அரசு பணியில் உள்ள மாற்றுத்திறனாளிகளுக்கு பணிக்கு வருவதில் இருந்து விலக்கு - தமிழக அரசு

அரசு பணியில் உள்ள மாற்றுத்திறனாளிகள் வரும் 31 ஆம் தேதி வரை பணிக்கு வருவதில் இருந்து விலக்களித்து அரசாணை பிறப்பிக்கப்பட்டுள்ளது. கொரோனா அச்சுறுத்தல் காரணமாக கடந்த மார்ச் 24 ஆம் தேதி முதல் தமிழகத்தில் ஊரடங்கு பிறப்பிக்கப்பட்டு, வரும் ஆகஸ்ட் 31 ஆம் தேதி வரை ஊரடங்கு அமலில் இருக்கும் என அறிவிக்கபட்டுள்ளது. படிப்படியாக தளர்வுகள் அமல்படுத்தினாலும், தனியார் மற்றும் அரசு பொது போக்குவரத்துக்கு தடை நீடித்து வருகிறது.

போக்குவரத்து வசதி இல்லாததால், மாற்றுத்திறனாளிகளுடைய உடல் குறைப்பாட்டையும், பாதுகாப்பையும் கருத்தில் கொண்டு , அவர்கள் பணிக்கு வருவதில் இருந்து விலக்களிக்க மாற்றுத்திறனாளிகள் நல இயக்குனர் கோரிக்கை விடுத்தார்.

கோரிக்கையை பரிசீலித்த அரசு, ஏற்கனவே ஜூலை 31 ஆம் தேதி வரை மாற்றுதிறனாளிகள் பணிக்கு வருவதில் இருந்து விலக்களித்து உத்தரவிட்டது. தற்போது தமிழகத்தில் ஆகஸ்ட் 31 ஆம் தேதி வரை ஊரடங்கு நீட்டிக்கப்பட்டுள்ள நிலையில், ஆகஸ்ட் 1 முதல் 31 ஆம் தேதி வரை மாற்றுத்திறனாளிகள் பணிக்கு வருவதில் இருந்து விலக்களித்து தமிழக அரசு அரசாணை பிறப்பித்துள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆசிரியர்கள் / அரசு ஊழியர்கள் தங்களது GPF/TPF Account Slip 2019-2020 வெளியீடு.

2019-20 account slip AG OFFICE ஆல் வெளியிடப்பட்டது. 2019-2020 ஆம் நிதியாண்டின் ஆசிரியர் பொது வருங்கால வைப்புநிதி கணக்கீட்டுத்தாள் (GPF/TPF Account Slip 2019-2020) இன்று வெளியிடப்பட்டுள்ளது. கணக்கீட்டுதாள் பதிவிறக்கம் செய்யும் போது ஏற்கனவே பதிவு செய்யப்பட்ட தொலைபேசி எண்ணிற்கு வரும் 4 இலக்க OTP எண்ணை உள்ளீடு செய்து தான் கணக்கீட்டுதாளை பதிவிறக்கம் செய்ய இயலும். ஏற்கனவே பதிவு செய்யப்பட்ட மொபைல் எண்ணை மாற்றி இருந்தால் தங்களது பெயர் GPF/TPF NUMBER மற்றும் பழைய தொலைபேசி எண்,புதிய தொலைபேசி எண்ணை குறிப்பிட்டு www.aggpf.nic.in என்ற முகவரிக்கு இமெயில் (email) அனுப்பி தொலைபேசி எண்ணை மாற்றம் செய்துகொள்ளலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நல்லாசிரியர் விண்ணப்பித்தோருக்கு சோதனை

'தமிழகத்தில் மாநில நல்லாசிரியர் விருதுக்கு விண்ணப்பிக்கும் போதே போலீஸ் நன்னடத்தை சான்று இணைக்க வேண்டும்' என கல்வித்துறை உத்தரவிட்டுள்ளது.

மாநில அளவில் இவ்விருதுக்கு விண்ணப்பிக்க ஆக., 14 கடைசி நாள். தற்போது மாவட்ட அளவில் சி.இ.ஓ.,க்கள் தலைமையில் நேர்காணல் நடக்கிறது. மாவட்ட வாரியாக விண்ணப்பித்தோர் எண்ணிக்கை குறைந்துவிட்டன. ஜாக்டோ ஜியோ போராட்டத்தில் பங்கேற்றவர்களை பரிசீலிக்க கூடாது, அரசியல் சிபாரிசுகள் போன்ற காரணங்களால் விண்ணப்பித்தாலும் பலன் இருக்காது என தகுதியான ஆசிரியர்கள் தயங்குவதும் ஒரு காரணம்.

இந்தாண்டு விண்ணப்பிக்கும் போதே போலீஸ் நற்சான்று வேண்டும் என கூறியதால் சம்மந்தப்பட்ட போலீஸ் ஸ்டேஷனுக்கு உட்பட்ட ஆசிரியர்கள் ஆன்லைனிலும், நேரிலும் சென்று விண்ணப்பித்து சான்று பெற படாத பாடுபடுகின்றனர். சில ஸ்டேஷன்களில் 'கப்பம்' கட்டியுள்ளனர்.முந்தைய ஆண்டுகளில் மாவட்ட அளவில் பரிந்துரைக்கப்படாதவர்கள் அமைச்சர்கள் பரிந்துரையில் விருதுகள் பெற்ற வரலாறும் உள்ளது.

மேலும் இதுவரை விருதுக்கு தேர்வு பெற்ற பின்னர் தான் போலீஸ் நற்சான்று கேட்கப்பட்டது. தேசிய நல்லாசிரியர் விருது தேர்வு முறையில் மத்திய கல்வித்துறையே ஆசிரியர்களின் நற்சான்றை போலீஸ் மூலம் பெற்று விடுகின்றன.எனவே 'நல்லாசிரியர் விருது' என்பது தகுதியுள்ள ஒவ்வொரு ஆசிரியர்களின் வாழ்நாள் கனவு. அது சோதனைகளும், சிக்கல்களும் நிறைந்ததாக இல்லாமல் முறையில் மாற்றம் கொண்டுவர வேண்டும் என ஆசிரியர்கள் எதிர்பார்க்கின்றனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நல்லாசிரியர் விருதுக்கு நேர்காணல்

மதுரையில் இந்தாண்டு நல்லாசிரியர் விருதுக்கு விண்ணப்பித்த 43 ஆசிரியர்களுக்கு மாவட்ட அளவில் நேர்காணல் நடந்தது.தொடக்க கல்வி 23, உயர் மேல்நிலையில் 16, மெட்ரிக் 3, மாவட்ட ஆசிரியர் பயிற்சி நிறுவனம் (டயட்) சார்பில் 1 என விண்ணப்பித்தவர்கள் சி.இ.ஓ., அலுவலகத்தில் பங்கேற்றனர்.

சி.இ.ஓ., சுவாமிநாதன் தலைமையில் டி.இ.ஓ.,க்கள் முத்தையா, இந்திராணி, வளர்மதி, பராசக்தி, டயட் முதல்வர் செல்வி, பி.இ.ஓ., கென்னடி, தலைமையாசிரியர் குருநாதன் குழு நேர்காணல் நடத்தியது. ஆசிரியர்களின் கற்பித்தல் திறன், சமூக பங்களிப்பு, பள்ளி, மாணவர் நலனுக்கான நடவடிக்கைகள், விருதுகள், எதிர்கால திட்டங்கள் குறித்து கேள்விகள் கேட்கப்பட்டது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

EMIS-ல் பெயர் நீக்காததால் தேர்வு முடிவில் குழப்பம்.

தமிழக அளவில் 12,690 பள்ளிகளில் படித்த 9,39,829 மாணவர்களையும் தேர்ச்சி பெற்றதாக அரசு அறிவித்தது. ஆனால், கல்வி மேலாண்மை தகவல் அமைப்பு (எமிஸ்) படி 9,45,077 மாணவர்கள் பத்தாம் வகுப்பு படிப்பதாக கணக்கில் உள்ளது.

இதனால், முடிவு அறிவித்த மீதியுள்ள 5,248 மாணவரின் முடிவுகள் என்ன ஆனது என்ற சர்ச்சை எழுந்தது. இதற்கு முற்றுப்புள்ளி வைக்க அரசு தேர்வு துறை துணை இயக்குனர்கள் மாவட்ட வாரியாக ஆய்வு நடத்தினர். அதில், 5248 பேர்களில் 231 இறப்பு, 4359 காலாண்டு, அரையாண்டு தேர்வு எழுதாதவர், பள்ளியை விட்டு 658 பேர் விலகியது தெரிந்தது.

பள்ளியை விட்டு மாணவர் இடைநிற்றல், இறப்பு, மாற்று சான்றினை பெற்று விலகினால், அவர்களது விபரங்களை கல்வி மேலாண்மை தகவல் அமைப்பில் (எமிஸ்) இருந்து உடனே நீக்க வேண்டும். பள்ளிகள் அதை செய்யாததால் குழப்பம் ஏற்பட்டது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயரிங் படிப்புக்கான விண்ணப்பம் 1½ லட்சத்தை தாண்டியது 16-ந்தேதி கடைசி நாள்

என்ஜினீயரிங் படிப்புகளில் சேருவதற்கு ஆன்லைன் கலந்தாய்வு நடத்தப்பட்டு வருகிறது. கடந்த ஆண்டு முதல் இந்த கலந்தாய்வை தொழில்நுட்ப கல்வி இயக்ககம் நடத்தி வருகிறது. அந்தவகையில் நடப்பாண்டுக்கான அறிவிப்பு கடந்த மாதம் வெளியிடப்பட்டது. அதன்படி, என்ஜினீயரிங் படிப்பில் சேருவதற்கான ஆன்லைன் விண்ணப்பப்பதிவு கடந்த மாதம் 15-ந்தேதி மாலை 6 மணிக்கு தொடங்கியது.

கடந்த சில ஆண்டுகளோடு ஒப்பிடுகையில், இந்த ஆண்டு விண்ணப்ப பதிவு தொடங்கிய ஒரு வாரத்திலேயே ஏராளமான விண்ணப்பங்கள் குவிந்தன. தற்போதும் ஏராளமான மாணவர்கள் ஆர்வத்துடன் விண்ணப்பித்து வருகின்றனர். அந்த வகையில் விண்ணப்ப பதிவு தொடங்கியதில் இருந்து நேற்று முன்தினம் வரை ஒரு லட்சத்து 50 ஆயிரத்து 7 பேர் என்ஜினீயரிங் படிப்பில் சேருவதற்கு பதிவு செய்து இருப்பதாகவும், இவர்களில் ஒரு லட்சத்து 20 ஆயிரத்து 71 பேர் விண்ணப்ப கட்டணத்தை செலுத்தி இருப்பதாகவும் தெரிவிக்கப்பட்டு இருக்கிறது.

கடந்த ஆண்டில் ஒரு லட்சத்து 33 ஆயிரத்து 116 பேர் விண்ணப்ப பதிவு செய்து இருந்தனர். ஆனால் இந்த ஆண்டில் விண்ணப்ப பதிவு முடிவதற்கு இன்னும் 4 நாட்கள் இருக்கும் நிலையில், தற்போதே விண்ணப்ப பதிவு 1½ லட்சத்தை தாண்டியுள்ளது. விண்ணப்பங்களை மாணவர்கள் பதிவு செய்ய வருகிற 16-ந்தேதி கடைசிநாள் ஆகும். மாணவர்கள் தங்களுடைய சான்றிதழ்களை பதிவேற்றம் செய்ய வருகிற 20-ந்தேதி கடைசி நாளாக உள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பி.இ., பிடெக். விண்ணப்பிக்கலாம்

தொழில்நுட்பக் கல்வி இயக்கு நரகத்தின் கீழ், தமிழகத்தில் செயல்பட்டுவரும் 9 கல்லூரிக ளில் பகுதிநேர பிஇ., பிடெக். படிப்புகளில் சேர ஆன்லைன் மூலமாக விண்ணப்பங்கள் வர வேற்கப்படுகின்றன.

இது குறித்து பகுதிநேர பி.இ., பி.டெக். மாணவர் சேர்க்கை செயலாளர் வி.செல்லதுரை கூறி யது: பகுதி நேர பி.இ., பி.டெக்., படிப்புகளுக்கு www.ptbe-tnea. com என்ற இணையதளம் வழி யாக விண்ணப்பிக்கலாம். தமிழ கம் முழுவதும் பொறியியல் மற் றும் பாலிடெக்னிக் கல்லூரிகளில் சேர விண்ணப்பிக்க அமைக்கப் பட்டுள்ள அதே மையங்கள் வழி யாகவும் விண்ணப்பிக்கலாம்.

ஆக. 30-ம் தேதி மாலை 5 மணிக்குள் விண்ணப்பிக்க வேண் டும். விண்ணப்பதாரர்கள் டிப் ளமோ முடித்து 2 ஆண்டு நிறை வடைந்திருக்க வேண்டும். 2 ஆண்டு ஏதேனும் ஒரு நிறுவனத் தில் பணிபுரிந்து வருபவர்களாக இருக்க வேண்டும். ஏற்கெனவே 2 ஆண்டு பணியாற்றி, தற்போது வேலை இல்லாதோரும் விண்ணப்பிக்கலாம் என்றார்.

விண்ணப்பத்தின் நிலை பற்றி செப்.10-ல் அறியலாம். 17-ல் தர வரிசைப் பட்டியல் வெளியிடப்ப டும்.19-ம் தேதி முதல் கலந்தாய்வு தொடங்குகிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

‘இ-சஞ்சீவினி’ திட்டம் மூலம் ஆன்லைனில் இலவசமாக மருத்துவரிடம் ஆலோசனை மருந்துகள் வாங்க பரிந்துரை சீட்டும் பெறலாம்

ஊரடங்கு அமலில் உள்ளதால் பொதுமக்கள் மருத்துவ மனைக்கு செல்லாமல், கரோனா தவிர்த்து பிற பிரச்சினைகளுக்கு ஆன்லைனில் இலவசமாக மருத் துவரின் ஆலோசனை பெறு வதற்காக ‘இ-சஞ்சீவினி ஓபிடி’ என்ற திட்டத்தை மத்திய அரசு சில மாதங்களுக்கு முன்பு அறி முகம் செய்தது.

பொதுமக்களுக்கு ஆலோ சனை வழங்குவதற்காக தமிழகத் தில் 500-க்கும் மேற்பட்ட மருத்து வர்கள் இத்திட்டத்தில் ஈடுபடுத் தப்பட்டுள்ளனர். இந்தத் திட்டம் தொடர்பாக சுகாதாரத் துறை அதிகாரிகள் கூறியதாவது:

இ-சஞ்சீவினி ஓபிடி திட்டத் தால் தமிழகத்தில் 39 ஆயிரம் பேர் பயனடைந்துள்ளனர். இந்தியா வில் மற்ற மாநிலங்களைவிட தமிழகம்தான் இ-சஞ்சீவினி ஓபிடி திட்டத்தை சிறப்பாக செயல் படுத்தி வருகிறது.

பொதுமக்கள் இச் சேவையை பயன்படுத்த www.esanjeevaniopd.in என்ற இணையதளம் மூலமாகவோ அல்லது esanjeevaniopd என்ற ஆன்ட் ராய்டு செயலி மூலமாகவோ தங் களுடைய செல்போன் எண்ணை பதிவு செய்து தங்கள் செல் போனுக்கு வரும் கடவு எண்ணை (OTP) பயன்படுத்தி மருத்துவரை சந்திக்க டோக்கன் பெறலாம்.

இதையடுத்து, மருத்துவரை சந்திப்பதற்கான பிரிவில் நுழைந்து, காத்திருப்பு அறை திரையில் தற்போது அழைக்கவும் (Call Now) என்று வரும்போது அந்த உள்ளீட்டை அழுத்தினால் மருத்துவருடன் தொடர்பு கொண்டு காணொலி மூலம் ஆலோசனை பெற முடியும்.

ஆலோசனை முடிந்த பின்னர் மருத்துவரின் கையெழுத்துடன் பரிந்துரை சீட்டை பதிவிறக்கம் செய்யலாம். அந்த சீட்டை வைத்து மருந்துக் கடைகளில் மாத்திரை, மருந்துகளை வாங்கிக் கொள்ள லாம். ஏற்கெனவே மருத்துவரை பார்த்த மருத்துவ சீட்டுகள் மற்றும் பரிசோதனை முடிவுகள் இருந்தால் ஆலோசனைக்கு முன்பாக பதிவேற்றம் செய்ய வேண்டும்.

தமிழகத்தில் மட்டும் ஏழு நாட் களும் காலை 8 மணி முதல் இரவு 8 மணி வரை இந்த சேவை வழங்கப்படுகிறது. எச்ஐவி / எய்ட்ஸ் நோயாளிகளுக்கு என பிரத்யேகமாக மருத்துவர்கள் திங்கள் முதல் சனிக்கிழமை வரை காலை 8 மணி முதல் மதியம் 1 மணி வரை ஆலோசனைகளை வழங்குகிறார்கள். இந்த திட்டத் தின் மூலம் பொதுமக்கள் மருத்து வமனைக்கு செல்லாமலேயே மருத்துவ ஆலோசனைகளைப் பெற முடியும். கர்ப்பிணிகள், குழந்தைகள், முதியோர், நாள் பட்ட நோய்களால் பாதிக்கப்பட்ட வர்களுக்கு இத்திட்டம் ஓர் வரப் பிரசாதமாக அமைந்துள்ளது.

இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

KALVI TV PROGRAMME 2020

KALVI TV  PROGRAMME 2020

விரிவாக படிக்க இங்கே கிளிக் செய்யுங்கள் | READ MORE | CLICK HERE

உயர்கல்வியில் மாற்றம்

உயர் கல்வி எனப்படும், பட்டப் படிப்பு முறையிலும், மாணவர்கள் தங்களுடைய விருப்பத்தின் அடிப்படையில், விரும்பி படிக்கும் வகையில், மாற்றங்கள் செய்யப்பட்டு உள்ளன.

  • உயர் கல்வி நிறுவனங்களில் சேருவதற்காக, பொது நுழைவுத் தேர்வை நடத்துவதற்காக, 'நேஷனல் டெஸ் டிங் ஏஜென்சி' எனப்படும், தேசிய திறன் சோதனை அமைப்பு உருவாக்கப்படும் 
  • இளநிலை பட்டப் படிப்பு, மூன்று அல்லது நான்கு ஆண் டுகள் கொண்டதாக இருக்கும். இதில், எந்த நேரத்திலும், மாணவர்கள் வெளியேறலாம் முதல் ஆண்டில் வெளியேறினால், சான்றிதழ் அளிக்கப் படும். இரண்டாம் ஆண்டில் வெளியேறுவோருக்கு, பட்டயம் தரப்படும். மூன்றாம் ஆண்டில் வெளியே றும் மாணவர்களுக்கு, பட்டம் வழங்கப்படும். இதற்கு மேலும், உயர்கல்வி படிக்க விரும்புவோர், நான்காம் ஆண்டு படிப்பை தொடரலாம் இதன் மூலம், மாணவர்கள், தங்களுடைய விருப்பதற் கேற்ப முடிவு செய்வதற்கு வாய்ப்பு கிடைத்துள்ளது. 
  • குடும்பம், பொருளாதாரம், உடல்நலப் பிரச்னைகளால் படிப்பை தொடர முடியாவிட்டாலும், அவர்களுக்கு, சான்றிதழ், பட்ட யம், பட்டம், இவற்றில் ஏதாவது ஒன்று கிடைக்கும் புதிய கல்விக் கொள்கையின்படி, இணைப்பு கல்லுாரிகள் என்ற முறை, அடுத்த, 15 ஆண்டுகளுக்குள் முழுதுமாக நீக்கப்படும் 
  • வெளிநாடுகளைச் சேர்ந்த, 100க்கும் மேற்பட்ட பல் கலைகள், இந்தியாவில் கல்லூரிகள் துவங்க அனுமதி வழங்கப்படும் 
  • எம்.பில்., ஆராய்ச்சி படிப்பு கைவிடப்படுகிறது சட்டம் மற்றும் மருத்துவக் கல்லுாரிகளைத் தவிர்த்து, மற்ற உயர் கல்வி நிறுவனங்களை கட்டுப்படுத்த, ஒரே கண்காணிப்பு அமைப்பு உருவாக்கப்படும் 
  • அரசு மற்றும் தனியார் கல்வி நிறுவனங்களுக்கு, பொது வான நடைமுறை கொள்கை வகுக்கப்படும் கல்லூரிகளுக்கு தன்னாட்சி வழங்குவதற்கான நடை முறை உருவாக்கப்படும் 
  • சமஸ்கிருதம் உட்பட பல்வேறு இந்திய மொழிகள் தொடர்பாக ஆய்வு செய்வதற்காக, இந்திய மொழிபெயர்ப்பு மற்றும் பொருள் விளக்க மையம் உருவாக்கப்படும் சமஸ்கிருத பல்கலைகள்-பல்வழி கல்வி நிறுவனங்களாக மாற்றப்படும்
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளி, கல்லூரி திறப்பு 15 நாட்களில் முடிவு: மத்திய அரசு அறிவிப்பு

‘நாடு முழுவதும் பள்ளி, கல்லூரிகளை திறப்பது குறித்து 15 நாட்களுக்குள் மாநில அரசுகளுடன் ஆலோசித்த பிறகு முடிவு எடுக்கப்படும்,’ என மத்திய அரசு தெரிவித்துள்ளது. கொரோனா வைரஸ் பரவலைத் தொடர்ந்து, நாடு முழுவதிலும் பள்ளி, கல்லூரிகள், கல்வி நிறுவனங்கள் ஆகியவை கடந்த மார்ச் 16ம் தேதி முதல் மூடப்பட்டுள்ளன.

முதல் கட்டமாக, ஒன்று முதல் எட்டாம் வகுப்பு வரையிலான அனைத்து மாணவர்களும் தேர்ச்சி பெற்றதாக மாநில அரசுகள் அறிவித்தன. இதைத் தொடர்ந்து, பத்தாம் வகுப்பு தேர்வுகளும் ரத்து செய்யப்பட்டது. அனைத்து மாணவர்களும் தேர்ச்சி பெற்றதாக அறிவிக்கப்பட்டது. அரையாண்டு மற்றும் உள்மதிப்பீட்டின் அடிப்படையில் மதிப்பெண்கள் வழங்கப்படும் என்று தெரிவிக்கப்பட்டது. நிலுவையில் இருந்த பிளஸ் 1 தேர்வுகளும் ரத்து செய்யப்பட்டன.

அதே நேரம், கல்லூரி, பல்கலைக் கழக பருவத் தேர்வுகள் ஆகஸ்ட் மாதம் நடைபெறும் என்று பல்கலை மானியக் குழு அறிவித்தது. இதற்கு எதிர்ப்பு தெரிவிக்கப்பட்டதால், முதல், இரண்டாம் ஆண்டு தேர்வுகளை மட்டும் ரத்து செய்து, இறுதியாண்டு தேர்வுகளை மாணவர்கள் எழுத வேண்டும். இல்லையெனில் சான்றிதழ் வழங்கப்படாது என்று பல்கலை மானியக் குழு கண்டிப்புடன் தெரிவித்தது.

இதற்கு மாணவர்களும், பெற்றோர்களும் கடும் கண்டனம் தெரிவித்ததுடன், தேர்வுகளை நடத்த அனுமதிக்க கூடாது என்று உச்ச நீதிமன்றத்தில் வழக்கு தொடுத்துள்ளனர். இந்த வழக்கு விசாரணை நடந்து வருகிறது. இதனிடையே, மத்திய மனிதவளத் துறை அமைச்சர் ரமேஷ் பொக்ரியால் சமீபத்தில் அளித்த பேட்டியில், ‘மாணவர்களின் நலனைக் கருத்தில் கொண்டும், நாட்டில் நிலவும் கொரோனா பரவலின் சூழ்நிலையை பொருத்தும், தேர்வுகள் நடத்துவது குறித்து முடிவு எடுக்கப்படும். பள்ளி, கல்லூரிகளை செப்டம்பரில் திறப்பது குறித்து அரசு ஆலோசித்து வருகிறது,’ என்று கூறியிருந்தார்.

இந்நிலையில், மத்திய மனிதவள மேம்பாட்டுத் துறை நேற்று முன்தினம் வெளியிட்ட அறிக்கையில் கூறப்பட்டு இருப்பதாவது:நாட்டில் நிலவும் கொரோனா தொற்று சூழலைப் பொருத்து பள்ளி, கல்லூரிகள் திறக்கப்பட உள்ளன. தற்போதைய சூழலில், சண்டிகர் யூனியன் பிரதேச அரசு மட்டுமே பள்ளிகளை திறக்க விருப்பம் தெரிவித்துள்ளது.

எனவே, பள்ளிகள் திறப்பு குறித்து, மத்திய சுகாதார அமைச்சகம் இன்னும் 15 நாட்களில் மாநில மற்றும் யூனியன் பிரதேச அரசுகளுடன் கலந்து ஆலோசித்து முடிவு எடுக்க உள்ளது. பள்ளிகளை திறப்பது குறித்த எந்தவொரு முடிவாக இருந்தாலும், அது மாணவர்களின் நலனைக் கருத்தில் கொண்டு எடுக்கப்படும். கொரோனா பரவலைத் தடுக்க அமல்படுத்தப்பட்டுள்ள ஊரடங்கினால் கல்வியாண்டுக்கு ஏற்பட்டுள்ள பாதிப்புகள், ஆன்லைன் கல்வி ஆகியவை குறித்து ஆராய பல்கலை மானிய குழு இரண்டு கமிட்டிகளை உருவாக்கி உள்ளது.

இந்த கமிட்டி சமர்ப்பித்த அறிக்கையில், `பள்ளி, கல்லூரிகளில் அடுத்த கல்வியாண்டை செப்டம்பர் மாதத்தில் இருந்து துவக்கலாம்,’ என்று பரிந்துரைக்கப்பட்டு உள்ளது. இவ்வாறு அதில் கூறப்பட்டுள்ளது.* மாணவர்கள் பாதுகாப்பே முக்கியம்மத்திய மனிதவள மேம்பாட்டுத் துறை அமைச்சர் ரமேஷ் பொக்ரியால் நேற்று அளித்த பேட்டியில், ``ஊரடங்கு காரணமாக பள்ளிகளை திறக்க தாமதமானாலும், மாணவர்களுக்கு எவ்வித கல்வி இழப்பும் ஏற்படாது.

இந்தியாவில் மொத்தம் 34 கோடி மாணவர்கள் படிக்கின்றனர். இது, அமெரிக்காவின் மொத்த மக்கள்தொகையை விட அதிகம். மாணவர்கள் இந்தியாவின் மிகப் பெரிய சொத்துக்கள். எனவே, மாணவர்கள் மற்றும் ஆசிரியர்களின் பாதுகாப்பு அரசாங்கத்திற்கு மிக முக்கியமானது. ஆகவே தான், 3ம் கட்ட தளர்வுக்கான வழிகாட்டுதல் விதிமுறைகளில் பள்ளி, கல்லூரிகளை ஆகஸ்ட் 31ம் தேதி வரை மூட உத்தரவிடப்பட்டு உள்ளது,’’ என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

MUTHIAH POLYTECHNIC COLLEGE ADMISSION 2020-21

MUTHIAH POLYTECHNIC COLLEGE ADMISSION 2020-21

விரிவாக படிக்க இங்கே கிளிக் செய்யுங்கள் | READ MORE | CLICK HERE

JIPMER ADMISSION 2020-21

JIPMER ADMISSION 2020-21

விரிவாக படிக்க இங்கே கிளிக் செய்யுங்கள் | READ MORE | CLICK HERE

VETRI VIKAAS NEET ACADEMY - RASIPURAM

VETRI VIKAAS NEET ACADEMY - RASIPURAM

விரிவாக படிக்க இங்கே கிளிக் செய்யுங்கள் | READ MORE | CLICK HERE

அனைத்து பள்ளிகளிலும் 1, 6, 9-ம் வகுப்புகளுக்கு 17-ந்தேதி முதல் மாணவர் சேர்க்கை அமைச்சர் செங்கோட்டையன் அறிவிப்பு

அனைத்து பள்ளிகளிலும் 1, 6, 9-ம் வகுப்புகளுக்கு வருகிற 17-ந்தேதி முதல் மாணவர் சேர்க்கை நடைபெறும் என்று அமைச்சர் கே.ஏ.செங்கோட்டையன் தெரிவித்தார்.

பள்ளிக் கல்வித்துறை அமைச்சர் கே.ஏ.செங்கோட்டையன், சென்னை தலைமைச் செயலகத்தில் நேற்று நிருபர்களிடம் கூறியதாவது:-

அனைத்து பள்ளிகளிலும் 1, 6, 9-ம் வகுப்புகளுக்கான 2020-2021-ம் கல்வியாண்டு மாணவர் சேர்க்கையும், ஒரு பள்ளியில் இருந்து மற்றொரு பள்ளிக்கு மாறுவதன் காரணமாக பிற வகுப்புகளுக்கான (2 முதல் எஸ்.எஸ்.எல்.சி.) மாணவர் சேர்க்கையும் வருகிற 17-ந்தேதி முதல் நடைபெறும். அதேபோல், அனைத்து மேல்நிலைப்பள்ளிகளிலும் பிளஸ்-1 மாணவர் சேர்க்கை வருகிற 24-ந்தேதி முதல் நடைபெறும்.

பள்ளிகளில் மாணவர் சேர்க்கை நடைபெறும் நாளன்றே விலையில்லா பாடப்புத்தகங்கள், நோட்டு புத்தகங்கள் உரிய பாதுகாப்புடன் முன்னெச்சரிக்கை மற்றும் தடுப்பு முறைகளை பின்பற்றி வழங்கப்படும். இலவச கட்டாயக்கல்வி உரிமைச் சட்டம் 2009-ன்படி தனியார் பள்ளிகளில் எல்.கே.ஜி., 1-ம் வகுப்புக்கான மாணவர் சேர்க்கை செய்திட இணையதளத்தின் மூலம் பெற்றோர் விண்ணப்பம் செய்திட மெட்ரிக் பள்ளிகள் இயக்ககத்தின் மூலம் உரிய நடவடிக்கை மேற்கொள்ளப்படும். எஸ்.எஸ்.எல்.சி. பொதுத்தேர்வில் தேர்வு எழுத பதிவு செய்தவர்களில் காலாண்டு, அரையாண்டு தேர்வு எழுதாதவர்கள், ஒரு நாள் கூட பள்ளிக்கு வராதவர்கள் 4 ஆயிரத்து 359 பேர் உள்பட மொத்தம் 5 ஆயிரத்து 248 பேரை தவிர 9 லட்சத்து 39 ஆயிரத்து 829 மாணவ-மாணவிகளின் நலன் கருதி அனைவரும் தேர்ச்சி என்ற அறிவிப்பை முதல்-அமைச்சர் எடப்பாடி பழனிசாமி அறிவித்தார்.

கொரோனா தாக்கம் இன்னும் குறையவில்லை. பெற்றோர், கல்வியாளர்களின் கருத்துகளை தெரிந்த பிறகும், கொரோனாவின் தாக்கம் குறைந்தபிறகும் தான் பள்ளி திறப்பு குறித்து ஆலோசிக்க வேண்டும் என்று அனைத்து துறைக்கும் முதல்-அமைச்சர் ஆலோசனை வழங்கி இருக்கிறார். பள்ளி திறக்கப்படும் தேதி குறித்து முதல்-அமைச்சர் தான் முடிவுகளை மேற்கொள்வார். அதற்கான சாத்தியக்கூறுகள் இப்போது இல்லை.

இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

BHARATH INSTITUTE OF HIGHER EDUCATION AND RESEARCH ADMISSION 2020

BHARATH INSTITUTE OF HIGHER EDUCATION AND RESEARCH ADMISSION 2020

விரிவாக படிக்க இங்கே கிளிக் செய்யுங்கள் | READ MORE | CLICK HERE

வாரிசு உரிமை திருத்தச் சட்டம் செல்லும் ‘குடும்ப சொத்தில் பெண்களுக்கும் சம உரிமை உண்டு’ சுப்ரீம் கோர்ட்டு அதிரடி தீர்ப்பு

குடும்ப சொத்தில் பெண்களுக்கும் சம உரிமை உண்டு என சுப்ரீம் கோர்ட்டு நேற்று அதிரடி தீர்ப்பு வழங்கியது.

இந்து பெண்கள் சொத்து சட்டப்படி, ஒரு குடும்பத்தில் பெண் பிள்ளைகள் அந்த வீட்டில் தங்குவதற்கு மட்டுமே உரிமை இருந்தது. அவர்களால் குடும்ப சொத்தில் உரிமை கொண்டாட முடியாது. பிறந்த வீட்டில் அளிக்கப்படும் சீதனம் மட்டுமே பெண்களின் சொத்தாக கருதப்பட்டது. இந்தநிலையில் 1956-ல் ‘இந்து வாரிசு உரிமை சட்டம் அமல்படுத்தப்பட்டது. அந்த சட்டத்தின்படி குடும்பத்தின் சொத்தில் பெண்களுக்கும் சமபங்கு உண்டு என்று அறிவிக்கப்பட்டது. பின்னர் இந்த சட்டத்தில் கடந்த 2005-ம் ஆண்டில் திருத்தம் செய்யப்பட்டது.

அதன்படி, கடந்த 25.3.1989-க்கு முன்பு திருமணம் செய்து கொண்ட ஒரு இந்து பெண் தங்கள் பூர்வீகச் சொத்தில் பாகப்பிரிவினை கேட்க முடியாது. அதற்கு பின்னர் திருமணம் செய்துகொண்ட பெண்கள் தனது தந்தையின் பூர்வீகச் சொத்தில் பாகப்பிரிவினை கோர உரிமை உண்டு. எனினும் சொத்து பாகப்பிரிவினை 25.3.1989-க்கு முன்பு செய்யப்பட்டிருந்தால் அந்த சொத்தில் உரிமை கோர முடியாது என்று கூறப்பட்டது.

இது தொடர்பாக டெல்லி ஐகோர்ட்டில் தொடரப்பட்ட வழக்கு ஒன்றில், ‘இந்து வாரிசு சட்டத்தில் திருத்தம் கொண்டு வந்த 2005-ம் ஆண்டுக்கு முன்பு தந்தை உயிர் இழந்து இருந்தால் பெண்கள் அந்த சொத்தில் உரிமை கோர முடியாது’ என்று தீர்ப்பு வழங்கப்பட்டது.

இதைத்தொடர்ந்தும் இந்து குடும்பத்தில் பரம்பரை சொத்தில் மகள்களுக்கு சம உரிமை வழங்கிய இந்து வாரிசு திருத்தச் சட்டம் 2005 தொடர்பாக பல்வேறு வழக்குகள் தொடரப்பட்டன. இதில், 2015 மற்றும் 2018-ல் சுப்ரீம் கோர்ட்டு மாறுபட்ட தீர்ப்புகளை வழங்கியது. இதனால் இந்த விவகாரத்தில் சட்டரீதியான கேள்வி எழுந்தது.

இதற்கிடையே டெல்லி ஐகோர்ட்டின் தீர்ப்புக்கு எதிராக சுப்ரீம் கோர்ட்டில் மேல்முறையீட்டு மனு தாக்கல் செய்யப்பட்டது. இந்த மனுவை நீதிபதிகள் அருண் மிஸ்ரா, எஸ்.அப்துல் நசீர், எம்.ஆர்.ஷா ஆகியோர் அமர்வு விசாரித்து வந்தது. இந்த வழக்கில் விசாரணை முடிவடைந்தநிலையில் நேற்று தீர்ப்பு வழங்கப்பட்டது.

அதன்படி இந்து கூட்டு குடும்ப சொத்தில் மகன்களைப்போலவே மகள்களுக்கும் சம உரிமை உண்டு என நீதிபதிகள் அதிரடியாக தீர்ப்பு வழங்கினர். இந்த தீர்ப்பில் நீதிபதிகள் கூறியதாவது:-

ஒரு இந்து குடும்பத்தில், அந்த குடும்பத்தின் சொத்தில் மகள்களுக்கான சம உரிமையை யாரும் மறுக்க முடியாது. இந்து கூட்டு குடும்பத்தின் சொத்து பாகப்பிரிவினையில், தந்தை இந்து வாரிசு உரிமை சட்டம்-2005 திருத்தத்துக்கு முன்பு இறந்து இருந்தாலும் அந்த குடும்பத்தின் ஆண் மக்களுக்கு உள்ளதை போலவே பெண் மக்களுக்கும் அந்த சொத்தில் சம உரிமை உண்டு.

ஏற்கனவே இந்து வாரிசு உரிமை சட்டம் 1956, மகள்களுக்கு வழங்கிய சம உரிமை இன்றும் செல்லும். பெண் மக்களுக்கு சொத்தில் சம உரிமையை மறுக்க முடியாது.

எனவே, இந்த விவகாரம் தொடர்பான வழக்குகள் ஏதேனும் கோர்ட்டுகளில் நிலுவையில் இருந்தால் அவற்றை 6 மாதங்களுக்குள் அந்த கோர்ட்டுகள் முடித்து வைக்க வேண்டும்.

இவ்வாறு இந்த தீர்ப்பில் கூறப்பட்டுள்ளது.

தீர்ப்பின்போது நீதிபதிகள், ‘ஒரு குடும்பத்தில் மகள் என்பவள் எப்போதுமே அந்த குடும்பத்தின் அன்பு மகள்தான். வாழ்நாள் முழுவதும் அவள் மகளாகவே இருக்கிறாள். மகனோ தனக்கு ஒரு மனைவி வரும் வரைதான் மகனாக இருக்கிறான்’ என்று குறிப்பிட்டனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

LAW ADMISSION 2020


விரிவாக படிக்க இங்கே கிளிக் செய்யுங்கள் | READ MORE | CLICK HERE

TNPSC INDIAN MILITARY COLLEGE ADMISSION

 

விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC EXAM 2020 | 100% தேர்ச்சி அறிவிப்பால் முதலிடம் பெற்ற காஞ்சிபுரம்

காஞ்சிபுரம் மாவட்டத்தில் 10-ம் வகுப்பு தேர்வு முடிவுகள் நேற்று வெளியிடப்பட்டன. கரோனா அச்சத்தால் பொதுத் தேர்வு நடத்தப்படாமல் அனைவருக்கும் தேர்ச்சி வழங்கப்பட்டுள்ளதால் தமிழகத்திலேயே அதிக மாணவர்கள் தேர்ச்சி பெற்ற மாவட்டங்களில் ஒருங்கிணைந்த காஞ்சிபுரம் மாவட்டம் முதலிடத்தை பிடித்தது.

கடந்த ஆண்டு ஏப்ரல் மாதம் 10-ம் வகுப்பு மாணவர்களுக்கு தேர்வு நடைபெறுவதாக இருந்தது. அதற்குள் கரோனா பரவல் அதிகரித் ததைத் தொடர்ந்து பொதுத் தேர்வு நடத்தப்பட வில்லை. பின்னர், ஜூன் 1-ம் தேதி தேர்வு நடைபெறும் என்று தமிழக அரசு அறி வித்தது.

ஆனால் பல்வேறு அமைப்பினர் எதிர்ப்பு தெரிவித்து நீதிமன்றம் சென்றனர். எனவே 10-ம் வகுப்பு தேர்வுகளை ரத்து செய்து முதல்வர் பழனிசாமி கடந்த ஜூன் 9-ல் உத்தரவிட்டார். காலாண்டு, அரையாண்டு தேர்வு மதிப்பெண்கள், மாணவர்களின் வருகை அடிப்படையில் மதிப் பெண் வழங்கப்படும் என தெரிவித்து, அனைத்து மாணவர்களும் தேர்ச்சி பெற்றதாக அறிவிக்கப் பட்டது.

அதன்படி நேற்று தேர்வு முடிவுகள் வெளியிடப்பட்டன. தமிழகத்திலேயே காஞ்சிபுரம், செங்கல்பட்டு மாவட்டத்தை உள்ளடக்கிய ஒருங் கிணைந்த காஞ்சிபுரம் மாவட்டத்தில் அதிக பட்சமாக 52,741 மாணவ, மாணவிகள் 10-ம் வகுப்பு பயின்றனர். இவர்களில் 26,701 பேர் மாணவர்கள். 26,040 பேர் மாணவிகள். அனைவருக்கும் தேர்ச்சி வழங்கப்பட்டுள்ளதால் தமிழகத்திலேயே அதிக மாணவர்கள் 10-ம் வகுப்பு பயின்று தேர்ச்சி பெற்ற மாவட்டம் என்ற பெருமையை காஞ்சிபுரம் பெற்றது.

திருவள்ளூர் மாவட்டத்தின் 10-ம் வகுப்பு பொதுத் தேர்வு முடிவுகளை நேற்று மாவட்ட ஆட்சியர் மகேஸ்வரி வெளியிட்டார். இந்நிகழ்வில், மாவட்ட முதன்மைக் கல்வி அலுவலர் வெற்றிச்செல்வி, முதன்மைக் கல்வி அலுவலரின் நேர்முக உதவியாளர்களான திருவரசு (மேல்நிலைப் பள்ளிகள்), மலர்கொடி (உயர்நிலைப் பள்ளிகள்) உள்ளிட்டோர் பங்கேற்றனர்.

தொடர்ந்து, செய்தியாளர்களிடம் மாவட்ட ஆட்சியர் தெரிவித்ததாவது: 2019-20 கல்வி ஆண்டில் பத்தாம் வகுப்பு மாணவர்களுக்கான பொதுத் தேர்வு முடிவுகளில் திருவள்ளூர் மாவட்டத்தில் உள்ள பள்ளிகளில் பயின்ற 24,547 மாணவர்கள், 24,403 மாணவிகள் என 48,950 பேரும் தேர்ச்சி பெற்றுள்ளனர்.

இந்த 10-ம் வகுப்பு பொதுத் தேர்வு முடிவுகளின்படி, திருவள்ளூர் மாவட்டத்தில் 242 அரசுப் பள்ளி களின் 18,157 மாணவர்களும் முழுமையாக தேர்ச்சியடைந் துள்ளனர். மேலும், 263 மாற்றுத் திறனாளிகளும் முழுமையாக தேர்ச்சி பெற்றுள்ளனர். இவ்வாறு அவர் தெரிவித் தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC EXAM 2020 | 10-ம் வகுப்பு பயின்ற மொத்த மாணவர்களைவிட தேர்வானோர் எண்ணிக்கை குறைந்தது ஏன்? அரசு தேர்வுத் துறை விளக்கம்

10-ம் வகுப்பு பயின்ற மொத்த மாணவர்களின் எண்ணிக் கையை விட தேர்ச்சி பெற்றவர் களின் எண்ணிக்கை குறைவாக இருப்பது ஏன் என்பது குறித்து அரசு தேர்வுத் துறை விளக்கம் அளித்துள்ளது.

இதுதொடர்பாக அரசு தேர்வு கள் இயக்குநர் சி.உஷா ராணி நேற்று வெளியிட்ட செய்திக்குறிப்பில் கூறியிருப்ப தாவது:

தமிழகம் மற்றும் புதுச்சேரி யில் 10-ம் வகுப்பு பொதுத் தேர்வு எழுதுவதற்கு 9 லட்சத்து 45 ஆயிரத்து 77 மாணவ, மாணவிகள் தயாராக இருந் தனர். இவர்களில் 231 பேர் இறந்து விட்டனர். மேலும், 658 பேர் மாற்றுச் சான்றிதழ் பெற்று பள்ளியை விட்டு இடைநின்று விட்டனர்.

4,359 மாணவ, மாணவியர் காலாண்டு, அரையாண்டு தேர்வுகளை எழுதாமலும், பள்ளி களுக்கு முழுமையாக வராமலும் இருந்துள்ளனர். இவ்வாறான மாணவர்களின் எண்ணிக்கை மட்டும் 5,248 ஆகும்.

இவர்கள் நீங்கலாக எஞ்சியுள்ள 9 லட்சத்து 39 ஆயிரத்து 829 பேருக்கு தேர்வு முடிவுகள் வெளியிடப்பட்டுள்ளன.

இவ்வாறு செய்திக்குறிப்பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC ALL PASS 2020 | காலாண்டு, அரையாண்டு மதிப்பெண் அடிப்படையில் 10-ம் வகுப்பு பொது தேர்வு அனைவரும் தேர்ச்சி. தற்காலிக மதிப்பெண் சான்றிதழ் அடுத்த வாரம் விநியோகம்.

காலாண்டு, அரையாண்டு தேர்வு மதிப்பெண், வருகைப் பதிவு அடிப் படையில் 10-ம் வகுப்புக்கான தேர்வு முடிவு நேற்று வெளியிடப்பட்டது. தேர்வுக்கு விண்ணப்பித்த அனைத்து மாணவ, மாணவிகளும் தேர்ச்சி பெற்றுள்ளனர். அந்தந்த பள்ளிகளில் தற்காலிக மதிப்பெண் சான்றிதழ் அடுத்த வாரம் வழங்கப் படும் என்று அரசு தேர்வுத் துறை அறிவித்துள்ளது.

2019-20 கல்வி ஆண்டுக்கான 10-ம் வகுப்பு பொதுத் தேர்வு கடந்த மார்ச் 27-ம் தேதி தொடங்கி ஏப்ரல் 13-ம் தேதி வரை நடைபெறுவதாக அரசு தேர்வுத் துறை அறிவித்தது. கரோனா ஊரடங்கு காரணமாக ஏப்ரல் 15, ஜூன் 1, ஜூன் 15 என அடுத் தடுத்து தேர்வு தள்ளிவைக்கப் பட்டது.

ஆனால், கரோனா தொற்று குறை யாததாலும், பல்வேறு தரப்பினரின் கோரிக்கையை ஏற்றும் 10-ம் வகுப்பு பொதுத் தேர்வை தமிழக அரசு ரத்து செய்தது. ‘அனைத்து மாணவ, மாணவிகளும் தேர்ச்சி பெற்றவர்களாக அறிவிக்கப்படு வார்கள்’ என்றும் அறிவித்தது.

இதைத் தொடர்ந்து, காலாண்டு, அரையாண்டு தேர்வுக்கு 80 சதவீத மதிப்பெண், வருகைப் பதிவுக்கு 20 சதவீத மதிப்பெண் என்ற அடிப் படையில் ஒவ்வொரு மாணவருக் கும் மதிப்பெண்கள் அளிக்கப்பட் டன. இந்த விவரங்களை மாவட்டக் கல்வி அதிகாரி அலுவலகங்கள் மூலமாக அரசு தேர்வுத் துறை பெற்று, தேர்வு முடிவுகளை வெளியிடுவதற்கான பணிகளை மேற் கொண்டது.

இந்நிலையில், அரசு தேர்வுத் துறையின் இணையதளங்களில் 10-ம் வகுப்பு தேர்வு முடிவுகள் நேற்று காலை 9.30 மணிக்கு வெளி யிடப்பட்டன. தேர்வுக்கு விண்ணப் பித்த அனைத்து மாணவர்களும் தேர்ச்சி பெற்றுள்ளனர்.

இதுதொடர்பாக அரசு தேர்வுகள் இயக்குநர் சி.உஷாராணி நேற்று வெளியிட்ட செய்திக்குறிப்பில், ‘‘10-ம் வகுப்பு தேர்வுக்கு 4 லட்சத்து 71 ஆயிரத்து 759 மாணவர்கள், 4 லட்சத்து 68 ஆயிரத்து 70 மாணவி கள் என மொத்தம் 9 லட்சத்து 39 ஆயிரத்து 829 பேர் விண்ணப் பித்தனர். இதில் மாற்றுத் திறனா ளிகள் 6,235 பேர். தேர்வுக்கு விண் ணப்பித்த மாணவ, மாணவிகள் அனைவரும் (100 சதவீதம்) தேர்ச்சி பெற்றுள்ளனர்’’ என்று கூறப்பட் டுள்ளது.

வழக்கமாக, தேர்வு முடிவுகளு டன் மாணவ, மாணவிகள் தேர்ச்சி வீதம், அரசு, அரசு உதவி பெறும் பள்ளிகள், தனியார் பள்ளிகள் தேர்ச்சி வீதம், பாடவாரியாக, மாவட்ட வாரியாக தேர்ச்சி வீதம், 100 சதவீத தேர்ச்சி அடைந்த பள்ளிகளின் எண்ணிக்கை என பல்வேறு புள்ளிவிவரங்கள் வெளி யிடப்படும். இந்த ஆண்டு அனை வரும் தேர்ச்சி என்பதால், அதுபோன்ற புள்ளிவிவரம் எதுவும் இல்லை.

பெரும்பாலும் காலாண்டு, அரையாண்டு தேர்வுகளில் ஆசிரி யர்கள் முழு மதிப்பெண் வழங்கு வது இல்லை. மாணவர்கள் நன்கு படிக்க வேண்டும் என்பதால் ஓரிரு மதிப்பெண் குறைத்து வழங்கு வார்கள். அந்த தேர்வுகளுக்கு சற்று சுமாராக படிக்கும் மாணவர்கள்கூட பொதுத் தேர்வுக்கு நன்கு படித்து நிறைய மதிப்பெண் வாங்குவதும் உண்டு. ஆனால், தற்போது காலாண்டு, அரையாண்டு மதிப் பெண் அடிப்படையில் தேர்ச்சி வழங்கப்பட்டுள்ளதால், மதிப் பெண் குறைந்துள்ளதாக, நன்கு படிக்கும் மாணவர்கள் கவலை அடைந்துள்ளனர்.

எனினும், மாணவர்கள் தங்கள் மதிப்பெண் குறைகளை முறையிட தேர்வுத் துறை ஏற்பாடு செய்துள் ளது. அதன்படி, மதிப்பெண் தொடர் பாக ஏதேனும் குறைகள் இருந் தால், வரும் 17 முதல் 25-ம் தேதிக் குள் தங்கள் பள்ளி வாயிலாக குறைதீர்க்கும் விண்ணப்ப படி வத்தை பூர்த்திசெய்து தலைமை ஆசிரியர் மூலமாக அரசு தேர்வுத் துறைக்கு ஆன்லைனில் (www.dge.tn.gov.in) விண்ணப்பிக்கலாம். அவர்களது கோரிக்கைகள் பரி சீலிக்கப்பட்டு, தலைமை ஆசிரியர் மூலமாகவே அவர்களுக்கு முடிவுகள் தெரிவிக்கப்படும்.

மாணவர்கள் தேர்வுக்கு விண் ணப்பித்தபோது அளித்த செல் போன் எண்ணுக்கு எஸ்எம்எஸ் மூலம் மதிப்பெண் விவரங்கள் நேற்று உடனடியாக அனுப்பப்பட் டன. மாணவர்கள் தங்களது பள்ளி தலைமை ஆசிரியர் மூலமாக 17 -ம் தேதி முதல் 21-ம் தேதி வரை தற்காலிக மதிப்பெண் சான்றிதழை பெறலாம் என அரசு தேர்வுத் துறை ஏற்கெனவே அறிவித்துள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

E-PASS 2020 | இ-பாஸ் முறையால் பொதுமக்கள் பாதிப்பு தலைமை செயலருக்கு நோட்டீஸ் மாநில மனித உரிமை ஆணையம் அனுப்பியது

இ-பாஸ் முறையால் மக்கள் பாதிக் கப்படும் விவகாரம் தொடர்பாக தலைமை செயலருக்கு மாநில மனித உரிமை ஆணையம் நோட்டீஸ் அனுப்பி உள்ளது.

தமிழ்நாடு மக்கள் நுகர்வோர் பேரவையின் திண்டுக்கல் மாவட்ட தலைவர் வ.விஸ்வரத்தினம், மாநில மனித உரிமை ஆணையத் தில் அளித்த மனுவில் கூறியிருப்ப தாவது:

ஊடரங்கு உத்தரவை தமிழக மக்கள் கடைபிடித்து வருகின்றனர். இ-பாஸ் முறையால், ஏழை எளி யோர், கூலி வேலைக்குக் கூட வெளியூர் செல்ல முடியாத நிலை ஏற்பட்டுள்ளது. அதேபோல், இறப்பு, திருமணம் போன்ற அத்தி யாவசிய நிகழ்வுகளுக்குக்கூட பிற மாவட்டத்துக்குச் செல்ல முடி யாமல் மக்கள் சிரமப்படுகின்றனர்.

இதை உணர்ந்து இ-பாஸ் முறையை மத்திய அரசு ரத்து செய்துள்ளது. ஆனால், தமிழகத் தில் இ-பாஸ் முறை தொடர்கிறது. இதற்கிடையே, இ-பாஸ் வழங்கு வதில் முறைகேடு நடந்தது தொடர் பாக தமிழக காவல்துறையினர் விசாரணை நடத்தி வருகின்றனர்.

இ-பாஸ் முறையால் சொந்த ஊருக்கு திரும்ப முடியாமலும், தொழில் செய்யும் இடத்துக்கு மீண் டும் திரும்ப முடியாமலும் தவித்து வருகின்றனர். பிற மாவட்டங்களில் வசிக்கும் தங்களது வயதான பெற்றோரைச் சென்று பார்க்கவும் முடியாத நிலை உள்ளது.

தமிழக அரசின் இ-பாஸ் முறை, தனி மனித உரிமைகளைத் தடுக் கிறது. எனவே, சுதந்திரமாக ஓர் இடத்தில் இருந்து மற்றோர் இடத் துக்கு செல்லும் உரிமை கிடைக்க நடவடிக்கை எடுக்க வேண்டும்.

இவ்வாறு அந்த மனுவில் கூறப்பட்டிருந்தது.

இந்த வழக்கை மாநில மனித உரிமை ஆணைய நீதிபதி துரை ஜெயச்சந்திரன் விசாரணைக்கு எடுத்து கொண்டார். இதுதொடர் பாக 4 வாரத்துக்குள் அறிக்கை தாக்கல் செய்ய வேண்டும் என்று தமிழக தலைமை செயலருக்கு நோட்டீஸ் அனுப்ப உத்தரவிட்டார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC PRIVATE EXAM 2020 | தனித் தேர்வர்களுக்கு தேர்வு நடத்தப்படும் தேர்வுத் துறை அதிகாரிகள் தகவல்

10-ம் வகுப்பு தனித் தேர்வர்களுக்கு தேர்வு நடத்தப்படும் என்று அரசு தேர்வுத் துறை அதிகாரிகள் தெரிவித்தனர்.

இந்த ஆண்டு 10-ம் வகுப்பு பொதுத் தேர்வு எழுத 10,742 தனித் தேர்வர்கள் விண்ணப்பித்தனர். பொதுத் தேர்வு ரத்து செய்யப்படுவதாக அறிவிக்கப்பட்டபோது, தனித் தேர்வர்களின் நிலை குறித்து எதுவும் அறிவிக்கப்படவில்லை.

இந்நிலையில், 10-ம் வகுப்பு தேர்வு முடிவுகள் நேற்று வெளியிடப்பட்டன. தேர்வுக்கு விண்ணப்பித்த அனைத்து மாணவ, மாணவிகளும் தேர்ச்சி பெற்றுள்ளதாக அறிவிக்கப்பட்டது. இதிலும், தனித் தேர்வர்களின் நிலை குறித்து எதுவும் கூறப் படவில்லை.

இதுகுறித்து அரசு தேர்வுத் துறை அதிகாரிகளிடம் கேட்ட போது, ‘‘காலாண்டு, அரையாண்டுத் தேர்வு மதிப்பெண், வருகைப் பதிவு அடிப்படையிலேயே பொதுத் தேர்வு முடிவுகள் வெளியிடப்பட்டுள்ளன. தனித் தேர்வர்களுக்கு தேர்வு நடத்தப்படும். இதுகுறித்து பின்னர் அறிவிக்கப்படும்’’ என்றனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தொற்று அறிகுறிகள் தெரிய 8 நாட்கள் ஆகலாம் கொரோனா வைரஸ் அடைகாக்கும் காலம் நீளுறது

கொரோனா வைரஸ் அடைகாக்கும் காலம் நீளுவதால் தொற்று அறிகுறிகள் தெரிய 8 நாட்கள் வரை ஆகலாம் என விஞ்ஞானிகள் கூறுகின்றனர்.

கொரோனா வைரஸ் என்ற பெயரை கேட்டாலே அஞ்சி நடுங்குகிற அளவுக்கு, இன்றைக்கு அந்த வைரஸ் உலகை கொண்டு வந்து நிறுத்தி இருக்கிறது.

இந்த வைரஸ் தொற்று அடைகாக்கும் காலம் பற்றி சீன விஞ்ஞானிகள் ஆய்வு நடத்தி உள்ளனர். இதற்கு முன்பு அடைகாக்கும் காலம் என்பது 4 அல்லது 5 நாட்கள் என்று கூறப்பட்டு வந்தது.

ஆனால் இந்த அடைகாக்கும் காலம் இப்போது 8 நாட்கள் வரை நீளுவதாக அவர்கள் கண்டறிந்துள்ளனர். அதிக எண்ணிக்கையிலான நோயாளிகளை ஆராய்ந்துதான் விஞ்ஞானிகள் இந்த முடிவுக்கு வந்துள்ளனர்.

தொற்று பாதிப்புக்கு ஆளானவர்கள் அதற்கான அறிகுறிகளை காட்டத்தொடங்கும் காலம்தான் அடைகாக்கும் காலம் ஆகும். இந்த ஆய்வு முடிவுகள், ‘சயின்ஸ் அட்வான்சஸ்’ என்ற அறிவியல் பத்திரிகையில் வெளியாகி உள்ளன.

மிக குறைவான எண்ணிக்கையிலான மாதிரிகளையும், குறைந்த அளவிலான தரவுகளையும், பாதிக்கப்பட்டவர்களின் சுய அறிக்கைகள் அடிப்படையிலும் அடைகாக்கும் காலம் 4 அல்லது 5 நாட்கள் என்று கூறப்பட்டு வந்தது என பீஜிங் சீன பல்கலைக்கழக ஆராய்ச்சியாளர் சோங் யூ உள்ளிட்டவர்கள் கூறுகின்றனர்.

தற்போது இவர்கள் நடத்தியுள்ள ஆய்வில், அடைகாக்கும் காலங்களை மதிப்பிடுவதற்கு குறைந்த செலவிலான அணுகுமுறை ஒன்றை உருவாக்கி உள்ளனர்.

அந்த அணுகுமுறையின் அடிப்படையில், 1,084 கொரோனா நோயாளிகளை ஆராய்ந்துள்ளனர். இந்த நோயாளிகள் கொரோனா வைரஸ் முதன்முதலாக தோன்றி வெளிப்பட்ட உகான் நகருடன் பயண தொடர்பில் இருந்தவர்கள்.

இவர்களின் சராசரி அடை காக்கும் காலம் என்பது 7.75 நாட்கள் ஆகும்.

10 சதவீத நோயாளிகள் அடை காக்கும் காலம் 14.28 நாட்கள் என காட்டி உள்ளனர்.

14 நாட்கள் தனிமப்படுத்தலை நிலையாக வைத்துள்ள சுகாதார அதிகாரிகளுக்கு இது கவலை தரக்கூடும் என விஞ்ஞானிகள் கூறி உள்ளனர்.

ஆனால் இந்த அணுகுமுறை பல அனுமானங்களை நம்பி இருப்பதாகவும், வைரஸ் மாற்றம் அடைந்துள்ள உலகின் பல்வேறு நிகழ்வுகளுக்கு இது பொருந்தாது என்றும் விஞ்ஞானிகள் கூறி இருப்பது குறிப்பிடத்தக்கது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

8 முதல் 10-ம் வகுப்பு வரையிலான மாணவர்களுக்கு தினமும் அனைத்து பாடங்களும் ஒளிபரப்பு தமிழக அரசின் கல்வி தொலைக்காட்சி அறிவிப்பு

தினமும் 8-ம் வகுப்பு முதல் 10-ம் வகுப்பு வரையிலான மாண வர்களுக்கு அனைத்துப் பாடங் களும் ஒளிபரப்பு செய்யப்படு வதாக தமிழக அரசின் கல்வி தொலைக்காட்சி அறிவித்துள்ளது. இதை காணத் தவறியவர்கள் யூ-டியூப் சேனல், இணையதளத்தில் காணவும் ஏற்பாடு செய்யப் பட்டுள்ளது.

இதுதொடர்பாக தமிழக அரசின் கல்வி தொலைக்காட்சி வெளியிட்டுள்ள செய்திக்குறிப்பு:

கல்வி தொலைக்காட்சியின் தினசரி ஒளிபரப்பு ஜூலை 15 முதல் ‘வீட்டுப்பள்ளி’ நிகழ்ச்சியாக ஒளிபரப்பாகி வருகிறது. மாணவர் களுக்கான கற்றல், கற்பித்தலுக் கான தேவையை நிறைவேற்றும் வகையில், பள்ளியில் பாடவாரி யாக வகுப்புகள் நடத்தப்படுவது போல தொலைக்காட்சி வாயிலாக வீட்டுக்கே வகுப்பறையை கொண்டுவரும் வகையில் இந் நிகழ்ச்சி ஒளிபரப்பப்படுகிறது.

கடந்த கல்வி ஆண்டில் 2 முதல் 9-ம் வகுப்பு வரையிலான மாணவர்கள் இறுதி தேர்வு எழுத முடியாததாலும், கடந்த 4 மாதங்களாக பள்ளிக்குச் செல்ல முடியாததாலும் அவர்களுக்கு மட்டும் ஆகஸ்ட் 15-ம் தேதி வரை இணைப்புப் பாட பயிற்சி (பிரிட்ஜ் கோர்ஸ்) அளிக்கப்படுகிறது. 8 முதல் 10-ம் வகுப்பு வரையிலான மாணவர்களுக்கு தினமும் இரண்டரை மணி நேரம் 5 பாடங்க ளும் ஒளிபரப்பப்படுகின்றன.

10-ம் வகுப்பு: காலை 8 முதல் 9 மணி: தமிழ், ஆங்கிலம். 10 முதல் 11 மணி: கணிதம், அறிவியல். மதியம் 12 முதல் 12.30 மணி: சமூக அறிவியல்.

9-ம் வகுப்பு: காலை 9 முதல் 10 மணி: தமிழ், ஆங்கிலம். 10 முதல் 11 மணி: கணிதம், அறிவியல். மதியம் 12 முதல் 12.30 மணி: சமூக அறிவியல்

8-ம் வகுப்பு: பிற்பகல் 1.30 முதல் 2.30 மணி: தமிழ், ஆங்கிலம். 3 முதல் 4 மணி: கணிதம், அறிவியல். மாலை 4.30 முதல் 5 மணி: சமூக அறிவியல்.

அதேபோல, 7-ம் வகுப்பு (மதியம் 2.30-3.00), 6-ம் வகுப்பு (மாலை 4.00-4.30), 5-ம் வகுப்பு (மாலை 6.30-7.00), 4-ம் வகுப்பு (மாலை 6.00-6.30), 3-ம் வகுப்பு (மாலை 5.30-6.00), 2-ம் வகுப்புகளுக்கும் (மாலை 5.00-5.30) பாடங்கள் ஒளிபரப்பாகும்.

2 முதல் 7-ம் வகுப்பு வரையிலான மாணவர்களுக்கு திங்கள் - தமிழ், செவ்வாய் - ஆங்கிலம், புதன் - கணிதம், வியாழன் - அறிவியல், வெள்ளி - சமூக அறிவியல் பாடங்கள் ஒளிபரப்பு செய்யப்படும்.

தமிழக அரசின் கல்வி தொலைக்காட்சியுடன் சஹானா, புதுயுகம், ராஜ், கேப்டன் நியூஸ், சத்தியம், லோட்டஸ் மக்கள் உள்ளிட்ட சில தனியார் தொலைக் காட்சிகளிலும் பாடங்கள் ஒளி பரப்பாவதால் தமிழகத்தின் அனைத்து பகுதிகளில் உள்ள மாணவர்கள் மட்டுமின்றி, கரோனா காலத்தில் அண்டை மாநிலங் களில் விடுப்புக்குச் சென்றிருப் பவர்களும் நிகழ்ச்சிகளை காண லாம்.

கல்வி தொலைக்காட்சியில் ஒளிபரப்பான நிகழ்ச்சிகளை பார்க்க தவறியவர்கள், மறுநாள் யூ-டியூப் சேனலில் (https://youtube.com/kalvitvofficial) காணலாம். இணையதளத்திலும் (https://e-learn.tnschools.gov.in/welcome) இப்பாடங்களை பார்த்து பயன்பெறலாம். நிகழ்ச்சி நிரல் விவரத்தை கல்வி தொலைக்காட்சி இணையதளத்தில் (www.kalvitholaikaatchi.com) தெரிந்துகொள்ள லாம்.

10, 12-ம் வகுப்பு மாணவர்களுக்கு வாரம் முழுவதும் ஒளிபரப்பாகும் பாடங்களில் ஏற்படும் சந்தேகங்களை போக்க, ஒவ்வொரு சனிக்கிழமையும் காலை 9 மணி முதல் இரவு 7 மணி வரை ‘தடையும் விடையும்’ என்ற நிகழ்ச்சி வாயிலாக கேள்வி-பதில் மற்றும் திருப்புதலுக்கு ஏற்பாடு செய்யப்பட்டுள்ளது.

புதிய முயற்சியாக மாற்றுத் திறனாளிகள் நலத்துறையுடன் இணைந்து முதல்கட்டமாக, 10-ம் வகுப்பு படிக்கும் செவித் திறன் குறைபாடு உடைய மாணவர்களுக்காக சைகைமொழி, உதட்டசைவு மூலம் பேச்சை வெளிப்படுத்துதல் முறையில் பாடங்கள் நடத்தப்பட உள்ளன.

இவ்வாறு அதில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பத்தாம் வகுப்பு பொதுத்தேர்வு தனித்தேர்வர்களின் நிலை என்ன? அரசின் நிலைப்பாடு தெரியாமல் தவிப்பு

தமிழகத்தில் 10-ம் வகுப்பு பொதுத் தேர்வு குறித்த உரிய அறிவிப்பை தேர்வுத் துறை வெளியிடாததால் தனித்தேர்வர்கள் தவித்து வரு கின்றனர்.

தமிழகத்தில் 10-ம் வகுப்பு பொதுத்தேர்வு கடந்த மார்ச் 27 முதல் ஏப்ரல் 13-ம் தேதி வரை நடை பெறவிருந்தது. இந்த தேர்வை மாநிலம் முழுவதும் பள்ளி மாண வர்கள், தனித்தேர்வர்கள் என 9.55 லட்சம் பேர் எழுதவிருந்தனர். ஆனால், கரோனா வைரஸ் பரவல் காரணமாக தேர்வுகள் முழுதும் ரத்து செய்யப்பட்டன.

இதையடுத்து 9.45 லட்சம் பள்ளி மாணவர்கள் தேர்ச்சி செய் யப்படுவதாகவும் வருகைப்பதிவு மற்றும் காலாண்டு, அரையாண்டு தேர்வு அடிப்படையில் இறுதி மதிப்பெண் வழங்கப்படும் எனவும் தமிழக அரசு தெரிவித்தது. அதன் படி பள்ளி மாணவர்களுக்கான பத்தாம் வகுப்பு மதிப்பெண்கள் நாளை (ஆகஸ்ட் 10) வெளியாக உள்ளன. அதேநேரம், தனித் தேர்வர்களுக்கான தேர்வு குறித்த அறிவிப்பை அரசு வெளியிடவில்லை என புகார்கள் எழுந்துள்ளன.

இதுதொடர்பாக தனித்தேர்வர் கள் சிலர் கூறும்போது, "நடப்பு ஆண்டு தமிழகம் முழுவதும் 10,742 தனித்தேர்வர்கள் பொதுத்தேர்வு எழுத பதிவு செய்திருந்தனர். தேர்வுகள் ரத்து செய்யப்பட்ட நிலையில், அவர்களின் நிலைப் பாடு குறித்து பின்பு அறிவிக்கப் படும் என்று தேர்வுத் துறை தெரி வித்தது. ஆனால், இதுவரை எவ்வித தகவல்களும் வெளி யிடப்படவில்லை. தேர்வுகள் நடத்தப்படுவதை உறுதிபட தெரிவித்தால் தொடர்ந்து அதற்கு தயாராக உதவியாக இருக்கும். மேலும், உயர்கல்வி சேர்க்கை உள்ளிட்ட எதிர்கால திட்டங்கள் மீதான பாதிப்பையும் தவிர்க்கலாம்" என்று கூறினர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வேளாண் பல்கலை பட்டப்படிப்புகளுக்கு விண்ணப்பிக்கலாம்

தமிழ்நாடு வேளாண்மைப் பல்கலைக்கழகத்தில் இளநிலை பட்டப்படிப்புகளில் சேர இணையதளம் வழியாக விண்ணப்பிக்கலாம் என்று அறிவிக்கப்பட்டுள்ளது.

வேளாண்மைப் பல்கலைக் கழகத்தின் கட்டுப்பாட்டில், தமிழ கத்தில் 14 உறுப்புக் கல்லூரிக ளும் மற்றும் 28 இணைப்புக் கல்லூரிகளும் செயல்பட்டு வருகின்றன. இக்கல்லூரிகளில் 10 இளநிலைப் பட்டப்படிப்புகள் நடத்தப்பட்டுவருகின்றன.

இப்படிப்புகளில் 2020-21-ம் கல்வியாண்டுக்கான மாணவர் சேர்க்கை நடைபெற உள்ளது. இதற்காக பிளஸ் 2 தேர்ச்சி பெற்ற மாணவர்கள் இணைய தளம் வழி யாக விண்ணப்பிக்கலாம் என அறிவிக்கப்பட்டுள்ளது. மொத்தம் 4,700 இடங்கள் உள் ளன. இதற்காக மாணவர்கள் www.tnauonline.in என்ற இணைய தளம் வழியாக ஆகஸ்ட் 7 முதல் செப். 17 வரை விண்ணப்பிக்க லாம். மாணவர் சேர்க்கை குறித்த கையேட்டை மேற்கண்ட இணை யதளத்தில் இருந்து பதிவிறக்கம் செய்து கொள்ளலாம்.

மேலும் விவரங்களுக்கு 0422-6611322, 0422-6611328, 0422-6611345 ஆகிய தொலைபேசி எண்களில் பல்கலைக்கழக வேலை நாட்களில் காலை 9 மணி முதல் மாலை 5 மணி வரை தொடர்பு கொள்ளலாம். செப்.29-ம் தேதி தரவரிசைப் பட்டியல் வெளியிடப்படும் என்று டீன் மற்றும் மாணவர் சேர்க்கைத் தலைவர் எம்.கல்யாணசுந்தரம் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பொறியியல் கல்லூரி மாணவர்களுக்கு இணையவழியில் ஆக. 12-ல் வகுப்புகள் தொடக்கம் அண்ணா பல்கலை. அறிவிப்பு

பொறியியல் கல்லூரி மாணவர் களுக்கான வகுப்புகள் ஆகஸ்ட் 12-ல் தொடங்கும் என்று அண்ணா பல்கலை. அறிவித்துள்ளது.

கரோனா தொற்று காரணமாக பள்ளிகள், கல்லூரிகள் திறப்பதில் தாமதம் ஏற்பட்டுள்ளது. கல்வி பாதிக்கப்படுவதைத் தவிர்க்க இணையவழி கற்பித்தலை கல்வி நிறுவனங்கள் முன்னெடுத்து வருகின்றன.

இந்நிலையில் பொறியியல் கல்லூரிகளுக்கான கல்வி ஆண்டு அட்டவணையை தற்போது அண்ணா பல்கலைக்கழகம் வெளி யிட்டுள்ளது. அதன் விவரம்: பொறி யியல் கல்லூரிகளில் இளநிலை 2, 3, 4-ம் ஆண்டு மற்றும் முதுநிலை 2-ம் ஆண்டு பட்டப்படிப்புகளை படிக்கும் மாணவர்களுக்கு வகுப்பு கள் ஆகஸ்ட் 12-ல் தொடங்கி அக்டோபர் 26-ம் தேதியுடன் முடியும். மேலும், வாரத்தில் 6 நாட்கள் வகுப்புகள் நடைபெறும்.

அதன்பின் செய்முறை தேர்வு கள் அக்டோபர் 28-ம் தேதியும், பருவத்தேர்வுகள் நவம்பர் 9-ம் தேதியும் தொடங்கி நடைபெறும். இதற்கான தேர்வுக்கால அட்ட வணை பின்னர் வெளியிடப்படும். தொடர்ந்து அடுத்த பருவத்துக் கான வகுப்புகள் டிசம்பர் 14-ல் தொடங்கும். பகுதிநேர பொறியி யல் மாணவர்களுக்கும் இதே அட்ட வணையை பின்பற்ற வேண்டும். இவ்வாறு அதில் கூறப்பட்டுள்ளது.

தற்போது ஊரடங்கு அமலில் உள்ளதால் மாணவர்களுக்கு இணையவழியில் பாடங்கள் நடத்த முடிவாகியுள்ளது. அதற் கேற்ப மாணவர்கள், பேராசிரியர் கள் தயாராகிக் கொள்ள அறிவுறுத் தப்பட்டுள்ளது. ஊரடங்கு தளர்த் தப்பட்டு கல்லூரிகள் செயல்பட அனுமதித்தபின் நேரடி வகுப்புகள் நடத்தப்படும் என்று அதிகாரிகள் தெரிவித்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பெண்களுக்கு எதிரான குற்றங்கள் புகார் கூற பிரத்யேக செல்போன் எண் வெளியீடு

பெண்கள் மற்றும் குழந்தைகளுக்கு எதிரான குற்றங்கள் தொடர்பாக புகார் தெரிவிக்க 91502-50665 என்ற பிரத்யேக செல்போன் எண் காவல் துறை சார்பில் வெளியிடப்பட்டுள் ளது.

பெண்கள், குழந்தைகளுக்கு எதி ரான குற்றச் செயல்களை தடுக்கும் வகையில் காவல் துணை ஆணையர் ஜெயலட்சுமி தலைமையில் பெண்கள் மற்றும் குழந்தைகளுக்கு எதிரான குற்றத் தடுப்பு பிரிவு, சென்னை ஆயிரம் விளக்கில் செயல்பட்டு வருகிறது. சென்னையில் உள்ள 35 அனைத்து மகளிர் காவல் நிலைய போலீஸாரும் இதில், இணைந்து செயல்படுகின்றனர்.

அம்மா ரோந்து வாகனம் மூலம் ரோந்து பணியையும் மேற்கொள் கின்றனர். மேலும் இப்பணி சிறந்த முறையில் மக்களை சென்றடையவும், உடனடியாக குறைகளை களையவும் தற்போது புதிதாக 91502-50665 என்ற செல்போன் எண் வெளியிடப்பட்டு செயல்பாட்டுக்கு வந்துள்ளது.

சென்னை காவல் எல்லைக்கு உட்பட்ட பெண்கள் மற்றும் குழந்தை களுக்கு ஏற்படும் பிரச்சினைகள் தொடர்பாக இந்த எண்ணில் தொடர்பு கொண்டு புகார் அளிக்கலாம் என துணை ஆணையர் ஜெயலட்சுமி தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

10-ம் வகுப்பு தேர்வு முடிவுகள் நாளை மறுநாள் வெளியீடு

பத்தாம் வகுப்பு தேர்வு முடிவுகள் நாளை மறுநாள் (ஆக.10-ம் தேதி) வெளியிடப்படுகிறது.

தமிழகத்தில் பத்தாம் வகுப்பு பொதுத்தேர்வு கடந்த மார்ச் 27 முதல் ஏப்ரல் 13-ம் தேதி வரை நடைபெற இருந்தது. இந்த தேர்வை மாநிலம் முழுவதும் 9.45 லட்சம் மாண வர்கள் எழுதவிருந்தனர். ஆனால், கரோனா ஊரடங்கு காரண மாக தேர்வுகள் தள்ளிவைக்கப்பட்டன. ஆனால், வைரஸ் தொற்றின் தீவிரம் தணியாததால் உயர் நீதிமன்ற வழிகாட்டுதலின்படி பத்தாம் வகுப்பு பொதுத்தேர்வு ரத்து செய்யப்பட்டு, அனைவருக்கும் தேர்ச்சி வழங்கப்படுவதாக முதல்வர் பழனிசாமி அறிவிப்பு வெளியிட்டார்.

மேலும், வருகைப்பதிவு மற்றும் காலாண்டு, அரையாண்டு தேர்வு மதிப்பெண் அடிப்படையில் மாணவர்களுக்கு இறுதி மதிப்பெண் அளிக்கப்படும் எனவும் தமிழக அரசு தெரிவித் தது. இதற்கிடையே, இந்த நடைமுறை பின்பற்றப்பட்டால் மாணவர்களுக்கு மதிப்பெண் குறையக்கூடும் என ஆசிரி யர்கள், பெற்றோர் தரப்பில் கருத்து முன்வைக்கப்பட்டது. இதனால் தேர்வு முடிவுகளை கிரேடு முறையில் வெளியிட தேர்வுத் துறை பரிசீலனை செய்தது. இந்நிலையில், மதிப் பெண் அடிப்படையில்தான் 10-ம் வகுப்பு தேர்வு முடிவுகள் வெளியிடப்படும் என்று பள்ளிக் கல்வித் துறை அமைச்சர் கே.ஏ. செங்கோட்டையன் சில தினங்களுக்கு முன்பு அறிவித்தார்.

இதைத் தொடர்ந்து 10-ம் வகுப்பு தேர்வு முடிவுகள் நாளை மறுநாள் (ஆக.10) காலை 9.30 மணிக்கு வெளியிடப்பட உள்ளதாக தேர்வுத் துறை அறிவித்துள்ளது. அதன்படி, தேர்வு முடிவுகளை மாணவர்கள் www.tnresults.nic.in , www.dge1. tn.nic.in மற்றும் www.dge2.tn.nic.in ஆகிய இணையதளங்களில் அறிந்து கொள்ளலாம். மேலும், பள்ளிகளுக்கு மின்னஞ்சல் மூலமும், மாணவர்கள் மற்றும் தனித்தேர்வர்களுக்கு குறுந்தகவல் மூலமும் தேர்வு முடிவுகள் அனுப்பப்படும்.

இந்த ஆண்டு பள்ளி அளவில் நடந்த தேர்வுகளின் அடிப் படையில் முடிவுகள் வெளியிடப்படுகின்றன. அதனால் மாண வர்களுக்கு வழக்கமான மறுகூட்டல் வாய்ப்பு வழங்கப்படாது. அதற்கு பதிலாக மதிப்பெண் சார்ந்த குறைகள் ஏதேனும் இருப்பின் ஆக.17 முதல் 25-ம் தேதி வரை மாணவர்கள் தாங்கள் படித்த பள்ளி தலைமை ஆசிரியர் மூலம் குறைதீர் படிவத்தை பூர்த்தி செய்து தேர்வுத் துறை (www.dge.tn.gov.in) இணையதளத்தில் விண்ணப்பிக்கலாம்.

தற்காலிக மதிப்பெண் சான்றிதழ்களை ஆக. 17 முதல் 21-ம் தேதிக்குள் பள்ளிகளில் மாணவர்கள் பெற்றுக் கொள்ளலாம் என்று தேர்வுத் துறை தெரிவித்துள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

5 ஆண்டு கால சட்டப் படிப்பில் சேர ஆன்லைனில் விண்ணப்பிக்கலாம் செப்.4-ம் தேதி கடைசி நாள்

அரசு சட்டக் கல்லூரிகளில் 5 ஆண்டு கால சட்டப் படிப்பில் சேர நாளை (ஆக.5) முதல் ஆன் லைனில் விண்ணப்பிக்கலாம் என சட்டப் பல்கலைக்கழகம் அறிவித்துள்ளது.

சென்னை, மதுரை, கோவை, திருச்சி, திருநெல்வேலி, வேலூர் உள்ளிட்ட 10 இடங்களில் அரசு சட்டக் கல்லூரிகள் இயங்கி வரு கின்றன. இக்கல்லூரிகளில் 5 ஆண்டு கால இளங்கலை சட்டப் படிப்பில் (எல்எல்பி) சேர ஆன் லைன் விண்ணப்பப் பதிவு நாளை (புதன்) தொடங்குகிறது. பிளஸ் 2 முடித்த மாணவர்கள் சட்டப் பல்கலைக்கழகத்தின் இணையதளத்தை ( www.tndalu. ac.in) பயன்படுத்தி செப். 4-ம் தேதி வரை விண்ணப்பிக்க லாம்.

ஏற்கெனவே அறிவிக்கப்பட்ட படி, நேரடி விண்ணப்பங்கள் ஆக. 10-ம் தேதி முதல் வழங் கப்படுகின்றன. பட்டப் படிப்பை முடித்தவர்களுக்கான 3 ஆண்டு கால இளங்கலை சட்டப் படிப்புக் கும், முதுகலை சட்டப் படிப்புக் கும் விண்ணப்பம் வழங்கப் படும் தேதி பின்னர் அறிவிக்கப் படும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கொரோனா தடுப்பூசி பரிசோதனை வெற்றி -முதல் நாடாக ரஷ்யா அறிவிப்பு!

உலகத்தில் முதல் நாடாக, கொரோனாவுக்கு எதிரான  தடுப்பூசி மருந்தை சோதனை அடிப்படையில் மனிதர்கள் மீது செலுத்தி அதில்  வெற்றி பெற்றதாக ரஷ்யா தெரிவித்துள்ளது. அக்டோபர் மாதம் தடுப்பூசிகளை பொதுமக்களுக்கு போட திட்டமிட்டுள்ளதாகவும் அறிவித்துள்ளது. உலகம் முழுவதும் கொரோனா வைரஸ் தொற்றால் இன்றைய நிலையில் 1,80,20,684 பேர் பாதிக்கப்பட்டுள்ள நிலையில் 1,13,30,141 பேர் குணமடைந்துள்ளனர். பல்வேறு நாடுகளை சேர்ந்த 6,88,913 பேர் கொரோனா வைரசால் உயிரிழந்தனர். அமெரிக்காவில் மொத்த பாதிப்பு எண்ணிக்கை 47,64,318 ஆகவும், பலி எண்ணிக்கை 1,57,898    ஆக உயர்ந்து உள்ளது. இரண்டாம் இடத்தில் பிரேசிலில் பாதிப்பு எண்ணிக்கை 27,08,876 ஆகவும், பலி எண்ணிக்கை 93,616 ஆக உயர்ந்து உள்ளது. மூன்றாம் இடத்தில் உள்ள இந்தியாவில் கொரோனாவால் மொத்தம் 17,50,723 பேர் பாதிக்கப்பட்டுள்ளனர். 37,403 பேர் பலியாகி உள்ளனர்.

கடந்த 24 மணி நேரத்தில் 54,735 பேருக்கு பாதிக்கப்பட்டுள்ளனர். 853 பேர் பலியாகி உள்ளனர். நான்காமிடத்தில் ரஷியாவில் தொற்று பாதிப்புக்குள்ளானோர் எண்ணிக்கை 8,45,443 பேரை தாண்டியும், பலியானோர் எண்ணிக்கை 14 ஆயிரத்தையும் கடந்திருக்கிறது. இவ்வாறாக உலகம் முழுவதும் 200க்கும் மேற்பட்ட நாடுகளில் கடந்த 6 மாதங்களுக்கு மேலாக கொரோனா நோய் தொற்று பரவலால் மக்கள் அவதிக்குள்ளாகி வரும்நிலையில், கொரோனா தொற்றுநோயைக் கட்டுப்படுத்த உதவும் தடுப்பூசியை உருவாக்கும் போட்டியில் இந்தியா உட்பட உலக நாடுகள் அனைத்தும் தீவிரமாக ஈடுபட்டு  வருகின்றன. ரஷ்யாவின் செச்செனோவ் பல்கலைக்கழகம் மனிதர்களுக்கு கொரோனா வைரஸ் தடுப்பூசி பற்றிய உலகின் முதல் மருத்துவ பரிசோதனைகளை வெற்றிகரமாக முடித்தது. கடந்த ஜூன் மாதம் 18ம் தேதி இந்த சோதனைகள் தொடங்கப்பட்டன.

இந்த தடுப்பூசியை ரஷ்யாவில் உள்ள கமலே இன்ஸ்டிடியூட் ஆப் எபிடெமியாலஜி அண்ட் மைக்ரோபயாலஜி நிறுவனம் தயாரித்துள்ளது. இதன் மூலம் உலகத்தில் கொரோனாவுக்கு எதிரான தடுப்பூசி மருந்தை சோதனை அடிப்படையில் மனிதர்கள் மீது செலுத்தி அதில் வெற்றி பெற்ற ‘முதல் நாடு’ என்ற பெருமை ரஷ்யாவுக்கு கிடைத்துள்ளது. எனினும், இந்த தடுப்பூசி எப்போது சந்தைக்கு வரும் என்பது குறித்த தகவல்கள் எதுவும் தெரியவில்லை. உலக சுகாதார அமைப்பின் கூற்றுப்படி உலகம் முழுவதும் சுமார் 21 தடுப்பூசிகள் தற்போது முக்கியமான சோதனை கட்டத்தில் இருக்கின்றன என்பது குறிப்பிடத்தக்கது. ரஷியாவில் கமலேயா நிறுவனம் உருவாக்கிய தடுப்பூசியின் சோதனைகள் நிறைவு அடைந்தது குறித்து, அந்நாட்டின் சுகாதார அமைச்சர் மிக்கேல் முராஷ்கோ அதிகாரபூர்வமாக அறிவித்தார். இதுகுறித்து அவர் கூறுகையில், ‘கமலேயா நிறுவனம் உருவாக்கியுள்ள தடுப்பூசியை மனிதர்களுக்கு செலுத்தி பார்க்கும் பரிசோதனைகள் நிறைவு அடைந்து விட்டன.

அடுத்து பதிவு செய்வதற்கான ஆவணம் செய்யும் ேவலைகள் நடந்து வருகின்றன. அக்டோபர் மாதம் தடுப்பூசிகளை பொதுமக்களுக்கு போட திட்டமிட்டிருக்கிறோம். கொரோனாவுக்கு புதிய சிகிச்சை முறையை படிப்படியாக தொடங்க வேண்டும் என்பதால், நோயாளிகளுக்கு தடுப்பூசியை அக்டோபரில் போட திட்டமிடுகிறோம்’ என்றார். உலகளவில் தடுப்பூசிக்கான சோதனைகள் முடிந்து விட்டதாக முதல் நாடாக ரஷியா அறிவித்து இருப்பது சர்வதேச அளவில் பாராட்டை பெற்றுள்ளது.

அமெரிக்காவின் தேசிய ஒவ்வாமை மற்றும் தொற்று நோய்கள் நிறுவனத்தின் இயக்குனர் டாக்டர் அந்தோனி ஃபாசி, இந்திய மருத்துவ ஆராய்ச்சி கவுன்சில் ஏற்பாடு செய்த ஆன்லைன் நிகழ்வில் பேசுகையில், ‘உலகின் முன்னணி தடுப்பூசி தயாரிப்பாளராக இந்தியாவின் தனியார் துறையும் மிக முக்கிய பங்கு வகிக்கிறது. மேலும் எங்கள் ஆராய்ச்சி முயற்சிகளிலிருந்து பயனுள்ள கொரோனா தடுப்பூசிகள் வெளிவருவதால், இந்த உற்பத்தி திறன் மிகமிக முக்கியமானதாக இருக்கும்’ என்று கூறினார். இந்நிகழ்வில் பேசிய மத்திய சுகாதாரச் செயலாளர் ராஜேஷ் பூஷண், ‘தடுப்பூசி இறுதியாகத் தயாராகும் போது, ​​கொரோனா முன் கள சுகாதார பணியாளர்கள் அதனை முதலில் பயன்படுத்த உரிமை உண்டு’ என்று தெரிவித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மாற்றுத் திறனாளி மாணவர்களுக்கு கல்வி கற்க சிறப்பு ஏற்பாடுகளை செய்ய ஆசிரியர்கள் கோரிக்கை.

தமிழகம் முழுவதும் 100-க்கும் மேற்பட்ட சிறப்பு பள்ளிகளில் ஆயிரத்துக்கும் மேற்பட்ட பார்வை திறன், காது கேட்கும் திறன் பாதிப்பு உள்ளிட்ட மாற்றுத் திறனாளி மாணவர்கள் படித்து வந்தனர். ஊரடங்கு அமல்படுத்தப்பட்டுள்ளதால் இப்பள்ளிகள் மூடப்பட்டுள்ளன. இந்நிலையில் நீண்ட காலமாக கல்வி கற்காமல் மாற்றுத் திறனாளி மாணவர்கள் இருப்பதால் கல்வியில் பின்தங்கக்கூடிய அபாயம் ஏற்பட்டுள்ளது.

இதுதொடர்பாக சிறப்பு பள்ளி ஆசிரியர்கள் சிலர் கூறியதாவது : கரோனாவால் பள்ளிகள் மூடப்பட்டுள்ள நிலையில், மாணவர்களுக்கு தொலைக்காட்சி, ஆன்லைன் உள்ளிட்டவற்றின் மூலம் கல்வி கற்றுத் தரப்படுகிறது. இவற்றில், காது கேட்கும் திறன் பாதிக்கப்பட்ட மாற்றுத் திறனாளி மாணவர்களுக்கு புரியும் வகையில் சைகை மொழியில் விளக்குவதில்லை. பார்வைத்திறன் பாதிக்கப்பட்ட மாற்றுத் திறனாளி மாணவர்களை பொறுத்தவரை பிரெய்லி தேவைப்படும். ஆனால், தொலைக்காட்சி மற்றும் ஆன்லைனில் அது சாத்தியமில்லை. மாற்றுத் திறனாளி மாணவர்களுக்கு ஏற்றவாறு கல்வி சார்ந்த நிகழ்ச்சிகளை ஒளிப்பரப்ப வேண்டும்.

மாற்றுத் திறனாளி மாணவர்களுக்கு நீண்ட நாட்களுக்கு கல்வி கற்றுத் தராவிட்டால் அவர்களை மீண்டும் படிப்புக்குள் வரவைப்பது சிரமமாக இருக்கும். இதனால், அவர்கள் கல்வியில் பின்தங்கக்கூடிய வாய்ப்புள்ளது. என்றனர்.

இதுதொடர்பாக, மாற்றுத் திறனாளிகள் நலத் துறை அதிகாரி ஒருவரிடம் கேட்டபோது, "கல்வி தொலைக்காட்சியில் அனைத்து நிகழ்ச்சிகளையும் சைகை மொழியில் ஒளிபரப்புவதற்கான பணிகள் முடிந்து நிகழ்ச்சி விரைவில் ஒளிபரப்பப்படும். பார்வைத்திறன் பாதிக்கப்பட்ட மாணவர்கள் ஏற்கெனவே ஒளிப்பரப்பாகி வரும்நிகழ்ச்சிகளின் குரல் பதிவை கேட்டறிந்து வருகின்றனர்.அதனால், சிக்கல் எதுவும் இல்லை. கல்வி தொலைக்காட்சி, ஆன்லைனில் மாற்றுத் திறனாளிகளுக்கு ஏற்றவாறு சிறு மாற்றங்களை செய்து கல்வி கற்பிப்பதற்கான நடவடிக்கை எடுத்து வருகிறது.

இது விரைவில் நடைமுறைக்கு வரும். கரோனா பரவி வருவதால் தற்போதைக்கு வீடுகளுக்குச் சென்று பாடம் கற்றுத் தருவது சாத்தியமில்லை" என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆசிரியர்களுக்கு மாற்றுப்பணி அல்லது இருப்பிடத்தில் பணி?

கொரோனா தாக்கத்திற்கு பிறகு பெரிதாக பாதிக்கப் பட்டிருப்பது கல்வித்துறை மட்டுமே என்றால் மிகையாகாது . இக்காலத்தில் ஆசிரியர்கள் பணியாற்றிட தயாராக இருந்தாலும் கொரோனாவின் காரணமாக அவர்களால் பள்ளியை நோக்கி செல்ல முடியவில்லை என்பதும் , மாணவர்களால் பள்ளிக்கு வர முடியவில்லை என்பதுமே உண்மை . இந்த நிலையில்தான் மாணவர்களின் கல்வி நலன் பாதித்திடக்கூடாது என்பதற்காக ஆன் லைன் வழியாக மாணவர்களுக்கு கல்வியை வழங்கும் பணியை அரசு மேற்கொண்டு வருகிறது .

இப்போதுள்ள சூழலில் ஆசிரியர்கள் பள்ளிக்கு வருவது என்பது நிச்சயமாக இயவாத காரியமே , கொரோவின் பரவல் எப்போது நிற்குமோ , அல்லது , கொரோனாவிற்கு எப்போது மருந்து கிடைக்குமோ அப்போது தான் மீண்டும் வழக்கம்போல் பள்ளிகள் இயங்க முடியும் , அதுவரை நிச்சயமாக பள்ளிகளில் கூட்டமாக இருந்து எந்தவொரு பணியையும் ஆசிரியர்கள் மேற்கொள்ள வாய்ப்பில்லை என்பதே எதார்த்தம் . 

இந்த நிலையில் , மாணவர்களின் நலனுக்காக ஆன் லைன் வழியாக கல்வியை பயிற்றுக்கவோ அல்லது தொலைக்காட்சி வழியாக பயிற்றுவிக்கவோ விரல் விட்டு எண்ணக்கூடிய அளவிற்கு ஆசிரியர்கள் போதும் , இந்த நிலையில் , கடந்த நான்கு மாதங்களுக்கு மேலாக ஆசிரியர்கள் பணிக்கு செல்வதற்கு தயாராக இருந்தும் பணியாற்ற முடியாத சூழ்நிலையே உள்ளது . கொரோனா வந்தவுடன் பல ஆசிரியர்கள் தங்கள் உயிருக்கு பயந்து சொந்த ஊர்களுக்குச் சென்று அங்கிருந்து அசைய முடியாத நிலைக்கு தள்ளப்பட்டுள்ளனர் . 

உண்மையான நிலை இப்படி இருக்கும்போது ஆசிரியர்கள் பற்றி சமீப காலமாக ஒரு சிலர் தவறான விமர்சனம் செய்ய ஆரம்பித்துள்ளனர் , வேலைக்கு செல்லாமல் வீட்டில் அமர்ந்து சம்பளம் வாங்குவதாக . உண்மை என்னவென்றால் ஆசிரியர்கள் வேலைக்குச்செல்ல தயாராக இருந்தும் பள்ளியை திறக்க வாய்ப்பில்லை என்பதேயாகும் . இந்த நிலையில் ஆசிரியர்கள் பற்றி அரசு ஒரு பரிசீலனை செய்ய வேண்டும் . மற்ற துறைகளில் உள்ளதுபோல் வீட்டில் இருந்து பணியாற்றும் நிலை , கல்வித்துறைக்கு சாத்தியப்படாது என்பதை அனைவரும் அறிந்துள்ள நிலையில் ... 

முதலில் ஆசிரியர்கள் அனைவரும் தற்போது எங்கே , எந்த மாவட்டத்தில் இருக்கின்றனர் என்பதைக் கண்டறிய வேண்டும் . இரண்டாவது , இவர்களைப் பிற துறைகளில் உள்ள காலி பணியிடங்களில் மாற்றுப் பணி வழங்கி பணியாற்ற வைக்க சட்ட ரீதியான முடிவுகள் மேற்கொள்ள வேண்டும் . மூன்றாவது , இவர்கள் உள்ள இடத்திற்கு அருகிலேயே பணி மாற்றம் செய்து அரசு பணிகளை மேற்கொள்ள வைக்கலாம் . தற்போதுள்ள சூழலில் ஆன் லைன் வகுப்புகளும் தொலைக்காட்சி வகுப்புகளுமே போதும் என்பதால் , பள்ளிக்கு செல்ல இயலாத நிலை
யில் உள்ள ஆசிரியர்களுக்கு அரசின் பிற துறைகளில் பணி வழங்குவது மட்டுமே இப்போதுள்ள சூழலில் சரியான தீர்வாக இருக்கும் , ஆசிரியர்கள் பற்றி குறை கூறுவோருக்கும் பதிலடி கூறுவதாக இருக்கும் . 
விரிவாக படிக்க இங்கே கிளிக் செய்யுங்கள் | READ MORE | CLICK HERE

சட்ட பல்கலை சேர்க்கை: 5 முதல் விண்ணப்பம்

'சட்ட படிப்பில், மாணவர் சேர்க்கைக்கான விண்ணப்பங்கள், வரும், 5ம் தேதி முதல் வழங்கப்படும்' என, தமிழக சட்ட பல்கலை அறிவித்துள்ளது.

தமிழ்நாடு டாக்டர் அம்பேத்கர் சட்ட பல்கலையின் பதிவாளர், விஜயலட்சுமி வெளியிட்ட அறிவிப்பு:தமிழகத்தில், ஐந்தாண்டு சட்டப் படிப்புகளுக்கான மாணவர் சேர்க்கைக்கு, வரும், 5ம் தேதி முதல் விண்ணப்பங்கள் வழங்கப்பட உள்ளன.

மாணவர்கள் தங்களுக்கான விண்ணப்பங்களை, www.tndalu.ac.in என்ற இணையதளத்தில், வரும், 5ம் தேதி முதல் பதிவிறக்கம் செய்து கொள்ளலாம். பல்கலை மற்றும் கல்லுாரிகளில், 10ம் தேதி முதல் நேரடியாகவும் பெற்றுக் கொள்ளலாம். நிரப்பிய விண்ணப்பங்களை, செப்., 4க்குள் சமர்ப்பிக்க வேண்டும். மூன்றாண்டு சட்டப்படிப்பு மற்றும் முதுநிலை சட்ட மேற்படிப்புக்கான சேர்க்கை விண்ணப்பங்கள் வழங்கும் தேதி, பல்கலை இணையதளத்தில் அறிவிக்கப்படும்.இவ்வாறு, அறிவிப்பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தஞ்சை சாஸ்த்ரா பல்கலையில் பொறியியல், சட்ட படிப்புக்கான தரவரிசை பட்டியல் வெளியீடு

தஞ்சை சாஸ்த்ரா நிகர்நிலை பல்கலைக்கழகம் 2020-21ம் ஆண்டிற்கான பொறியியல் மற்றும் சட்டப்படிப்பு சேர்க்கைக்கான தரவரிசை பட்டியலை வெளியிட்டுள்ளது. பொறியியல் சேர்க்கைக்கு சென்னை மகரிஷி வித்யா மந்திர் பள்ளியை சேர்ந்த நரசிம்மன் காந்த் கூட்டு மதிப்பெண் தரவரிசை பட்டியலில் தேசிய அளவில் 99.2462 விழுக்காடு பெற்று முதலிடம் பெற்றுள்ளார். சமனப்படுத்தும் முறையில் பாலக்காட்டை சேர்ந்த GMMGHS பள்ளியை சேர்ந்த டியுதி தம்பன் 1191/1200 மதிப்பெண் பெற்று தேசிய அளவில் முதலிடம் பெற்றுள்ளார்.NTR Junior College, Telanganaவை சேர்ந்த மைனம் ஹர்சினி சட்ட படிப்பில் சேர்வதற்கான சமனப்படுத்தும் முறையில் தேசிய அளவில் 98.1 விழுக்காடு பெற்று முதலிடம் பெற்றுள்ளார்.

மாணவர்கள் இணைய வழி மூலம் கலந்தாய்வில் கலந்துகொள்ள வேண்டிய தேதி, நேரம் ஆகிய விவரங்கள் sastra.edu என்ற வலைதளத்தில் கொடுக்கப்பட்டுள்ளது. பொறியியல் மாணவர் சேர்க்கைக்கு  இணையவழி  கலந்தாய்வு ஆகஸ்ட் 1-29, 2020 வரை நடைபெறும். ஜம்மு காஷ்மீர், அந்தமான் நிகோபார் மாநில மாணவர்களுக்கு தனிச்சலுகையும். தஞ்சாவூர், திருச்சி மாவட்ட மாணவர்களுக்கு 30 விழுக்காடு இடங்கள் ஒதுக்கீடும் செய்யப்பட்டுள்ளது.  முதலாண்டு பொறியியல் மற்றும் சட்டப்படிப்பு மாணவர்களுக்கு இணையவழி மூலம் orientation programme ஆகஸ்ட் 30,2020 முதல் நடைபெறும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய கல்வி கொள்கையில் சீன மொழி நீக்கம்

புதிய கல்வி கொள்கையில், விருப்ப மொழி பட்டியலில் இருந்து, சீனாவின் மாண்டரின் மொழி, அதிரடியாக நீக்கப்பட்டுஉள்ளது.

நாடு முழுதும் புதிய கல்வி கொள்கைக்கான வரைவு அறிக்கையை, மத்திய அரசு ஏற்கனவே வெளியிட்டு இருந்தது. இதில், வெளிநாட்டு விருப்ப மொழி தேர்வு பட்டியலில், பிரஞ்சு, ஜெர்மன், ஸ்பானிஸ், ஜப்பானிஸ், சீனாவின் மாண்டரின் உள்ளிட்ட பல மொழிகள் இடம் பெற்றிருந்தன. இந்நிலையில், புதிய கல்வி கொள்கைக்கு ஒப்புதல் அளித்து, மத்திய அரசு சமீபத்தில் அறிவிப்பு வெளியிட்டது.

இதில், விருப்ப மொழி பட்டியலில், கொரியன், ரஷ்யன், போர்த்துகீஸ் உள்ளிட்ட மொழிகள் சேர்க்கப்பட்டு உள்ளன. ஆனால், வரைவு பட்டியலில் ஏற்கனவே இடம் பெற்றிருந்த, சீனாவின் மாண்டரின் மொழி இடம்பெறவில்லை. அது குறித்து, எந்த விளக்கமும் இதில் இடம்பெறவில்லை.

சமீபத்தில், லடாக் அருகே, சீன எல்லை பகுதியில் ஏற்பட்டுள்ள மோதலை அடுத்து, விருப்ப மொழி பட்டியலில் இருந்து மாண்டரின் மொழி நீக்கப்பட்டுள்ளதாக அரசியல் வட்டாரங்கள் தெரிவித்தாலும், மத்திய அரசு தரப்பிலிருந்து, இது தொடர்பாக எந்த விளக்கமும் தரப்படவில்லை.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வெளிநாட்டில் மருத்துவம் படிக்க ‘நீட்’ தேர்வில் விலக்கு அளிக்கும் கோரிக்கை குறித்து பரிசீலனை மருத்துவ கவுன்சிலுக்கு டெல்லி ஐகோர்ட்டு உத்தரவு

டெல்லி ஐகோர்ட்டில் மாணவி ஒருவர் தாக்கல் செய்துள்ள ரிட் மனுவில் கூறியிருப்பதாவது:-

நான் உஸ்பெகிஸ்தான் நாட்டில் உள்ள புகாரா மாநில மருத்துவ கல்லூரியில் மருத்துவ இளங்கலை படிப்பு படிக்க விரும்புகிறேன். அதில் சேருவதற்கான கடைசி தேதி ஆகஸ்டு 20-ந் தேதி ஆகும்.வெளிநாட்டில் மருத்துவம் படிக்க விரும்பும் இந்தியர்கள், இந்தியாவில் நீட் தேர்வில் தேர்ச்சி பெற்றிருக்க வேண்டும் என்பது விதிமுறை. ஆனால், கொரோனா காரணமாக, 2 தடவை தள்ளி வைக்கப்பட்ட நீட் தேர்வு, செப்டம்பர் 13-ந் தேதி நடப்பதாக அறிவிக்கப்பட்டுள்ளது.எனவே, கடைசி தேதிக்குள் நான் நீட் தேர்ச்சி பெற இயலாது. ஆகவே, இதை ஒரு விதிவிலக்காக கருதி, எனக்கு நீட் தேர்வில் தேர்ச்சி பெறுவதில் இருந்து விலக்கு அளிக்க இந்திய மருத்துவ கவுன்சிலுக்கு உத்தரவிட வேண்டும்.இவ்வாறு அதில் கூறப்பட்டுள்ளது.இந்த மனு, நீதிபதி காமேஸ்வர் ராவ் முன்னிலையில் விசாரணைக்கு வந்தது. அப்போது, நீதிபதி கூறியதாவது:-

இந்த கோர்ட்டில் முறையிடுவதற்கு முன்பாக, அதிகாரிகளை மாணவி அணுகவில்லை. ஆகவே, இந்த மனுவை கோரிக்கையாக கருதி, மத்திய சுகாதார அமைச்சகத்துடன் இந்திய மருத்துவ கவுன்சில் ஆலோசனை நடத்தி, 3 வாரங்களுக்குள் முடிவு எடுக்க வேண்டும். அந்த முடிவை மாணவியிடம் தெரிவிக்க வேண்டும். இவ்வாறு நீதிபதி உத்தரவிட்டார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிக்கூடங்களில் மாணவர்களுக்கு மதிய உணவுடன் காலை சிற்றுண்டி புதிய கல்வி கொள்கையில் தகவல்

பள்ளிக்கூடங்களில் மாணவர்களுக்கு மதிய உணவுடன் காலை சிற்றுண்டியும் வழங்கப்பட வேண்டும் என்று புதிய தேசிய கல்வி கொள்கையில் கூறப்பட்டு உள்ளது.

இஸ்ரோ முன்னாள் தலைவர் கே.கஸ்தூரி ரங்கன் குழு தயாரித்து வழங்கியுள்ள புதிய தேசிய கல்வி கொள்கைக்கு மத்திய மந்திரிசபை ஒப்புதல் அளித்து உள்ளது.

கல்வி துறையில் பல்வேறு சீர்திருத்தங்களை மேற்கொள்ள இந்த புதிய கல்வி கொள்கை வகை செய்கிறது. பள்ளிகளில் 5-ம் வகுப்பு வரை தாய்மொழியில் கற்கவும், மும்மொழி கொள்கையை அமல்படுத்தவும் சிபாரிசு செய்யப்பட்டு இருக்கிறது.

பள்ளிக்கூடங்களில் மாணவர்களுக்கு காலை சிற்றுண்டி வழங்கப்படவேண்டும் என்றும் புதிய கல்வி கொள்கையில் சிபாரிசு செய்யப்பட்டு உள்ளது.

இதுபற்றி அதில் கூறப்பட்டு இருப்பதாவது:-

ஊட்டச்சத்து குறைவாலும், உடல் நல குறைவாலும் குழந்தைகளின் கற்றல் திறன் பாதிக்கப்படுகிறது. இதனால் அவர்களால் படிப்பில் கவனம் செலுத்த முடியாத நிலை ஏற்படுகிறது. குழந்தைகளுக்கு சத்தான உணவு கிடைப்பதன் மூலமும், அவர்களுடைய உடல் நலனை மேம்படுத்துவதன் மூலமும் இந்த பிரச்சினைக்கு தீர்வு காண முடியும்.

எனவே அரசு மற்றும் அரசு உதவி பெறும் பள்ளிகளில் மாணவர்களுக்கு மதிய உணவுடன் சத்துமிகுந்த காலை சிற்றுண்டியும் வழங்க வேண்டும். சூடான சிற்றுண்டி வழங்கமுடியாத இடங்களில் உள்ள பள்ளிகளில் சர்க்கரை கலந்த வேர்க்கடலை அல்லது சுண்டல், உள்ளூரில் கிடைக்கும் பழங்கள் ஆகியவற்றை வழங்கலாம். இதன்மூலம் அவர்களுடைய உடல் நலம் மேம்பட்டு கற்றல் திறன் அதிகரிக்கும்.

பள்ளி குழந்தைகளுக்கு தடுப்பூசி போடவேண்டும். குறிப்பிட்ட கால இடைவெளியில் அவர்களுக்கு உடல் பரிசோதனை நடத்த வேண்டும்.

இவ்வாறு அதில் கூறப்பட்டு உள்ளது.

மத்திய மனிதவள மேம்பாட்டு அமைச்சகத்தின் மதிய உணவு திட்டத்தின் கீழ் 1 முதல் 8-வது வகுப்பு வரை படிக்கும் 11 கோடியே 59 லட்சம் மாணவ-மாணவிகள் பயன் அடைவதாகவும், சில மாநில அரசுகள் தங்கள் சொந்த செலவில் அவர்களுக்கு பால், முட்டை, பழங்கள் போன்றவற்றை வழங்குவதாகவும் அந்த அமைச்சகத்தின் அதிகாரி ஒருவர் தெரிவித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய கல்விக்கொள்கை குறித்து தமிழக அரசின் நிலைப்பாடு என்ன? அமைச்சர்கள், அதிகாரிகளுடன் எடப்பாடி பழனிசாமி இன்று ஆலோசனை

புதிய கல்விக்கொள்கை குறித்து அமைச்சர்கள், அதிகாரிகளுடன் முதல்-அமைச்சர் எடப்பாடி பழனிசாமி இன்று (திங்கட்கிழமை) ஆலோசனை நடத்த இருக்கிறார்.

புதிய கல்விக்கொள்கையின் வரைவு அறிக்கையை கே.கஸ்தூரிரங்கன் தலைமையிலான குழு மத்திய அரசிடம் மே மாதம் சமர்ப்பித்தது. அதன்பின்னர், பொதுமக்களின் கருத்துகள் கேட்பதற்காக வெளியிடப்பட்டது. அதுகுறித்து கல்வியாளர்கள் மற்றும் பல்வேறு தரப்பினர் கருத்துகளை மத்திய அரசுக்கு தெரிவித்தனர். அதன் தொடர்ச்சியாக மத்திய மந்திரிசபை இந்த புதிய கல்விக்கொள்கைக்கு ஒப்புதல் அளித்துள்ளது.

இந்த கல்விக்கொள்கை குறித்து நேற்றுமுன்தினம் பிரதமர் நரேந்திரமோடி பேசுகையில், ‘கல்விக்கொள்கை மூலம் இந்தியாவில் கற்பித்தலில் சீர்திருத்தம் கொண்டுவரப்பட்டுள்ளது. நாடுமுழுவதும் ஒரேமாதிரியான கல்வி கிடைக்க செய்கிறது. புதிய கல்விக்கொள்கையில் தாய்மொழிக்கு முக்கியத்துவம் அளிக்கப்பட்டுள்ளது’ என்பது உள்பட பல்வேறு விஷயங்களை கூறினார். தமிழகத்தில் மத்திய அரசின் புதிய கல்விக்கொள்கைக்கு எதிர்கட்சிகள் உள்பட பல அரசியல் கட்சிகள் பல்வேறு கருத்துகளை முன்வைத்து வருகின்றனர். ஆனால் இதில் தமிழக அரசின் நிலைப்பாடு என்ன? என்பது குறித்து இன்னும் எந்த முடிவும் எடுக்கப்படவில்லை.

பள்ளிக்கல்வி துறை அமைச்சர் கே.ஏ.செங்கோட்டையனிடம் இதுதொடர்பாக நிருபர்கள் கேள்வி எழுப்பும்போது, அதுகுறித்து முதல்-அமைச்சரிடம் கலந்து பேசி முடிவு எடுக்கப்படும் என்று கூறி இருந்தார்.

இந்த நிலையில் புதிய கல்விக்கொள்கையில் அரசின் நிலைப்பாடு குறித்து முடிவு எடுப்பதற்கு ஏதுவாக இன்று (திங்கட்கிழமை) சென்னை தலைமை செயலகத்தில் முதல்-அமைச்சர் எடப்பாடி பழனிசாமி ஆலோசனை நடத்த இருக்கிறார்.

இதில் துணை முதல்-அமைச்சர் ஓ.பன்னீர்செல்வம், அமைச்சர்கள் திண்டுக்கல் சீனிவாசன், எஸ்.பி.வேலுமணி, தங்கமணி, செங்கோட்டையன், கே.பி.அன்பழகன், தலைமை செயலாளர் க.சண்முகம், முதல்-அமைச்சரின் செயலாளர்களில் கல்வித்துறையை கவனித்துக்கொண்டு இருக்கும் எஸ்.விஜயகுமார், உயர்கல்வித்துறை முதன்மை செயலாளர் அபூர்வா, பள்ளிக்கல்வி துறை செயலாளர் தீரஜ்குமார் ஆகியோர் கலந்து கொள்ள உள்ளனர்.

இன்று காலை 10 மணிக்கு நடக்கும் இந்த உயர்மட்டக்குழு ஆலோசனை கூட்டத்தில் புதிய கல்விக்கொள்கை குறித்து அரசு என்ன நிலைப்பாட்டை எடுக்கலாம் என்பது குறித்து ஆராயப்பட உள்ளது. அதன்பின்னர், எடுக்கப்படும் முடிவுகளின் அடிப்படையில் முதல்-அமைச்சர் எடப்பாடி பழனிசாமி, கல்விக்கொள்கையில் அரசின் நிலைப்பாடு குறித்த அறிவிப்பை வெளியிட இருப்பதாக தகவல்கள் தெரிவிக்கின்றன.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய கல்விக் கொள்கை குறித்து முதல்வர் இன்று ஆலோசனை

புதிய கல்வி கொள்கை 2020 தொடர்பாக முதல்வர் எடப்பாடி பழனிசாமியுடன் தமிழக உயர்கல்வித்துறை அமைச்சர் அன்பழகன் நாளை ஆலோசனை நடத்தவுள்ளார். சென்னை தலைமை செயலகத்தில் நடைபெறும் ஆலோசனை கூட்டத்தில் உயர்கல்வித்துறை செயலாளர் மற்றும் அதிகாரிகள் பங்கேற்கின்றனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

இக்னோ பல்கலை. மாணவர் சேர்க்கை ஆக.16 வரை அவகாசம் நீட்டிப்பு

இந்திரா காந்தி தேசிய திறந்தநிலை பல்கலைக்கழக (இக்னோ) ஆன்லைன்வழி மாணவர் சேர்க்கை ஆக. 16-ம் தேதி வரை நீட்டிக்கப் பட்டுள்ளது. இதுதொடர்பாக அதன் சென்னை மண்டல இயக்குநர் கே.பன்னீர்செல்வம் வெளியிட்ட செய்திக்குறிப்பு:

மத்திய அரசு பல்கலைக்கழகமான இக்னோ பல்கலைக்கழகத்தில் ஜூலை பருவத்துக்காக ஆன்லைனில் விண்ணப்பம் செய்ய ஆக.16 வரை அவகாசம் நீட்டிக்கப்பட்டுள்ளது. https://ignouadmission.samarth.edu.in என்ற இணையதளத்தில் மாணவர்கள் விண்ணப்பிக்கலாம். கூடுதல் விவரங்களுக்கு 044-26618438, 044-26618039 ஆகிய தொலை பேசி எண்களில் தொடர்பு கொள்ளலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய கல்விக் கொள்கையில் எவ்வித சமரசம் இல்லை: வரைவுக் குழு தலைவர்

''அடுத்த தலைமுறையினரை மனதில் கொண்டு, அவர்களது வேலைவாய்ப்பு திறனை மேம்படுத்தவும், தரத்தில் சமரசமின்றியும், புதிய கல்விக் கொள்கை வகுக்கப்பட்டுள்ளது,'' என, 'இஸ்ரோ' முன்னாள் தலைவரும், புதிய கல்விக் கொள்கை வரைவுக் குழுவின் தலைவருமான, கஸ்துாரி ரங்கன் தெரிவித்தார்.
பல மாற்றங்கள்

இந்தியாவின் புதிய கல்விக் கொள்கை, சமீபத்தில் வெளியிடப்பட்டது. அதில், மொத்த உள்நாட்டு உற்பத்தியில், 6 சதவீதம் கல்விக்கு ஒதுக்குவது, தொழில்முறைக் கல்வி, சுலபமான பாடத்திட்டங்கள், பாடங்களில் படைப்பு திறன் சேர்க்கை, ஐந்தாம் வகுப்பு வரை தாய் மொழிக் கல்வி, மும்மொழிக் கொள்கை உள்ளிட்ட பல மாற்றங்கள் செய்யப்பட்டுள்ளன.

இது குறித்து, 'இஸ்ரோ' எனப்படும், இந்திய விண்வெளி ஆய்வு மையத்தின் முன்னாள் தலைவரும், புதிய கல்விக் கொள்கை வரைவுக் குழுவின் தலைவருமான கஸ்துாரி ரங்கன், நேற்று அளித்த பேட்டியில் கூறியிருப்பதாவது: இளநிலை பட்டப்படிப்பை, எளிதானதாகவும், பல்வேறு பாடங்கள் கொண்டதாகவும், நான்கு ஆண்டுகள் கொண்ட படிப்பாகவும் மாற்றியுள்ளதன் வாயிலாக, மாணவர்கள் திறமைகளை வளர்த்துக் கொள்ள முடியும். இது, 21ம் நுாற்றாண்டுக்கான திறமை வாய்ந்த இளைஞர்களை உருவாக்கும்.

பல்வேறு துறைகளில் உள்ள தொழில்நுட்ப வளர்ச்சியை பயன்படுத்தி, கல்வி கற்றலை சரியான பாதையில் செலுத்தவும், கல்வி நிறுவனங்களை வலுப்படுத்தவும், சமரசமற்ற கல்வி தரத்தை வழங்குவதுமே, இந்த புதிய கல்வி திட்டத்தின் நோக்கம்.

ஆரம்ப கல்வியை பொறுத்தவரை, குழந்தைகளுக்கு, ஐந்தாம் வகுப்பு வரை, தாய்மொழி அல்லது உள்ளூர் மொழியில் கற்பிப்பது முக்கியமாகும். ஏனெனில், கருத்துகளை புரிந்துகொள்வது மற்றும் படைப்பாற்றலை வெளிக்கொண்டு வருவதில், தாய்மொழி அல்லது உள்ளூர் மொழியில் கல்வி கற்பதன் மூலம் மட்டுமே, குழந்தையின் திறன் சிறப்பாக வெளிப்படும்.

அதேநேரத்தில், குழந்தைகள் தங்கள் இளம் வயதில், ஏராளமான மொழிகளை கற்கும் திறன் கொண்டவர்களாக இருப்பர். இந்த நேரத்தில், மும்மொழிக் கொள்கையில், நெகிழ்வான அணுகுமுறையை கல்விக் கொள்கை பேசுகிறது.எனினும், இதுகுறித்து மாநில அரசுகள், சொந்தமாக முடிவெடுத்து, அதை அமல்படுத்தி கொள்ளலாம். கல்விக் கொள்கையில் எந்த ஒரு மொழியும் திணிக்கப்படவில்லை. இவ்வாறு, அவர் கூறினார்.

புதிய கல்விக் கொள்கை குறித்து, பிரதமர் மோடி, இன்று மாலை, 4:30 மணிக்கு, நாட்டு மக்களுக்கு உரையாற்றுகிறார். இந்த உரையில், 'கொரோனா' பாதிப்பு, 'ரபேல்' போர் விமான வருகை உள்ளிட்டவை குறித்தும், அவர் குறிப்பிடுவார் என, எதிர்பார்க்கப்படுகிறது.

இதற்கிடையே, மாணவர்கள் பங்கு பெறும், 'ஸ்மார்ட் இந்தியா ஹேக்கத்தான்' இறுதிப் போட்டி, இன்று நடைபெறுகிறது. 'ஆன்லைன்' வாயிலாக நடைபெறும் இறுதிப் போட்டியில், 10 ஆயிரம் மாணவர்கள் பங்கேற்கின்றனர். இந்த மாணவர்கள் மத்தியில், மோடி உரையாற்ற உள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கல்லூரி இறுதி ஆண்டு தேர்வு நடத்தும் விவகாரம்: இடைக்கால உத்தரவு பிறப்பிக்க முடியாது: உச்ச நீதிமன்றம் அறிவிப்பு

‘பல்கலைக் கழகங்கள், கல்லூரிகளில் இறுதியாண்டு செமஸ்டர் தேர்வுகளை  நடத்துவது தொடர்பான விவகாரத்தில் இடைக்கால உத்தரவு பிறப்பிக்க முடியாது,’ என  உச்ச நீதிமன்றம் தெரிவித்துள்ளது.  கொரோனா வைரஸ் பரவல் காரணமாக நாடு  முழுவதும் கடந்த மார்ச்சில் இருந்து தொடர்ந்து ஊடரங்கு  அமல்படுத்தப்பட்டு வருகிறது. இதனால், நாட்டில் அனைத்து கல்வி நிறுவனங்களும் மூடப்பட்டு இருப்பதால், தமிழகம் உட்பட பல்வேறு மாநில அரசுகள் பள்ளி பொதுத் தேர்வுகளை ரத்து  செய்து, அனைத்து மாணவர்களும் தேர்ச்சி பெற்றதாக அறிவித்துள்ளன. அதோடு, கல்லுரிகளில் இறுதியாண்டு செமஸ்டர் தேர்வை தவிர, மற்ற  தேர்வுகளை அனைத்தையும் தமிழக அரசு ரத்து செய்துள்ளது.

இந்நிலையில், ‘செப்டம்பர் மாதத்திற்குள் கல்லூரிகள், பல்கலைக் கழகங்களின் இறுதியாண்டு  தேர்வு கட்டாயம் நடத்தப்படும்,’ என்ற அதிரடி அறிவிப்பை பல்கலைக் கழக மானியக் குழு (யுஜிசி) வெளியிட்டது. அதற்கான வழிகாட்டு  நெறிமுறைகளையும் வெளியிட்டது. இதை எதிர்த்து,  பல்வேறு பல்கலைக் கழகங்களை சேர்ந்த 31 மாணவர்கள், உச்ச நீதிமன்றத்தில் வழக்கு  தொடர்ந்துள்ளனர். இதில், நேற்று முன்தினம் தனது பதில் மனுவை தாக்கல் செய்த யுஜிசி, ‘இறுதியாண்டு செமஸ்டர் தேர்வு கட்டாயமாக நடத்தப்படும்,’ என்று திட்டவட்டமாக தெரிவித்து விட்டது. இந்த வழக்கு நீதிபதி அசோக் பூஷண் தலைமையிலான அமர்வில் நேற்று மீண்டும் விசாரணைக்கு  வந்தது.

அப்போது மனுதாரர்கள் தரப்பு முன்வைத்த வாதத்தில், ‘நாட்டில் தற்போது தினமும் சராசரியாக 50  ஆயிரம் பேர் கொரோனா வைரசால் பாதிக்கப்பட்டு வருகின்றனர். மகாராஷ்டிரா, மேற்கு வங்கம் உட்பட பல்வேறு மாநிலங்களில்  பல்கலைக் கழக, கல்லூரி கட்டிடங்கள் நோயாளிகளை தங்க வைக்கும் மையமாக  மாற்றப்பட்டுள்ளன. இதுபோன்ற அசாதாரண சூழலில், இறுதியாண்டு  தேர்வை எப்படி நடத்த முடியும்? குறிப்பாக, சட்டப்படிப்புகளின் தேர்வுகள் கூட  தற்போது மாற்றி அமைக்கப்பட்டுள்ளது. ஆனால், யுஜிசி மட்டும் தேர்வை நடத்தியே  தீருவோம் என கூறுகிறது. அதனை ஏற்க முடியாது. அதற்கு தடை விதிக்க வேண்டும்,’ என கூறப்பட்டது.

யுஜிசி தரப்பில் மத்திய அரசின் கூடுதல் தலைமை வழக்கறிஞர்  துஷார் மேத்தா செய்த வாதத்தில், “இந்த விவகாரம் குறித்து எங்கள் தரப்பில்  எழுத்துப்பூர்வ அறிக்கையை நீதிமன்றத்தில் தாக்கல் செய்கிறோம். இருப்பினும்,  இறுதித் தேர்வை உச்ச நீதிமன்றம் கண்டிப்பாக ரத்து செய்து விடும் என்ற எண்ணம்  மாணவர்களுக்கு வந்து விடக்கூடாது. அவர்கள் கண்டிப்பாக தேர்வுகளை  எதிர்கொள்ள தங்களை தயார் செய்துக்கொள்ள வேண்டும்,’’ என்றார். இருதரப்பு வாதங்களையும் கேட்ட நீதிபதிகள், “இறுதியாண்டு தேர்வு நடத்தும் விவகாரத்தில்  யுஜிசி.க்கு எதிராக தாக்கல் செய்யப்பட்ட மனுக்கள் மீது எவ்வித இடைக்கால  உத்தரவையும் தற்போது பிறப்பிக்க முடியாது,’’ என உத்தரவிட்டனர். மேலும், வழக்கை வரும் 10ம்  தேதிக்கு ஒத்திவைத்தனர்.

* பல்கலைக் கழக, கல்லூரி கட்டிடங்கள்  நோயாளிகளை தங்க வைக்கும் மையமாக  மாற்றப்பட்டுள்ளன. இதுபோன்ற அசாதாரண  சூழலில், தேர்வை எப்படி நடத்த முடியும்?’’    - மாணவர்கள் வாதம்

* இறுதித் தேர்வை உச்ச நீதிமன்றம் ரத்து செய்து விடும் என்ற எண்ணம்  மாணவர்களுக்கு வந்து  விடக்கூடாது. அவர்கள் கண்டிப்பாக தேர்வுகளை  எதிர்கொள்ள தயாராக வேண்டும்,’’   - யுஜிசி வாதம்
விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயரிங் கல்லூரிகள் மாணவர்களின் உள்மதிப்பீடு மதிப்பெண் விவரங்களை அனுப்பவேண்டும் அண்ணா பல்கலைக்கழகம் உத்தரவு

கொரோனா நோய்த்தொற்று காரணமாக மாணவர்களின் நலன் கருதி, இளநிலை என்ஜினீயரிங் பட்டப்படிப்பில் முதலாம், 2-ம் மற்றும் 3-ம் ஆண்டு படிக்கும் மாணவர்களுக்கும், முதுநிலை என்ஜினீயரிங் பட்டப்படிப்பில் முதலாம் ஆண்டு படிக்கும் மாணவர்களுக்கும் செமஸ்டர் தேர்வு ரத்துசெய்யப்பட்டது.

ரத்து செய்யப்பட்ட செமஸ்டர் தேர்வுகளுக்கு மாணவர்களின் அக மற்றும் புற மதிப்பீடு அடிப்படையில் மதிப்பெண் வழங்கப்படும் என்று உயர்கல்வித்துறை சார்பில் சமீபத்தில் அரசாணையும் வெளியிடப்பட்டது. இந்த நிலையில் மாணவர்களுக்கு செமஸ்டர் தேர்வு மதிப்பெண் வழங்குவதற்கு ஏதுவாக, அண்ணா பல்கலைக்கழகத்தின் தேர்வுத்துறை, அனைத்து கல்லூரிகளுக்கும் சுற்றறிக்கையை நேற்று அனுப்பி இருக்கிறது.

அதில், மாணவர்களின் அக மற்றும் புற மதிப்பீடு மதிப்பெண்களை கணக்கிட்டு அதன் விவரங்களையும், மார்ச் மாதம் 16-ந்தேதி வரையிலான மாணவர்களின் வருகைப்பதிவையும் வருகிற 5-ந்தேதிக்குள் அனுப்பிவைக்கவேண்டும் என்று குறிப்பிட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய கல்வி கொள்கை புத்தக சுமையை குறைக்கும் பிரதமர் மோடி பேச்சு

மாறி வரும் தொழில்நுட்பம், சர்வதேச சூழ்நிலைகளுக்கு ஏற்பவும், வேலைவாய்ப்பை கருத்தில் கொண்டும் தேசிய கல்வி கொள்கையில் திருத்தம் செய்ய பிரதமர் மோடி தலைமையிலான பாரதீய ஜனதா அரசு முடிவு செய்தது.

இதற்காக இந்திய விண்வெளி ஆராய்ச்சி மையத்தின் (இஸ்ரோ) முன்னாள் தலைவர் கே.கஸ்தூரி ரங்கன் தலைமையில் குழு ஒன்றை அமைத்தது. இந்த குழு புதிய தேசிய கல்வி கொள்கை தொடர்பான வரைவு அறிக்கையை கடந்த ஆண்டு மே மாதம் 31-ந் தேதி மத்திய அரசிடம் தாக்கல் செய்தது.

பின்னர் பொதுமக்களின் கருத்தை அறிவதற்காக அந்த வரைவு அறிக்கை வெளியிடப்பட்டது. அது குறித்து கல்வியாளர்கள் உள்ளிட்ட பல்வேறு தரப்பினரும் தங்கள் கருத்துகளை மத்திய அரசுக்கு தெரிவித்தனர். புதிய கல்வி கொள்கைக்கு கடந்த புதன்கிழமை மத்திய மந்திரிசபை ஒப்புதல் அளித்தது.

பள்ளிகளில் 5-ம் வகுப்பு வரை தாய்மொழியில் கல்வி கற்கவும், மும்மொழி கொள்கையை அமல்படுத்தவும், உயர் கல்வியில் பெரிய அளவில் சீர்திருத்தங்களை மேற்கொள்ளவும் புதிய கல்வி கொள்கையில் வகை செய்யப்பட்டு உள்ளது.

இந்த நிலையில் டிஜிட்டல் தொழில்நுட்பத்தின் புதிய அடையாளமாகவும், புதிய பொருட்களை கண்டுபிடிப்பதற்கு இளைஞர்களை ஊக்குவிக்கும் வகையிலும் நடத்தப்படும் ‘ஸ்மார்ட் இந்தியா ஹேக்கத்தான்’ இணையவழி இறுதிப் போட்டி நேற்று மாலை நடைபெற்றது. 10 ஆயிரம் மாணவர்கள் பங்கேற்ற இந்த போட்டிக்கு மத்திய மனிதவள மேம்பாட்டு அமைச்சகமும், அகில இந்திய தொழில்நுட்ப கல்வி கவுன்சிலும் ஏற்பாடு செய்து இருந்தன.

கோவையில் உள்ள ஸ்ரீகிருஷ்ணா என்ஜினீயரிங் கல்லூரி மற்றும் எர்ணாகுளம் உள்ளிட்ட பிற நகரங்களில் உள்ள பல்வேறு கல்லூரிகளின் மாணவர்கள் பங்கேற்ற இதில் பிரதமர் மோடி காணொலி காட்சி மூலம் கலந்து கொண்டு உரையாடினார்.

அப்போது புதிய கல்வி கொள்கை பற்றி அவர் விளக்கம் அளித்தார். அவர் பேசுகையில் கூறியதாவது:-

இந்தியாவில் கல்வியின் தரத்தை மேம்படுத்த மத்திய அரசு தீவிர கவனம் செலுத்தி வருகிறது. நமது கல்வி நடைமுறையை நவீனமயமாக்க முன்னுரிமை அளிக்கப்படுகிறது. இந்த அம்சங்களை கருத்தில் கொண்டே புதிய தேசிய கல்வி கொள்கை உருவாக்கப்பட்டு இருக்கிறது. இதன்மூலம் இந்தியாவில் கற்பித்தலில் சீர்திருத்தம் கொண்டுவரப்பட்டு இருக்கிறது. வெறும் மனப்பாட அறிவு மட்டுமே மனிதனை உருவாக்கிவிடாது.

நாடு முழுவதும் அனைவருக்கும் ஒரே மாதிரியான கல்வி கிடைக்கச் செய்வதோ புதிய கல்வி கொள்கையின் நோக்கம். கற்றலில் எளிமையும், மகிழ்ச்சியும் இருக்க வேண்டும். அதை இந்த கல்வி கொள்கை வழங்கும். தரமான கல்விக்கு புதிய கல்வி கொள்கையில் முன்னுரிமை அளிக்கப்பட்டு உள்ளது.

21-ம் நூற்றாண்டில் இளைஞர்களின் ஒளிமயமான எதிர்காலத்தை கருத்தில்கொண்டு உருவாக்கப்பட்டுள்ள புதிய கல்வி கொள்கை, இந்திய மாணவர்களின் எதிர்காலத்துக்கு புதிய வெளிச்சம் பாய்ச்சும்.

மாணவர்கள் வருங்கால தூண்கள். உயர்கல்வியில் மாணவர்கள் இடைநிற்றலை (படிப்பை பாதியில் நிறுத்துவது) தவிர்க்க புதிய கல்வி கொள்கை வழிவகுக்கும். மேலும் இது மாணவர்களின் பாடச்சுமையையும், புத்தக பை சுமையையும் குறைக்கும் என்பதில் எள்ளளவும் சந்தேகம் இல்லை. வேலை தேடாமல், வேலை வாய்ப்புகளை உருவாக்கும் ஆற்றல்மிக்கவர்களாக மாணவர்களை உருவாக்குவதே புதிய கல்வி கொள்கையின் இலக்கு ஆகும். ஏழைகளுக்கு சிறந்த வாழ்க்கையை அமைத்துக் கொடுக்கும் லட்சியத்தை எட்டுவதில் இளைஞர்களின் பங்களிப்பு மிகவும் முக்கியமானது.

தாய் மொழியின் மூலம்தான் ஒருவருடைய முழு திறமையும் வெளிப்படும். உலகில் வளர்ந்த நாடுகளெல்லாம் தாய் மொழி கல்வி மூலம்தான் ஏற்றம் பெற்று உள்ளன. புதிய கல்வி கொள்கையில் தாய் மொழி கல்விக்கு முக்கியத்துவம் அளிக்கப்பட்டு இருக்கிறது.

தாய் மொழியுடன் பிற மொழிகளையும் கற்கும் போதுதான் நாடு வளம்பெறும். இந்தியா பல நூறு மொழிகளின் களஞ்சியமாக விளங்குகிறது. அவற்றையெல்லாம் கற்க நம்முடைய வாழ்நாள் போதாது.

மாணவர்கள் விரும்பிய பாடங்களை தேர்வு செய்து படிக்கும் வாய்ப்பை வழங்கும் வகையிலும், அவர்களுடைய எதிர்பார்ப்பை நிறைவேற்றும் வகையிலும் புதிய கல்வி கொள்கை உருவாக்கப்பட்டு உள்ளது. ஏனெனில் ஒரு பாடம் மட்டுமே ஒரு மாணவரின் திறமையை தீர்மானித்து விடாது. கற்பது, கேள்வி கேட்பது, தீர்வு காண்பது ஆகிய மூன்றையும் மாணவர்கள் விட்டுவிடக்கூடாது. இன்றைய இளைஞர்களின் மீது எனக்கு மிகுந்த நம்பிக்கை உள்ளது.

மாணவர்களின் படைப்புகளை நாட்டின் வளர்ச்சிக்கும், தொழில் நிறுவனங்களின் வளர்ச்சிக்கும் எடுத்துக் கொள்வோம். புதிய படைப்புகள் உருவாகும் போது, அது அடித்தள மக்களையும் சென்றடைய வேண்டும்.

தற்போதைய கல்வி முறையில் உள்ளதைப் போன்று வெறுமனே மனப்பாடம் செய்வதால் பிரயோஜனம் இல்லை. கூர்மையான அறிவுத்திறனை அதிகரிக்கச் செய்யும் திறனறி முறை கற்றலே மிகவும் சிறந்தது. கற்றலோடு ஆராய்ச்சிகளையும் ஊக்குவிக்கும் வகையில் புதிய கல்வி கொள்கை அமைந்து உள்ளது.

இந்த புதிய கல்வி கொள்கையின் மூலம் அனைவருக்கும் கல்வி கிடைப்பது உறுதி செய்யப்படும். கற்றல், ஆராய்ச்சி, கண்டுபிடிப்புகளில் கூடுதல் கவனம் செலுத்த வேண்டிய காலகட்டத்தில் இருப்பதால் அதற்கு ஏற்ற வகையில் புதிய கல்வி கொள்கை அமைந்து இருக்கிறது.

130 கோடி இந்திய மக்களின் விருப்பங்களை பூர்த்தி செய்யும் வகையில் அமைந்துள்ள புதிய கல்வி கொள்கை, இளம் தலைமுறையினர் தற்சார்புடன் விளங்கவும், இந்தியா உலகின் கல்வி மையமாக விளங்கவும் உதவும் என்று நம்புகிறேன்.

சவாலான காலகட்டத்தை மாணவர்கள் வெற்றியுடன் கடந்து வருவார்கள். அவர்கள் 24 மணி நேரமும் உழைத்து வருகிறார்கள். மழைப்பொழிவை அறிந்து கொள்ளும் தொழில்நுட்பம் குறித்து கோவை மாணவி கூறியது விவசாயிகளுக்கு பயனுள்ளதாக இருக்கும்.

இதேபோல் மறுமுறை பயன்படுத்தப்படும் சானிடரி நாப்கின்கள் பெண்களுக்கு பெரிதும் பயனுள்ளதாக இருக்கும். இதை உருவாக்கிய மாணவரை பாராட்டுகிறேன்.

சுகாதாரத் துறையில் உள்ள சவால்களுக்கு தீர்வு காணப்படவேண்டும். ‘ஆயுஷ்மான் பாரத் திட்டம்’ கிராமங்களில் மாற்றத்தை ஏற்படுத்தி வருகிறது. நாட்டில் உள்ள ஒவ்வொரு கிராமத்திலும் சுகாதார வசதியை ஏற்படுத்துவதை இலக்காக கொண்டு அரசு செயல்பட்டு வருகிறது.

இவ்வாறு பிரதமர் மோடி கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

10-ம் வகுப்பு தனித்தேர்வு எழுத விரைவில் தேதி அறிவிக்கப்படும் அமைச்சர் செங்கோட்டையன் தகவல்

 10-ம் வகுப்பு தனித்தேர்வு எழுதும் மாணவர்களுக்கு தேர்வு தேதி விரைவில் அறிவிக்கப்படும் என பள்ளிக் கல்வித்துறை அமைச்சர் கே.ஏ.செங்கோட்டையன் கூறி னார்.

கோபி அருகே கொடிவேரி அணையில் பாசனத்துக்காக தண் ணீர் திறக்கும் நிகழ்ச்சியில் பங் கேற்ற அவர் செய்தியாளர்களிடம் கூறியதாவது:

பாசனப்பகுதியில் சாகு படிக்குத் தேவையான உரங்கள் கூட்டுறவு சங்கம் மற்றும் தனி யாரிடம் இருப்பு உள்ளது. கீழ் பவானி வாய்க்காலில் கான்கிரீட் தளம் அமைக்கத் தேவையான நிதி விரைவில் ஒதுக்கப்படும்.

தமிழகத்தில் இந்த ஆண்டு கூடுதலாக உணவுப் பொருள் உற்பத்தி செய்யப்பட்டுள்ளது. மாணவர் தற்கொலை நடக்கக் கூடாது என்பதில் அரசு உறுதி யாக உள்ளது. 10-ம் வகுப்பு தனித்தேர்வு எழுதும் மாணவர்க ளுக்கு தேர்வு தேதி விரைவில் அறிவிக்கப்படும் என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

காஞ்சி, செங்கல்பட்டு மாவட்டங்களில் பள்ளி திறப்பு குறித்து பெற்றோரிடம் கருத்துகேட்பு

கரோனாவின் தாக்கம் தொடர்ந்து அதிகரித்து வருவதால், பள்ளிகள் திறப்புக்கு ஆகஸ்ட் 31 வரை தடை விதிக்கப்பட்டுள்ளது. இதற்கிடையில் அரசு பள்ளி களில் மாணவர் சேர்க்கை குறித்து முடிவு எடுக்க வேண் டிய அவசியம் தற்போது ஏற்பட் டுள்ளது. இதற்காக, பெற்றோ ரின் விருப்பத்தை கேட்டறிய பள்ளிக்கல்வித் துறை, மாவட்ட முதன்மை கல்வி அலுவலர்கள் மூலம் பெற்றோரிடம் கருத்து கேட்டு அறிக்கைத் தர தெரிவித் துள்ளது. இதைத் தொடர்ந்து பெற் றோரிடம் கருத்துகேட்கும் பணி செங்கல்பட்டு, காஞ்சி மாவட்டங் களில் தொடங்கப்பட்டுள்ளது. எழுத்துபூர்வமாக.. இதுகுறித்து கல்வித் துறை அதிகாரிகள் கூறியதாவது: அனைத்துப் பள்ளி தலைமை ஆசிரியர்களும், மாணவர் களின் பெற்றோரிடம் எழுத்து பூர்வமாக கருத்தைப் பெற்று தொகுத்து, வட்டார கல்வி அலு வலர்களிடம் (டிஇஓ) ஒப்ப டைக்க வேண்டும். வகுப் புக்கு 2 முதல் 5 பெற்றோர் வீதம் கருத்துகள் கேட்கப்பட்டு, அதன் இறுதி அறிக்கையை முதன்மை கல்வி அலுவலரிடம் ஒப்படைக்க மாவட்ட முதன்மை கல்வி அலுவலரால் சுற்றறிக்கை அனுப்பப்பட்டுள்ளது. இதுகுறித்து சில பெற்றோ ரிடம் தொலைபேசியில் கேட்ட போது, காஞ்சிபுரம், செங்கல்பட்டு மாவட்டப் பகுதிகளில் கரோனா தொற்றுப் பரவல் அதிகரித்து வருகிற நிலை தொடர்ந்து இருந்து வருவதால் பள்ளிகளைத் திறக்க வேண்டாம் என்றும் ஆன் லைன், தொலைக்காட்சி மூலம் வகுப்பு நடத்தவும் ஆதரவு தெரிவித்துள்ளனர். மேலும் ஒருநாள் விட்டு ஒருநாள் ஒரு வகுப்பில் 15 முதல் 20 மாணவர்கள் மட்டும் அமரும் வகையில் பள்ளி நடத்த லாம். பள்ளிப் பேருந்துகளை அனு மதிக்கக் கூடாது என பலர் கருத்து தெரிவித்துள்ளனர் என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

5 ஆண்டுகால சட்டப் படிப்புகளுக்கு ஆக.5 முதல் விண்ணப்பிக்கலாம்.

தமிழகத்தில், 5 ஆண்டுகால சட்டப் படிப்புகளுக்கு, ஆக.5-ஆம் தேதி முதல் இணையதளம் வாயிலாக விண்ணப்பங்களைப் பதிவிறக்கம் செய்து கொள்ளலாம் என அறிவிக்கப்பட்டுள்ளது. இது தொடா்பாக தமிழ்நாடு டாக்டா் அம்பேத்கா் சட்டப் பல்கலைக்கழகத்தின் பதிவாளா் ஆா்.விஜயலட்சுமி வெளியிட்ட செய்திக் குறிப்பு: தமிழகத்தில், 5 ஆண்டுகால சட்டப் படிப்புகளுக்கான மாணவா் சோ்க்கை விண்ணப்பங்கள், ஆகஸ்ட் 5-ஆம் தேதி முதல், இணையதளத்தில் பதிவிறக்கம் செய்து கொள்ளலாம். அதேபோல், ஆகஸ்ட் 10-ஆம் தேதி முதல் நேரடியாகவும் பெற்றுக் கொள்ளலாம். பூா்த்தி செய்த விண்ணப்பங்களை, செப்டம்பா் மாதம் 4-ஆம் தேதிக்குள் சமா்ப்பிக்க வேண்டும். 3 ஆண்டு மற்றும் முதுநிலை சட்டப் படிப்புகளுக்கான சோ்க்கைக்கான விண்ணப்பங்கள் வழங்கும் தேதிகள் பின்னா் அறிவிக்கப்படும் என அதில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE