்தை தோ்வு செய்யும் வகையில், அவா்களது தகுதியைக் கண்டறிய பள்ளிகள் தனித் தோ்வு நடத்திக் கொள்ளலாம். இதுகுறித்து உரிய வழிகாட்டு விதிமுறைகளை உருவாக்கி பள்ளிக்கல்வித் துறை அறிவிக்க வேண்டும் என உத்தரவிட்டனா்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

உயர்கல்வி படிப்புகளுக்கு செயல்முறை வகுப்புகளை மார்ச் 31ம் தேதிக்குள் நடத்தி முடிக்க தமிழக அரசு உத்தரவு

உயர்கல்வி படிப்புகளுக்கு செயல்முறை வகுப்புகளை மார்ச் 31ம் தேதிக்குள் நடத்தி முடிக்க தமிழக அரசு உத்தரவு பிறப்பித்துள்ளது. உயர்கல்வி நிறுவனங்கள், நிகர்நிலை பல்கலை.யில் ஆன்லைனில் 6 நாட்கள் வகுப்புகள் நடைபெறும் எனவும் அறிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கோவிஷீல்டு தடுப்பூசியின் 2 டோஸ்களுக்கு இடையேயான இடைவெளி நீட்டிப்பு மத்திய அரசு தகவல்

கொரோனாவுக்கு எதிராக இந்தியாவில் கோவேக்சின் மற்றும் கோவிஷீல்டு ஆகிய தடுப்பூசிகள் போடப்படுகின்றன. இந்த 2 தடுப்பூசிகளும் 2 டோஸ்கள் போட வேண்டும்.
 
இதில் கோவிஷீல்டு தடுப்பூசியின் 2-வது டோஸ் முதல் டோஸ் போடப்பட்ட 4 முதல் 6 வாரங்களுக்குள் போடப்பட வேண்டும் என கூறப்பட்டு இருந்தது. ஆனால் தற்போது இது 4 முதல் 8 வாரங்களுக்குள் போட்டுக்கொள்ளலாம் என மத்திய அரசு கூறியுள்ளது.
 
இது தொடர்பாக மத்திய சுகாதார அமைச்சகம் வெளியிட்டுள்ள அறிக்கையில், ‘வளர்ந்துவரும் விஞ்ஞான ஆதாரங்களின் அடிப்படையில் கோவிஷீல்டு தடுப்பூசியின் 2 டோஸ்களுக்கு இடையேயான இடைவெளியை நோய்த்தடுப்பு தொடர்பான தேசிய தொழில்நுட்ப ஆலோசனைக்குழு மாற்றியமைத்து உள்ளது. அதன்படி இந்த தடுப்பூசியின் 2-வது டோசை 4 முதல் 8 வாரங்களுக்குள் போட்டுக்கொள்ளலாம் என என்.இ.ஜி.வி.ஏ.சி.யும் பரிந்துரைத்துள்ளது’ என்று கூறப்பட்டு உள்ளது.
 
இதைத்தொடர்ந்து மாநிலங்கள் மற்றும் யூனியன் பிரதேச தலைமை செயலாளர்களுக்கு கடிதம் எழுதியுள்ள மத்திய சுகாதார செயலாளர் ராஜேஷ் பூஷண், மேற்படி பரிந்துரையை மத்திய அரசு ஏற்றுக்கொள்வதாக குறிப்பிட்டுள்ளார்.
 
எனவே கோவிஷீல்டு பயனாளர்கள் 2-வது டோஸ் தடுப்பூசியை முதல் டோஸ் போட்ட 4 முதல் 8 வாரங்களுக்குள் போட்டுக்கொள்ள அனுமதிக்கலாம் என குறிப்பிட்டுள்ள பூஷண், இந்த காலத்தில் போட்டுக்கொண்டால் பாதுகாப்பு அதிகரிக்கும் எனவும் கூறியுள்ளார்.
 
அதேநேரம் இது கோவிஷீல்டு தடுப்பூசிக்கு மட்டுமே பொருந்தும் எனவும், கோவேக்சின் போட்டுக்கொண்டவர்களுக்கு பொருந்தாது எனவும் அவர் அந்த கடிதத்தில் அறிவுறுத்தி உள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கல்வித்தகுதி முழுவதையும் தமிழில் படித்தால் மட்டுமே 20 சதவீத ஒதுக்கீட்டில் அரசு வேலை மதுரை ஐகோர்ட்டு உத்தரவு

மதுரை திருமங்கலத்தைச் சேர்ந்த சக்திராவ், மதுரை ஐகோர்ட்டில் தாக்கல் செய்த மனுவில் கூறியிருந்ததாவது:-

மதுரை சட்டக்கல்லூரியில் 3 ஆண்டு சட்டப்படிப்பை தமிழ் வழியில் படித்து முடித்துள்ளேன். கடந்த 2019-ம் ஆண்டு ஜனவரி மாதம் குரூப்-1 தேர்வு அறிவிப்பு வெளியானது.


இதற்கான முதல்நிலை தேர்வில் தேர்ச்சி பெற்று, எழுத்து தேர்வும் எழுதினேன். இதன் அடிப்படையில் நேர்முகத்தேர்வுக்கு தேர்வானவர்களின் பட்டியல் வெளியிடப்பட்டது. அதில் எனது பெயர் இடம்பெறவில்லை. தமிழ்வழியில் படித்ததற்கான ஒதுக்கீட்டின்கீழ் நான் தேர்ந்தெடுக்கப்படவில்லை. விதிகளின்படி தமிழ் வழியில் படித்தவர்களுக்கு 20 சதவீத இட ஒதுக்கீட்டின்கீழ் இந்த நேர்முகத்தேர்வில் பங்கேற்க எனக்கு தகுதி உள்ளது. ஆனால் இந்த சலுகையின்கீழ் தொலைநிலை கல்வியில் படித்தவர்களை நேர்முகத்தேர்வுக்கு அழைத்து இருந்தது தெரியவந்தது.

தடை விதிக்க வேண்டும்

தொலைநிலைக்கல்வியில் படிப்பவர்கள் முழுமையாக தமிழ் வழியில் படிப்பதில்லை. இவர்களை தமிழ் வழியில் படித்தவர்களாக கருத முடியாது.

எனவே தமிழ்வழிக்கல்வி இடஒதுக்கீடு சலுகையின்கீழ் மேற்கண்ட பணிக்காக தேர்ந்தெடுக்கப்பட்டவர்களுக்கு பணி நியமன உத்தரவு வழங்க தடை விதிக்க வேண்டும். நேரடியாக கல்லூரியில் தமிழ்வழிக்கல்வி படித்தவர்களுக்கு 20 சதவீத இடஒதுக்கீட்டின்கீழ் பணி வழங்க உத்தரவிட வேண்டும்.

இவ்வாறு மனுவில் கூறியிருந்தார்.

ஏற்கனவே இந்த வழக்கை விசாரித்த ஐகோர்ட்டு, பல்வேறு உத்தரவுகளை பிறப்பித்து இருந்தது. உரிய பதில் அளிக்கவில்லை என்றால் லஞ்ச ஒழிப்பு போலீசாரின் விசாரணைக்கு உத்தரவிடப்படும் என்று எச்சரிக்கை விடப்பட்டு இருந்தது.

தீர்ப்பு

இந்தநிலையில் நேற்று நீதிபதிகள் கிருபாகரன், புகழேந்தி ஆகியோர் இந்த வழக்கின் தீர்ப்பை பிறப்பித்தனர். அந்த தீர்ப்பு விவரம் வருமாறு:-

1-ம் வகுப்பு முதல் எஸ்.எஸ்.எல்.சி. வரையிலும், பிளஸ்-1, பிளஸ்-2 வகுப்புகள் மற்றும் கல்லூரி படிப்புகள் என டி.என்.பி.எஸ்.சி. பணிக்கான கல்வித்தகுதி முழுவதையும் தமிழில் படித்தவர்களுக்கு மட்டுமே டி.என்.பி.எஸ்.சி. பணிகளில் தமிழ் வழியில் படித்தவர்களுக்கான 20 சதவீத இட ஒதுக்கீடு பெற தகுதியானவர்கள். அவர்களுக்கு மட்டுமே தமிழ் வழி படித்தவர்களுக்கான 20 சதவீத இடஒதுக்கீட்டை வழங்க வேண்டும் என்று தமிழக அரசுக்கு உத்தரவிடுகிறோம்.

காமராஜர் பல்கலைக்கழகம்

மதுரை காமராஜர் பல்கலைக்கழகத்தில் தமிழ் வழியில் படித்தவர்களுக்கான சான்றிதழ்களை போலியாக வழங்கிய விவகாரம் குறித்து ஊழல் மற்றும் லஞ்ச ஒழிப்புத்துறையினர் விசாரணை நடத்தி 3 மாதத்தில் இந்த கோர்ட்டில் அறிக்கை தாக்கல் செய்ய வேண்டும்.

இவ்வாறு தீர்ப்பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனா தாக்கம் அதிகரிப்பு எதிரொலி: கல்லூரிகளிலும் நேரடி வகுப்புகள் ரத்து 'ஆன்லைன்' முறையில் வகுப்புகள் தொடர அரசு உத்தரவு

கொரோனா நோய்த்தொற்று காரணமாக பள்ளிகள், கல்லூரிகள் கடந்த ஆண்டு மார்ச் மாதம் முதல் மூடப்பட்டு இருந்தன. நோய் பாதிப்பு சற்று குறைந்ததை அடுத்து கடந்த ஆண்டு டிசம்பர் மாதம் கல்லூரி இறுதியாண்டு மாணவர்களுக்கு வகுப்புகள் தொடங்கின.

அதனைத் தொடர்ந்து கடந்த பிப்ரவரி மாதத்தில் இருந்து மற்ற மாணவர்களுக்கும் நேரடி வகுப்புகள் தொடங்கப்பட்டன. இந்த நிலையில் கொரோனா நோய்த்தொற்று மீண்டும் தமிழகத்தில் அதிகமாக பரவத் தொடங்கியிருக்கிறது.

இதனை கருத்தில் கொண்டு ஏற்கனவே பள்ளிகளில் நடைபெற்று வந்த 9, 10, 11-ம் வகுப்பு மாணவர்களுக்கான வகுப்புகளை ரத்து செய்து மறு உத்தரவு வரும் வரை பள்ளிகளை மூட அரசு உத்தரவிட்டு இருந்தது.

அதன் தொடர்ச்சியாக கல்லூரிகளிலும் நேரடி வகுப்புகளை தொடரலாமா? என்பது குறித்து ஆலோசிக்க நேற்று காணொலி காட்சி மூலம் அவசரக்கூட்டம் நடந்தது. இந்த கூட்டத்தில் தலைமைச் செயலாளர் ராஜீவ் ரஞ்சன், உயர்கல்வித்துறை செயலாளர் அபூர்வாவுடன் ஆலோசனை நடத்தினார். அப்போது சுகாதாரத்துறை, பேரிடர் மேலாண்மை துறையை சேர்ந்த அதிகாரிகள், பல்கலைக்கழக துணைவேந்தர்கள், உயர் கல்வித்துறை அதிகாரிகள் ஆகியோரும் இருந்தனர்.

இந்த ஆலோசனையில் அதிகரித்துவரும் கொரோனா நோய்த் தொற்றுக்கு மத்தியில் நேரடி வகுப்புகளை தொடரலாமா?, செமஸ்டர் தேர்வுகளை எப்படி நடத்துவது? என்பது உள்பட பல்வேறு விஷயங்களை குறித்து பேசப்பட்டது. ஆலோசனைக் கூட்டம் முடிந்த பிறகு இது தொடர்பாக தலைமைச் செயலாளர் ராஜீவ் ரஞ்சன் ஒரு அறிவிப்பை வெளியிட்டார். அதில் கூறப்பட்டு இருப்பதாவது:-

முன்னதாக தமிழகத்தில் கொரோனா தொற்று குறைந்து வருவதை கருத்தில்கொண்டும், மாவட்ட கலெக்டர்கள், மருத்துவ மற்றும் பொது சுகாதார வல்லுனர்கள் தெரிவித்த கருத்தின் அடிப்படையிலும், பல்கலைக்கழக துணை வேந்தர்களின் ஆலோசனைகளின் அடிப்படையில் முதல் கட்டமாக 7.12.20 அன்று முதுகலை இறுதி ஆண்டு மற்றும் ஆராய்ச்சி மாணவர்களுக்கான கல்லூரிகள் திறக்கவும் மற்றும் 8.2.21 முதல் இளங்கலை மற்றும் முதுகலை கல்லூரிகள் திறக்கவும் அனுமதி அளிக்கப்பட்டது. கல்லூரிக்கு வரும் மாணவர்களுக்கான விடுதிகளும் செயல்பட அனுமதிக்கப்பட்டது.

தற்போது தமிழகத்தில் கொரோனா தொற்று அதிகரித்து வரும் சூழலை கருத்தில்கொண்டு தலைமைச் செயலாளர் ராஜீவ் ரஞ்சன் நேற்று உயர் கல்வித்துறை முதன்மைச் செயலாளருடன் ஆலோசனை மேற்கொண்டார். அப்போது, அனைத்து பல்கலைக்கழக துணை வேந்தவர்கள், தொழில்நுட்ப கல்வி இயக்குனர், கல்லூரி கல்வி இயக்குனர், பொது சுகாதாரம் மற்றும் நோய் தடுப்பு மருந்து இயக்குனரின் பரிந்துரைகளை ஏற்று, மக்கள் நல்வாழ்வு மற்றும் குடும்ப நலத்துறை மற்றும் உயர் கல்வித்துறை மற்றும் வருவாய் மற்றும் பேரிடர் மேலாண்மை துறைகளோடு ஆலோசிக்கப்பட்டது.

கொரோனா தொற்று அதிகரித்து வருவதாலும், கொரோனா தொற்றால் மாணவர்களும், அதனால் பொதுமக்களும் பாதிக்கப்படக்கூடாது என்பதாலும், மாணவர்கள் மற்றும் பொதுமக்களின் நலன் கருதி, வரும் 23-ந் தேதி (இன்று) முதல் உயர் கல்வித்துறையின் கீழ் செயல்படும் அனைத்து கல்வி நிறுவனங்களிலும் மற்றும் தமிழகத்தில் செயல்படும் அனைத்து நிகர்நிலை பல்கலைக்கழகங்களிலும் வகுப்புகள் இணையவழி முறையில் வாரத்தில் 6 நாட்கள் தொடர்ந்து நடைபெறும்.

அறிவியல், பொறியியல் மற்றும் பலவகை தொழில்நுட்ப பிரிவு மாணவர்களுக்கு குறிப்பாக இறுதி பருவ மாணவர்களுக்கு செயல்முறை வகுப்புகள் மற்றும் செயல்முறை தேர்வுகள் வருகிற 31-ந் தேதிக்குள் முடித்திடவும், மேலும் இந்த பருவத்துக்கான இறுதி தேர்வுகளை இணைய வழியில் மட்டுமே நடத்தவும் உத்தரவிடப்பட்டுள்ளது. இதற்கான அரசாணை வருவாய் மற்றும் பேரிடர் மேலாண்மைத் துறையால் வெளியிடப்பட்டுள்ளது.

இவ்வாறு அதில் தெரிவிக்கப்பட்டுள்ளது.

இந்த அறிவிப்பின்படி கல்லூரிகளில் நடைபெற்று வந்த நேரடி வகுப்புகள் ரத்து செய்யப்பட்டு, அந்த வகுப்புகள் இணையவழியில் மட்டுமே நடைபெற உள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழகத்தில் வாக்காளர் எண்ணிக்கை அதிகரிப்பு: காலை 7 மணியில் இருந்து இரவு 7 மணிவரை வாக்குப்பதிவு தலைமை தேர்தல் அதிகாரி சத்யபிரத சாகு அறிவிப்பு

தமிழகத்தில் சட்டசபை தேர்தலுக்கான வாக்குப்பதிவு காலை 7 மணியில் இருந்து இரவு 7 மணி வரை நடைபெறும் என்று தலைமை தேர்தல் அதிகாரி சத்யபிரத சாகு அறிவித்துள்ளார்.

இதுகுறித்து தலைமைச் செயலகத்தில் நிருபர்களுக்கு சத்யபிரத சாகு அளித்த பேட்டி வருமாறு:-

தேர்தலில் போட்டியிடுவதற்கு 7 ஆயிரத்து 255 வேட்புமனுக்கள் தாக்கல் செய்யப்பட்டுள்ளன. அதில் 2 ஆயிரத்து 727 மனுக்கள் நிராகரிக்கப்பட்டன. தற்போது 4 ஆயிரத்து 512 மனுக்கள் ஏற்றுக்கொள்ளப்பட்டுள்ளன. (நேற்றிரவு 6.30 மணி நிலவரப்படி 215 மனுக்கள் திரும்பப் பெறப்பட்டன).

கடந்த ஜனவரி 20-ந் தேதி வெளியிடப்பட்ட இறுதி வாக்களாளர் பட்டியலின்படி தமிழகத்தில் 6 கோடியே 26 லட்சத்து 74 ஆயிரத்து 446 வாக்காளர்கள் இருந்தனர். பின்பு இணையதளத்திலும், நேரடியாகவும் வாக்காளர் பட்டியலில் சேர்வதற்கு பலர் விண்ணப்பித்து இருந்தனர். ஆக தற்போது 6 கோடியே 29 லட்சத்து 43 ஆயிரத்து 512 ஆக வாக்காளர் எண்ணிக்கை உயர்ந்துள்ளது. இவர்களின் ஆண்கள் 3 கோடியே 9 லட்சத்து 95 ஆயிரத்து 440 பேர், பெண்கள் 3 கோடியே 19 லட்சத்து 40 ஆயிரத்து 880 பேர். 7 ஆயிரத்து 192 பேர் மூன்றாம் பாலினத்தவர். கடந்த 2 மாதத்தில் புதிதாக 2 லட்சத்து 69 ஆயிரத்து 66 பேர் சேர்க்கப்பட்டுள்ளனர்.

தமிழகத்தில் பறக்கும்படை உள்ளிட்ட குழுவினர் நடத்திய சோதனையில் ரூ.231.63 கோடி மதிப்புள்ள பணம், பொருட்களை பறிமுதல் செய்துள்ளனர்.

சி-விஜில் செயலியை வாக்காளர்கள் பயன்படுத்தி புகார் அளிக்கலாம். இதுவரை சி-விஜில் செயலி மூலம் ஆயிரத்து 971 புகார்கள் வந்துள்ளன. அதில் ஆயிரத்து 368 புகார்கள் சரியானவை என்று கண்டறியப்பட்டு நடவடிக்கை எடுக்கப்பட்டுள்ளது. அதிகபட்சமாக கரூர்-437, கோவை-323, சென்னை-112 புகார்கள் வந்துள்ளன.

தேர்தல் நடத்தை விதிகளை மீறியதாக 2 ஆயிரத்து 122 புகார்கள் வந்துள்ளன. தேர்தல் முன்னெச்சரிக்கை நடவடிக்கையாக 8 ஆயிரத்து 158 பேர் கைது செய்யப்பட்டுள்ளனர். தமிழகத்தில் 80 வயதுக்கு மேல் வாக்காளர்கள் 12.87 லட்சம் பேர் உள்ளனர். இதில், 1 லட்சத்து 49 ஆயிரத்து 567 பேரும், மொத்தமுள்ள 4.81 லட்சம் மாற்றுத்திறனாளிகளில் 45 ஆயிரத்து 397 பேரும் தபால் வாக்குக்கான 12-டி படிவங்கள் அளித்துள்ளனர். கொரோனா பாதிப்புக்குள்ளான யாரும் தபால் ஓட்டுக்கான விண்ணப்பங்களை அளிக்கவில்லை.

வேட்பாளர்களின் குற்றப்பின்னணி குறித்த விவரங்களை, வேட்பாளர்கள், அரசியல் கட்சிகள் 3 கட்டங்களாக விளம்பரம் செய்ய வேண்டும்.

21 லட்சத்து 39 ஆயிரம் புதிய வாக்காளர்களுக்கு விரைவு தபால் மூலம் புதிய வாக்காளர் அடையாள அட்டைகள் அனுப்பப்பட்டுள்ளன. மீதமுள்ளவர்களுக்கு இம்மாத இறுதிக்குள் அடையாள அட்டை அனுப்பி வைக்கப்படும்.

எனவே வாக்காளர் பட்டியலில் பெயர் உள்ள யாரும் கவலைப்பட வேண்டாம். ஒருவேளை அடையாள அட்டை வராவிட்டால், ‘இ-எபிக்’ மூலம் பதிவிறக்கம் செய்து, அதைப் பயன்படுத்தலாம்.

வாக்காளர்களுக்கு பணம் கொடுப்பது தொடர்பாக இதுவரை படத்துடன் ஒரு புகார் வந்துள்ளது. அதன் பேரில் நடவடிக்கை எடுக்க மாவட்ட தேர்தல் அதிகாரிக்கு உத்தரவிடப்பட்டுள்ளது. கொரோனாவால் பாதிக்கப்பட்டுள்ளவர்கள் இனி தபால் ஓட்டுக்கு விண்ணப்பிக்க முடியாது. அதற்கான கால அவகாசம் முடிந்துவிட்டது.

எனவே வாக்குச்சாவடி அலுவலரிடம் இதுபற்றி தெரிவித்து, வாக்குச்சாவடியில் கடைசி ஒரு மணி நேரத்தில் வாக்களிக்கலாம்.

கொரோனா தொற்று அதிகரிப்பதால் தேர்தலை தள்ளி வைக்க வாய்ப்புள்ளதா என்று கேட்கிறீர்கள். தேர்தலை நடத்துவதற்கான அனைத்து பணிகளும் திட்டமிட்டபடி நடைபெற்றுக்கொண்டிருக்கின்றன. நாங்கள் சுகாதாரத்துறையினருடன் இணைந்து செயல்பட்டு வருகின்றோம். இதுதவிர தேர்தல் ஆணையமும் கள நிலவரத்தை தொடர்ந்து கண்காணித்து வருகிறது. தேர்தல் ஆணையத்தின் உத்தரவுப்படி நடவடிக்கை எடுக்கப்படும்.

மாவட்ட தேர்தல் அதிகாரிகள் தொடர்ந்து தேர்தல் பிரசாரத்தை கண்காணித்து, முக கவசம் அணியாதவர்கள் மீது நடவடிக்கை எடுக்கின்றனர். தேர்தல் வாக்குப்பதிவுக்கான நேரம், காலை 7 மணி முதல் இரவு 7 மணி வரை என்று முடிவு செய்யப்பட்டுள்ளது.

வேட்பாளர்களின் குரல் பதிவு செய்யப்பட்டு வாக்காளர்களின் செல்போன்களுக்கு அழைப்பாக விளம்பரப்படுத்தப்படுவது பற்றி புகார்கள் வந்துள்ளன. தேர்தல் குழுவின் அனுமதி பெறாமல் விளம்பரம் செய்வது தேர்தல் விதி மீறலாக கருதப்படும்.

வேட்பாளர் ஒருவர் (கரூர்) மீது வந்துள்ள புகார் குறித்து தேர்தல் ஆணையம் சில கருத்துகளை தெரிவித்துள்ளது. அது நிர்வாக ரீதியான ரகசியம் என்பதால் அதை வெளியிட முடியாது.

இவ்வாறு அவர் தெரிவித்தார்.

அதைத் தொடர்ந்து, வாக்களிக்க வேண்டியதன் அவசியம் குறித்த 20 வீடியோக்களை தலைமை தேர்தல் அதிகாரி சத்யபிரத சாகு வெளியிட்டார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சிறந்த தமிழ் படமாக ‘அசுரன்’ தேர்வு நடிகர் தனுசுக்கு தேசிய விருது

‘அசுரன்’ படத்தில் சிறப்பாக நடித்ததற்காக நடிகர் தனுசுக்கு சிறந்த நடிகருக்கான தேசிய விருது அறிவிக்கப்பட்டு உள்ளது. நடிகர் விஜய்சேதுபதி, சிறந்த துணை நடிகர் விருது பெறுகிறார்.

சிறந்த படம் : 

67-வது தேசிய திரைப்பட விருதுகள் டெல்லியில் நேற்று அறிவிக்கப்பட்டன. அதாவது 2019-ம் ஆண்டு வெளிவந்த திரைப்படங்களில் சிறந்த திரைப்படங்கள், சிறந்த நடிகர்கள், சிறந்த தொழில்நுட்ப கலைஞர்களுக்கு இந்த விருதுகள்அறிவிக்கப்பட்டன.

இதில் சிறந்த படமாக மோகன்லால் நடித்த ‘மரக்கார் அரபிக்கடலின்டே சிம்மம்’ என்ற மலையாள படம் தேர்வு செய்யப்பட்டது.

சிறந்த நடிகராக நடிகர் தனுஷ் தேர்வு செய்யப்பட்டு உள்ளார். அசுரன் படத்தில் அவரது சிறப்பான நடிப்புக்காக இந்த விருது அறிவிக்கப்பட்டு உள்ளது. இதைப்போல், ‘போன்ஸ்லே’ என்ற இந்தி படத்தில் நடித்த நடிகர் மனோஜ் பாஜ்பாயிக்கும் சிறந்த நடிகருக்கான தேசிய விருது அறிவிக்கப்பட்டு இருக்கிறது.

இந்த ஆண்டு சிறந்த நடிப்புக்கான தேசிய விருது 2 நடிகர்களுக்கும் பகிர்ந்து அளிக்கப்படுகிறது.

சிறந்த நடிகைக்கான தேசிய விருது கங்கனா ரணாவத்துக்கு அறிவிக்கப்பட்டு உள்ளது. ‘மணிகர்னிகா தி குயின் ஆப் ஜான்சி’ மற்றும் ‘பங்கா’ ஆகிய இந்தி படங்களில் சிறப்பாக நடித்ததற்காக சிறந்த நடிகையாக அவர் தேர்வு செய்யப்பட்டு உள்ளார்.

சிறந்த இயக்குனருக்கான விருதுக்கு ‘பகத்தார் ஹுரைன்’ என்ற படத்தை இயக்கிய இயக்குனர் சஞ்சய் புரன்சிங் சவுகான் தேர்ந்து எடுக்கப்பட்டு உள்ளார்.

நடிகர் விஜய் சேதுபதிக்கு சிறந்த துணை நடிகருக்கான விருது அறிவிக்கப்பட்டு உள்ளது. ‘சூப்பர் டீலக்ஸ்’ படத்துக்காக இவ்விருது அறிவிக்கப்பட்டு இருக்கிறது. சிறந்த துணை நடிகை விருது ‘தி தாஷ்கென்ட் பைல்ஸ்’ என்ற இந்தி படத்தில் நடித்த பல்லவி ஜோஷிக்கு அறிவிக்கப்பட்டு உள்ளது.

சிறந்த குழந்தை நட்சத்திரமாக ‘கேடி (எ) கருப்பு துரை’ என்ற தமிழ் படத்தில் நடித்த நாகவிஷால் தேர்ந்து எடுக்கப்பட்டு உள்ளார்.

சிறந்த இசையமைப்பாளருக்கான விருதுக்காக டி.இமான் மற்றும் பிரபுத்தா பானர்ஜி என்ற வங்காள மொழி இசையமைப்பாளர் தேர்வு செய்யப்பட்டு உள்ளனர். நடிகர் அஜித் நடித்த ‘விஸ்வாசம்’ படத்தில் வரும் ‘கண்ணான கண்ணே…’ என்ற பாடலுக்காக டி.இமான் விருதுக்கு தேர்ந்து எடுக்கப்பட்டு உள்ளார்.

தமிழில் சிறந்த படமாக தனுஷ் நடித்த ‘அசுரன்’ தேர்வு செய்யப்பட்டுள்ளது.

இந்தியில் சிறந்த படமாக மறைந்த சுஷாந்த்சிங் ராஜ்புத் இயக்கிய ‘சிச்சோர்’ தேர்வாகி உள்ளது. சிறந்த பொழுதுபோக்கு படமாக ‘மகர்ஷி’ தெலுங்கு படம் தேர்ந்தெடுக்கப்பட்டது. புதுமுக இயக்குனர் இயக்கிய படத்துக்கான இந்திரா காந்தி விருதுக்கு மாதுக்குட்டி சேவியர் இயக்கிய ‘ஹெலன்’ என்ற மலையாள படம் தேர்வு செய்யப்பட்டுள்ளது.

இந்த விருதுகள் தவிர, மேலும் அறிவிக்கப்பட்ட விருதுகள் வருமாறு:-

சிறந்த பின்னணி பாடகர்-பி.பிராக் (படம்:கேசரி, இந்தி, பாடல்: தேரி மிட்டி…).

சிறந்த பின்னணி பாடகி - சவானி ரவீந்திரா (படம்:பர்தோ, மராத்தி, பாடல்: ரான் பேதலா…).

சிறந்த ஒளிப்பதிவு - கிரீஷ் கங்காதரன் (படம் :ஜல்லிக்கட்டு, மலையாளம்).

சிறந்த திரைக்கதை - கவுசிக் கங்குலி (ஜியெஸ்தோபுத்ரோ-வங்காளம்), ஸ்ரீஜித் முகர்ஜி (கும்நாமி-வங்காளம்), விவேக் ரஞ்சன் அக்னிகோத்ரி (தி தேஷ்கன்ட் பைல்ஸ்-இந்தி).

சிறந்த ஒலிப்பதிவு -ரசூல் பூக்குட்டி (ஒத்த செருப்பு சைஸ் 7), மந்தர் கமலாபுர்கர் (திரிஜியா, மராத்தி), தேபஜித் (ஐவ்துக்-காசி).

ராஜு சுந்தரம்

சிறந்த எடிட்டிங் - நவீன் நூலி (ஜெர்சி-தெலுங்கு)

சிறந்த பாடல் -ஆரோடும் பராயுக வய்யா.. (பாடலாசிரியர்: பிரபா வர்மா, படம்: கோலாம்பி)

சிறந்த ஜூரி விருது- ஆர்.பார்த்திபன் (படம்: ஒத்த செருப்பு சைஸ் 7)

சிறந்த நடன இயக்குனர் - ராஜு சுந்தரம் (படம்: மகரிஷி, தெலுங்கு)

சமூக பிரச்சினைகளை அலசும் படம்-ஆனந்தி கோபால் (மராத்தி)

தேசிய ஒருமைப்பாட்டுக்கான நர்கீஸ் விருது-படம்:தாஜ்மகால்

இதுபோல், மேலும் பல பிரிவுகளில் விருதுகள் அறிவிக்கப்பட்டு உள்ளன.

விருதுகளை பிரபல இந்தி சினிமா இயக்குனர் என்.சந்திரா தலைமையிலான திரைப்பட தேர்வுக்குழு நிர்வாகிகள் அறிவித்தனர். நிகழ்ச்சியில், தேர்வுக்குழு உறுப்பினர் கங்கை அமரன் உள்பட பலர் கலந்து கொண்டனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

கல்லூரிகளில் நேரடி வகுப்புகள் தொடருமா?உயர்கல்வித்துறை செயலாளர் இன்று ஆலோசனை

கல்லூரிகளில் நேரடி வகுப்புகளை தொடரலாமா என்பது குறித்து பல்கலைக்கழக துணைவேந்தர்கள், கல்லூரி அதிகாரிகளுடன் உயர்கல்வித்துறை முதன்மைச் செயலாளர் அபூர்வா இன்று (திங்கட்கிழமை) காணொலி காட்சி மூலம் ஆலோசனை நடத்துகிறார்.

கொரோனா வைரஸ் கடந்த ஆண்டு மார்ச் மாதம் முதல் தமிழகத்தில் பரவத் தொடங்கியது. அதையடுத்து பள்ளிகள், கல்லூரிகள் மூடப்பட்டன. தொடர்ந்து நோய்த் தொற்றின் தாக்கம் தீவிரமாக இருந்து வந்ததால் பள்ளிகள், கல்லூரிகள் மூடப்பட்டே இருந்தன.

கொரோனா பாதிப்பு குறைந்தநிலையில் கடந்த ஆண்டு டிசம்பர் மாதத்தில் கல்லூரி இறுதியாண்டு மாணவர்களுக்கும், இந்த ஆண்டின் தொடக்கத்தில் மீதமுள்ள மாணவர்களுக்கும் வகுப்புகள் தொடங்கின. இருப்பினும் ஆன்லைன் வகுப்புகளும் சில கல்லூரிகளில் நடந்து வருகின்றன. அதேபோல், 9, 10, 11 மற்றும் 12-ம் வகுப்பு மாணவர்களுக்கு மட்டும் நேரடி வகுப்புகள் நடந்து வந்தன.

இந்த நிலையில் தமிழகத்தில் குறைந்து வந்த கொரோனா தொற்று, தற்போது மீண்டும் அதிகரிக்கத்தொடங்கி இருக்கிறது. இதை கருத்தில் கொண்டு, பள்ளிகளில் வகுப்புகள் நடைபெற்று வந்த 9, 10, 11-ம் வகுப்பு மாணவர்களுக்கு விடுமுறை அளிக்க நேற்று முன்தினம் அரசு உத்தரவு பிறப்பித்தது.

ஏற்கனவே அவர்களுக்கான ஆண்டு இறுதித்தேர்வு, பொதுத்தேர்வு ரத்து செய்யப்பட்ட நிலையில், தற்போது நேரடி வகுப்புகளும் ரத்து செய்யப்பட்டுள்ளது குறிப்பிடத்தக்கது. இருப்பினும் ஆன்லைன் மூலம் வகுப்புகள் நடத்தலாம் என்று தெரிவிக்கப்பட்டுள்ளது. மேலும் பொதுத்தேர்வு எழுத இருக்கும் 12-ம் வகுப்பு மாணவர்களுக்கு வகுப்புகள் தொடரும் என்று அறிவிக்கப்பட்டுள்ளது.

பள்ளிகளில் 9, 10, 11-ம் வகுப்பு மாணவர்களுக்கு மறுஉத்தரவு வரும் வரை பள்ளிகளை மூட உத்தரவிட்டதன் தொடர்ச்சியாக, உயர்கல்வி பயிலும் மாணவர்களுக்கு அடுத்தகட்டமாக என்ன மாதிரியான முன்னெச்சரிக்கை நடவடிக்கைகளை எடுக்கலாம் என்பது குறித்து ஆலோசிக்கப்பட இருப்பதாக நேற்று தகவல்கள் வெளியாகின.

அதன்படி, உயர்கல்வித்துறை முதன்மைச் செயலாளர் அபூர்வா, பல்கலைக்கழக துணைவேந்தர்கள், உயர்கல்வித்துறை அதிகாரிகளுடன் காணொலி காட்சி மூலம் இன்று (திங்கட்கிழமை) அவசரமாக கூடி ஆலோசிக்க இருக்கிறார்.

அதில் கல்லூரிகளில் நேரடி வகுப்புகளைத் தொடரலாமா?, செமஸ்டர் தேர்வுகளை எப்படி நடத்துவது?, கல்லூரிகளில் வகுப்புகளைத் தொடருவது என்றால், அதற்கான முன்னெச்சரிக்கை நடவடிக்கைகளை மேலும் தீவிரப்படுத்துவது எப்படி? என்பவை உள்பட பல்வேறு முக்கிய முடிவுகளை எடுக்க இருப்பதாக கூறப்படுகிறது. அதன் அடிப்படையில் அடுத்தகட்ட அறிவிப்பை அரசு வெளியிடும் என்று எதிர்பார்க்கப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

9, 10, 11-ம் வகுப்புகளுக்கு விடுமுறை தமிழக அரசு உத்தரவு

தமிழகத்தில் கொரோனா தொற்று பாதித்தவர்கள் எண்ணிக்கை நேற்று 2-வது நாளாக ஆயிரத்தை தாண்டியது. அதைத்தொடர்ந்து தமிழகத்தில் 9, 10 மற்றும் 11-ம் வகுப்புகளை மூட அரசு உத்தரவிட்டுள்ளது.

இதுகுறித்து தமிழக அரசு வெளியிட்ட செய்திக்குறிப்பில் கூறப்பட்டு இருப்பதாவது:-

இந்தியாவில் மராட்டியம், பஞ்சாப், மத்திய பிரதேசம், குஜராத், கர்நாடகா, சத்தீஷ்கர் மற்றும் டெல்லி உள்ளிட்ட சில மாநிலங்களில் கொரோனா தொற்று தொடர்ந்து அதிகரித்து வருகிறது. அதுபோல் தமிழ்நாட்டிலும் சில மாவட்டங்களில் நிகழ்ச்சிகள், விழாக்கள், கூட்டங்கள் போன்ற காரணங்களினாலும், பொது இடங்களில் மக்கள் முககவசம் அணிவதை தவிர்ப்பதாலும், பணியிடங்களில் நிலையான வழிகாட்டு நெறிமுறைகளை முறையாக பின்பற்ற தவறுவதாலும் சமீப காலத்தில் கொரோனா நோய்த் தொற்று அதிகரித்து வருவதை காண முடிகிறது.

இதை கட்டுப்படுத்தவும், மேலும் பரவாமல் தடுக்கவும், தமிழ்நாடு அரசின் தலைமை செயலாளர் தலைமையில் கடந்த 16 மற்றும் 17-ந்தேதிகளில் சுகாதாரத்துறை, வருவாய் மற்றும் பேரிடர் மேலாண்மைத் துறை, உள்ளாட்சித் துறை மற்றும் காவல் துறை போன்ற பல்வேறு துறைகளின் செயலாளர்கள் மற்றும் துறைத்தலைவர்கள், சென்னை மாநகராட்சி ஆணையர், மாவட்ட கலெக்டர்கள், பொது சுகாதாரம் மற்றும் நோய்த்தடுப்பு மருந்து இயக்குனர் மற்றும் உயர் அலுவலர்களோடு விரிவாக ஆய்வு நடத்தி உரிய தடுப்பு நடவடிக்கைகளை உடனடியாக தீவிரப்படுத்தவும், தடுப்பூசி போடுவதை மேலும் விரிவுபடுத்தவும் அறிவுரைகள் வழங்கியது. அதைத்தொடர்ந்து தமிழக அரசும், மாவட்ட நிர்வாகமும் தொடர் நடவடிக்கைகளை எடுத்து வருகிறது.

இதன் தொடர்ச்சியாக ஆர்.டி.பி.சி.ஆர். சோதனைகளை அதிகப்படுத்த ஆணையிட்டதை தொடர்ந்து, தற்போது நாளொன்றுக்கு 75 ஆயிரம் என்று ஆர்.டி.பி.சி.ஆர். சோதனைகள் பரவலாகவும், நோய் பாதிக்கப்பட்ட பகுதிகளில் கூடுதலாகவும் அதிகரிக்கப்பட்டு உள்ளது.

இதன் விளைவாக நோய்த்தொற்று ஏற்பட்டவரின் உடனிருப்பவர்கள் மற்றும் தொடர்பில் உள்ளவர்கள் உடனுக்குடன் கண்டறியப்பட்டு பரிசோதனைக்கு உட்படுத்தப்பட்டு நோய்த்தொற்று இருந்தால் அவர்கள் தனிமைப்படுத்தப்பட்டு தேவையான சிகிச்சை அளிக்கப்பட்டு நோய்த்தொற்று மேலும் பரவாமல் தடுக்க நடவடிக்கை மேற்கொள்ளப்பட்டு வருகிறது.

இதன் விளைவாக நோய்த்தொற்றின் எண்ணிக்கை வரும் நாட்களில் சற்று அதிகமானாலும் நோய்த்தொற்று உள்ளவர்கள் கண்டறியப்பட்டு தனிமைப்படுத்தப்படும் காரணத்தினால் அவர்கள் மூலம் மற்றவர்களுக்கு பரவாமல் தடுக்க இதுவே மிகச்சிறந்தவழி என்று பொது சுகாதார வல்லுனர்கள் பரிந்துரைத்து உள்ளனர்.

இதைத்தவிர நோய்த்தொற்று பரவாமல் தடுக்க நோய் பாதிக்கப்பட்ட தெருக்கள் மற்றும் குடியிருப்புகள் அடையாளம் காணப்பட்டு 3-க்கு மேற்பட்ட நபர்கள் பாதிக்கப்பட்டு இருப்பது உறுதிசெய்யப்பட்டால் அந்தப் பகுதி நோய் கட்டுப்பாட்டு பகுதியாக அறிவிக்கப்பட்டு நோய்த்தடுப்பு நடவடிக்கை எடுக்கப்படுகிறது.

முன்னதாக, தமிழ்நாட்டில் கொரோனா தொற்று குறைந்து வருவதை கருத்தில் கொண்டு ஜனவரி 19-ந்தேதி முதல் 10 மற்றும் 12-ம் வகுப்புகளை திறக்கவும், பிப்ரவரி 8-ந்தேதி முதல் 9 மற்றும் 11-ம் வகுப்புகளை திறக்கவும் அனுமதி அளிக்கப்பட்டது.

அவ்வாறு பள்ளிக்கு வரும் மாணவர்களுக்கான விடுதிகளும் செயல்பட அனுமதிக்கப்பட்டது.

இந்த சூழ்நிலையில், பொது சுகாதாரம் மற்றும் நோய் தடுப்பு மருந்து இயக்குனர் பரிசோதனையில், தஞ்சாவூர் மாவட்டத்தில் ஆங்காங்கே பள்ளிகளில் தொற்றுகள் கண்டறியப்பட்டுள்ளது என்று தெரிவித்துள்ளார். மேலும் சில மாவட்டங்களில் சிறிய அளவில் இந்த தொற்று பள்ளிகளில் கண்டறியப்பட்டு வருகிறது என்றும் ஒட்டுமொத்த நாள் எண்ணிக்கையை ஒப்பிடும்போது இந்த நோய்த் தொற்றின் எண்ணிக்கை குறைந்த அளவில் காணப்பட்டாலும் தற்போது கொரோனா தொற்று பரவும் சூழ்நிலையில் இந்த பள்ளிகளில் ஏற்பட்டுள்ள கொரோனா கூட்டுத்தொற்றால் அவர்கள் வசிக்கும் குடியிருப்புகளில் பரவி பன்மடங்கு அந்தப்பகுதியில் மட்டுமல்லாமல் அந்த மாவட்டத்திலும் அதிகரிக்க வாய்ப்புள்ளது என்று பொது சுகாதார வல்லுனர்கள் தெரிவித்துள்ளதாகக் குறிப்பிட்டுள்ளார்.

இந்த நிலையை உடனடியாக தடுக்க, 9-ம் வகுப்பு முதல் 11-ம் வகுப்பு வரையிலான வகுப்புகளை நடத்த வழங்கப்பட்ட அனுமதியை ரத்துசெய்ய பரிந்துரை செய்துள்ளார். மேலும், 12-ம் வகுப்பு மாணவர்கள் குறைந்த எண்ணிக்கையிலேயே உள்ளதாலும், அவர்கள் பொதுத்தேர்வை எழுத வேண்டியதாலும், அரசு வெளியிட்டுள்ள வழிகாட்டி நெறிமுறைகளை தவறாமல் பின்பற்ற வேண்டும் என்ற நிபந்தனையின் பேரில் 12-ம் வகுப்பை தொடர்ந்து நடத்த அனுமதிக்கலாம் என்றும், இவர்களுக்கான விடுதிகளையும் தொடர்ந்து செயல்பட அனுமதிக்கலாம் என்றும் தெரிவித்துள்ளார்.

பொது சுகாதாரம் மற்றும் நோய் தடுப்பு மருந்து இயக்குநரின் பரிந்துரைகளை ஏற்று, மக்கள் நல்வாழ்வு மற்றும் குடும்ப நலத்துறை, பள்ளிக் கல்வித்துறை மற்றும் வருவாய் மற்றும் பேரிடர் மேலாண்மைத் துறைகளோடு ஆலோசிக்கப்பட்டு கவனமாக பரிசீலனை செய்யப்பட்டது. கொரோனா தொற்று அதிகரித்து வருவதாலும், அந்த தொற்றால் மாணவர்களும் அதனால் பொதுமக்களும் பாதிக்கக்கூடாது என்பதாலும், மாணவர்கள் மற்றும் பொதுமக்களின் நலன்கருதி நாளை (திங்கட்கிழமை) முதல் மறுஉத்தரவு வரும் வரை அனைத்து பள்ளிகளிலும் உள்ள 9, 10 மற்றும் 11-ம் வகுப்புகளை மூடுவதற்கு உத்தரவிடப்பட்டு அரசாணை வெளியிடப்பட்டு உள்ளது. இவர்களுக்கான விடுதிகளை மூடுவதற்கு உத்தரவிடப்பட்டு உள்ளது.

என்றாலும், 9, 10 மற்றும் 11-ம் வகுப்புகளுக்கு இணையவழி டிஜிட்டல் வகுப்புகள் தொடர்ந்து நடைபெறும். மேலும், தமிழ்நாடு மாநில வாரியம் தவிர மற்ற வாரியங்களின் கீழ் இயங்கும் பள்ளிகளில் 10-ம் வகுப்பு பொதுத்தேர்வு அத்தேர்வு வாரியங்களால் அறிவிக்கப்பட்டுள்ளபடி நடைபெறும். இப்பொதுத்தேர்வு எழுதும் மாணவர்களுக்கு பள்ளிகளில் சிறப்பு வகுப்புகள் நடத்தவும் அவர்களுக்கான விடுதிகள் இயங்கவும் அனுமதி வழங்கி ஆணையிடப்பட்டுள்ளது.

கொரோனா பரவாமல் தடுக்க எடுக்கப்பட்டு வரும் அனைத்து நடவடிக்கைகளும் அரசால் தொடர்ந்து கண்காணிக்கப்பட்டு வருகிறது.

அரசு மருத்துவ நிலையங்கள் மற்றும் அங்கீகரிக்கப்பட்ட தனியார் மருத்துவமனைகளில் 45 வயது முதல் 59 வயதுக்கு உட்பட்ட இணை நோய் உள்ளவர்கள், 60 வயதுக்கு மேற்பட்ட அனைவரும், சுகாதார பணியாளர்கள், இதர முன்கள பணியாளர்கள், தேர்தல் பணியில் ஈடுபடும் அனைத்து பணியாளர்கள் மற்றும் அலுவலர்கள் வயது வரம்பின்றியும் அரசு மருத்துவ நிலையங்கள் மற்றும் அங்கீகரிக்கப்பட்ட தனியார் மருத்துவமனைகளில் தடுப்பூசி போட்டுக்கொள்ள வேண்டும் என்றும் அறிவுறுத்தப்படுகிறார்கள்.

நோய்த்தொற்று அறிகுறி இருந்தால் உடனடியாக அருகிலுள்ள அரசு மருத்துவமனையை அணுகி சிகிச்கை பெற வேண்டும். இதனை கடைபிடித்து, கொரோனா நோய்த்தொற்று பரவாமல் இருக்க அரசு எடுக்கும் நடவடிக்கைகளுக்கு பொதுமக்கள் அனைவரும் முழு ஒத்துழைப்பு வழங்க வேண்டும்.

இவ்வாறு அதில் கூறப்பட்டுள்ளது.

இதற்கான அரசாணையை தமிழக அரசு தலைமைச்செயலாளர் ராஜீவ் ரஞ்சன் நேற்று பிறப்பித்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

புதுச்சேரியில் இனி வாரந்தோறும் சனிக்கிழமை பள்ளிகளுக்கு விடுமுறை

புதுச்சேரியில் கொரோனா தொற்று அதிகரித்து வருவதால் மாணவர்கள் நலன் கருதி 1 முதல் 8 ஆம் வகுப்பு வரை மார்ச் 22 முதல் மே 31 வரை விடுமுறை விடப்படுவதாக துணைநிலை ஆளுநர் அறிவித்துள்ளார். 

அதேபோல் 9 முதல் 12ஆம் வகுப்பு வரை திங்கள் முதல் வெள்ளி வரை 5 நாட்கள் வழக்கம்போல் செயல்படும் எனவும் அறிவிப்பு.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Plus Two ( +2 ) Public Exam 2021 - Nominal Roll Download Regarding.

மே - 2021 மேல்நிலை இரண்டாமாண்டு பொதுத் தேர்வு பெயர்ப்பட்டியலை பதிவிறக்கம் செய்ய தெரிவித்தல் - சார்பு அரசுத் தேர்வுகள் இயக்குநரின் அறிவிப்பு.

மே-2021 மேல்நிலை இரண்டாமாண்டு (2) பொதுத் தேர்விற்கான பள்ளி மாணவர்களின் பெயர்ப்பட்டியலை அனைத்து மேல்நிலைப் பள்ளி தலைமையாசிரியர்களும் 22.03.2021 பிற்பகல் முதல் 01.04.2021 வரையிலான நாட்களில் அரசுத் தேர்வுகள் இணையதளத்திற்கு (www.dge.tn.gov.in) சென்று தங்கள் பள்ளிகளுக்கென வழங்கப்பட்டுள்ள User ID மற்றும் Password-ஐ பயன்படுத்தி பதிவிறக்கம் செய்து பெயர்ப்பட்டியலை சரிபார்த்துக் கொள்ளுமாறு தலைமை ஆசிரியர்களுக்கு அறிவுறுத்துமாறு அனைத்து முதன்மைக் கல்வி அலுவலர்களுக்கும் தெரிவித்துக் கொள்ளப்படுகிறது.

மேலும், மேல்நிலை இரண்டாமாண்டு பள்ளி மாணவர்களின் விவரங்கள் அடங்கிய, Excel Format-ல் உள்ள பெயர்ப்பட்டியலினை (Nominal Roll) அனைத்து முதன்மைக் கல்வி அலுவலர்கள், மாவட்டக் கல்வி அலுவலர்கள் மற்றும் அரசுத் தேர்வுகள் உதவி இயக்குநர்கள் 22.03.2021 பிற்பகல் முதல் 01.04.2021 வரையிலான நாட்களில் தங்களுக்கென வழங்கப்பட்டுள்ள User id மற்றும் Password-ஐ பயன்படுத்தி பதிவிறக்கம் கொள்ளப்படுகிறார்கள் (Download) செய்து கொள்ளுமாறு கேட்டுக் கொள்ளப்படுகிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நாளை ( 20.03.2021) சனிக்கிழமை பள்ளிகளுக்கு விடுமுறை - மாவட்ட ஆட்சியர் அறிவிப்பு.

வரும் ஞாயிற்றுக்கிழமை 21/03/2021 அன்று தேனி மாவட்டத்தில் உள்ள அரசு ஊழியர்கள் மற்றும் ஆசிரியர்களுக்கு முதல் தேர்தல் வகுப்பு நடைபெற உள்ளது. தேனி மாவட்டத்தில் உள்ள ஆசிரிய பெருமக்கள் தொடர்ந்து பணியாற்ற வேண்டி இருந்ததால் வரும் சனிக்கிழமை பள்ளிகளுக்கு விடுமுறை அறிவிக்குமாறு மதிப்புக்குரிய தேனி மாவட்ட ஆட்சியர் அவர்களிடம் தமிழ்நாடு பட்டதாரி ஆசிரியர் கழகத்தின் சார்பாக கோரிக்கை விடுத்திருந்தோம்‌. 

அந்தக் கோரிக்கையை மனமுவந்து ஏற்றுக் கொண்டு வரும் சனிக்கிழமை பள்ளிகளுக்கு விடுமுறை அறிவித்து ஆணை பிறப்பித்த மதிப்புக்குரிய தேனி மாவட்ட ஆட்சியர் மற்றும் தேனி மாவட்ட தேர்தல் அலுவலர் அவர்களுக்கு தேனி மாவட்ட தமிழ்நாடு பட்டதாரி ஆசிரியர் கழகம் சார்பாக மனமார்ந்த நன்றியை தெரிவித்துக் கொள்கிறோம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தஞ்சாவூரில் உள்ள அனைத்து பள்ளிகளிலும் கொரோனா பரிசோதனை நடத்த மாவட்ட நிர்வாகம் முடிவு.

தஞ்சாவூர் மாவட்டத்திலுள்ள அனைத்து பள்ளிகளில் பயிலும் சுமார் 2 லட்சத்து 75ஆயிரம் மாணவ, மாணவிகளுக்கு கொரோனா பரிசோதனை நடத்த மாவட்ட நிர்வாகம் முடிவு செய்துள்ளது.

தஞ்சாவூர் மாவட்டத்தில் இதுவரை பள்ளி, கல்லூரி மாணவ, மாணவிகள்  93 பேருக்கும் மற்றும் ஆசிரியர்கள் 16 பேருக்கும் கொரோனா தொற்று உறுதி செய்யப்பட்டுள்ளது. 

இந்த நிலையில் முன்னெச்சரிக்கை நடவடிக்கையாக மாவட்டத்திலுள்ள 439 பள்ளிகளில் 9,10,12-ம் வகுப்பு பயிலும் 2லட்சத்து 75ஆயிரத்து 185 மாணவ, மாணவிகளுக்கு கொரோனா பரிசோதனை நடத்த திட்டமிட்டுள்ள மாவட்ட நிர்வாகம் அதற்காக 14 கண்காணிப்பு குழுவையும் அமைத்துள்ளது.

கொரோனா உறுதி செய்யப்பட்ட பள்ளிகளுக்கு 2 வாரம் விடுமுறை விடப்படும் என மாவட்ட ஆட்சியர் கோவிந்தராவ் தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அனைத்து மாணவர்களுக்கும் கொரோனா பரிசோதனை செய்ய மாவட்ட ஆட்சியர் உத்தரவு.

தஞ்சை மாவட்டத்தில் கொரோனா தொற்றானது நாளுக்கு நாள் அதிகரித்து வருகிறது. தற்போது வாரை 9 பள்ளிகளில் 100க்கும் மேற்பட்ட பள்ளிகளில் தொற்று கண்டறியப்பட்டுள்ளது. இதனை தொடர்ந்து தொற்றை கட்டுப்படுத்த 14 சுகாதாரக் குழுக்களை மாவட்ட நிர்வாகம் அமைத்துள்ளது. அதன் மூலம்   439 பள்ளிகளில் 9 முதல் 12 ஆம் வகுப்பு வரை பயிலும் 2.75 லட்சம் மாணவர்களுக்கு கொரோனா பரிசோதனை செய்ய மாவட்ட ஆட்சியர் உத்தரவிட்டுள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

NEETக்கு பதில் SEET - கமல்

மருத்துவ படிப்புகளுக்கு தமிழ்நாடு பாடத்திட்டத்தில் இருந்து SEET தேர்வு நடத்தப்படும் என மக்கள் நீதி மய்ய தலைவர் கமல்ஹாசன் தேர்தல் வாக்குறுதி அறிவிப்பில் தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வாக்குச்சாவடி மையங்களில் கேமரா பொருத்தும் பணி நடைபெறுவதால் கீழ்க்கண்ட தேதிகளில் பள்ளிகள் திறந்து இருப்பதை உறுதி செய்ய வேண்டும்!

வாக்குச்சாவடி மையங்களில் கேமரா பொருத்தும் பணி நடைபெறுவதால் கீழ்க்கண்ட தேதிகளில் பள்ளிகள் திறந்து இருப்பதை உறுதி செய்ய வேண்டும் என்று அனைத்து முதன்மை கல்வி அலுவலர்களுக்கும்  தலைமை தேர்தல் அதிகாரி அனுப்பியுள்ள சுற்றறிக்கை.



விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிக் கல்வித் துறையில் பணியாற்றும் அரசு பணியாளர்கள் எந்த அரசியல் கட்சிக்கும் ( தபால் ) வாக்கு சேகரிக்க கூடாது - மீறினால் ஒழுங்கு நடவடிக்கை!

பள்ளிக் கல்வித் துறையில் பணியாற்றும் அரசு பணியாளர்கள் - எந்த அரசியல் கட்சிக்கும் வாக்கு சேகரிக்கவோ அல்லது தபால் வாக்கை சேகரிக்கவோ கூடாது.மீறினால் அவர்கள் மீது ஒழுங்கு நடவடிக்கை எடுக்கப்படும் - கள்ளக்குறிச்சி முதன்மைக் கல்வி அலுவலரின் செயல்முறைகள்!


விரிவாக படிக்க இங்கே கிளிக் செய்யுங்கள் | READ MORE | CLICK HERE

தஞ்சை மாவட்டத்தில் மேலும் 27 மாணவர்களுக்கு கொரோனா

தஞ்சை மாவட்டத்தில் ஏற்கனவே 7 பள்ளிகளில் 68 மாணவ,  மாணவிகளுக்கு கொரோனா கண்டறியப்பட்ட நிலையில்,  தற்போது மேலும் 2 தனியார் பள்ளிகளில் 27 மாணவர்களுக்கு கொரோனா தொற்று கண்டறியப்பட்டுள்ளது. மேலும் தஞ்சை சாஸ்தா பல்கலைக்கழகத்தில் 2 மாணவர்களுக்கு முதன் முறையாக தொற்று கண்டறியப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஞாயிறு தேர்தல் பயிற்சி வகுப்பை கைவிட வேண்டும் - தமிழ்நாடு அரசு ஊழியர்கள் ஆசிரியர்கள் நல கூட்டமைப்பு, நிறுவனத் தலைவர் சா.அருணன்.

பத்திரிகை மற்றும் ஊடக செய்தி  - 19.03.2021 

அரசு ஊழியர்கள் ஆசிரியர்கள்  தொடர்ந்து ஆறு நாட்கள் பணி செய்வதால் ஞாயிறு தேர்தல் பயிற்சி வகுப்பை கைவிட வேண்டும் தமிழக தேர்தல் ஆணையத்திற்கு  தமிழ்நாடு அரசு ஊழியர்கள் ஆசிரியர்கள் நல கூட்டமைப்பு -  சா.அருணன் நிறுவனத் தலைவர் வலியுறுத்தல்

தமிழகத்தில் வருகின்ற ஏப்ரல் ஆறாம் தேதி சட்டமன்ற பொது தேர்தல் நடைபெற இருக்கிறது தேர்தல் பணியில் ஈடுப்படும் அரசு ஊழியர்கள் ஆசிரியர்களுக்கு மூன்று கட்டங்களாக பயிற்சி வகுப்புகள் நடந்துவருகிறது , முதற்கட்ட பயிற்சி நடந்து முடிந்தநிலையில் இரண்டாம் கட்ட பயிற்சி வகுப்புகள் பெரும்பாலான மாவட்டங்களில்  ஞாயிற்று கிழமை நடைபெறும் என அறிவிக்கப்பட்டுள்ளது இது அரசு ஊழியர்கள் ஆசிரியர்களுக்கு மிகவும் சிரமாக உள்ளது ,

ஏனெனில் திங்கள் கிழமை முதல் சனி வரை அரசு ஊழியர்கள் ஆசிரியர்கள் தொடர் பணியில் இருப்பதால் ஞாயிறும் பயிற்சி வகுப்பு என்றால் விடுமறையே இல்லாமல் எவ்வாறு அவர்களால் தொடர்ந்து எவ்வாறு பணி செய்யமுடியும் அதிலும் பெரும்பாலானோர் பெண்கள் என்பதை தேர்தல் ஆணையம் புரிந்துக் கொள்ள வேண்டும். அவர்களுக்கு மன உளைச்சல் ஏற்படும் என்பதை தேர்தல் ஆணையம் உணரவேண்டும்,  ஞாயிறு பயிற்சி வகுப்பை கைவிட்டு வேலை நாட்களில் பயிற்சி வகுப்பை நடத்த வேண்டும் அல்லது ஞாயிறு பயிற்சி வகுப்பு இருக்கும் பட்சத்தில் சனிக்கிழமை விடுமுறை அளிக்க வேண்டுமென தமிழக தலைமை தேர்தல் ஆணையரை தமிழ்நாடு அரசு ஊழியர்கள் ஆசிரியர்கள் நல கூட்டமைப்பு சார்பில் வேண்டிக் கேட்டுக் கொள்கிறேன்

சா.அருணன்
நிறுவனத் தலைவர்
தமிழ்நாடு அரசு ஊழியர்கள் ஆசிரியர்கள் நல கூட்டமைப்பு
9445454044


விரிவாக படிக்க இங்கே கிளிக் செய்யுங்கள் | READ MORE | CLICK HERE

பாகம் எண் மாறி உள்ளதால் தபால் வாக்குகள் செல்லாமல் போய் விடும் பயிற்சியில் பங்கேற்ற ஆசிரியர்கள் புகார்

திண்டுக்கல் சட்டமன்ற தொகுதியில் வழங்கப்பட்ட தேர்தல் பணி ஆணையில் பாகம் எண் மாறி வருவதால் தபால் வாக்குகள் செல்லாமல் போய் விடும் என ஆசிரியர்கள் புகார் தெரிவிக்கின்றனர். தமிழகத்தில் வரும் ஏப்.6ம் தேதி சட்டமன்ற தேர்தல் நடைபெற உள்ளது. திண்டுக்கல் சட்டமன்ற தொகுதியில் தேர்தல் பணிபுரியும் ஆசிரியர்களுக்கான பயிற்சி வகுப்புகள் தனியார் பள்ளியில் நேற்று முதல் துவங்கியது. 

இதில் 2,000க்கும் மேற்பட்ட ஆசிரியர்கள் பங்கேற்று உள்ளனர். இவர்களுக்கு தேர்தல் பணிக்கான ஆணை வழங்கப்பட்டுள்ளது. இந்நிலையில் வாக்காளர் பட்டியலில் உள்ள அவர்களது பெயருக்கான பாக எண், தேர்தல் பணிக்காக வழங்கப்படும் அரசு ஆணையில் வரக்கூடிய வாக்காளர் பட்டியலுக்கான பாகம் எண்ணும் ஒன்றாக இருக்க வேண்டும் ஆனால் தேர்தல் பணிக்காக வழங்கப்படும் ஆணையில் பாகம் எண் மாறி வருவதால் இவர்கள் அளிக்கக்கூடிய தபால் வாக்குகள் செல்லாத வாக்குகளாக மாற வாய்ப்புள்ளது. 

பயிற்சி வகுப்புக்கு வந்துள்ள 2,000 பேரில் 1,700க்கும் மேற்பட்டோருக்கு வழங்கப்பட்டுள்ள தேர்தல் பணிக்கான ஆணையில் குளறுபடி ஏற்பட்டுள்ளது. இதுகுறித்து ஆசிரியர்கள் கேட்டதற்கு, உரிய நடவடிக்கை எடுத்து குறைகள் களையப்படும் என தேர்தல் அதிகாரிகள் தெரிவித்துள்ளனர். இதேபோல் திண்டுக்கல் மாவட்டத்தில் உள்ள 7 சட்டமன்ற தொகுதிகளில் பணிபுரியும் ஆசிரியர்களுக்கான தபால் வாக்குகளில் குளறுபடி ஏற்பட்டுள்ளது பரபரப்பை ஏற்படுத்தியுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

2011க்கு முன் கட்டப்பட்ட கல்வி நிறுவன கட்டிட அனுமதிக்கு ஏப்.4 வரை விண்ணப்பிக்கலாம்: தமிழக அரசு உத்தரவு.

கடந்த 2011க்கு முன்னர் கட்டப்பட்ட கல்வி நிறுவன கட்டிடங்களுக்கு அனுமதி பெற மார்ச் 22ம் தேதி முதல் ஏப்ரல் 4ம் தேதி வரை விண்ணப்பிக்கலாம் என்று தமிழக அரசு தெரிவித்துள்ளது. இதுகுறித்து, தமிழக நகர் ஊரமைப்பு துறை இயக்குனர் கணேசன் வெளியிட்டுள்ள அறிக்கை: தமிழக நகர் ஊரமைப்பு இயக்ககத்தின் எல்லைக்குள் அமையும் திட்டமில்லா பகுதிகளில் 1.1.2011க்கு முன்னர் கட்டப்பட்டு இயங்கி வரும் அனுமதியற்ற கல்வி நிறுவனக் கட்டிடங்களுக்கு இந்த துறையால் இசைவு வழங்கும் திட்டத்தின் வழிகாட்டு நெறிமுறைகள் கடந்த 2018 ஜூன் 14ம் தேதி வெளியிடப்பட்டன. 

இத்திட்டத்தின் கீழ் நிகழ்நிலை (ஆன்லைனில்) கடந்த 2018 ஜூன் 14 முதல்  2018 நவம்பர் 13ம் தேதி வரை மூன்று மாத காலத்தில் பெறப்பட்ட விண்ணப்பங்களுக்கு இசைவு வழங்குவதற்கு சென்னை உயர் நீதிமன்றத்தால் விதிக்கப்பட்டிருந்த தடையை நீக்கி கடந்த பிப்ரவரி 10ம் தேதி தீர்ப்பு வழங்கப்பட்டுள்ளது. இந்த உத்தரவின்படி இத்திட்டத்தின் கீழ், முன்பே விண்ணப்பித்தவர்கள் உரிய விவரங்களை சமர்ப்பித்து இசைவு பெற சம்பந்தப்பட்ட மாவட்ட நகர் ஊரமைப்பு அலுவலகங்களை அணுகலாம்.  

மேலும், இத்திட்டத்தின் கீழ் விண்ணப்பிக்க தவறியவர்களுக்கு மேலும் ஒரு சந்தர்ப்பம் வழங்கும் விதமாக விண்ணப்பம் சமர்ப்பிக்க இரு வாரங்களுக்கு கால அவகாசம் வழங்கியும் நீதிமன்ற தீர்ப்பில் உத்தரவிடப்பட்டுள்ளது. நீதிமன்ற தீர்ப்பின்படி இரு வார காலத்திற்குள் விண்ணப்பங்களை பெறுவதற்கு மற்றும் இது சம்பந்தமான செய்தி வெளியிடுவதற்கு தேர்தல் நடத்தை விதிமுறைகள் அமலில் இருப்பதால் இந்திய தேர்தல் ஆணையத்தால் ஆட்சேபணையின்மை வழங்கப்பட்டுள்ளது. 

எனவே,   இத்திட்டத்தின் கீழ், இசைவு பெற விரும்புவோர் மார்ச் 22ம் தேதி முதல் ஏப்ரல் 4ம் தேதி வரை இருவார காலத்திற்குள் www.tn.gov.in/tcp என்ற இணையதள முகவரியில் விண்ணப்பம் பதிவு செய்யலாம் என இதன் மூலம் தெரிவிக்கப்படுகிறது. இது ஒரு முறை மட்டுமே வழங்கப்படும் அரிய வாய்ப்பு என்பதால் இதனை தவறாது பயன்படுத்திக் கொள்ளுமாறு கேட்டுக் கொள்ளப்படுகிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

M.Phil , Ph.D ஆய்வறிக்கை சமர்ப்பிப்பதற்கான காலஅவகாசம் மேலும் 6 மாதம் நீட்டிப்பு : பல்கலைக்கழக மானியக் குழு அறிவிப்பு.

எம்ஃபில், பிஎச்டி ஆராய்ச்சி மாணவர்கள் ஆய்வறிக்கை சமர்ப்பிக்க டிச.31 வரை அவகாசம் நீட்டிக்கப்பட்டுள்ளது.

நாடு முழுவதும் கரோனா பரவல் காரணமாக கல்வி நிறுவனங்கள் கடந்த ஆண்டு மார்ச் மாதம் முதல் மூடப்பட்டன. இதையடுத்து பிஎச்டி, எம்ஃபில் போன்ற ஆராய்ச்சி படிப்புகளை மேற்கொள்ளும் மாணவர்கள் ஆய்வறிக்கையை சமர்ப்பிக்க ஜூன் 30-ம் தேதி வரை கல்வி நிறுவனங்கள் அவகாசம் தரவேண்டும் என்று பல்கலைக்கழக மானியக்குழு (யுஜிசி) அறிவித்தது.

அதையேற்று ஆராய்ச்சி மாணவர்கள் ஆய்வறிக்கை சமர்ப்பிப்பதற்கான காலஅவகாசத்தை அனைத்து பல்கலைக்கழகங்களும் நீட்டித்தன. எனினும், தொற்றின் தீவிரம் தணியாததால் ஆய்வறிக்கையை இறுதி செய்ய முடியாத நிலை நீடிப்பதாக யுஜிசிக்கு மாணவர்கள் பலர் புகார் தெரிவித்தனர். இதையடுத்து எம்ஃபில், பிஎச்டி மாணவர்கள் ஆய்வறிக்கை சமர்ப்பிப்பதற்கான காலஅவகாசம் மேலும் 6 மாதம் நீட்டிக்கப்பட்டுள்ளது.

இதுகுறித்து யுஜிசி செயலர் ரஜினிஷ் ஜெயின் வெளியிட்ட அறிவிப்பில், ‘‘கரோனா பரவலைக் கருத்தில் கொண்டு எம்ஃபில், பிஎச்டி மாணவர்கள் ஆய்வுக் கட்டுரைகளை சமர்ப்பிக்க ஜூன் 30-ம் தேதி வரை அவகாசம் வழங்கப்பட்டது. தொற்று பரவல் முழுமையாக விலகாத நிலையில், ஆராய்ச்சி மாணவர்கள் ஆய்வறிக்கை சமர்ப்பிப்பதற்கான காலஅவகாசம் மேலும் 6 மாதம் நீட்டிக்கப்பட்டுள்ளது. எனவே, எம்ஃபில், பிஎச்டி மாணவர்கள் டிச.31-ம் தேதி வரை தங்கள் ஆய்வறிக்கையை சமர்ப்பிக்கலாம். அதற்கான அனுமதியை உயர்கல்வி நிறுவனங்கள் வழங்க வேண்டும்’’ என்று தெரிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வாக்குறுதிகள் அதிகம்: ஆசிரியா்களின் ஆதரவு யாருக்கு ?

ஆசிரியா்களின் வாக்குகளைக்கவரும் வகையில், அவா்களுக்கு வாக்குறுதிகளை அரசியல் கட்சிகள் பெருமளவு அளித்துள்ளன.

தமிழகத்தில் உள்ள பெரும்பாலான வாக்காளா்கள் ஏதாவது ஒரு கட்சியைச் சோ்ந்தவா்களாகவோ அல்லது அந்தக் கட்சியின் அபிமானிகளாகவோ இருப்பாா்கள். தோ்தலில் அவா்கள் தொடா்புடைய கட்சிக்கு தங்களது ஆதரவை தெரிவிப்பாா்கள் என பொதுவான கருத்து உண்டு. இதுகுறித்து மேற்கொள்ளப்பட்ட ஆய்வுகளின்படி, 65 சதவீதம் வாக்குகள்தான் அரசியல் கட்சியினரின் வாக்குகள். எஞ்சியுள்ள 35 சதவீதம் வாக்குகள் கள நிலவரத்தைப் பொருத்து முடிவு செய்யப்படும் எனத் தெரிய வருகிறது.

அத்தகைய முக்கியத்துவம் வாய்ந்த களச் சூழலையே மாற்றி அமைக்கும் வல்லமை கொண்டவா்கள்தான் ஆசிரியா்கள். பாமர மக்கள் முதல் பணக்காரா்கள் வரை அனைவரிடமும் நெருங்கிப் பழகும் வாய்ப்பை பெற்றவா்களில் அரசியல்வாதிகளுக்கு அடுத்ததாக இருப்பவா்கள் ஆசிரியா்கள். இன்றும் கிராமப்புறங்களில் ஆசிரியா்களின் சொல்லுக்கு மக்கள் மத்தியில் மிகுந்த மரியாதை இருக்கிறது.

இத்தகைய காரணங்களால்தான் ஒவ்வொரு தோ்தலின்போதும் ஆசிரியா்களின் வாக்குகளை மொத்தமாக அறுவடை செய்வதற்காக ஊதியம், சலுகைகள் சாா்ந்த அறிவிப்புகளை அதிமுக, திமுக ஆகிய இரு கட்சிகளும் தவறாமல் வெளியிட்டு வருகின்றன. அது இந்தத் தோ்தலிலும் நடந்திருக்கிறது.

தமிழகத்தில் உள்ள 59 ஆயிரம் அரசு, தனியாா் பள்ளிகளில் தற்போது 5.7 லட்சம் ஆசிரியா்கள் பணிபுரிகின்றனா். அவா்களது குடும்பத்தினா், கல்வியியல் கல்லூரி மாணவா்கள், ஆசிரியா் தகுதித் தோ்வெழுதி காத்திருப்போா் ஆகியோரையும் சோ்த்தால் சுமாா் 20 லட்சத்துக்கும் மேற்பட்ட வாக்குகள் அவா்கள் வசம் வைத்திருக்கிறாா்கள் எனலாம். இந்த வாக்குகளைப் பெறுவதற்காக அதிமுக, திமுக என இரு பெரும் கட்சிகளும் போட்டி போட்டுக் கொண்டு வாக்குறுதிகளை அளித்திருக்கின்றன.

என்னென்ன வாக்குறுதிகள்?: அரசுப் பள்ளிகளில் ஒப்பந்தத், தொகுப்பூதிய அடிப்படையில் பணியாற்றும் ஆசிரியா்கள் பணிநிரந்தரம் செய்யப்படுவா், தனியாா் பள்ளி மாணவா்களுக்கான கட்டணத்தை அரசே செலுத்தும். தனியாா் பள்ளி ஆசிரியா்களின் ஊதியத்தையும் அரசு நிா்ணயிக்கும். அரசு, தனியாா் பள்ளிகளில் ஒரே பாடத் திட்டம் அமல்படுத்தப்படும், அரசு உதவி பெறும் பள்ளி மாணவா்களுக்கு மடிக் கணினி வழங்கப்படும் ஆகிய அம்சங்கள் அதிமுக, பாமக தோ்தல் அறிக்கையில் இடம்பெற்றுள்ளன. மேலும் தோ்தலில் ஆசிரியா்களின் வாக்குகள் சிதறிவிடக் கூடாது என்பதற்காக ஜாக்டோ ஜியோ போராட்டத்தில் ஈடுபட்டவா்கள் மீது எடுக்கப்பட்ட நடவடிக்கைகளையும் முதல்வா் எடப்பாடி கே.பழனிசாமி ரத்து செய்தாா்.

மற்றொரு புறம், பழைய ஓய்வூதியத் திட்டம் அமல்படுத்தப்படும். ஆசிரியா்களின் பொது மாறுதல் கலந்தாய்வு ஒளிவுமறைவற்ற வெளிப்படைத்தன்மையுடன் நடத்தப்படும், ஆசிரியா் தகுதித் தோ்வில் கலந்துகொண்டு தோ்ச்சி பெற்று இன்னும் வேலை வாய்ப்பினைப் பெறாத இளைஞா்களுக்கு வேலைவாய்ப்பை வழங்க உரிய நடவடிக்கை மேற்கொள்ளப்படும். ஆசிரியா் தோ்வுக்கான தகுதிச் சான்றிதழை ஆயுள்காலத் தகுதிச் சான்றிதழாக வழங்குவதற்குரிய சட்ட வழிவகைகள் குறித்து ஆராயப்படும், ஊக்க ஊதியம் வழங்கப்படும், பகுதி நேர ஆசிரியா்கள் பணி நிரந்தரம் செய்யப்படுவா் என பல்வேறு அம்சங்களை உள்ளடக்கிய தோ்தல் அறிக்கை வாக்குறுதிகளை திமுக அளித்துள்ளது.

அதேபோன்று காங்கிரஸ், நாம் தமிழா் கட்சி உள்ளிட்ட சில கட்சிகளும் ஆசிரியா்கள் நலன் சாா்ந்த வாக்குறுதிகளை அளித்துள்ளன. இவற்றில் தனியாா் பள்ளிகளின் கட்டணத்தை அரசே செலுத்தும், பழைய ஓய்வூதியத் திட்டம் அமல்படுத்தப்படும் ஆகியவை எந்தளவுக்கு சாத்தியப்படும் என்பது கேள்விக்குறியே. இருப்பினும் இது கட்சிகளின் நிா்வாகத் திறனைப் பொருத்து மாறுபடலாம்.

தோ்தல் நெருங்கி வரும் சூழலில் ஆட்சி மாற்றத்தில் முக்கியத்துவம் வகிக்கும் 20 லட்சத்துக்கும் மேற்பட்ட வாக்குகளில் பெரும்பாலான வாக்குகள் எந்தக் கட்சிக்குக் கிடைக்கும் என்ற எதிா்பாா்ப்பு ஏற்பட்டுள்ளது.

150-க்கும் மேற்பட்ட சங்கங்கள்: தமிழகத்தில் அனைத்து ஆசிரியா்களுமே ஏதாவது ஓா் ஆசிரியா் அமைப்பில் இடம்பெற்றிருக்கின்றனா். சுமாா் 150-க்கும் மேற்பட்ட ஆசிரியா் சங்கங்கள் செயல்பட்டு வரும் நிலையில் அவற்றில் 50 சதவீத அமைப்புகள் திமுக, அதிமுக, பாமக, விடுதலைச் சிறுத்தைகள் என கட்சி சாா்ந்தும், எஞ்சிய 50 சதவீத அமைப்புகள் யாருக்கும் ஆதரவளிக்காமல் நடுநிலையாகவும் செயல்பட்டு வருகின்றன. அவா்கள் அனைவரிடமும் கட்சி பேதமின்றி ஆளும் கட்சியினரும், எதிா்க்கட்சியினரும் தற்போது நேரடியாகவும், மறைமுகமாகவும் ஆதரவு கேட்டு வருகின்றனா். அப்போது, தோ்தல் அறிக்கையில் இல்லாத புதிய வாக்குறுதிகளும்கூட அளிக்கப்படுகின்றன.

சிதறாத வாக்கு வங்கி: கடந்த தோ்தல்களில் குறிப்பிட்ட சமுதாயங்களைச் சோ்ந்தவா்கள், விவசாயிகள், தொழில் துறையினா் வாக்குகள் ஒரே கட்சிக்குச் செல்லாமல் பரவலாகவே கிடைத்திருக்கின்றன. ஆசிரியா்கள் மற்றும் அந்தத் துறையைச் சாா்ந்தவா்களின் வாக்குகள் எப்போதுமே அதிமுக அல்லது திமுக என இவற்றில் ஏதாவது ஒரு கட்சிக்கு மட்டுமே 70 சதவீதம் முதல் 80 சதவீதம் அளவுக்கு கிடைத்திருக்கின்றன. இதனால் இந்த இரண்டு கட்சிகளுமே பயனடைந்துள்ளன. ஏதாவது ஒரு கட்சி தங்களது வாக்குறுதிகளை நிறைவேற்றாவிட்டால் அடுத்த முறையும் அதே கட்சியை ஆசிரியா்கள் ஒருபோதும் ஆதரிப்பதில்லை. மாறாக வேறு கட்சிக்குதான் வாக்களிக்கின்றனா்.

தமிழகத்தில் 1.30 கோடி மாணவா்களின் எதிா்காலத்தைத் தீா்மானிக்கும் ஆசிரியா் சமுதாயம், மறைந்த முதல்வா் ஜெயலலிதா, முன்னாள் முதல்வா் கருணாநிதி ஆகியோா் இல்லாத முதல் தோ்தலைச் சந்திக்கிறது. முதல்வா் எடப்பாடி கே.பழனிசாமி தலைமையில் அதிமுக கூட்டணியும், எதிா்க்கட்சித் தலைவா் மு.க.ஸ்டாலின் தலைமையில் திமுக கூட்டணியும், கடும் போட்டியைச் சந்திக்கின்றன. இந்த முறை மாணவா்களின் எதிா்காலம் மட்டுமல்ல; இரு பெரும் தலைவா்களின் எதிா்காலமும் ஆசிரியா்களின் கைகளில்தான் இருக்கிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தஞ்சை மாவட்டத்தில் 5 பள்ளிகளில் கொரோனா தொற்று உறுதி!

தமிழகத்தில் கொரோனா அதிகரித்துவரும்  நிலையில் இன்று தஞ்சை மாவட்டத்தில் ஒரு பள்ளியில்   கொரோனா உறுதி செய்யப்பட்டுள்ளது.

தஞ்சை மாவட்டத்தில் கும்பகோணத்தில்  உள்ள தனியார் பள்ளியில் 7 மாணவர்களுக்கு கொரோனா தொற்று கண்டறியப்பட்டுள்ளது.

ஏற்கனவே அம்மாப்பேட்டை , பட்டுக்கோட்டை , மதுக்கூர் - ஆலத்தூர் , தஞ்சாவூர் ஆகிய பள்ளியில் கொரோனா கண்டறியப்பட்டது .
விரிவாக படிக்க இங்கே கிளிக் செய்யுங்கள் | READ MORE | CLICK HERE

தாய்மொழியில் பொறியியல் படிக்க தமிழ் உட்பட 8 மொழியில் புத்தகம் தயார்.

புதிய தேசிய கல்விக் கொள்கையின் அடிப்படையில், தாய்மொழியில், பொறியியல் படிப்புகளை படிக்கும் வாய்ப்பு, வரும் கல்வியாண்டு முதல் கிடைக்க உள்ளது. அதற்காக, தமிழ் உட்பட எட்டு மொழிகளில் பாடப் புத்தகங்கள் தயாராகி வருகின்றன.

புதிய தேசிய கல்விக் கொள்கையை, பிரதமர் நரேந்திர மோடி தலைமையிலான, தே.ஜ., கூட்டணி அரசு அறிவித்துள்ளது. அதன்படி, தாய் மொழிகளில் கல்வி கற்பதற்கு முக்கியத்துவம் தரப்படுகிறது. அதேபோல், மற்ற மொழிகளை கற்கவும் ஊக்குவிக்கப்படுகிறது.கடந்தாண்டு, நவ.,ல் வெளியிடப்பட்ட இந்த கல்விக் கொள்கையில், பொறியியல் கல்லுாரிகளிலும், தாய்மொழியில் பாடங்கள் கற்பிக்க வலியுறுத்தப்பட்டுள்ளது.

இதையடுத்து, பல்வேறு பிராந்திய மொழிகளில், பொறியியல் படிப்புகளை கற்றுத் தருவதற்கு, ஏ.ஐ.சி.டி.இ., எனப்படும், அனைத்திந்திய தொழில்நுட்ப கல்வி கவுன்சில்ஒப்புதல் அளித்துள்ளது.வரும் கல்வியாண்டு முதல், தாய்மொழியில் பொறியியல் பாடங்களை படிக்கும் வாய்ப்பு, மாணவர்களுக்கு வழங்கப்படுகிறது.

பிராந்திய மொழிகளில் பாடங்களை கற்றுத் தர விரும்பும் கல்லுாரிகள், கவுன்சிலில் விண்ணப்பித்து, அனுமதி பெறலாம். உரிய வசதிகள் அந்தக் கல்லுாரிகளில் உள்ளதா என்பன போன்றவை ஆராயப்பட்டு, உரிய அனுமதியை, கவுன்சில் அளிக்கும். அதே நேரத்தில், பிராந்திய மொழியில் கற்றுத் தர வேண்டும் என்பது கட்டாயமில்லை; அது, கல்லுாரி மற்றும் மாணவர்களின் விருப்பத்துக்கு ஏற்றது.

.வரும் கல்வியாண்டிலேயே, பிராந்திய மொழிகளில் பாடங்களை கற்றுத் தரும் வகையில், பொறியியல் படிப்புகளுக்கான பாடப் புத்தகங்களை மொழி பெயர்க்கும் பணி தீவிரமாக நடந்து வருகிறது. தமிழ், பெங்காலி, குஜராத்தி, ஹிந்தி, கன்னடம், மலையாளம், மராத்தி, தெலுங்கு என, எட்டு மொழிகளில் பாடப் புத்தகங்கள் தயாராகி வருகின்றன.நாடு முழுதும், 130 ஆசிரியர்கள், இதற்கான பணியில் ஈடுபட்டு உள்ளனர்.

தாய்மொழியில் பொறியியல் படிப்பு குறித்து, சமீபத்தில், ஒரு ஆய்வு நடத்தப்பட்டது. நாடு முழுதும், 83 ஆயிரம் மாணவர்களிடையே இந்த ஆய்வு நடத்தப்பட்டது. இதில், 44 சதவீத மாணவர்கள், தாய்மொழியில் படிக்க ஆர்வம் காட்டியுள்ளனர்.அதிகபட்சமாக, 12 ஆயிரத்து, 487 மாணவர்கள், தமிழ் மொழியில் படிக்க விருப்பம் தெரிவித்துள்ளனர். அதற்கடுத்து, ஹிந்தி மொழியை, 7,818 பேர் தேர்வு செய்து உள்ளனர்.

ஐ.ஐ.டி., எனப்படும், இந்திய தகவல் தொழில்நுட்ப மையத்தில் படிக்கும் மாணவர்களில், 20 சதவீதம் பேர், தாய்மொழியில் கற்பதற்கு ஆர்வம் தெரிவித்துள்ளனர். இதற்கிடையே, ''ஹிந்தியில், 130 பாடப் பிரிவுகளுக்கான பாடப் புத்தகங்கள் மொழி பெயர்க்கப்பட்டுள்ளன. அதற்கடுத்து, தமிழில், 94 பாடப் பிரிவுகளுக்கான புத்தகங்கள் மொழி பெயர்க்கப்பட்டுள்ளன.

''மற்ற மொழிகளுக்கான பாடங்கள் 'ஸ்வயம்' இணையதளத்தில், இடம்பெற்றுள்ளன,'' என, பா.ஜ.,வைச் சேர்ந்த, மத்திய கல்வி அமைச்சர் ரமேஷ் பொக்கிரியால் தெரிவித்துள்ளார். பிராந்திய மொழிகளில் மொழி பெயர்த்தாலும், சில முக்கியமான தொழில்நுட்ப வார்த்தைகளை, ஆங்கிலத்தில் அடைப்புக்குறிக்குள் குறிப்பிடும் படி, மொழிபெயர்ப்பாளர்களுக்கு அறிவுறுத்தப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு பள்ளிகளில் கணினி பாடம் சார்ந்த கோரிக்கை தேர்தல் அறிக்கையில் இடம்பெற! 60000 கணினி ஆசிரியர்கள் வேண்டுகோள்!

அரசு பள்ளியில் பயிலும் கிராமப்புற ஏழை எளிய மாணவர்களும் உலகத்தரத்திற்கு நிகரான ஒரு கல்வியை பெற வேண்டும் என்ற உயரிய நோக்கில் மறைந்த முன்னாள் தமிழக முதல்வரும், திமுக தலைவருமான மு.கருணாநிதி அவர்கள் அவரது ஆட்சியில், அரசு பள்ளி மாணவர்கள் நலன் கருத்தில் கொண்டு, தொலைநோக்கு பார்வையில், கணினி அறிவியல் பாடத்தை தனி பாடமாக 6 முதல் 10ம் வகுப்பு வரை அறிமுகப்படுத்தியதோடு மட்டுமின்றி, பள்ளிகளில் கணினி பாடத்தை அமல்படுத்த வேண்டும் உத்தரவிட்டதோடு மட்டுமின்றி, 50 லட்சம் அச்சிடப்பட்ட பாடபுத்தகங்களையும் பள்ளிகளுக்கு வழங்குவதற்காக அந்தந்த மாவட்டங்களுக்கு அனுப்பினார்.

அந்த சமயத்தில், வேலையில்லா கணினி பட்டதாரி ஆசிரியர்கள் மனதில் ஒரு விதமான வண்ண ஒளி பிறந்தது, நமக்கும் அரசு வேலை உண்டு, அரசு பள்ளியில் ஆசிரியராக பணியாற்றலாம் என்று நம்பிக்கையும் மனதில் உதித்தது. ஆட்சி காட்சி மாற்றத்திற்கு பின், கணினி அறிவியல் பாடத்திட்டம் அடியோடு முடக்கப்பட்டது, புத்தகங்கள் அழிக்கப்பட்டது. வேலையில்லா பட்டதாரிகளுக்கும், அதனை நம்பி படித்து கொண்டிருந்தவர்களுக்கும் பேரிடியாக விழுந்தது.   

அன்றைக்கு ஆரம்பித்தது கணினி ஆசிரியர்களின் போராட்ட வாழ்க்கை, திண்டுக்கல் மாவட்டத்தை சேர்ந்த கணினி ஆசிரியர் குமரேசன் அதற்கான முன்னெடுப்பை தொடங்கி, கணினி ஆசிரியர்களை ஒன்றிணைக்கும் வகையில் களப்பணியை தொடங்கினார். அவருடன் கைகோர்த்த பல வேலையில்லா ஆசிரியர்கள் ஒன்று சேர்ந்தனர். 

(உடனே நீங்கள் சுயநலம் என்று யோசிக்காதீர்கள், இவர்கள் லட்ச கணக்கில் சம்பளம் கேட்கவில்லை, குறைந்தபட்ச ஊதியம் மட்டுமே கேட்டனர், ஓரு கட்டத்திற்கு மேல், அரசு பள்ளி மாணவர்களுக்கு சம்பளமின்றி வேலை பார்க்க தயராக இருப்பதாகவும், அனுமதி தர வேண்டும் என்று அரசுக்கு கடிதம் கொடுத்து கெஞ்சி கூத்தாடினார்கள், அதற்கும் அனுமதி மறுக்கப்பட்டது.)  

 அன்றைய தொடங்கிய போராட்டம், அரசியல் தலைவர்கள் சந்திப்பது, அமைச்சர்களிடம் கால்கடுக்க நின்று கோரிக்கை மனு  வழங்குவது, ஊடகங்கள், நாளிதழ்கள் மூலமாக அவர்களது கோரிக்கை மக்கள் மன்றத்திற்கு எடுத்து செல்வது, மத்திய அரசுக்கு கடிதம் அனுப்புவது இவர்களது பணி நகர்ந்து கொண்டே இருந்தது.

இவர்களுடைய தொடர் முயற்சியினால், தமிழகத்தில் உள்ள மேல்நிலைப்பள்ளிகளில் உள்ள கணினி அறிவியல் காலிபணியிடங்களில் ஆசிரியர்கள் பணி நியமனம் செய்யப்பட்டு, ஏழை வீட்டு பிள்ளைகள் கணினி கல்வியை படித்து வருகின்றனர். இவர்களின் உந்து சக்தியினால்தான், கணினி அறிவியல் ஆய்வகத்தின் மோசமான நிலையை வெளிகொணர்ந்து, உயர்தர கணினி ஆய்வகங்கள் பள்ளிகளில் அமைக்க நடவடிக்கை எடுக்கப்பட்டுள்ளது.

இதுதவிர, கடந்த சட்டமன்ற கூட்ட தொடரில், முதல்வர் எடப்பாடி பழனிசாமி அவர்கள் 6ம் வகுப்பு முதல் 10ம் வகுப்பு வரை கணினி பாடம் கொண்டு வரப்படும் என்ற அறிவிப்பையும் வெளியிட்டார். கணினி சார்ந்த கல்வியில் இவர்களுடைய பங்கு முக்கியமானது. இவ்வாறு தங்களது 10 ஆண்டு வாழ்க்கையை இப்படியும் நகர்த்தி வந்துள்ளனர் .

இருந்தபோதும், தற்போது ஆட்சியாளர்கள் விட, திமுக ஆட்சிக்கு வந்தால் அரசு பள்ளிகளில் கணினி பாடம் உறுதியாகவும், முழுமையாகவும் கொண்டு வரப்படும், ஏனென்றால், மறைந்த முன்னாள் முதல்வர் கருணாநிதி அவர்களின் திட்டம் என்பதால், திமுக இந்த கோரிக்கையை செயல்படுத்தும் என்ற நம்பிக்கை அவர்கள் மனதில் இருந்துகொண்டே இருந்தது. 

இதுதவிர, அவர்களது கோரிக்கை திமுக தேர்தல் அறிக்கையில் நிச்சயம் இடம்பெறும் என மிகுந்த ஆர்வத்துடனும், களையிழந்த சந்தோஷத்துடன் கனவு கண்டு வந்தனர். 

திமுக தேர்தல் அறிக்கை நேற்று வெளியானதும், பெரும்பாலான கணினி ஆசிரியர்கள் தங்களது கோரிக்கை இடம்பெற்றுள்ளதா என ஒவ்வொரு பக்கத்தையும் பரபரப்புடனும், ஆர்வமுடனும் தேடி தேடி படிக்க ஆரம்பித்தனர். அவர்களின் தேடல் இறுதிபக்கத்தையும் விட்டுவைக்கவில்லை. 

எங்காயவது கணினி என்ற வார்த்தை இடம்பெற்றிருக்காதா? என்ற ஏக்கம் அவர்களை மறக்கடிக்க செய்தது உணர முடிந்தது. இறுதியில், அவர்களுக்கு மிஞ்சியது ஏமாற்றமே, இங்கயும் நாம் கைவிடப்பட்டுவிட்டோமோ என்ற கவலையும் அவர்கள் ஆழ்மனதில் மையம் கொண்டது. 
வேலையில்லா ஆண் ஆசிரியர்கள் மனக்குமறலுடனும், பெண் ஆசிரியர்களுக்கு வெளிப்படையாகவே கண்ணீர் விட்டனர். பத்து வருடத்திற்கான போராட்டம் கிடைத்த வெற்றி இதுதானா என்று மன புலம்பலும் இருந்தது. இவ்வளவு தூரம் ஓலக்குரல் வீசியும், திமுக தலைமை செவிக்கு எட்டவில்லையே என்ற ஆதங்கம் ஆட்டிபடைத்தது. அவர்களது நம்பிக்கையும், கனவும் சுக்குநூறாக நொடிக்கப்பட்டுள்ளது.   

ஏன் கணினி கல்வி வேண்டும்?

டிஜிட்டல் இந்தியா என்று நாம் பேசி கொண்டிருக்கும் இந்த வேளையில், இதே டிஜிட்டல் கல்வி அரசு பள்ளி மாணவர்களுக்கு எட்டா கனியாகவே செயற்கையாகவே புறக்கணிக்கப்பட்டு வருகிறது. இங்கேயும் பணம் இருக்கிறவன், இல்லாதவன் என்ற பாகுபாடுதான், தனியார் பள்ளியில் கணினி கல்வி, அரசு பள்ளி வெறும் கல்வி. 

தனியார் பள்ளியில் ஒன்றாம் வகுப்பு முதலே அப்பள்ளி குழந்தைகளை கணினியை கல்வியை கற்பித்து வருகின்றனர். அப்பள்ளி மாணவர்கள் கணினி பயன்பாடை எளிதாக கையாள்கிறான். 

இங்கு நம் அரசு பள்ளி மாணவன் 11ம் வகுப்பில்தான் கணினியை தொட்டு பார்க்க வேண்டியுள்ளது. அதுவும் சில குறிப்பிட்ட பாட பிரிவு மாணவர்கள் மட்டுமே. அதன்பின் அவன் கணினியின் அடிப்படையை படிக்க ஆரம்பிக்கிறான், ஆய்வகத்தில் கணினியை முழுமையாக பயன்படுத்த முடியாமல் தொட்டு ரசிக்கதான் முடிகிறது. 

பின் அரசு பள்ளி மாணவர்கள் எப்படி உயர்கல்விக்கு சென்று ஜொலிக்கமுடியும் என்று நம்புகிறீர்கள். கணினி இணையம் ஜெட் வேகத்திற்கு சென்றுகொண்டிருக்கும்போது, நம் அரசு பள்ளி விமானம் வேகத்திற்காவது செல்ல வேண்டாமா, ஆனால், நம் பள்ளி மாணவர்கள் அரசு பேருந்து வேகத்திற்கு வந்துள்ளனர் ஏன் இந்த ஏற்றத்தாழ்வு?   

கல்விக்காக கிட்டதட்ட 30 ஆயிரம் கோடி நிதி ஒதுக்கும் தமிழக அரசு கணினி கல்வியை மட்டும் முழுமையாக செயல்படுத்த மறுப்பது ஏன். தனியார் பள்ளிகளுக்கு மாணவர் சேர்க்கை அடிபட்டுவிடுமோ என்றா?. ஆளுங்கட்சியோ, எதிர்கட்சியோ கல்வியில் கண்முன்னே இருக்கும் பிரச்னையை சரி செய்யாமல், பிற திட்டங்கள் நல்ல திட்டங்கள் கொண்டு வந்தாலும், அதுவும் மாணவர்களுக்கு உதவாது. 

 கணினி கல்வியை கொண்டுவந்தால், நம் வீட்டு பிள்ளைகள்தான் படித்து பயன் பெறுவார்கள், கணினி கற்று கொள்வார்கள், நாமும் எது தேவையோ அதை சிந்திக்க மறுப்பதும்  மறப்பதும் மறதியாகவே உள்ளது .

கணினி கல்வி அவர்களுக்கான கோரிக்கையல்ல, நமக்கான கோரிக்கை… இந்த கோரிக்கையை பரிசிலீக்க வேண்டும் என்பதே அனைவரின் எதிர்பார்ப்பு..

வெ.குமரேசன்,
மாநிலப் பொதுச் செயலாளர் ,
9626545446 ,
தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர்கள் சங்கம் பதிவு எண்:655/2014.
விரிவாக படிக்க இங்கே கிளிக் செய்யுங்கள் | READ MORE | CLICK HERE

விழுப்புரத்தில்அரசு பள்ளி ஆசிரியருக்கு கொரோனா10-ம் வகுப்பு மாணவிகளுக்கு 5 நாட்கள் விடுமுறை அறிவிப்பு

விழுப்புரத்தில் அரசு பள்ளி ஆசிரியருக்கு கொரோனா தொற்று ஏற்பட்டது. இதையடுத்து 10-ம் வகுப்பு மாணவிகளுக்கு 5 நாட்கள் விடுமுறை விடப்பட்டது.

விழுப்புரம் திரு.வி.க. வீதியில் அரசு மகளிர் மேல்நிலைப்பள்ளி இயங்கி வருகிறது. கொரோனா நோய் பரவல் தடுப்பு நடவடிக்கை காரணமாக தற்போது 9, 10, 11, 12 ஆகிய வகுப்புகள் நடைபெறுகிறது. இந்த வகுப்புகளில் 1,500-க்கும் மேற்பட்ட மாணவிகள் படித்து வருகின்றனர். இந்நிலையில் இப்பள்ளியில் பணியாற்றி வரும் 10-ம் வகுப்பு ஆசிரியர் ஒருவருக்கு கொரோனா நோய் தொற்று இருப்பது உறுதி செய்யப்பட்டு அவர் ஆஸ்பத்திரியில் சிகிச்சை பெற்று வருகிறார். இதனால் பள்ளி மாணவிகள் மற்றும் ஆசிரியர்கள் அச்சமடைந்துள்ளனர்.

இதனிடையே நேற்று சுகாதாரத்துறையினர், அந்த பள்ளிக்கு நேரில் சென்று அங்கு பணியாற்றி வரும் ஆசிரியர்களுக்கு கொரோனா பரிசோதனை மேற்கொண்டனர்.

அதோடு முன்னெச்சரிக்கை நடவடிக்கையாக கொரோனா நோய் தொற்றால் பாதிக்கப்பட்ட அந்த ஆசிரியர் வகுப்பெடுத்த 10-ம் வகுப்பில் உள்ள 80 மாணவிகளுக்கு நேற்று முதல் வருகிற 21-ந் தேதி (ஞாயிற்றுக்கிழமை) வரை 5 நாட்கள் விடுமுறை அளிக்கப்பட்டுள்ளது. மேலும் பள்ளிக்கு வரும் மற்ற வகுப்பு மாணவிகள் அனைவருக்கும் உடல் வெப்ப பரிசோதனை மேற்கொள்ளப்பட்டு வருவதோடு முக கவசம், சானிடைசர் கட்டாயம் பயன்படுத்த வேண்டும் என்று அறிவுறுத்தப்பட்டுள்ளது. பள்ளியில் பணியாற்றி வரும் ஆசிரியர்கள் 74 பேருக்கு கொரோனா பரிசோதனை செய்து தடுப்பூசி போடப்பட்டுள்ளது என்று பள்ளியின் தலைமை ஆசிரியர் சசிகலா தெரிவித்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

முதல்-அமைச்சர் அறிவித்தபடி9, 10, 11-ம் வகுப்பு மாணவர்களுக்கு தேர்வு கிடையாதுகல்வித்துறை திட்டவட்டம்

9, 10 மற்றும் 11-ம் வகுப்பு மாணவர்களுக்கு தேர்வு கிடையாது என்று கல்வித்துறை திட்டவட்டமாக தெரிவித்துள்ளது.

கொரோனா தொற்றை கருத்தில் கொண்டு கடந்த கல்வியாண்டில் 12-ம் வகுப்பு மாணவ-மாணவிகள் தவிர மற்ற அனைவருக்கும் தேர்வு நடத்தாமலேயே தேர்ச்சி அடைந்ததாக அரசு அறிவித்தது. அதேபோல், இந்த ஆண்டும் நோய்த்தொற்றின் தாக்கம் நீடித்து வருவதை கருத்தில் கொண்டும், மாணவர்கள் மற்றும் ஆசிரியர்களின் அசாதாரண சூழ்நிலையை கருத்தில் கொண்டும் கடந்த மாதம் (பிப்ரவரி) சட்டசபையில் 9, 10 மற்றும் 11-ம் வகுப்பு மாணவர்கள் அனைவரும் முழு ஆண்டு தேர்வுகள் மற்றும் பொதுத்தேர்வுகள் ஏதுமின்றி தேர்ச்சி பெற்றதாக முதல்-அமைச்சர் எடப்பாடி பழனிசாமி அறிவித்தார். அனைவரும் தேர்ச்சி என்று அறிவிக்கப்பட்டாலும் தொடர்ந்து பள்ளிகள் செயல்படும் என்று பள்ளிக்கல்வித்துறை அறிவித்தது. அதன்படி, 9, 10, 11 மற்றும் 12-ம் வகுப்பு மாணவர்களுக்கு வகுப்புகள் நடந்து வருகின்றன.

இந்த நிலையில் தஞ்சை மாவட்ட முதன்மை கல்வி அலுவலர் ஒரு சுற்றறிக்கையை அனுப்பி இருந்தார். அதில், ‘‘9, 10 மற்றும் 11-ம் வகுப்பு மாணவர்களுக்கு ஏப்ரல் மாதம் நடத்தப்படும் தேர்வு குறித்த அட்டவணை பின்னர் தெரிவிக்கப்படும் என்றும், செய்முறைத்தேர்வு ஏப்ரல் 15-ந்தேதிக்குள் நடத்தி முடிக்க வேண்டும்’’ என்று குறிப்பிட்டு இருந்தார். முதல்-அமைச்சர் தேர்வு ஏதுமின்றி 9, 10, 11-ம் வகுப்பு மாணவர்கள் அனைவரும் தேர்ச்சி என்று அறிவித்த நிலையில், இப்படி ஒரு அறிக்கையை கல்வித்துறை அதிகாரி அனுப்பி இருக்கிறாரே? என்ற கேள்வி எழுந்தது. இதனால் மாணவர்களும், பெற்றோரும் குழப்பம் அடைந்தனர்.

இதுகுறித்து பள்ளிக்கல்வித் துறை உயர் அதிகாரிகளிடம் கேட்டபோது, ‘‘முதல்-அமைச்சர் அறிவித்த அறிவிப்புக்கு பிறகு, தேர்வு எப்படி நடத்த முடியும்?. சம்பந்தப்பட்ட அதிகாரி தவறுதலாக அந்த சுற்றறிக்கையை அனுப்பிவிட்டார். தேர்வு நடத்துவது தொடர்பாக கல்வித்துறை எந்த உத்தரவும் பிறப்பிக்கவில்லை. 9, 10 மற்றும் 11-ம் வகுப்பு மாணவர்களுக்கு தேர்வு கிடையாது’’ என்றார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனா பரவல் காரணமாக பள்ளிகளுக்கு விடுமுறை விட்டு ஓராண்டு நிறைவு

கொரோனா பரவல் காரணமாக பள்ளிகளுக்கு விடுமுறை விட்டு நேற்றுடன் ஓராண்டு நிறைவுபெற்று விட்டது. இந்த காலகட்டத்தில் வழங்கப்பட்ட ஆன்லைன் வழிக்கல்வி மாணவர்களுக்கு கைகொடுத்ததா என்பது கேள்விக்குறியாகவே இருக்கிறது.

கொரோனா கோரத்தாண்டவம் தொடங்கிய நிலையில் கடந்த ஆண்டு மார்ச் மாதம் 12-ந் தேதிக்கு பிறகு பள்ளிகளுக்கு விடுமுறை விடப்பட்டது. அந்த நேரத்தில் பிளஸ்-2 மாணவர்களுக்கு மட்டும் பொதுத்தேர்வு நடைபெற்றுக்கொண்டிருந்தது. கடைசித்தேர்வு கொரோனா தொற்றுக்கு மத்தியில் நடத்தப்பட்டதால், சில மாணவர்கள் தேர்வை எழுத முடியாமல் போனதாக தகவல் வெளியானது.

அதையடுத்து அந்த மாணவர்களுக்கு தனியாக தேர்வும் நடத்தப்பட்டது. மேலும் பிளஸ்-1 மாணவர்களுக்கான பொதுத்தேர்வு ஒத்திவைக்கப்பட்டு, அவர்கள் தேர்வு எழுதாமலேயே தேர்ச்சி பெற்றதாக அறிவிக்கப்பட்டது. அதேபோல் எஸ்.எஸ்.எல்.சி. பொதுத்தேர்வும் ரத்து செய்யப்பட்டு, மாணவர்களுக்கு மதிப்பெண் வழங்கப்பட்டது. இவ்வாறாக பொதுத்தேர்வு அனைத்தும் ரத்து செய்யப்பட்ட நிலையில், 1 முதல் 9-ம் வகுப்பு வரையிலான பிற மாணவர்களும் தேர்ச்சி பெற்றதாகவும் அறிவிக்கப்பட்டது.

இப்படியாக கடந்த கல்வியாண்டு கொரோனாவால் கரைந்து போனது. அடுத்த கல்வியாண்டாவது எந்த அவதியும் இல்லாமல் தொடங்கும் என்று எதிர்பார்த்த நிலையில், மீண்டும் தொற்றின் தாக்கம் தீவிரமானதால் ஊரடங்கு நீட்டிக்கப்பட்டுக்கொண்டே வருகிறது.

பள்ளிகள் மூடப்பட்டாலும் மாணவர்களின் கல்வி பாதிக்கப்படக்கூடாது என்ற நோக்கில், ஆன்லைன் வழிக் கல்விமுறையை மத்திய-மாநில அரசுகள் கொண்டு வந்து, கடந்த ஓராண்டாக அம்முறையில் பாடங்கள் நடத்தப்பட்டு வருகின்றன.

தனியார் பள்ளிகளில் பெரும்பாலும் ஆன்லைன் வகுப்புகள் சரியாக நடத்தப்பட்டாலும், அரசு பள்ளிகளில் அத்தி பூத்தாற்போலவே ஆன்லைன் வகுப்புகள் நடைபெறுகின்றன. ஆக இந்த ஆன்லைன் வழிக்கல்வி பெருமளவில் மாணவர்களுக்கு கைகொடுத்ததா என்றால், பலருடைய பதில், ‘இல்லை’ என்பதாகவே இருக்கிறது. மாணவர்கள், கல்வியாளர்கள், பெற்றோர்கள் தரப்பில் மட்டுமல்ல, ஆசிரியர்கள் தரப்பிலும் அதே பதில்தான் வருகிறது.

ஆன்லைன் வழிக் கல்வி, கல்வி தொலைக்காட்சி, நேரடி வகுப்புகளில் பங்குபெற்றவர்களில், 12-ம் வகுப்பு மாணவர்கள் மட்டும் தற்போது பொதுத்தேர்வை எதிர்கொள்ள இருக்கின்றனர்.

இந்நிலையில், பள்ளிகளுக்கு விடுமுறை விட்டு நேற்றுடன் ஓராண்டு நிறைவு பெற்றிருக்கிறது. எப்போது மீண்டும் பள்ளிகள் திறக்கப்படும், நண்பர்களோடு சகஜமான வகுப்பறை வாழ்க்கை எப்போது மீண்டும் கிடைக்கும் என்ற ஆவலில் மாணவர்களும், வீட்டில் அடங்காமலும், படிக்காமலும் விளையாட்டுத்தனமாக இருக்கும் பிள்ளைகளுக்கு எப்போதுதான் பள்ளிகள் திறக்கும் என்ற எதிர்பார்ப்பில் பெற்றோர்களும் இருந்தாலும், தற்போது கொரோனா மீண்டும் மிரட்டுவது, பள்ளிகள் திறப்பை மேலும் கேள்விக்குறியாக்கி இருக்கிறது.

மழலையர் வகுப்புகளுக்கு அடுத்த கல்வியாண்டுக்கான வகுப்புகள் நடத்துவது சந்தேகம் என்று ஏற்கனவே சில பள்ளிகள் மறைமுகமாக தெரிவித்துவிட்டன. இதே நிலை நீடித்தால் மற்ற மாணவர்களுக்கான வகுப்புகளும் கடந்த கல்வியாண்டை போலவே ஆன்லைன் வாயிலாகவே தொடரக்கூடும்.

 

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘நர்சிங்' படிப்புக்கும் நீட் தேர்வு மூலம் மாணவர் சேர்க்கை

நர்சிங் படிப்புக்கும் நீட் தேர்வு மூலம் மாணவர் சேர்க்கையை நடத்தலாம் என்ற தேசிய தேர்வு முகமையின் அறிவிப்பால், மாணவ-மாணவிகள் அதிர்ச்சி அடைந்துள்ளனர்.

எம்.பி.பி.எஸ்., பி.டி.எஸ். போன்ற மருத்துவ படிப்புகளில் சேருவதற்கு நீட் தேர்வு நடத்தப்பட்டு வருகிறது. அந்த தேர்வில் மாணவ-மாணவிகள் எடுக்கும் மதிப்பெண் அடிப்படையிலேயே மருத்துவ படிப்பில் மாணவர் சேர்க்கை நடக்கிறது. அந்தவகையில் நடப்பாண்டுக்கான நீட் தேர்வு எப்போது வெளியாகும்? என்று மாணவ-மாணவிகள் அனைவரும் எதிர்பார்த்து இருந்த நிலையில், நேற்று முன்தினம் இரவு தேர்வை நடத்தக்கூடிய தேசிய தேர்வு முகமை தேர்வு தொடர்பான அறிவிப்பை வெளியிட்டது.

அந்த அறிவிப்பில், ‘எம்.பி.பி.எஸ்., பி.டி.எஸ்., பி.ஏ.எம்.எஸ்., பி.எஸ்.எம்.எஸ்., பி.யு.எம்.எஸ். மற்றும் பி.எச்.எம்.எஸ். போன்ற மருத்துவம் சார்ந்த படிப்புகளுக்கு நீட் தேர்வு வருகிற ஆகஸ்டு மாதம் 1-ந்தேதி நடைபெறும். மேலும், மத்திய-மாநில அரசுகளின் பிற நிறுவனங்கள் விதிமுறைகள், வழிகாட்டுதல்களின் படி பி.எஸ்.சி. நர்சிங் படிப்புக்கும், பி.எஸ்.சி. வாழ்வியல் அறிவியல் படிப்புக்கும் நீட் தேர்வு மதிப்பெண்ணை பயன்படுத்தி மாணவர் சேர்க்கையை நடத்தலாம்' என்று தெரிவித்துள்ளது.

ஏற்கனவே மருத்துவ படிப்புகளுக்கு நீட் தேர்வு நடத்தப்படுவதை எதிர்த்து, தமிழ்நாட்டு விலக்கு அளிக்க அரசியல் கட்சிகள் வலியுறுத்தி வரும் நிலையில், தற்போது நர்சிங் படிப்புகளுக்கும் நீட் தேர்வு மூலம் மாணவர் சேர்க்கை என்பது மாணவ-மாணவிகளுக்கு அதிர்ச்சியை ஏற்படுத்தி இருக்கிறது.

நர்சிங் படிப்புகளை பெரும்பாலும் கிராமப்புறங்களில் இருந்து வரும் மாணவ-மாணவிகள் அதிகளவில் விரும்பி படித்து வருகின்றனர். அவர்களுக்கு இந்த அறிவிப்பு பெரும் ஏமாற்றத்தை தந்துள்ளது. தேசிய தேர்வு முகமை இவ்வாறு அறிவித்து இருப்பதற்கு கல்வியாளர்களும் எதிர்ப்பு தெரிவித்து இருக்கின்றனர். இதுதொடர்பாக பொதுப்பள்ளிக்கான மாநில மேடை பொதுச்செயலாளர் பிரின்ஸ் கஜேந்திரபாபு வெளியிட்டுள்ள அறிக்கையில், ‘எண்ணற்ற தியாகிகளின் கடும் உழைப்பால், இடைவிடாத போராட்டங்களால் கிடைத்த உயர்கல்வி வாய்ப்பினை, நீட் மூலம் வடிகட்டி, மத்திய அரசு பறிக்கத் துடிப்பதை அனுமதிக்க முடியாது' என்று தெரிவித்துள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘செல்லாத பணம்’ நாவலுக்காக எழுத்தாளர் இமையத்துக்கு சாகித்ய அகாடமி விருது

‘செல்லாத பணம்’ என்ற நாவலுக்காக எழுத்தாளர் இமையத்துக்கு சாகித்ய அகாடமி விருது அறிவிக்கப்பட்டுள்ளது.

நமது நாட்டில் தமிழ், மலையாளம், கன்னடம் உள்ளிட்ட 24 மொழிகளில், இலக்கியத்தில் தலைசிறந்த படைப்புகளை செய்வோருக்கு ஆண்டுதோறும் சாகித்ய அகாடமி விருது வழங்கி மத்திய அரசு கவுரவித்து வருகிறது.

இந்த விருது ரூ.1 லட்சம் ரொக்கப்பரிசு மற்றும் பட்டயத்தை கொண்டதாகும்.

இந்த ஆண்டு 20 மொழிகளுக்கான சாகித்ய அகாடமி விருது பெறுவோர் பட்டியல் நேற்று வெளியிடப்பட்டுள்ளது. மலையாளம், ஒடியா, நேபாளி, ராஜஸ்தானி மொழி இலக்கியத்துக்கான சாகித்ய அகாடமி விருது பின்னர் அறிவிக்கப்படும் என தெரிவிக்கப்பட்டுள்ளது.

நமது தாய்மொழியாம், தமிழ்மொழிக்கான சாகித்ய அகாடமி விருது, புகழ் பெற்ற எழுத்தாளர் இமையத்துக்கு வழங்கப்படுவதாக அறிவிக்கப்பட்டுள்ளது.

இமையத்துக்கு இந்த விருதைப் பெற்றுத்தருவது அவர் எழுதிய ‘செல்லாத பணம்’ நாவல் ஆகும்.

சாதி கடந்து திருமணம் செய்து கொள்ளும் ஒரு பெண்ணின் வாழ்க்கைதான் இந்த நாவலின் கதைக்களம். மனித உறவுகளில் சாதியும், பணமும், தகுதியும் எப்படியெல்லாம் சிக்கல்களை ஏற்படுத்துகின்றன என்பதை இந்த நாவல் படம் பிடித்து காட்டுகிறது.

எழுத்தாளர் இமையத்தின் இயற்பெயர் அண்ணாமலை. இவர் கடலூர் மாவட்டம், திட்டக்குடி பகுதியில் உள்ள கழுதூரில் வெங்கட்டன், சின்னம்மாள் தம்பதியரின் மகனாக பிறந்தவர். பள்ளிக்கல்வித்துறையில் ஆசிரியராக பணியாற்றி வருகிறார். இவரது மனைவி ச.புஷ்பவல்லியும் ஆசிரியைதான்.

எழுத்தாளர் இமையத்துக்கு அவரது முதல் நாவலான ‘கோவேறு கழுதைகள்’ நல்ல பெயரை பெற்றுத்தந்தது. அந்த நாவல், ஆங்கிலத்திலும் மொழிபெயர்க்கப்பட்டுள்ளது.

கர்நாடக மாநில முன்னாள் முதல்-மந்திரியும், முன்னாள் மத்திய மந்திரியுமான காங்கிரஸ் மூத்த தலைவர் வீரப்ப மொய்லியும் ‘ஸ்ரீபாகுபலி அகிம்சாதிக்விஜயம்’ கவிதை புத்தகத்துக்காக சாகித்ய அகாடமி விருது பெறுகிறார்.

மும்பையை சேர்ந்த பெண் கவிஞர் அருந்ததி சுப்பிரமணியம், ‘வென் காட் இஸ் எ டிராவல்லர்’ என்ற கவிதை தொகுப்புக்காக ஆங்கிலத்துக்கான சாகித்ய அகாடமி விருது பெறுவது குறிப்பிடத்தக்கது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதுவையில் 1 முதல் 11-ம் வகுப்பு வரை படிக்கும்அனைத்து மாணவர்களும் தேர்ச்சிகவர்னர் தமிழிசை சவுந்தரராஜன் அறிவிப்பு

புதுவையில் இந்த ஆண்டும் தேர்வுகள் ரத்து செய்யப்பட்டு 1 முதல் 11-ம் வகுப்பு வரையிலான அனைத்து மாணவர்களும் தேர்ச்சி பெற்றதாக கவர்னர் தமிழிசை சவுந்தரராஜன் அறிவித்துள்ளார்.

புதுவை, காரைக்கால் பகுதியில் பள்ளிக் கல்வியை பொறுத்தவரை தமிழக கல்வி வாரியத்தின் பாடத்திட்டமே மாணவர்களுக்கு கற்பிக்கப்படுகிறது.

கொரோனா காரணமாக 9, 10, 11-ம் வகுப்புக்கான தேர்வுகள் நடத்தப்படாமலேயே அனைவரும் தேர்ச்சி பெறுவதாக தமிழக சட்டசபையில் கடந்த (பிப்ரவரி) மாதம் 25-ந் தேதி முதல்-அமைச்சர் எடப்பாடி பழனிசாமி அறிவித்தார்.

எனவே புதுவையிலும் தேர்வு எழுதாமலேயே மாணவர்கள் தேர்ச்சி பெற்றதாக அறிவிக்கப்படுமா? அல்லது தேர்வு அறிவிக்கப்படுமா? என்ற கேள்வி மாணவர்கள் மற்றும் பெற்றோர் மத்தியில் எழுந்தது.

தமிழகத்தில் இந்த அறிவிப்பை வெளியிட்ட போது புதுவையில் காங்கிரஸ் அரசு கவிழ்ந்து ஜனாதிபதி ஆட்சி அமலுக்கு வந்தது. அப்போது முதல் மாநில நிர்வாகத்தை கவர்னர் தமிழிசை சவுந்தரராஜன் கவனித்து வருகிறார். தேர்தல் நடத்தை விதியும் சேர்ந்து கொண்டதால் இந்த விவகாரத்தில் புதுவை மாநில அரசால் எந்த முடிவும் எடுக்க முடியாமல் போனது.

இது தொடர்பாக கடந்த 5-ந் தேதி கவர்னர் தமிழிசை சவுந்தரராஜன் கல்வித்துறை அதிகாரிகளுடன் ஆலோசனை நடத்தினார். இதில் தமிழகத்தை பின்பற்றி புதுவை மாநிலத்திலும் 1-ம் வகுப்பு முதல் 11-ம் வகுப்பு வரை தேர்வுகளை ரத்து செய்வது என்று முடிவு செய்யப்பட்டது.

ஆனால் தேர்தல் நடத்தை விதிகள் அமலில் இருப்பதால் இது குறித்து தேர்தல் ஆணையத்தின் முடிவுக்கு அனுப்பி வைக்கப்பட்டது. இந்த நிலையில் 1-ம் வகுப்பு முதல் 11-ம் வகுப்பு வரை தேர்வுகளை ரத்து செய்ய தேர்தல் ஆணையம் அனுமதி அளித்துள்ளது.

அதன்படி கவர்னர் தமிழிசை சவுந்தரராஜன் நேற்று ஒரு செய்திக்குறிப்பை வெளியிட்டார். அதில் கூறியிருப்பதாவது:-

புதுச்சேரி, காரைக்கால் பிராந்தியத்தில் உள்ள 1-ம் வகுப்பு முதல் 9-ம் வகுப்பு வரை பயிலும் மாணவர்கள் அனைவரும் தேர்ச்சி பெற்றதாக அறிவிக்கப்படுகிறார்கள். இதேபோல் புதுவை காரைக்காலில் 10, 11-ம் வகுப்பு படிக்கும் மாணவர்கள் தமிழக கல்வி வாரியத்தின் வழிகாட்டுதலின் பேரில் தேர்ச்சி பெற்றதாக அறிவிக்கப்படுகிறது.

மாகி, ஏனாம் பிராந்தியங்களில் படிக்கும் மாணவர்கள் கேரளா மற்றும் ஆந்திரா கல்வி வாரியத்தின் அடிப்படையில் தேர்ச்சி பெற்றதாக அறிவிக்கப்படுகிறார்கள்.

இவ்வாறு அதில் கூறப்பட்டுள்ளது.

புதுவையில் கடந்த ஆண்டும் 1 முதல் 11-ம் வகுப்பு வரை தேர்வை ரத்து செய்து அனைவரும் தேர்ச்சி என அறிவிக்கப்பட்டனர் என்பது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

pg trb 2021 | முதுநிலை பட்டதாரி ஆசிரியர் தேர்வு: வயது நிர்ணய தகுதியை நீக்கி புதிய அறிவிப்பு வெளியிட வழக்கு: டிஆர்பி தலைவர் பதிலளிக்க உத்தரவு

தேனி மாவட்டம், ஆண்டிப்பட்டியைச் சேர்ந்த கிருஷ்ணகுமாரி, ஐகோர்ட் மதுரை கிளையில் தாக்கல் செய்த பொதுநல வழக்கு: கடந்த பிப். 11ம் தேதி முதுநிலை பட்டதாரி ஆசிரியர்களுக்கான பணியிடங்களை நிரப்புவது தொடர்பான  அறிவிப்பு வெளியிடப்பட்டது. அதற்கான தகுதிகளில் 40 வயதுக்கு மேற்பட்டவர்கள் விண்ணப்பிக்க தகுதியற்றவர்கள் என குறிப்பிடப்பட்டுள்ளது. 2011 முதல் தொடர்ந்து 5 முறை தேர்வெழுதிய நிலையில், கடந்த முறை சான்றிதழ் சரிபார்ப்பு  வரை சென்று, பணி அனுபவ மதிப்பெண்கள் இல்லாததால் பணி வாய்ப்பினை இழந்தேன். இதுவரை முதுநிலை பட்டதாரி ஆசிரியர் தேர்வுக்கு வயது வரம்பு இல்லாத நிலையில், தற்போது புதிதாக வரம்பு உருவாக்கப்பட்டுள்ளது.

இது இயற்கை விதிகளுக்கு எதிரானது. இதன் காரணமாக முறையாக பயிற்சி பெறாத ஆசிரியர்கள் பணியமர்த்தப்படும் வாய்ப்பு உள்ளதால் மாணவர் சமுதாயமும் பாதிக்கப்படும் நிலை உருவாகும். எனவே, முதுநிலை பட்டதாரி ஆசிரியர் தேர்வு  தொடர்பாக ஆசிரியர் தேர்வு வாரியம் தரப்பில் பிப்ரவரி 11ல் வெளியிட்ட அறிவிப்பை ரத்து செய்து, புதிதாக அறிவிப்பு வெளியிட உத்தரவிட வேண்டும். இவ்வாறு கூறியிருந்தார். இந்த வழக்கை விசாரித்த நீதிபதிகள் எம்.எம்.சுந்தரேஷ், ஆனந்தி  அமர்வு, ஆசிரியர் தேர்வு வாரியத்தின் தலைவர் பதிலளிக்க உத்தரவிட்டனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

குடும்பத் தலைவிக்கு மாதம் ரூ.1500: ஒவ்வொரு குடும்பத்திற்கும் ஆண்டுக்கு 6 எரிவாயு சிலிண்டர்கள் இலவசம்; முதல்வர் பழனிசாமி தேர்தல் வாக்குறுதி.

ஒவ்வொரு குடும்பத்திற்கும் ஆண்டுக்கு 6 எரிவாயு சிலிண்டர்கள் இலவசமாக வழங்கப்படும் என முதல்வர் எடப்பாடி பழனிசாமி தேர்தல் வாக்குறுதி அளித்துள்ளார். தமிழகத்தில் ஒரே கட்டமாக வரும் ஏப்ரல் 6-ம் தேதி நடைபெறவுள்ளது. இதனால் தொகுதி பங்கீடு குறித்தும் தேர்தல் அறிக்கை குறித்த ஏற்பாடுகளில் அரசியல் கட்சியினர் தீவிரமாக ஈடுபட்டுள்ளனர். தொகுதி பங்கீடு கிட்டத்தட்ட 95% முடிந்துவிட்டது. வேட்பாளர் பட்டியல் தயாரிக்கும் பணியிலும், தேர்தல் அறிக்கை தயாரிக்கும் பணி தீவிரமாக நடைபெற்று வருகிறது. குறிப்பாக, அதிமுக சார்பில் முதற்கட்டமாக 6 வேட்பாளர்கள் பட்டியல் வெளியிடப்பட்டுள்ளது. 

இந்நிலையில், வேட்பாளர் பட்டியல் தயாரிப்பு, தேர்தல் அறிக்கைக்கு குறித்து சென்னை ராயப்பேட்டையில் உள்ள அதிமுக தலைமை அலுவலகத்தில் அதிமுக ஒருங்கிணைப்பாளரும் துணை முதல்வருமான ஓ.பன்னீர்செல்வம் மற்றும்  அதிமுக இணை ஒருங்கிணைப்பாளரும் முதல்வருமான எடப்பாடி பழனிசாமி தலைமையில் ஆலோசனை கூட்டம் நடைபெற்றது.

இதற்கு பின் சென்னை ராயப்பேட்டையில் உள்ள அதிமுக தலைமை அலுவலகத்தில் செய்தியாளர்களிடம் கூட்டாக தமிழக முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர்செல்வம் கூட்டாக பேட்டியளித்தனர். முதலில் செய்தியாளர்களிடம் பேசிய முதல்வர் பழனிசாமி, ஒவ்வொரு குடும்பத்திற்கும் ஆண்டுக்கு 6 எரிவாயு சிலிண்டர்கள் விலையில்லாமல் வழங்கப்படும் என்றும் குடும்பத் தலைவிக்கு மாதந்தோறும் ரூ.1500 வழங்கப்படும் என்று அறிவித்தார். கூட்டணிப் பேச்சுவார்த்தை முடிந்த பின் அதிமுக எத்தனைத் தொகுதிகளில் போட்டியிடும் என்பது குறித்து அறிவிக்கப்படும். வரும் 12-ம் தேதிக்கு வேட்பாளர் பட்டியல் வெளியாகிவிடும் என்றும் தெரிவித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

www.tndte.gov.in/site | தட்டச்சு, சுருக்கெழுத்து தேர்வுகள்: தொழில்நுட்பக் கல்வித்துறை அறிவிப்பு

தட்டச்சு, சுருக்கெழுத்து, கணக்கியல்  தேர்வுகள் ஏப்ரல் மாதம்நடைபெறும் என தொழில்நுட்பக்கல்வித் துறை அறிவித்துள்ளது.இதுதொடர்பாக தொழில்நுட்பக் கல்வி இயக்குநரும், தொழில்நுட்பத் தேர்வுகள் வாரியத்தின்தலைவருமான கே.விவேகானந்தன் நேற்று வெளியிட்ட அறிவிப்பில் கூறியிருப்பதாவது:

இந்த ஆண்டுக்கான தட்டச்சு, சுருக்கெழுத்து, கணக்கியல் தேர்வுகள் ஏப்ரல் மாதம் நடத்தப்பட உள்ளன. இதற்கான விண்ணப்பப் படிவத்தை தொழில்நுட்பக் கல்வி இயக்ககத்தின் இணையதளத்தில் (www.tndte.gov.in/site) பதிவிறக்கம் செய்துகொள்ளலாம். விண்ணப்பக் கட்டணம் ரூ.20. தேர்வுக்கட்டணம் ஜுனியர் தேர்வுக்கு ரூ.65, சீனியர் தேர்வுக்கு ரூ.85. இண்டர் தேர்வுக்கு ரூ.80, ஹைஸ்பீடு தேர்வுக்கு ரூ.130.

பூர்த்தி செய்யப்பட்ட விண்ணப்பங்களை உரிய கட்டணத்துக்கான செலான் மற்றும் இதர ஆவணங்களுடன் மார்ச் 26-க்குள் நேரில்அல்லது தபால் மூலம் ‘தலைவர்,தேர்வு வாரியம், தொழில்நுட்பக் கல்வி இயக்ககம், கிண்டி, சென்னை - 600025’ என்ற முகவரி யில் சமர்ப்பிக்க வேண்டும்.

மார்ச் 30 வரை அபராதக் கட்டணம் ரூ.5 செலுத்தி விண்ணப்பிக்கலாம். மேலும் தகவலுக்கு 044-22351018, 22351014 ஆகிய தொலைபேசி எண்களில் தொடர்பு கொள்ளலாம். இவ்வாறு அறிவிப் பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

6, 7, 8-ம் வகுப்புகளுக்கு பள்ளிகள் திறக்க வாய்ப்பு இல்லை அமைச்சர் கே.ஏ.செங்கோட்டையன் தகவல்

தமிழ்நாட்டில் தற்போது 6, 7, 8-ம் வகுப்புகளுக்கு பள்ளிக்கூடங்கள் திறக்க வாய்ப்பு இல்லை என அமைச்சர் கே.ஏ.செங்கோட்டையன் கூறினார்.

ஈரோடு மாவட்டம் சிறுவலூரில் தமிழக பள்ளிக்கல்வித்துறை அமைச்சர் கே.ஏ.செங்கோட்டையன் நிருபர்களுக்கு பேட்டி அளித்தார். அப்போது அவர் கூறியதாவது:-

தற்போது உள்ள சூழ்நிலையில், 6, 7, 8-ம் வகுப்புகளுக்கு பள்ளிக்கூடங்கள் திறக்க வாய்ப்பு இல்லை. 9, 10,11, 12- ம் வகுப்புகளில் 98.5சதவீத மாணவ- மாணவிகள் பள்ளிக்கு வருகிறார்கள்.

போராட்டத்தில் ஈடுபட்டு வரும் சிறப்பாசிரியர்களுக்கு மத்திய அரசு நிர்ணயித்த தொகை ரூ.5 ஆயிரத்து 500 மட்டும் தான். ஆனால், தமிழக அரசு ரூ.10 ஆயிரம் வழங்கி வருகிறது. ஆசிரியர் காலிப்பணியிடங்கள் இந்த மாத இறுதிக்குள் நிரப்புவதற்கு அட்டவணை வெளியிடப்பட உள்ளது. 

‘நீட் தேர்வை’ ஆண்டுக்கு 2 முறை நடத்துவது குறித்து மத்திய அரசிடம் இருந்து கடிதம் வந்த பிறகுதான், எவ்வாறு நடத்துவது என்பது பற்றி முடிவு செய்யப்படும். 10, 12-ம் வகுப்புகளுக்கு பொதுத்தேர்வு அட்டவணை வெளியிடுவது குறித்து முதல்- அமைச்சர் விரைவில் முடிவு செய்வார்.இவ்வாறு அவர் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

742 கணினி ஆசிரியர்கள் நியமனம்இறுதி தீர்ப்புக்கு கட்டுப்பட்டது

கணினி ஆசிரியர்கள் பணியிடத்துக்கான தேர்வு முறைகேடு குறித்து விரிவான விசாரணை நடத்தவேண்டும் என்றும், 742 கணினி ஆசிரியர்கள் நியமனம் வழக்கின் இறுதி தீர்ப்புக்கு கட்டுப்பட்டது என்றும் சென்னை ஐகோர்ட்டு அதிரடியாக உத்தரவிட்டுள்ளது.

தமிழக பள்ளிக்கல்வித் துறையில் கடந்த 2019-ம் ஆண்டு ஜூன் மாதம் 814 கணினி ஆசிரியர்கள் பணியிடங்களுக்கு ஆசிரியர் தேர்வு வாரியம் ஆன்லைன் மூலம் தேர்வு நடத்தியது. இந்த தேர்வில் முறைகேடு நடந்ததாக சென்னை ஐகோர்ட்டில் வழக்குகள் தொடரப்பட்டன.

அந்த வழக்குகளில், 175 மையங்களில் நடந்த தேர்வில் முறைகேடுகள் நடந்தன. தேர்வு அறைக்குள் செல்போன் பயன்படுத்தப்பட்டது. 3 மணி நேரத்துக்குமேல் தேர்வு எழுத அனுமதி அளிக்கப்பட்டது. எனவே இந்த தேர்வில் தேர்வானவர்கள் பட்டியலை ரத்து செய்யவேண்டும் என்று கூறப்பட்டு இருந்தது.

இந்த வழக்குகளை விசாரித்த நீதிபதி வி.பார்த்திபன், 3 தேர்வு மையங்கள் தவிர மீதமுள்ள தேர்வு மையங்களில் தேர்வு எழுதி தேர்வாகிய விண்ணப்பதாரர்களுக்கு பணி நியமனம் வழங்கும் நடைமுறைகளை மேற்கொள்ள அரசுக்கு அனுமதி அளித்து உத்தரவிட்டார்.

அதேசமயம், 3 தேர்வு மையங்களில் நடந்த முறைகேடு குறித்து விசாரிக்க ஐகோர்ட்டு ஓய்வுபெற்ற நீதிபதி ஆதிநாதன் தலைமையில் ஒருநபர் குழுவை அமைத்து உத்தரவிட்டார்.

இந்நிலையில், அனைத்து தேர்வு மையங்களிலும் முறைகேடுகள் நடந்துள்ளதாகக் கூறி, சென்னை ஐகோர்ட்டில் மேல் முறையீடு செய்யப்பட்டது.

இந்த வழக்கு தலைமை நீதிபதி சஞ்சீப் பானர்ஜி, நீதிபதி செந்தில்குமார் ராமமூர்த்தி ஆகியோர் முன்பு நேற்று விசாரணைக்கு வந்தது.

அப்போது தமிழக அரசு தரப்பில் ஆஜரான அட்வகேட் ஜெனரல் விஜய் நாராயண், ‘தனி நீதிபதி உத்தரவின்படி, 742 பேர் தேர்வுசெய்யப்பட்டு, பணி நியமனம் அளிக்கப்பட்டுள்ளது. ஓய்வுபெற்ற நீதிபதி, தனது விசாரணை அறிக்கையை சீல் வைக்கப்பட்ட கவரில் தாக்கல் செய்துள்ளார். அந்த அறிக்கையைப் பார்த்தபின் தகுந்த உத்தரவை பிறப்பிக்க வேண்டும்' என்று வாதிட்டார்.

அதை ஏற்க மறுத்த தலைமை நீதிபதிகள், ‘கணினி ஆசிரியர் தேர்வு முறைகேடுகள் தொடர்பாக அனைத்து மையங்களுக்கும் சேர்த்து விரிவான விசாரணையை அரசு மேற்கொள்ள வேண்டும். அதன் அறிக்கையை வருகிற ஏப்ரல் 30-ந்தேதிக்குள் தாக்கல் செய்ய வேண்டும்.

விசாரணையின்போது, அனைத்து தேர்வு மையங்களின் கண்காணிப்பு கேமரா பதிவுகளை பெற்று ஆய்வு செய்யவேண்டும். பதிவுகள் இல்லாதபட்சத்தில் தேர்வு எழுதியவர்களை அழைத்து விசாரிக்கலாம். ஏற்கனவே நியமனம் செய்யப்பட்ட ஆசிரியர்களின் நியமனம், தனிநீதிபதியின் இறுதி தீர்ப்புக்கு கட்டுப்பட்டது’ என்று கூறி வழக்கை முடித்துவைத்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE